قصيدة (( دكتور نسى الفوطة )) فى بطن المريض

[dr.marmar]

اهداء الي كل الاطباء المبرشمين والسكرانين اللى بينسوا الفوط فى بطون العيانين



بس عاوز ه أعرف إيه رأيكم بعد ما تعرفوا




ليه الدكتور نسى الفوطة فى بطن المريض ؟؟؟



----------------------------





دى قصيدة مش حدوتة هانعيش معاها يا منتدى
ليه الدكتور نسى الفوطة أول ما فى شغلو ابتدى




نسي الفوطه
وناس واقفه بتتريأ ومبسوطه
وناس تانيه بتستغرب ومنقوطه





ليه الدكتور نسي الفوطه




وهو يا عيني كان واقف ووشه أحمر ولا القوطه
و قال ياجــــــــماعه سامحوني
وقبل ما تيـــــــجوا تلوموني
تعالــــــوا أحكيلكوا أنا حكايتي
وساعتها إبقوا حـــــــاكموني





سنــــين فــــاتت في ثانــــــويه
كفاح دامي وعــرق ودموع
وبعد المعركـــــــــه الحــــاميه
قدرت أنجح وأجيب مجموع





أخيراً حلمنـــــــــــــــــا إتحقق
هخش الطــــــــب وأدّكــــتر
رســـــــــــاله جميله ومعـــاها
مقام عالي وفلوس أكـــــــتر





في أول يوم لـــــــــبست جديد
وشلت البالطو رحـت لاقيت
زمايلي إتحــشروا في مــدرج
عامل ولا عــــــلبة الكبريت





ولكــن برضه مايئستش




دخل دكتور قعد يشــــــــــرح
كلام كــــان صعب ولاتيني
و أنا متنـــح ومـــش فــــــاهم
لاقيت النــــــــوم غلب عيني



و لسّه أنا برضه مايئستش



و قلت مادام ضــــاع النظري
هظبّــــــــط نفسي في العملي
جريت عـ المشـــرحه بسرعه
لكن كالـــــــــعاده خاب أملي
دخلـــــت لاقـــيت 200واحد
بيتخــــــــانقم على الجــــــثه
وناس واقـــــــــفه من الزحمه
على كتافـي ومـــــــش حاسه





و لسّه أنا برضه مايئستش



و طبــــــعاً حسّوا بظــــروفنا
وحطّولنا إمتــــــحان فوازيــر
وكل أمّا آجي أحــل ســـــؤال
أقف أدامــــــه زي الــــــزير





و لسّه أنا برضه مايئستش



وجينا في لجنة الشـــــــــفوي
وكان أدّامي واد كـوسه
خد الفول مارك مـ الدكتور.
وخد فوقهـــــــم كــمان بوسه





و لسّه أنا برضه مايئستش



سنه بتمشــي وســــنه بتيجي
مقـــالـــب بعـــدها مقــــــالب
زمايلي إتعينوا و قبـــــــضوا
و أنا شايـــــل لـــــــقب طالب





و لسّه أنا برضه مايئستش



كبـــــــرنا شـــويه وقــــالولنا
خلاص دلوقتي شوفوا حالات
و رحنـــــــا نشوف وكالعاده
دا كله بيطلع إشتــــــــــغالات





و لسّه أنا برضه مايئستش



لحد ماخلصم السبــــــــــــعه
وقلت خلاص هروق وهعيش
و قبل ما أفوق من الصــدمه
خدوني عشان أخـــش الجيش





و لسّه أنا برضه مايئستش



وقعت هناك في إيــــد ظابط
ظغرلي وقال يا بســــــكوته
أحب أبـشرك إنــــك معــايا
راح تطفح الدم والكوته




و لسّه أنا برضه مايئستش



خلااااص السبعه بقوا عشرة
ولسه أنا ماشي جنــب الحيط
و بان السن علــــــــى وشي
و شعري إبيـــّض و إصلعيت





و لسّه أنا برضه مايئستش



وبعد ما قـــــلت كــــــــفاره
خلاص هرتاحلى بقى كام يوم
لاقيتهم تـــــــــانــي واخدنّي
عشان تكليـــــــــفي في السلوم





و لسّه أنا برضه مايئستش



و قلت هنـــاك هآخد قرشين
آكل منهم و أجيـــــــــب لبسي
فوجئـــــــت يا عيني بمرتب
لايكفى أكل ولا بيبسى





و لسّه أنا برضه مايئستش



و بعد الـــعمر دا كـــــــــــله
رمــــــوني في وحـــده صحية
نسيت الطب أنا فيـــــــــــها
وبقــــــــيت زي التمــــــرجيه




و لسّه أنا برضه مايئستش



و آديني بعيش وهعمل أيـه؟؟
ماليــــــــش ولا حول ولاقوة
وحيد غلبان وحتى مافـــيش
جـــــواز علـــى نفــــقة الدولة





و لسّه أنا برضه مايئستش




قام الدكتور صعب عـ الناس
و فــــــضلم يـــبكوا على حاله
و حتى الفوطة نســــــــيوها
ولموا فلــــــــــوس وسابوهاله



و قال دكتورنا ع الفوطــــه



تعــــــالوا هشـــــيلها أنا بكرة



لكن اهل المريض قالــــــوا



خلاص



هنسيبها للذكرى

[nooody]

هههههههههههههههههههههههههههههههه


الدكتور دة باين عليه متفاءل جدا ومن كتر ما هو متفاءل هينتحر

انا قلت برضه اكيد عند اسبابه ومبرراته القويه عشان ينسى فوطه فى بطن المريض

ولازم نتقبلها دا كويس انه مش نسى غرفه العمليات كلها بالدكاترة والمساعدين جوة بطن المريض



اشكرك يا مروة على القصيده

[Ana ElmoON]

ههههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههه

جاااااااااامده والله يامروه
لما قولتيلي قصيده فكرتها قصيده عاطفيه ولا حاجه
هههههههههههههههههههههههههههههههههههههههههههه
بس جامده والله تسلم ايديكي
اهو ده بقي مثل حي لكل اللي بيفكر يدخل طب
هههههههههههههههههههههههههههههههه

الراجل يئس خالص وشكله مات تقريباههههههههههههههه

[BatoOota]

ههههههههههههههههههههههههههههههههههههههه

اية يا ميرو دة بجد قصيدة تموت من الضحك

دانا لو مكانة كان يمكن نسيت كل ادواتى جوة بطن المريض مش الفوطة بس

ههههههههههههههههههههههههه

ميرسى با ميرو بحد روووووووووعة
تقبلى مرورى
اختك\sad smile

[dr.marmar]

هههههههههههههه
ميرسي يااحلي اعضاء علي مروركم
وكويس انها عجبتكم

[**لسة صغيرة**]

ههههههههههههههههههههههههههه













ميرسي عالتوبيك ده
والله دكتور متفائل
انا اتشائمت النهارده
وما اتحلتش المسائل
وكان يجيبلنا الفوطة
كنا هنعيش ونتعامل
















هههههههههههههههههههه
ميرسي جدا

[βσησţσ đℓσ3σ]

ههههههههههههههههههههههه

حلووووووووووه

تسلمى يا قمر

[dr.marmar]

ميرسي ياقمرات علي مروركم
ويارب تكون عجبتكم

[A . y . a]

هههههههههههههههههههههههههههههههههههههههههههههههههه ههه
حلوة اوووي يا ميرو ثانكس ياقمراية

[SiLver Spectra]

ههههههههههههههههههه

مش دا أخويا الكبير
هههههههههه

لا و الله كلام واقعي فعلا و معبر

كل كلمه فيه حقيقية

تسلم إيدك يا مروة على التوبيك الجامد دا

له حق طلعا ينسى الفوطة

بس جامد و الله الموضوع


تحياتي