لزمالك يدعو نائب رئيس الجمهورية ورئيس الوزراء لحضور مباراة ستارز كينى

[M@HMOUD]

أكد حسام حسن المدير الفني لفريق الزمالك أن هناك اقتراح أن تقام مباراة العودة بين الزمالك وستارز الكيني ضمن منافسات دور ال64 من دوري أبطال أفريقيا في موعده في 13 فبراير المقبل علي إستاد القاهرة بدلا من 25 فبراير لنثبت للعالم ان مصر بلد الأمن و الأمان.

وأضاف حسن في تصريحات للإذاعة المصرية:" أناشد جماهير مصر لحضور هذه المباراة وان تحمل أعلام مصر بدلا من إعلام الزمالك ليرسلوا رسالة للعالم أن مصر مازلت في أفضل حال وأن مهما حدث ستظل بلد الأمان".

وتابع حسن :" ادعو عمر سليمان نائب رئيس الجمهورية واحمد شفيق رئيس الوزراء لحضور اللقاء".

ومن المقرر أن يجتمع سمير زاهر رئيس الاتحاد المصري لكرة القدم مع المهندس حسن صقر رئيس المجلس القومي للرياضة لبحث فكرة مسئولي الزمالك.

وكان الاتحاد الأفريقي لكرة القدم قد وافق علي تأجيل اللقاء الي 25 فبراير بسبب الأوضاع السياسية التي تشهدها مصر.

و كان الزمالك فاز 4/ صفر في مباراة الذهاب التي جرت في كينيا.

[ღ Gի๐sτ ღ]

نجبلك اوباما معاهم بالمرة

عاوزين نشوف الناس دي تشوف شغلها
مش تروح تتفرج عالكورة
بالتوفيق
وتسلم عالتوبيك ياميدو

[M@HMOUD]

اقتباسالمشاركة الأصلية كتبت بواسطة Ghost.Riderنجبلك اوباما معاهم بالمرة

عاوزين نشوف الناس دي تشوف شغلها
مش تروح تتفرج عالكورة
بالتوفيق
وتسلم عالتوبيك ياميدو



لو معاك رقمك انا موافق
نورت يا مان

[واد حبيب]

انا معايا رقم اوباما ومعايا الاميل كمان

شكرا يا برنس علي الخبر الحبيب

[عيون.القدس]

حسام مش وقته خالص :d

[بنت الجنوب]

السلام عليكم ورحمة الله وبركاته

فى الاول اقدم اعتذارى لانى لم ابارك فوز الزمالك فى البطولة الافريقية بس انت شايف الظروف فى مصر

وان شاء الله الاحوال تتغير وتستقر ونرجع نفرح تانى ونعمر فى البلد

اما بخصوص النائب ورئيس الوزراء ليه لا
بس ربنا يصلح الاحوال

كل التوفيق للرياضة المصرية


تسلم ميدو وحمدلله على السلامه

[M@HMOUD]

اقتباس انا معايا رقم اوباما ومعايا الاميل كمان شكرا يا برنس علي الخبر الحبيب

ياريت تكلموا طيب
نورت

اقتباس حسام مش وقته خالص :d

مش وقته ليه الواحد اتخنق من اللى بيحصل
نورتى

اقتباس السلام عليكم ورحمة الله وبركاته فى الاول اقدم اعتذارى لانى لم ابارك فوز الزمالك فى البطولة الافريقية بس انت شايف الظروف فى مصر وان شاء الله الاحوال تتغير وتستقر ونرجع نفرح تانى ونعمر فى البلد اما بخصوص النائب ورئيس الوزراء ليه لا بس ربنا يصلح الاحوال كل التوفيق للرياضة المصرية تسلم ميدو وحمدلله على السلامه

تسلمى لرايك يا قمر وعلى الروح الرياضيه
نورتى

[حياتي ذكريات]

حسام دا عسل
علشان تنتشر في كل الجرائد العالمية في نفس اليوم
ان النائب ورئيس الوزراء مش سائلين في المظاهرات ورايحين يحضرو ماتشات الزمالك
:shiny01:
شكرا ليك على الخبر

[M@HMOUD]

اقتباسالمشاركة الأصلية كتبت بواسطة حياتي ذكريات

حسام دا عسل

علشان تنتشر في كل الجرائد العالمية في نفس اليوم
ان النائب ورئيس الوزراء مش سائلين في المظاهرات ورايحين يحضرو ماتشات الزمالك
:shiny01:
شكرا ليك على الخبر

الناس من اول ما مسكوا المناصب وطالع عنيهم
يروحوا يتفرجوا على ماتش اهو يفكوا عن نفسهم
وشكلهم كمان زملكاويه اصلا
نورتى يا دعاء