تخيل ان دى جدتك

[dяєαм..|♥]

تخيل ان دى جدتك هتعمل اية؟؟؟؟؟؟؟


اللة اكبر... اللة اكبر..اذان الظهر

يارب.. يارب بحق الاذان تنجح يا واد يا نون يا ابن ابنى واشوفك دكتور اد الدنيا

يا ستى بس انا فى تجارة

ومالة يبنى هو يكتر على ربنا.........دة ربنا قادر على كل شئ

يستى ونعم باللة بس اللى بيطلع دكتور لازم يكون فى كلية الطب مش تجارة

ياللا تجارة..تجارة ..ومالها التجارة دى حتى التجارة شطارة دة اللة يرحمة جدك كان تاجر فى الوكالة اد الدنيا

يا ستى التجارة اللى فى الوكالة حاجة وتجارة الكلية حاجة تانية

ع العموم شد حكيلك انتة وانا اخلى جدك يخدك معاة الوكالة عشان تتدردح وتتودك فى السوق

جدى اية اللى يخدنى معاة......... دة جدى من زمان يا ستى

يا مصيبتى عبد الواحد مات ... يا حبيبى يا خويا.......مكنش يومك يا سبعى

يا ستى دة مات من تلتين سنة

تلتين سنة... دة العمر بيجرى يا ولاد تصدق ولا حسيت بيهم.....ياللا اهو غار فى دهية ...قطع وقطعت سيرتو...دة كان بخل الدنيا فية

ان معمرة دخل عليا ببطيخة ولا كيس جوافة

يا ستى حرام عليكى بقى عايز اذاكر

يوة..... وهو انا مسكاك يا ولة...ذاكر علشان ربنا يكرمك وتاخد الدبلون

يا ستى دبلون اية......اسمة البكالوريوس

انتة عتضحك عليا ياولة.....اسمة الدبلون الواد ابن فايزة جدع زيك كدة فى المدرسة التجارة وخد الدبلون

خلاص دبلوم دبلوم يا ستى... سبينى بقا علشان اذاكر

ذاكر ذاكر ياخويا ذاكر .....تعرف ياواد...ندرن عليا يوم متنجح لاكون رايحة خطبالك عبير بنت رئيسة

دى اية يا واد.....ادب واخلاق..... وعلم كمان

يا ستى عبير دى معاها اعدادية

ومالة يا بنى....الراجل ميعبهوش الا جيبة

راجل.... راجل مين يا ستى عبير دى بنت

عبير ...عبير مين ياولة انتة تعرف بنات من ورايا

لا الة الا اللة ....ابوس رجلك يا ستى سبينى اذاكر ارحمينى بقا

طب ذاكر......... ذاكر جتك نيلة وانتة طالع براوى كدة زى امك ....قطعت وقطعت سيرتها انا مش عارفة ابوك اتجوزها على اية

ال لبس البوصة تبقى عروسة ...بس اللى نبى النبى نبى لكون مبوظة الخطوبة دى واكون مجوزها انيسة بنت اختى

يا ستى خطوبة اية ابويا متجوز امى من خمسة وعشرين سنة...وبعدين انيسة دى مش بنت اختك دى بنت اخوك

واساسا انتى ملكيش اخوات بنات

صحيح ياولة عندك حق....انا مليش اخوات بنات

اصل انا امى مكنتش بتخلف صبيان

حراااااااااااااااااااااااااااام ....ستى متطلعى فى البلكونة شوية... دة الهوا حلو برة

لا ياخويا فى جدع حلو حليوة واقف برة وشعرة مسبسب فى البلكونة اللى فى الوش واعد يعكسنى

خلاص روحى المطبخ اهو زمان امى خلصت الرز

رز رز اية يابنى .......هو انا ليا اسنان للرز ... انا هطلع البلكونة احسن

طب ابقى خلى بالك م الهوى يستى

هو ما يلطشك

الحمد للة خرجت وهعرف اذاكر,رحت الامتحان تانى يوم وربنا كرمنى وحليت كويس ولكن للاسف المراقب سحب منى الورقة قبل مكتب

اهم حاجة فيها

يا ترى انا كان اسمى اية !!!!! اسمى اية

ههههههههههههههههههههههه هههههههههههههههههههه

يارب يعجبكو

وربنا يكون فى عونو اللى عندو جدة كدة

[fankosha]

ههههههههههههههههه
معلش يستحملها برضو
جدتة
هههههههههههههههه
يسلموووو يا قمرر

[♫ЌёМΦ МäŹ♪Ќã♫]

هههههههههههههه

لا نموتها احسن

ههههههههههههههههههه

تسلم ايدكـ

[moonnor]

هههههههههههههههه
طب و الله دة ست عسل و مسلية اخر حاجة
بس المهم متزودهاش

[يسرا ّ]

هههههههههههههههههههههههه
تسلمى يا قمر

[حافظة القرآن]

ههههههههههههههههههههههههههه

[حلا السعودية]

هههههههههههه لووول الله يعينه عليها بس

[مشاعر حلوة]

ههههههههههههههههههه

[dяєαм..|♥]

شكرا لردودكم

[Loyalty]

الله والله جدة كيوت ومسلية ^^
آنآ عايزة من دا ,, توبيك جامد