معروف يواصل مهاجمة جوزيه : أحضرت محلل للاّداء وفين محلل البول

[ღ Gի๐sτ ღ]

واصل الناقد الرياضى محمود معروف حقده وهجومه الشديد على البرتغالى مانويل جوزيه المدير الفنى للنادى الأهلى .

ووجه معروف رسالة لعماد متعب مهاجم الفريق فى مقاله بجريدة الجمهورية قال فيها "ارجع بسرعة وهات معاك فلافيو.. جوزيه تايه!!"

وفيما يلى نص مقال معروف المنشور فى الجمهورية كاملاً :

منتخب مصر:
** في عرضكم بالراحة علي فرق حوض وادي النيل أحسن يقطعوا عنا الميه والنور!!

بلاش الاستهزاء بالمنتخبات دى لانها هى اللى بتوقعنا فى البطولات الرسمية وفى النهاية لنا اخطاء وبنتعلم منها رغم الفوز


جوزيه:
** حضرت ومعك بيدرو مدرباً عاماً.. وفيدالجو مخططاً للأحمال وأوسكار محللاً للأداء. وفاتك تجيب معاك محللاً للقرشين ومحللاً للبول!!

اللى انت لاتفهمة . ان محلل الاداء دة موجود فى اكبر اندية العالم ودوريات العالم القوية . ولكنك للاسف لاتعرف حاجة عن احتراف فى عالم التدريب لانك فى مصر

بس جوزية رجع وجايب معاه المحلل دة لان دة اللى بيحصل فى اكبر اندية العالم . وبكرة تتعلمو من جوزية يعنى اية المحلل الاداء وتلاقى اندية مصر كلها هاتجيبو مستقبلا

لان الاهلى دايما مايدخل السبق فى كل حاجة لايعرفها المصريون وتتريقو عليه وفى الاخر كلكو تقلدو الاهلى


الأهلي:
** مليون ونصف شهرياً مرتبات جهاز الكرة بخلاف الفنادق والسيارات والمترجمين.. نناشد الزمالك أن يترك لكم الدوري وادفعوا هذه الملايين لبناء مدارس ومستشفيات!!

مقلتهاش لية للى بيتبرعو للزمالك وقلتلهم اتبرعو للمستشفيات ومش عاوزين الدورى ؟
بلاش حقد علي جوزية دايما


يوسف بطرس غالي:
** قبل أن تذبح الغلابة.. حاسب من يهدرون المال العام ويدفعون المبلغ "الخرافي" لمدرب فشل في الخارج. حتي لو تحمل مرتبه "الخرافي"!!

اهدار مال عام اية ؟ لو عندك دليل ان فى اهدار مال عام طلع الدليل واكشف كل حاجة . ولكنك متقعدش تحت التكيف وتتكلم زي مانت عاوز بمزاجك بسبب انك كاره لجوزية وكل اسبوع لازم تهاجمة كالعادة

حسن حمدي:
** قل لصاحبك يخف شوية في التنقل بين قنوات التليفزيون والتصريحات في الصحف.. ربنا يرجعك يا ممدوح!!

قل لصحبك انت الاول

معتصم سالم:
** قالت جدتي "كتير التنطيط قليل الصيد".. شكلك هتلعب في نادي القناة!!


يلعب زي مايلعب ياخى وانت زعلان لية ؟ وبعدين هو المعتصم اول واحد يفسخ عقدة ؟ ولا انت زعلانة لانة عاوز يلعب للاهلى ؟

رجع بسرعة وهات معاك فلافيو.. جوزيه تايه!!

اطمن فلافيو راجع . بس فلافيو نيو . تراورى




حسام حسن:
** انصح إبراهيم بأن يأخذ كل يوم قرص مهدئ قبل الفطار.. وبعد الغدا!

خدة انت يامعروف الاول وهدي نفسك من ناحية جوزية والاهلى وبلاش هجوم علي الفاضى والمليان


مجدي عبدالغني:
** ارحم نفسك شوية!!

مزعلك في اية ؟ ارحم نفسك انت

مصطفي يونس:
** حسبتها صح.. وشالها ضياء!!

حسبها وشالها اية . اصلا الانجاز اللى عملة يونس دة بسبب ضياء من البداية ويحسب لضياء



فى النهاية

جوزية فلش فى اتحاد جدة او انجولا او نجح . دة لايهمنا

المهم النجاح فى الاهلى ولايهمنا الباقي

والصورة اللى فى توقيعى تتحدث يامعروف

[samo0o]

يسلمووووو ع الخبر

[بنت الجنوب]

No comment
Pas de commentaire
コメントはありません
Nessun commento
Nenhum comentário
Kein Kommentar

يعنى من الاخر كده

لا تعليق

بكل لغات العالم
جوست رايدر
حد برده بياخد على كلام محمود معروف
الدنيا كلها كانت شايفة اعلان احمد حسن غلط الوحيد الطلع عبقرى وشافة صح هو محمود معروف
فى ناس كده تحب تهدى النفوس ده واحد منهم
الله يهديه لنفسه

[ღ Gի๐sτ ღ]

ههه
تسلمو علي المرور وجوزية سيفوز ويخلى معروف يتفرج علي الاهلى وهو ساكت

[محمد الشريف]

كلام معروف لايقدم ولا يؤخر العبرة دائما بتفوق الأندية وأجهزتها الفنية

وإلا لو التفتوا لكلام معروف أو خلافه فسوف يصرفهم عن جوهر وغاية

ماتتطلبه مهامهم التى تنتظرها الجماهير بشغف وهى الانجازات والانتصارات .

مع تقديرى

[morshooo]

هههههههههه

هو مين معروف دا اصلا

ههههههههههههه

والله دا اصلا نفسى اعرف مسمينة ناقد رياضى على اية

هههههههههههههههههه

على العموم كلامة دا بيدل انة خايف من عودة جوزية

بس على فكرة دمة خفيف

هههههههههههههههههه

[هشام خطاب]

يا جماعه سيبوا اللى عايز يتكلم يتكلم

بس احب ااقول المرعب جالكوا الحقوا خبوا عيالكوا هههه


ولسه فيـــــــه دور تانى طويل

والدورى للاهلى ان شاء الله

[مجدى الششتاوى]

عودة جوزيه صدمة كبيره

[ღ Gի๐sτ ღ]

هو مصدوم فعلا من عودة جوزية ومش لاقى حاجة غير انة يردح فى كل حتة

وفى النهاية جوزية هايعرفهم من هو الاهلى وجوزية