مبروك للمنتدى 2 مليون مشاركة,,

[SiLver Spectra]

تقريبا من 15 شهر
المنتدى وصل لمليون مشاركة بعد 19 شهر من افتتاحه
و النهارده بعد 15 شهر كمل المليون التانية و بقى المنتدى فيه أكتر من 2,000,000 مشاركة
(ماتركس و فلور بيشكلوا تقريبا 3% من مجموع المشاركات الكلية للمنتدى ..ربنا يزيد و يبارك :Ts_011: )

طبعا كان في ظروف سيرفرية خلال فترة الصيف إلي فات أثرت جامد على نشاط الأعضاء و مشاركاتهم

بالمناسبة دي حبيت أعمل موضوع تهنئة خاصة للمنتدى
و فرصة كمان أهدي فيها تحياتي لناس شاركوا و بذلوا مجهودات في المنتدى زمان
يمكن أغلب الأعضاء الحاليين ما يعرفوش عنهم حاجة
هذكر بعض الأعضاء الغايبين فقط

أخص بالذكر :
أبو أهم
راجل محترم جدا . يمكن من غيره ماكنتش هبقى موجود في المنتدى لأن هو إلي اكتشفني . أخلاق و أدب
من أكتر الناس إلي زعلت عليهم وقت فراقهم
لو حبينا نطلق عليه لقب هيكون (الأب الروحي للمنتدى)

عاشق الأحزان
كان إداري نشيط جدا
و دمه كان خفيف . منتشر في كل مكان و كان بيشجع الكل سواء عضو جديد أو قديم
اي موضوع قديم تفتحه من 2008 هتلاقي عاشق موجود فيه

همس الروح
العين الساهرة
يمكن البعض بيشوفها إدارية و ما يعرفش عنها حاجه بسبب غيابها
همس الروح في يوم من الايام كانت هي إلي ماسكه كل رقابة المنتدى
إنسانة مجتهدة جدا

نودي
إنسانة محترمة قدرت تنمي قسم اليوميات بشكل رائع
نتمنالها التوفيق إن شاء الله في حياتها

سمسمة2008
مشرفة قسم الأزياء
بجد كانت إنسانة دمها زي العسل
حاله نادرة عمرها ما تتكرر
أكثر عضو صاحب شعبية..بس تدبسها في موضوع و تلاقي المنتدى كله قاعد فيه
مش بس كان دمها خفيف . كانت بتكتب و بتناقش بشكل جاد

doiss
الراجل دا بحترمه لحاد اللحظة و مازلت بكلمه
كان برضو في يوم من الايام هو إلي شايل كل أعباء المنتدى الرقابية
له اسلوب مميز في الموضوعات الغامضة ذات الطابع المرعب
أسلوب يخطفك لعالم الخيال و يخليك تسرح جامد
إهتمامه بالصور و البحث عنها كان بيبقى واضح في موضوعاته
تعبيراته كانت قوية جدا في الكتابة
في غيابه ساب فراغ كبير جدا في المنتدى
ربنا يوفقه إن شاء الله

noona
إنسانه محترمة جدا و برضو كانت بتهتم بالرد بشكل يخليها تعد تكتب في رد واحد ساعة بحالها و أكثر
و كانت ردودها بالتضيف للموضوع و بتتعمق فيه ممكن أكتر من كاتب الموضوع نفسه
افتقدانا و افتقدنا أسلوبها و حضورها الملفت


طبعا القايمة كبيره
كراميلا و ميرا و مرمر و روني و هدى الله و غيرهم كتير جدا لو حبيت أعدد هخلص بكرا الصبح
كلهم كانوا ناس في منتهى الإحترام
و هما السبب في بداية تعلقي بالمنتدى


و أخيرا
تكريم خاص للعضو صاحب المشاركة ال2 مليون
عاقله بس مجنونه

تكريم رمزي معنوي مش مادي
و إن شاء الله الحظ يوفقها و تبقى صاحبة ال3 مليون و ال4 مليون
دا لو لينا عمر

و نشوف أعضاء جدد
و القديم يفضل معانا

و إن شاء الله ربنا يوفقنا جميعا دايما لما فيه الخير

,,دمتم سالمين,,

[тoкα..♥]

إحـم ,, لآ وأنـآ فرحـآنه أوي بـ ال7000 بتـوعي ههههههه
حـلو المـبـآركـه دي يـآ طـآرق ,, عـقبـآل ميت مليـون يـآرب ,, بـس فلآور ومـآتركس يهدو شويه عليـنـآ ^^
ويـآرب دآيمـآ في تقـدم ,,

[Dr.nour]

حلو موضوع 2 مليون ده ..

ما تخافش يا طارق

ماتريكس اوشك على الاقتراب

:cv18:


وطبعا كل الناس الى انت زكرتهم ليهم بصمه واضحه ..

ربننا يكتبلهم الخير فين ما يكونوا ،،

ومبروك للعاقله الى مجنونه دى

:biggrin:

[M@HMOUD]

عقبال المليون يا طارق
والناس دى طبعا المنتدى افتقدهم ويارب يرجعهم بالسلامه
وانت كمان ليك بصمه

[الحان الورد]

حلو الموضوع ياطارق.،
والف مبرووك للمنتدى الـ 2 مليون
ويارب دآيما يكون في تقدم
وبجد وحشوونا جدا كل الناس اللي انت ذكرتهم
وغيابهم مأثر أوي في المنتدى.،
بس على العموم هم سابوا احسن حآجة.،سابوا
الذكرى الجميلة من بعدهم..
ربنا يوفقهم في حياتهم
وشكرا ليك مرة تآنية ع الموضوع
بالتوفيق للجميـع
.،

[ماتركس]

اولا الف مليووون مبروك لينا كلنا علي المجهود بتاع الاعضاء ده

بجد ده تاني منتدي اشترك فيه في حياتي واخر منتدي هشترك فيه

ويااااااااااااااا بنت يا فلور والله احنا 3% و65 الف عضو الباقيين 97 % ده احنا بقي لينا لازمي اهوه

يلا يا فلور متعمليش في اخوكي مقالب تاني احنا الاتنين بقينا بنكمل بعض لو موت انا مش هيبقي ليكي لازمي

ههههههههههههههههههههههههههههههههههه

شوفت يا عم طارق والله لينا لازمي اهوه انا والمفعوصه فلور هههههههههههههههههههههه

يعني عايزين وسام ده احنا لو حطينا ال3% بتوعنا في البورصه اكيد هيجيبو ذهب

ههههههههههههههههههههههههه

وشكرا لمجهودك انتا كمان يا ريسنا علي صبرك عليا معا اني كنت مبهدل البهديل بس صبرت عليا انتا

غير كده كان زماني معا الاموات ههههههههههههههههههههه

مجهود عالي يا ريس

[ماتركس]

اقتباسالمشاركة الأصلية كتبت بواسطة N@nooOoo

حلو موضوع 2 مليون ده ..

ما تخافش يا طارق

ماتريكس اوشك على الاقتراب

:cv18:

وطبعا كل الناس الى انت زكرتهم ليهم بصمه واضحه ..

ربننا يكتبلهم الخير فين ما يكونوا ،،

ومبروك للعاقله الى مجنونه دى

:biggrin:

ايه يا نور احنا دلووقتي انا وفلور طلبتنا بتتنفذ علشان احنا لينا لازمي

يا طارق اللي هيقرب مني هقوالك علشان تنفخه

هههههههههههههههههههههههههههههههههههههه

صح والا لا يا طارق اي حد هيضربني من البنات هقوالك هههههههههههههههههه

علشان تاخدلي حقي احنا مش فاضيين انا وفلور عايزين نكملهم 6% هههههههههههههههههههههه

[فتاه الاسلام]

بسم الله ماشاء الله

يارب دايما فى تقدم

وعلى فكره انا متاكده لولا ال200 مشاركه بتوعى دولا كان زمان

المنتدى متمش ال2 مليون هههههههههههههههههههههه

ربنا يارب يزيد ويبارك والمنتدى يكون المركز الاول على مستوى العالم

تحياتى لك

[مان مصر]

الف مليون مبروك على اسره منتديات بنات مصر
2 مليون مشاركه وان شاء الله فى تقدم مستمر
الناس دى انا اكيد مشفتش ولا حد فيهم
بس اكيد كان ليهم بصمه علشان انا شايف
كل الناس القديمه عنى هنا بتقول ده
الف مبروك مره تانيه
تحياتى

[هزوره المصريه]

ألفـ مليون مبروكـ يادوكـ
ومن تقدم لتقدم اكثر وأروع
فعلا منتدانـا هذا يستاهل كل خير
وتقدم بحق أحترامنا لبعضنـا وترابطنـا
كـاأســرة واحــده وأكيد طبعــا اباركـ لكل شخص
حضرتكـ ذكرتـه لأنــه كان شايل المنتدى من قبل
وفعلا يستاهلوا التصفيق لأن هذا المنتدى الرائع
يمثل ليـا بيتى الأساسى الذى يوجد به أشخاص أناقشهم
واستفيد منهام وأنمى عقلى بمعلوماتهم ويفرحون لفرحى
ويقفوا معى فى ضيقى ألف مليون مبروكـ يادوكـ وعقبال الـ10,000,000
أن شـــاء الرحمن وتدوم ويدوم لنا بيتنــا الغالى (بنـــاتـ مصــر)