مصر حبيبتى

[دمعه حائره]

مصر حبيبتى أم الدنيا اللى مفيش زيها عارف ليه بقول كده عليها؟ ركبت مركب ساعة المغربيه فى نيلها حسيت بسحرها ولا زرعها الله عليه اخضر بلون الامل فى ارضها عشت فى يوم على ارضها لمستها سهرت ليله فى الحسين شفت سحرها ولا جربت تمشى الفجر مش خايف فى شوارعها من كتر أمنها حسيت الصبح بدفا شمسها قعدت على قهوة أتكلمت ضحكت مع أهلها روحت شفت الاهرامات عرفت تاريخها وعمرها اقولك على حاجه حلوة اوى تعملها أقف فى الشارع ونادى مين بيحبها وشوف كام واحد هايجرى يقولك بحبها فاكر لما الزلزال دمر فى ارضها كل ولادها قاموا تانى يعمروا فيها مش تهدها فاكر لما زويل ونجيب محفوظ خدوا نوبيل وشرفوها وفروحوها أنا نفسى أعيش وأموت على أرضها طيب بتحبها طبعا اكيد بتحبها وهاتخاف فى يوم تجرح طرفها ماهيا أمك وأمى وأمها طبطب عليها وقولها انك بتموت فيها مش بس بتحبها معلش يا حبيبتى ماتزعليش وماتخافيش ياما عدى عليكى ورجعتى تانى احلى واجمل من كل مره شفتها نفسى تفرح مصر ولا اشوف دمعه فى يوم على خدها دى أم الدنيا عمرك ماهاتلاقى زيها وبحبـــــــــك يا مصــــــــــــر بقلمى 6/1/2011

[دمعه حائره]

[أميرة الأحلام]

تسلم ايديكى دمعه حائره كلماتك معبره جدا لاتخرج الا من دمعه حائره

ربنا يحمى مصر وشعبها

تحياتى ليكى ولقلمك المبدع

[واد حبيب]

اختي الغاليه دمعه حائره

مصر ام الدنيا ومهما اكتب عنها مش اقدر اقول اي حاجه في حقها

مصر بلد الامن والامان بلد الشباب الاوفيا بلد السلام والعلماء

اجمل بلد في الدنيا هيه مصر بتاريخها وحضارتها وشعبها الجميل

ومصر هيه امي وروحي ودمي واحميها لاخر قطره دم من دمي

شكرا يا دمعه علي كلامك الجميل

تقبلي مني كل احترام وتقدير

الحبيب

[دمعه حائره]

اقتباسالمشاركة الأصلية كتبت بواسطة أميرة الأحلامتسلم ايديكى دمعه حائره كلماتك معبره جدا لاتخرج الا من دمعه حائره

ربنا يحمى مصر وشعبها

تحياتى ليكى ولقلمك المبدع

اشكرك اميره شرفنى حضورك وردك
الجميل
وان شاء الله مصر هاترجع احسن من الاول
تحياتى وودى

[اميره شاعره]

تسلمى يا دمعة
على كلامك الساحر دة
وانا بعشق تراب مصر وفخزرة بانى مصرية بجد
ربنا يحميها

تحياتى ليكى يا صاحبة القلم المتميز

اختك فى الله اميرة الشعراء

[!!$ شأعر ألمنتدى $!!]

دمعه \

ليس الحب يكفى بل اجسادنا ملك الوطن وكل ترابها

العشق المزروع داخلنا اكبر من اى عشق خلق على الارض

هل تعلمى ان اخى قد قتل فى يوم الغضب

هل تعلمى اننى قد اموت من حزنى


هل تعلمى مدى القهر والظلم من لوعه الفراق

هل تعلمى ما معنى الوطنيه التى فى قلوبنا

هل تعلمى مدى تاثير ذلك على نفسيتى

لا اعلم غير حسبى الله ونعم الوكيل

ولن اتراجع عن طلب التغيير فى مصر مهما كلفتنى الايام

وهذا كان طلب اخى الشهيد

[دمعه حائره]

اقتباسالمشاركة الأصلية كتبت بواسطة واد حبيباختي الغاليه دمعه حائره

مصر ام الدنيا ومهما اكتب عنها مش اقدر اقول اي حاجه في حقها

مصر بلد الامن والامان بلد الشباب الاوفيا بلد السلام والعلماء

اجمل بلد في الدنيا هيه مصر بتاريخها وحضارتها وشعبها الجميل

ومصر هيه امي وروحي ودمي واحميها لاخر قطره دم من دمي

شكرا يا دمعه علي كلامك الجميل

تقبلي مني كل احترام وتقدير

الحبيب

اشكرك اخى محمد شرفنى حضورك وردك
ومصر ان شاء الله هاتبقى احسن من الاول
تحياتى واحترامى

[P R ! M O]

احروف رائعه
واحساس ارررروع
سلمت اناملك.............,
بجد بجد
تستهلى لقب شمس المنتدى عن جداره

[عمرو اللمعى]

روعه يادمعه تسلم ايدك