نادي الزمالك يتهم رئيس الاسماعيلى بانة اهلاوى

[ღ Gի๐sτ ღ]

شهد اجتماع اللجنة السباعية لأزمة البث الفضائى الأخير بعض المشادات من جانب مسؤلى نادى الزمالك والمهندس نصر أبوالحسن رئيس النادى الإسماعيلي، ووصلت الى حد اتهام اسامة المليجى عضو مجلس ادارة نادى الزمالك لنصر ابوالحسن بانه (أهلاوى) وكانت كلماته (ياريت نادى الزمالك يكون عنده رئيس نادى بيدافع عنه زى ما أنت بتدافع عن الأهلى».

فرفض أبوالحسن اتهامه بالانحياز للأهلى، وقال «إنتوا بتتهمونى إنى أهلاوى.. وبعض مسؤولين عندكم فى الزمالك بيكلمونى ويقولولى أنت أهلاوى رغم أننى ليس لى علاقة بهذا الأمر وأقول الحق فقط ) وذلك حسب ما ورد بصحيفة المصرى اليوم الصادرة صباح اليوم الثلاثاء 25 يناير.

وقد تناولت مواقع جماهير نادى الزمالك تلك المقولة لعضو مجلس ادارة نادى الزمالك، وفردت الصفحات الخاصة بهذا الموضوع بعد أن طالت الاتهامات فى كثير من الأحيان رئيس النادى الإسماعيلي بالانحياز لصالح الأهلى، خاصة فى أزمة البث الفضائى الأخيرة ونسب توزيع الحصص على الأندية.


سؤال
لما انا اشترك فى الجزيرة بلص عشان اتفرج عالدورى الاسبانى
هل بجيبو عشان اتفرج علي اندية البطولات زي مدريد وبرشلونة وكدة ؟
ولا بشترك واقول انا هاستنى واشوف مين هايبقى حلو السنة الجاية واتفرج عليه ومش مهم مدريد وبرشلونة ؟


اسهل حاجة
الاهلى السنادي مستواة سىء ومستوى نادي زي انبى احسن منه
هل الناس بتتفرج عالاهلى ؟ ولا بتتفرج علي انبى ؟

لو الناس كانت بتتفرج عالاهلى , يبقى الموقف الحالى صح فى البث

اما لو الناس كانت بتتفرج على انبى ومبتتفرجش عالاهلى بحجة ان انبى حلو والاهلى وحش ؟ يبقى موقف الزمالك صح

ولكن
ومن الطبيعى الكل هايقول انا بتفرج علي الاهلى لان الاهلى لة التاريخ والبطولات والجولات
عكس انبى لسة نادي جديد

اتمنى اكون وضحت الفكرة

وعيب لما نادي باعضاءة يتهمو رئيس نادي زي الاسماعيلى بانة اهلاوي
ولا عادي مفيش مشاكل
هما خلو الدنيا كلها حمرا . مجاتش علي رئيس الاندية



وبعدين حرام ادارة الزمالك تقول الزمالك زي الاهلى واحنا بتتذاع ماتشتنا زي الاهلى

ركزو فى اخر ثلث مباريات اللى بتبقى بنفس التوقيت

هاتلاقو الاهلى مباشر والزمالك اعادة .

جابو قنوات النيل وقنوات مودرن وسألوهم مين اللى بيجيب اعلانات وفلوس اكثر

القنوات اجمعت ان اعلانات مباريات الاهلى بتكون 3 اضعاف اعلانات مباريات الزمالك ؟ اكتر من كدة اية

اخيرا

الاهلى ممكن يعمل حل حلو وهو انة يسوق مبارياتة لوحدة ووالله هايجيب فلوس اكثر مما هاناخدة فى البث


لان الاهلى لو سوق . هايسوق فى جميع القنوات المصرية والعربية والخليجية


والزمالك والاندية الاخرى هاتخسر اكثر من نصف المبلغ اللى كان هايخدوة

[بنت الجنوب]

نصر ابو الحسن اهلاوى
سمير زاهر اهلاوى
عيسى حياتو اهلاوى
الاتحاد القطرى اهلاوى

اخبار بلاتر ايه متعرفش !!!!!!!!!!!!!!!!!


تسلم على التوبيك

[واد حبيب]

كل مصر بتشجع الاهلي

حتي جلال ابراهيم رئيس نادي الزمالك

معرفش يهمهم في ايه لو كان اهلاوي ولاء اسماعلوي

الحبيب

[ღ Gի๐sτ ღ]

رئيس الهلال قالها

لو تنزل مصر وتسأل اي مشجع يشجع فريق منافس للاهلى هاتلاقية يقولك الدنيا كلها حمرا

ودة لانهم مش عاوزين ينجحو بنفسهم ويفتخرو بنفسهم . انما لانهم مغرورين وعاوزين الاهلى يبقى وحش وبس

[nolove]

ثانكس ع الخبر

تحيا الاهلى