القيم السبع للنجاح

[βзήŦ ℓǻẑĨήǻ]

بسم الله الرحمن الرحيم
السلام عليكم ورحمة الله وبركاته
النهارده حبيت اقدم لكم موضوع افادني انا شخصيا كتير اوي
وفرق معايا كتير اوي
ونفسي كمان انتو تستفيدوا منه كتير

كل حد فينا ليه هدف في الحياة
اللي عايز يتعلم
واللي عايز يتجوز
واللي عايز يربي عياله صح
واللي عايز ينجح في شغله
ولكن فـ الاخر هنكتشف ان كلنا لينا هدف واحد عايزين نحققه
وهو السعادة والنجاح
الموضوع ببساطة بيتكلم عن
الســــــــــــــــــــــــــعــــــــــــــــــــ ــــــــــــــــــــــادة
وقيم النجاح السبعه
واكيد واضح من العنوان ان قيم السعادة والنجاح
بتتمثل في سبع قيم بس
لكن انا حبيت اني اقدمهالكم علي عدة مراحل
ومع اول مرحلة
للنجاح
*القـيمـــة الاولـــــــــي:
(الربانية):
ودي اول قيمة للسعادة والنجاح
واهم قيمة من قيم النجاح
وهي علاقتنا بربنا سبحانه وتعالي اللي خلقنا وبيرزقنا
اللي بيحبنا وبيسامحنا
كل ماعلاقتنا تبئا كويسة مع ربنا سبحانه وتعالي كل ماهنبئا كويسين في حياتنا
وسعداء وناجحين
لازم نطهر قلوبنا ونوايانا ونصفي اللي جوانا
فمهما كانت دياناتنا ومهما كانت معتقدتنا مدام كلنا بنأمن بالله وبنعبده
(لازم كلنا نراجع نفسنا ونقرب من ربنا اكتر ونتضرع ليه )
ونقول يارب سامحنا واهدينا وبجد الخطوة دي هتفرق معاك كتــيــــــــــــــراوي .

مستنيه اشوف مدي تقبلكم للموضوع
عشان نكمل مع باقي القيم ان شاءالله
منتظرة الردود

[امير الظل]

مجهود تشكري عليها بس عندي ملاحظة على التو----- انتي كملي ارجو منك عدم الزعل ولكي غالي تحياتي

[βзήŦ ℓǻẑĨήǻ]

اقتباسالمشاركة الأصلية كتبت بواسطة ساري8مجهود تشكري عليها بس عندي ملاحظة على التو----- انتي كملي ارجو منك عدم الزعل ولكي غالي تحياتي

طبعا مفيش زعل وانا اكيد هكمل ان شاء الله
بس مكنتش احب انزل التوبيك مرة واحد عشان يبئا فيه نوع من التواصل مع الموضوع
وكمان ميبئاش كتير عشان القارئ مايملش
ميرسي كتير ع المرور

[βзήŦ ℓǻẑĨήǻ]

:القيمة الثانية*
ودي بئا بتتمثل في 3خطوات؛
:اول خطوة هي التفكير في الصحة
القيمــة الصحية)
الانسان بطبيعته بيحب يكون مدلل والناس كلها تكون معاه ومن حواليه
وتخاف عليه وتنفذله كل طلباته فعشان كده بيحب انه يتعب
ايون يتعب
ولو جاله شوية صداع صغيرين يبئا خلاص
مش قادر يقف وحاسس انه عنده حاجة ولالالالا خلاص هيموت
وينام بئا في السرير ومايناولش لنفسه كوباية مية
فبالتالي هيمرض وصحته هتبئا في النازل
فاليه بئا ماقولش الحمدلله اني قادر اقف علي رجلي
الحمدلله اني لسه عايش وقلبي بينبض
ونتغلب علي تعبنا ونقاومه اكيد هنلاقي صحتنا بقت احسن بكتيــــــــــــر
فلازم دايما نفكر في الصحة ومنفكرش في المرض
:وتاني خطوة الرياضة
فيها ايه لو كل يوم كده نلعب شوية رياضة لمدة ربع ساعة ان شاالله حتي نمشي
هنلاقي نفسنا حاسين براحة نفسية وصحية كبيرة اوي
وطول مااحنا مرتاحين اكيد هنبئا مبسوطين
وطبعا كلنا عارفين فوائد الرياضه للجسم ازاي
فعشان كده لازم نعود نفسنا نلعب رياضه بصفة مستمرة
:ودلوقتي مع تالت خطوة واخر خطوة وهي التغذية السليمة
لازم نتغذي تغذية سليمة جدا ونمد جسمنا بكل حاجة محتاجها ونبتعد عن الأكل اللي بيضر
صحتنا وخاصة المياه الغازية لانها مضرة جدا ومفيهاش ولا فايدة واحدة
ده بجانب مادة الكافيين الموجودة فيها اللي بتخلي اللي بيشربها يدمنها
فمن دلوقتي ورايح لازم نهتم بأكلنا وبشربنا وبصحتنا
.(لان الصحة تاج فوق رؤوس الاصحاء)
وبكدة تكون انتهت تاني قيمة من قيم النجاح السبعة