دوره حياه المواطن العربي الغلبان..........

[tha game]

مرحلة
الطفوله:

-ظروف
الولاده:

ولد المواطن
فى مستشفى حكومى تشبه لحد ما الطابونه - كلمة طابونه تطلق على الفرن فى القرى
- أقول مستشفى تشبه الطابونه يأخذ منها عدة امراض تظل معه إلى أن تقضى عليه أو
يقضى عليها وعليه أمن الدوله.

يشب المواطن
ا فى ظل دخل مادى 150 جنيه فى الشهر فلا يستطيع والده تحمل مصاريفه فيطر للعمل
بعد الظهر ، فيحرم الطفل من عطف الاب - يا عينى قال هو عنده كل حاجه وناقصه
عطف الاب - وعندما يبدأ الطفل يعى ما حوله ستجده يتابع برامج الأطفال وهى
عباره عن (شوية مذيعات عندهم عته منغولى فاكرين ان الأطفال لسه زى أطفال 1950 ) ومن
هذه البرامج المتميزة يستمد الطفل ثقافته الأولى.

دخوله
المدرسه

المعروف عن
الطفل العربي أنه -وقبل دخوله المدرسه - يعتبر أذكى طفل فى العالم يليه اليابانى ثم
الأمريكى وعندما يفكر والده فى دخوله المدرسه يفاضل بين أن يعلمه (كويس) فى مدرسه
(اجنبيه) ويصرف عليه( كل اللى حلته) أو يدخله مدرسه حكومى( آيله للسقوط من 1930)
وبالطبع يختار مدرسة 1930 يدخل الصف الاول ويبدأ مدرس( طلعان عينه) يدرس له مناهج
(طلعان عينها برده) فى مدرسه( طلعان عينها وقايله للسقوط من 1930 .

لاحظ ان الطفل
العربي اذكى طفل فى العالم قبل دخوله المدرسه ولكن الآن وقد أنهى المرحله
الابتدائيه فى بالكاد يستطيع الوصول من المدرسه الى بيته ولكن يجب أن ننبه الى انه
أصبح مجرد ذاكره (يعنى دماغه ما بقتش مخ بيفكر لا دى بقت ذاكره ) تحفظ كل ما تقع
عليه عينه إستعداد لمعركة الإمتحان الطاحنه

المرحله
الإعداديه

يبدأ المواطن فى
مرحله جديده وهو دخوله الإعداديه ويحدث بها نفس القصه مع الأبتدائيه من أول المناهج
الباليه إلى المدرسه الآيله للسقوط من 1930

مرحلة الشباب

المرحله
الثانويه

فى هذه المرحله
يعانى المواطن من الدروس ومصاريفها وذيادة كمية المواد -وغالبا ما تكون ذاكرته خلصت
- التى لم تطور من عمر المدرسه (اللى هى آيله للسقوط من 1930 .)

ثم يأتى هل
يختار علمى ام ادبى وطبعا ( وكلنا عايزين ولادنا يطلعوا دكاتره
ومهندسين) فالولد هيدخل علمى مع أنه كان (عايز يدخل أدبى عشان بيحب الشعر بس عشان
هو ولد مطيع وبيسمع كلام بابا وماما دخل علمى)

مع أخر يوم فى
الدراسه كان المواطن قد حفظ المناهج المكرره كلها وأصبح على أتم إستعداد أن (يتقيىء
ما حفظه) فى ورقة الإجابه … وقد كان.

مرحلة
الجامعه

وبما انه كان
حافظ المواد كلها دخل كلية الهندسه وحقق رغبت بابا

وفى الكليه بدأ
يذاكر ويذاكر ويحفظ (ويطلع عينه فى الكتب) وسنه ورا سنه لاقى نفسه فى نهائى هندسه
وعلشان هو ولد كويس فعمل مشروع تخرج عبقرى وابتكار مزهل وراح لبتوع البحث العلمى
علشان يستفيدوا بالمشروع ورد عليه الموظف : (فوت علينا السنه الجايه قبل
دلوقتى بنص ساعه) وطبعا لان اللى بنتكلم عنه ده يبقى مواطن عربي غلبان فهو صدق ومشى على
أمل انه ييجى السنه اللى جايه.

مرحلة النضج :

بعد تخرجه من
الجامعه بدأ معركة البحث عن وظيفه و طبعا (لو طلع السما بظهره مش هيلاقى شغل)
فى الآخر وبعد ييجى 10 سنين يلاقى شغل بميه وخمسين جنيه برده ويضطر يوافق عليه و
بعدين ييجى يفكر فى الجواز وعند هذه النقطه ينتهى به المطاف إلى عدم جدوى الحياه
ويفكر فى الإنتحار ولكن كيف ينتحر؟؟؟ وفى الآخر يهتدى الى خيارين لا ثالث
لهما حتى يرتاح من حياته بسرعه الخيار الأول هو إنه ياكل خيار يقوم يجيله سرطان او ممكن يروح ايطاليا بطرق غير مشروعه يدور علي شغل في مركب لا تصلح للادميين من 1930وتغرق قبل متوصل في البحر

وتنتهى دورة حيات المواطن الغلبان وياحرام لا دخل دنيا ولا شاف عياله ولا اتهني يوم واحد

ولا نملك له الا الدعاء

وهكذا تنتهى
دورة حياة المواطن الغلبان …….. بالله عليك أليس معجزه أن يصمد وسط
هذا المحيط ؟؟

[Mido h252]

ههههههههه
بس علي فكرة أنا دخلت أدبي علشان كنت عاوز أطلع حرامي
و أشمعنا كلة سنة 1930 يعني
هي دي السنة اللي أتولد فيها ولا اية
تسلم يا مان علي الموضوع المميز

[أمل الجزائر]

كلامك صح
موضوع رووعه مشكوور

[tha game]

اقتباس ههههههههه بس علي فكرة أنا دخلت أدبي علشان كنت عاوز أطلع حرامي و أشمعنا كلة سنة 1930 يعني هي دي السنة اللي أتولد فيها ولا اية تسلم يا مان علي الموضوع المميز

هههههههههههه
شكرا على مرور الجميل
تحياتى