هل تمنيت ان تفعل هذا !

[miraa]

فى البدايه اعتذر عن الامنيات الغريبه

التى اطرحها عليكم

هذه الامنيه

هل تمنيت يوما

ان تخرج عقلك من دماغك

وتغسله بماء مثلج

ام

هل تمنيت ان تنتزع قلبك

من صدرك

وتمسحه وكانك تنفض من عليه اتربه الالم



وبعدها ترجع عقلك ليعمل مع من جديد صافى الذهن

وتبدأ ثانيه فى تخزين الافكار

او تعيد قلبك وتراه كما كان لا يشوبه جرح ولا يعتصره
الم

هل حقا تمنيت هذا؟

:vb36:

[قلم بلا حبر]

بصراحه لا

بالنسبه لعقلى ,,, فى زكريات جميله زى ما فى زكريات مش كويسه

والزكريات الجميله مش لازم تكون تكون كلها ابتسامه

بالعكس ممكن يكون فى زكريات حصلت وكانت مشاكل مثلا ,, بس لما فتكرها بكون سعيد بكل لحظه كانت فيها

وكمان بعد كده بتتذكر ازاى قدرت اتغلب على المشاكل دى وبتكون اجمل ذكرى

مفيش زكرى جميله من غير مواقف مش كويسه ,,, الاتنين معتمدين على بعض

علشان اعرف انى سعيد لازم اكون جربت الحزن او المشاكل او ايا كان المهم الاختلاف هو سر الحياه

وده اللى خلى الانسان مقدم على الملائكه ,,, لانه مخير بين الخير والشر ,, فيما ان الملايكه طريقهم الخير والطاعه والعباده فقط

وزى مثلا ,, لو فضلت اكل عسل اكيد حتيجى مرحله مش حشعر بأى اختلاف فى الطعم وممكن كمان ازهق ,, انما لو فى نسبة مراره كل فتره حفضل مستمر ,,,,,

اظن يبئى انا محتاج لزكرياتى المؤلمه او اللى مش كويسه علشان احس بالزكريات الجميله

والقلب نفس الطريقه فى الام ناسس اتسببت لينا فيها ,,,, وفى من الناس دى نوعيه احنا حبيناهم بجد مثلا

مينفعشى ابدا انى اتذكر لهم بس الحاجه الكويسه لان ورا كل موقف مش كويس فى صلح جميل ,, وعلشان افتكر الصلح ده لازم يكون فى موقف استدعى الصلح ده

صدقينى يا ميرا ,, اجمل نعمه هى الزاكره ,,,,

بتعيشى معاها حياه فى لحظات بتكونى فيها لوحدك

واكبر غلط اننا نحاول نحذف منها اى حاجه وحشه ,,,,

سبحان الله الدنيا خير وشر ,, والذاكره كده برده

وصدقينى الجمال فى ان فى مواقف زى ما قلت مش كويسه بتكون السبب فى مواقف جميله جدا وهى العتاب والصلح وحاجات تانيه كتير

خالص تقديرى

تحياااااااااااااااااااااااااتى"""""""""""""

[سمسمة2008]

موضوع جميلة ميرا احييك عليكى حبيبتى
بصراحة بالنسبة لعقلى لا عمرى مافكرت انى اغيره او انى انسى اللى فيه لانى ببساطة حابة كل ما فيه حابة ذكرياتى الوحشة قبل الحلوة لانها مهما كانت مؤلمة اكيد سابتلى علامة ودافع انى اكون اقوى علمتنى حاجة لبكرة علمتنى معنى يمكن كان غايب عنى او ماكنتش شايفاه او مكنتش اعرفه اصلا
اما ذكرياتى الحلوة فمستحيل اقدر اتخلى عنها علشان هى اللى بتحسسى انه زى مافيه جرح فيه فرح وديما بافتكرها وقت جرحى ووقتها بتترسم ابتسامة فى عيونى وقلبى وتخلينى اتاكد ان الجرح لام له نهاية والحزن لازم فى نهايته مستنية الفرحة
يبقى ازاى اتخلى عن كل المعانى وافكر اغسل عقلى وارجعه لحالته الاولى ومنين الاقى ذكريات بنفس لذة ذكرياتى وافكارى الاولى اكيد ده مستحيل
اما قلبى بقى بصراحة شديدة نفسى اخرجه من صدرى واعالجه من الجراح اللى بقت فيه واشيل عنه اى الم وبعدين ارجعه تانى مكانه مرتاح مفيهوش جراح وياسلام بقى لو ينسى جراحه يبقى وصلتللى انا عايزاه قلب مفيهوش اى جرح لان اصعب جرح هو جرح القلوب هو ده الجرح الوحيد اللى علاجه صعب صعب اوى فلو عرفت انى ارجعه لحالته الاولى يبقى انا وصلت لغايتى <<<<< بس ياريت ينفع
ميرسى ميرا على الموضوع الجميل والطرح المميز
تحياتى

[miraa]

انا معاك ان الذاكره دى نعمه طبعا والنسيان ايضا نعمه
فى حاجات بنفتكرها بتتعبنا بس بتخلينا نعرف نتعامل فى اى موقف مشابه
يعنى بنبقى خدنا منها عظه
بس ساعات بتحس ان مخك تعب من كتر التفكير يعنى دماغك هينفجر من التفكير
بتفكر فى اى حاجه ودماغك مشغول بحاجات ممكن تكون تافهه او مش تستحق كل التفكير
ده وبتحتاج تريح دماغك ولو للحظات عشان يرجع يشتغل بطريقه سليمه
مرسيي جدا يا قلم على المرور والرد الجميل

[miraa]

مرسيي كتير يا سمسمه يا قمر
على كلامك الجميل وردك الصادق ده
فعلا بيبقى فى ذكريات مش ممكن نعوضها بس برضه ساعات من كتر التفكير بيبقى مخنا تعبان ومحتاج يرتاح يعنى نتمنى اننا نريحه من التفكير ولو للحظات
انا كتير معاكى فى القلب ده لان ده اللى انا بجد نفسى اعمله
بس فعلا ياريت ينفع ده كنت انا اول واحده عملت كده
مرسيي يا سمسمه على مرورك الجميل

[toto]

كتير اتمنى ذلك

[miraa]

اقتباس المشاركة الأصلية كتبت بواسطة toto كتير اتمنى ذلك

مرسيي كتير توتو
على المرور والرد الجميل