وسع دائرة تفكيرك !

[Karamela]

تحية من الله عليكم


م الاول كده لازم اوضح ان المنتدى للنقاش الجاد ... ونقاش جاد يعني نقاش وحوار جاد .. فرجاء بلاش ردود شكر وثناء ... عايز تشكرني ياسيدي كتر خيرك انا مش عايزة شكر .. شكرك لي يبان في مناقشتك .. والا بئه ماتتفاجئش بالحذف !


بس كده عشان نبقى فاهمين بعض م الاول >> داخلة على زواج الانسة خخخخ:vb19:




خلينا نبتدي بسؤال خفييييف كده

انت بتشتغل ايه


طبعا فيه الي هيقول بشتغل كذا او كذا .. وفيه الي هيقول انا لسه طالب


وسؤالي التالي هيشمل كلا الطائفتين


ايه طموحك او ايه كانت طموحك لو كنت اشتغلت خلاص


طبعا الاغلبية هتجاوب طموحي اني اكون انسان ناجح وافيد نفسي والمجتمع واحقق النحاج الي بتمناه

الا بعض الاقلية الله يشفيهم ويعافيهم يعني !!


اوك حلو اوي وتحقيق نجاحك هيكون ازاي بئه ؟!!


هنقف هنا ونناقش شوية .


ناس كتير بيفتكروا كلمة نجاح قائمة على ثروة او مكانة كبيرة .. لا طبعا انا بالنسبة لي نجاح يعني عملت الحاجة الي انا كنت عايزاها حتى لو الكل شايف انها مش نجاح


بدام انا لا غضبت ربي ولا عملت معصية ولا قتلت حد وفوق ده كله رضيت نفسي يبقى ده نجاح واكبر نجاح


لكن المشكة في بعض الناس الي بيقولوا ان النجاح ده في المستقبل المهني


والي طبعا بينحصر في كام مهنة في الغالب (( طب , هندسة , صيدلة وغيرها م الكليات ))


ليه ؟؟!!!


ليه بنستقل بحد لما نعرف انه مثلا خريح فنون جميلة او موسيقى او تربية رياضية ؟!


يابنتي سيبك منه ده تربية رياضية

واسبني منه ليه .. ده ممكن يكون احسن من اي واحدة دخلت كلية محترمة رغبة منها بس في انها تكون على مستوى معيشي معين من غير ماتحبها .. بكده هي ممكن تكون اخدت مكان حد تاني محتاج مكانه وهيبدع فيه اكتر منها بكتير !!


ماله بئه التربية الرياضية او الموسيقي او الرسام او الفنان على الاقل هو دور على موهبته والحاجة الي بيحبها ولقى نفسه فيها ونجح وارضى نفسه وابدع في مجاله


كام مرة احنا بنسمع عن عالم كبير زي : احمد زويل

او كاتب عظيم زي : نجيب محفوظ

او رسام عبقري زي : ليوناردو دافنشي

سواء عربي او لا .. لو كل واحد دفن نفسه كده ودفن موهبته عمر ماكان العالم اتطور ولا كان فيه مسواه ..

كان زمان العالم كله دكتور مهندس صيدلي رجل اعمال .... الخ الخ الخ .

ماهي المصيبة هنا .. ليه دايما لما نفكر في النجاح يترسم قدامنا واحدة م الكليات دي


ونتيجة لتفكيرنا المحدود ده ادينا شايفين قد ايه في تكدس في كليات وفراغ في كليات تانية


وبعدين ليه كتير م الاهالي يلزموا ابنهم او بنتهم بواحدة م الكليات دي وغير كده كخه


هتفشل مالكش مستقبل


وغير الاهالي في كل سنة في نفس الوقت من ظهور نتايج الثانوية العامة تلاقي عيال بتقطع نفسها وعيال حابسة نفسها لا واعظم من كده الانتحار!!



معقولة في حد في العالم في جمجمته ذرة من جزء على جزء من ذرة عقل يعمل كده !!!


ينهي حياته كلها ! ليه ماممكن انت تحقق نفسك في حاجة تانية .. ده حتى العيل الصغير مايعملهاش


مهما كان الضغط مانكرش هتكون صدمة عصبية فظيعة وممكن تسبب اكتئاب حاد عند كتير


وده امر طبيعي


بس ليه على كده الحياة اسودت في وشك !!


لا ليه يابنتي مالدنيا قدامك ..

وسع دائرة تفكيرك


دور على موهبتك واستغلها ماتقولش انا كده مستقبلي اتدمر


كل واحد في الحياة اتخلق وفيه نسبةمن نسبة على نسبة على الاقل من الابداع والموهبة


ماحدش في العالم يخلو م المواهب ... ليه تروح تقتل موهبتك بايدك وتدفنها بمهن مش ليك كان لصيق بقوم انت مش منهم ..



انا عايزة دلوقتي حالا كل الي بيقرا كبير او صغير بتعمق يدور ويفكر في نفسه على موهبته ويحاول يستغلها .. حتى الكبير ماتقلقش القطر مافتكش دور دور ممكن تلاقي بذرة اسقيها عشان تكبر ونسمع عنك كل خير


وبعد ده كله ارجع للموضوع وقولي اخرة تفكيرك ده ايه ؟! ولقيت جواك ايه

[A7meD]

شكرا يا كراميلا عالموضوع الجميل

و بالنسبة للسؤال بتاعك انا طالب سنة اولى اعلام
و حابب لمن اخلص اكون صحفي معروف و محبوب
و بالنسبة لموضوع ان الكل بيفكر النجاح في المستقبل المهني للتخصصات العلمبة زي الطب والصيدلة والهندسة
فأنا كانت عيلتي هيغصبوا عليا ادخل هندسة بس انا رفضتها و بعد طول صمود و نضال اقنعتهم برغبتي ودخلت الكلية الي عاوزها و قالوا لي ربتا يوفقك
وانا سعيد بالكلية بتاعتي و ان شاء الله ربنا يوفقني واحقق كل احلامي

وشكرا مرة تانية عالموضوع يا غالية.....

[Karamela]

انجاز عظيم جدا ياحمد وربنا يوفقك وتبقى صحفي ونشوف اسمك في الجرايد


ده شئ جميل جدا انك حققت حاجة نفسك فيها

وعقبالنا كلنا