ازاي تخنق اخوك

[amira mero]

احسن طريقه تخنق بيها اخوك

طلع عليه اسم يستفزه وناديله بيه يعنى لو جت ناحيته دبانة مرة بالصدفة كده
سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى
فكره بالمواقف بتاعت زمان اللى بتضايقه كلها زى علقة حلوة كده من بابا او ماما

هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه
ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب

وأنت داخل البيت قوله فى واحد صحبك مستلا تحت متقولوش هو مين عشان ميعملش ناصح ويتصل بيه يقوله اطلع
قوله هو صحبك وأنا عارف شكله بس معرفش اسمه وخليه ينزل ويطلع على الفاضى

لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا

خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية

لو نايم استخدم اى طريقة عشان تصحيه من النوم وهما كتار ما شاء الله
عشان اللى معندوش خبرة برضه أقولك تعمل أيه
قيد النور كأنك بتدور داخل تدور على حاجة
وشغل أعلى نغمة فى موبايلك كأن حد بيتصل بيك و يا سلام بقى لو كان موبايل صينى
ومفيش مانع تدور على الحاجة دى تحت المخدة والمرتبة اللى هو نايم عليهم
مش هوصيك بقى وأنت بترفع المخدة اللى عليها راسه عشان تبص تحتها

لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى
وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة
هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية
ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك

لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت
وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده
عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف
مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها

أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة
قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم

وكدة انا ادتكوا العلم اللى تنتفعوا بيه طول حياتكم
ربنا يوفقكم

[الحورية النائمة]

ههههههههههههه
بس اخويا هيصعب عليا هو يهودي
شكرا على الموضوع

[فارس الكلمة]

أميرة مشكورين على هذه النصائح الغالية
وصحيح قالوا زمان خذوا الحكمة من ................ كملى أنت القلم حبره جف
بس باين عليك يا برنسيسة أن أخواتك مطلعين عينك على الأخر ههههههههههههه
عموما نشكرك كثير التشكرات على تلك المعلومات ودمت بالعوافى يا ناصحة رشيدة
قلتى لى إسمك إيه
دمت بالعافية

[M@HMOUD]

هههههههههههه
كل واحد وليه طريقتوا


تسلمى يا قمر

[غرور ملاك]

فاااااااااااااارس اكمل انا
ههههههههههههههههههههههههههههههههههههههههههههههههه

تسلمى يـ قمرايه

ف انتظار جديدك

[amira mero]

الحوريه النائمه تسلمي على مرورك وجربي مع اخوكي يمكن ينفع
فارس الكلمه شكلك مش عارفني هههههههههه ده انا مطلعه عين اخويا من غير ما اعمل كده وعلى فكره انا اسمي اميره وتسلم على مرورك
غرور ملاك تسلمي يا حببتي على مرورك تسلملي

[مشاعر حلوة]

هههههههههههههههههههههههه

[♫ЌёМΦ МäŹ♪Ќã♫]

هههههههههههههههههه

لا دا كدا يبقى حراااااااام اوى

دا هو الى هيموتنى

ميرسى

[جوهرةالقصر]

هههههههه
حلوة الحركات دي
تسلمي ياقمر