تسمحلي أوديك في داهيه؟

[مان مصر]

تسمحلي أوديك في داهيه؟

تسمحلي أضرك ضرر كبير

تسمحلي أضحك عليك و أخليك تعمل اللى بقولك عليه و متنفذش كلام اللى بيحبك رغم إن كلامي هيضرك

تسمحلي أخليك تضيع فلوسك و صحتك على حاجه ملهاش لزوم

تسمحلي أخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب نظرة تنظرها لحد تاني

تسمحلي أخليك تبطل تعمل الحاجه اللى بتصفي روحك و تقربك من اللى بيحبك

تسمحلي أخليك رخيــــــــص أوي و كل من هب و دب ينهش فيك و انت بيتهيألك إنك جميل أوى

تسمحلي اخليك بدل ما تسكن فيللا جميله تسكن تحت اي كوبري

ها .. قلت ايه ؟ ... يا ترى هتسمحلي بكل ده ؟

ايه ده بتقول مش موافق .. و بتقول عليا مجنون كمان

طيب استن استنى أنا مش مجنون

اصل انت سمحت لحد تاني بكل ده و أنا قلت يمكن تسمحلي انا كمان

مع ان الحد التاني ده عدو ليك و ليا و انا اقربلك منه بكتير

عارف مين هو ؟

لأ انت عارف بس مش واخد بالك

اقولك اسمه

كل الناس عارفه اسمه

حتى الاطفال الصغيرين

إسمه

الشيطان

طيب مش أنا اولى بيك من الشيطان

طيب لو انت مش هتسمحلي بكل ده

يبقى ليه تسمح للشيطان انه يعمل معاك كده

ايه ؟ .. بتقول ايه ؟ ... بتقول انك مسمحتش للشيطان بكل ده

لالالالالا انت سمحتله بس انت ناسي

و انا هفكرك

لما تعصي ربك و تسمع كلام الشيطان يبقى سمحتله يضحك عليك و يخليك تعمل اللى بيقولك عليه و متنفذش كلام ربك اللى بيحبك

لما تشتري بفلوسك سجاير تضر بيها صحتك يبقى سمحتله يخليك تضيع فلوسك و صحتك على حاجه ملهاش لزوم

لما ما تغضش بصرك يبقى سمحتله يخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب النظرة دي

لما ماتصليش يبقى سمحتله يخليك تبطل تعمل الحاجه اللى بتصفي روحك و تقربك من ربك اللى بيحبك

لما تلبسي محزق و مكشوف يبقى سمحتيله يخلي كل من هب و دب ينهش فيكي و انتي بيتهيألك إنك جميله أوى

لما من كتر معاصيك و استسلامك لوسوسة الشيطان تبعد عن الجنه و تقرب من النار يبقى سمحتله يخليك بدل ما تسكن فيللا جميله تسكن تحت اي كوبري

راجع نفسك .. راجعي نفسك

عرفت بقى انى مش مجنون لما طلبت منك كده

عرفت ان انت اللى مجنون لو كنت بتسمح للشيطان بكده

لو كنت وافقت ع اللى طلبته منك يبقى مش هلومك لما تسمع كلام الشيطان

لكن لا الفطره ولا العقل ولا المنطق ولا الاخلاق و لا الدين ولا كلام ربنا يوافق

على الكلام ده

يبقى بقى لازم ............. لازم تراجع نفسك و تبعد الشيطان عنك

[βзήŦ ℓǻẑĨήǻ]

طبعا مقدرش اقولك اي حاجه
غير ربنا يجزيك كل خير
وفعلا لازم كلنا نراجع نفسنا تاني
ونعمل بالكلام ده ونقرب من ربنا اللي بيحبنا اوي
وبحييك جدا وبشكرك جزيل الشكر ع الكلام القيم ده
وربنا يوفقك وينورلك دربك

[ياسمين كمال]

بسم الله الرحمن الرحيم
الحقيقة بشكرك جدا على الموضوعالجميل ده
بس عاوزة أقول حاجة
ان اللى ايمانه قوى وبجد الشيطان مش بيخش حياته
ولازم كلنا نقاوم الشىء ده وندعى ربنا ان الشيطان يبعد عننا
وأخيرا شكرا جدا على الموضوع

[غرم]

شكرا يا مان مصر اوى وكلمك صح لازم نقرب من ربنا اولا شكرا ليك وتسلم ايدك

[ست الملك]

اللهم ابعد عنا شياطين الانس وشباطين الجن
مع ان شياطين الجن احيانا اضعف بكثير من شياطين الانس
يكفى لو قلت فى يوم يغويك اعوذ بالله من الشيطان الرجيم بيبعد ويمكن بيتحرق طول ماانت قريب من ربنااما شياطين الانس مهما عملت لهم من خير برضة قلوبهم سوداء متمنين ان تسقط فى وحلهم مخادعين الى ابعد الحدود قادرين على لفت الانظار لهم مقنعنين بأقنعة متعددة لحد ما تخضع لهم

بس اكيد ربنا كبير وعالم بنفوس البشر وانه فى يوم حيلاقى عامله سواء بدنيا او بأخرتة

شكرا لك ياامان وتأكد اللى بيعرف ربنا كويس واللى اهله علموه الصح من الغلط عمر ماشيطان يتنطط عليه ولو باس رجليه علشان يسمع كلامه فى اللى بيدور وبيلف عليه

[مان مصر]

اقتباس
المشاركة الأصلية كتبت بواسطة hope and pain





طبعا مقدرش اقولك اي حاجه
غير ربنا يجزيك كل خير
وفعلا لازم كلنا نراجع نفسنا تاني
ونعمل بالكلام ده ونقرب من ربنا اللي بيحبنا اوي
وبحييك جدا وبشكرك جزيل الشكر ع الكلام القيم ده
وربنا يوفقك وينورلك دربك

شكرا ليكى على مرورك الاكثر من رائع
ربنا يعذنا من الشيطان
تحياتى

[مان مصر]

اقتباس
المشاركة الأصلية كتبت بواسطة ياسمين كمال





بسم الله الرحمن الرحيم
الحقيقة بشكرك جدا على الموضوعالجميل ده
بس عاوزة أقول حاجة
ان اللى ايمانه قوى وبجد الشيطان مش بيخش حياته
ولازم كلنا نقاوم الشىء ده وندعى ربنا ان الشيطان يبعد عننا
وأخيرا شكرا جدا على الموضوع

شكرا لمرورك على موضوعي وهذا شرف لي ووسام على صدري

[bouchaala19]

إن الشيطان يجري من بني آدم مجرى الدم
بالفعل هو خبيث و يوسوس لينا و يسري بعوقنا
الله يهدينا انا بشرك .

[مان مصر]

اقتباس
المشاركة الأصلية كتبت بواسطة غرم





شكرا يا مان مصر اوى وكلمك صح لازم نقرب من ربنا اولا شكرا ليك وتسلم ايدك

شكرا لكى على مرورك
لا حرمنا الله من تواجدك
تحياتى