تعمل ايه لو تقدمت فتاه لتخطبك

[تامر العدوى]

تقليدنا في مجتمعنا العربي على ان يتقدم الشاب ليخطب الفتاه ولكن ما ذا لو حد ث العكس؟!
يعنى ان الفتاه تاتي وتطلب الزواج منك؟
او والدها يعرض عليك الزواج من ابنته؟
حسب المثل القائل اخطب لابنتك ولا تخطب لابنك
فهل ستوافق الزواج منها؟
وما هي الاشياء التي ستدور فى بالك في اول الامر؟
مستنى رايكم من الشباب والبنات
تحياتي لكم

[~♥ Queen sozan♥~]

السلام عليكم ورحمة الله وبركاته
والله مش عارفة اقول اية
يعنى مثلا انا لى اخد بابا وروح اشوف العريس لو عجبنى البسو خاتم هدية
ههههههه وقولو الله عليك انت محترم وهسئل عنك وهبقى ارد عليك
والله عجبى طيب ازى يا شباب متخيلين يعنى ان دة يحصل
بس كل شئ جايز مفيش حاجة بعيدة
بس من وجهه نظرى
ماظنش ان دة يحصل لان كدة ابنت هتحس انها الراجل
وهو اية بقى هيكون المدام يعنى
لء بجد مش متخيلهااااااااا
!!!!!!!!!!
لان موقف غريب

[حنايا الروح]

ههههههههههه يانهار ابيض
لا صعبه اوي دي
والله بيتهيألي ان السؤال موجه للشباب
بس انا لو شاب كنت بدون اي سؤال او استفسار هرفض
لأنها فقدت اهم شيء فيها لما جات واتقدمتلي بنفسها
لازم ادوخ انا الاول عشان اصبح عليها بس (على اساس اني شاب)
شكرا بجد غريب
دمت بود

[♥..pure]

هقولكـ على حاجة ,,
كتير اوي من الابهات يقولكـ لا وكرامتي وكدا ,,
حتى لو البنت سنها كبر وكدا .. هيجي على نفسه ويقول انا اخلى بنتي بكرامتها احسن
بدل ما ارخسها قدام حد ,,.
دا نسبه من الابهات اللي هيقولوا كدا
اما النسبه التانيه ,, اللي انت بتقول عليهم ..
انا شايفه ان العقل بيقول انكـ تاخد الامر بشكل طبيعي
بمعني ان البنت فعلا لو كويسه يبقا ايه المانع ؟؟
يعني ممكن الشاب ياخد فرصه انه يتعرف على البنت ويشوفها ويتكلم معاها ويشوف تفكيرها
وايه المانع .. ممكن يكون السبب في تأخرها ان لسه نصيبها مجاش مش عيب فيها
ولو لقي الشاب عيب في البنت دي .. يبقا خلاص ميكملش معاهم
وكل شئ قسمه ونصيب ..
شكرا على موضوعكـ ,.,.

[بسمة العمر]

موضوعك بجد رائع ياتامر لكن احنافى المجتمع الى بنعيش فية مافيش حاجة ذى كدا لكن لوحصل وبقى انا اول وحدة هخطب لنفسى الى بحبو

[تامر العدوى]

كلمه حلوه الراجل هيبقا مدام هههههههههههههههه
اشكرك همس واشكر مشاركتك
تحياتى لشخصك الرائع

[اسماء93]

في ناس بتشوف الموضوع د ه بيمس كرامة البنت والسبب المجتمع بتاعنا بس انا من وجهة نظري انه شئ طبيعي وانا لو لقيت شاب حسيت انه مناسب لية اية المانع سيدنا عمر عرض بنته السيدة حفصه علي كبار الصحابة واللي منعهم انهم سمعوا الرسول بيذكر انه هيخطبها

[مغروة بس معذورة]

لالالا دي حاجة مستحيلة جداً مش معقول هي هتكون حلوة بحاجة انا العصمة هتكون بيد المراة حاجة حلوة وجديد هتشوفوه اصلن بزمن ده مفيش حاجة غريبة