خروف العيد..!!!!

[SiLver Spectra]

مش عارف إيه إلي مستنيه!!

و مع زمايله وقفوه..

كل هامه البرسيم يوكلوه

شافوه إلي هيشتروه

كشفوا عليه عشان ياخدوه

و مسكوه و شالوه هو و أخوه

على الربع نقل رفعوه

في الشارع فسحوه

عند بيت إلي شاريه نزلوه

على العمود ربطوه

و عشان يونسوه...وقفوه جنب أخوه

ليل نهاربرسيم بيوكلوه

عايش و مش هامه غير أكله و أخوه



على الصبح بدري شدوه

على السطوح طلعوه

أخدوا أخوه و سابوه

عصبوه...بعد ما حس إن هما هيقتلوه

جبوله برسيم عشان يهدوه

و بدأوا يشدوه عشان يكتفوه

و على الأرض نيموه

عصب و بص على الناس إلي شاروه

نظره أخيره قبل ما ينحروه

و قال في سره : دنيا ما تستاهلش عود برسيم


_________________



دي كانت قصة صاحبنا الخروف..و واقع حياتنا المألوف

حياتنا!!؟؟

أيوه بتعيش زي الخروف...مافيش نظام ...ما فيش تفكير ..كل همنا ناكل و ننام

و كل يوم بيموتلنا زميل مجروح

بحجة إنه كان مشبوه

و إنت قاعد و بتدور على الألوف..ببساطه لأنك خروف

أب و أم...إبنهم بيموت مقتول!!

إنفجار ..قصف..حصار..أو حتى جووع

و إنت قاعد..ماليش دعوة بتقول..ببساطه لأنك خروف

على الفلوس بتدوور

و مش هامك حتى لو جه عليك الدور

زي الخروف إلي واقف في الطابور

في المسلخه عشان يذبحوه...و برضه مش هامه غير إنهم يوكلوه

يغضب شويه و ينطح بالقرون....بالبرسيم يهدوه..و العصاية يمشوه


إمتى هيجي اليوم الموعود...
و نخلع فيه صوف الخروف



____________________


حتى الرئيس إلي خلعوه...

جه العيد فشنقوه..

و إنتم قاعدين و بتابعوه

و في الآخر تقولوا ظلموه!!


بترولكم و جم ياخدوه

نفوذكم و جم يحاصروه


تبيع و تنادي يشتروه...إقتصادك و تقول هيمشوه

و تيجي أزمه و تقول رجعوه..

و يقولك خلاص إنت بعت يا معتوه!!

إنت آخرك ترقص و تقول نقطوه..

و تصرخ و تقول إختصبوه!!



________________



عايشين حياتنا زي الخرفان....


نستنى العصاية تخبطنا...عشان نلم نفسنا

نمشي و نزبل أرضنا...و لا حاجه بتهمنا

المهم نشوف رزقنا...حتى لو هنسرق أمنا!!

و بلاش نتعب نفسنا...

إحنا نستنى اللقمة تيجي في بؤنا

ناكل و نشرب و نشوف شغلنا...و بلاش توجع قلبنا

و إنت كمان نسيت تقولنا...إنك بتكتب عن جرحنا!!


خليك عايش كدا و مستني....
العصاية تخبطك...و لا السكينه تنحرك


__________________

و معلش يا جماعه الموضوع قلب نكد على العيد
جيت على العيد و قلبتها نكد!!
هههههه

و كل سنة و إنتم طيبين
و عيد سعيد عليكم

و دمتم سالمين

[سمسمة2008]

رائع ياطارق
موضوع اكثر من رائع
طرحك لفكرتك ممتاز
انا باسجل حضورى واعجابى فقط بالموضوع
ولى عودة ان شاء الله للرد على الموضوع المتميز
كل عام وانت بالف خير وصحة وطيب يارب
تقبل مرورى
تحياتى

[SiLver Spectra]

اقتباس المشاركة الأصلية كتبت بواسطة سمسمة2008 رائع ياطارق موضوع اكثر من رائع طرحك لفكرتك ممتاز انا باسجل حضورى واعجابى فقط بالموضوع ولى عودة ان شاء الله للرد على الموضوع المتميز كل عام وانت بالف خير وصحة وطيب يارب تقبل مرورى تحياتى

أهلا أهلا
يا مراحب
نورتي يا سمسمه الموضوع أو الخرووف ههههه

و في إنتظار عودتك يا غاليه

و إنتي بصحه و بعافيه

و كل سنه و إنتي طيبه

و عيد سعيد

المهم ما تنسيش اللحمه بتاعتي
هههههههه

تحياتي

[yasmine refat]

الحمد لله ياسلفر..............عارف بقى أحنا ليه عايشين في لخبطه كل حاجه متلخبطه علشان اللي قلتوا وعلشان أحنا مدخلين الغرب في الشرق والشمال في الجنوب ومخربين كل الأتجاهات .........................وعمرنا مش هنفوق من اللخبطه الأ أما نفوق من الغيبوبه ونفرق بين المفاهيم ومنبقاش زي الخروف ممكن يتسكت بالربسيم بغض النظر عن مفهوم البرسيم والهدف منه أيه..................ياريت تكون فهمتني..................أختك في الله

[هدى الله]

بجد ياطارق تسلم ايديك

انا بصراحه لما شوفت الموضوع الاول قولت ان كل الحكايه مأساه لخروف العيد ليس الا
ههههههههههههههههه

لكن بجد لاقيت كلامك مهم(مش العاده يعنى ههههههههه) وفعلا عندك حق فيه
فاحنا اليوم ليس لنا اى شغلانه غير الاكل والشرب بس

عمر حد فينا فكر نصلح بلادنا ازاى

عمر حد فينا فكر نصلح نفسنا الاول ازاى

ودى المصيبه
وده اللى هيخلينا دايما محلك سر عمرنا ما هنتقدم ولا خطوه
ده على الاقل الخروف همه الاكل بس كمان همه اخوه اللى جنبه

لكن احنا امتى فكرنا فى البلاد اللى جنبنا
امتى فكرنا فى وحده مع بعض
كل واحد همه انه يملى جيبه وكرشه بس
كل واحد همه ياخد الكرسى من غيره

مافيش حد همه الاصلاح والصلاح

لكن هنقول ايه
ربنا ييسر الحال
ماهو ده اللى بادينا بس
الدعاء
ناكل وندعى ونشرب وندعى
نتواكل على ربنا وندعى

انما تنوكل على ربنا ونتشتغل وندعى
هخخخخخخخخخ
طبعا كده هنتعب نفسنا جدا
ندعى ونشتغل طبعا ده كتيييييييير

بجد تسلم يا طارق على كلامك الجميل

ومنتظرين جديدك ان شاء الله

[SiLver Spectra]

اقتباس المشاركة الأصلية كتبت بواسطة القلب الطيب الحمد لله ياسلفر..............عارف بقى أحنا ليه عايشين في لخبطه كل حاجه متلخبطه علشان اللي قلتوا وعلشان أحنا مدخلين الغرب في الشرق والشمال في الجنوب ومخربين كل الأتجاهات .........................وعمرنا مش هنفوق من اللخبطه الأ أما نفوق من الغيبوبه ونفرق بين المفاهيم ومنبقاش زي الخروف ممكن يتسكت بالربسيم بغض النظر عن مفهوم البرسيم والهدف منه أيه..................ياريت تكون فهمتني..................أختك في الله

أكيد المفاهيم و كل حاجه متلخبطه...عشان إحنا خرفان
هههههههه
و الله مهما تحطي قوانين ...مهما تربي
هنفضل خرفان...
لما العقلية تتحول لعقلية بني آدم في الحكم و المنطق ساعتها ممكن نخلع الصوف إلي لابسينه!!
مش معنا كدا إني بسيئ أو بغلط في شعوبنا
لكن أنا بغلط على تصرفاتنا
آخرنا نعمل مظاهره إحتجاج

و في الآخر زي ما دايما بقول الشعب هو الحكومة و الحكومة هي الشعب

تحياتي يا ياسمين على مرورك و ردك و متابعتك الفورية

تحياتي

[احضان الحبايب]

ايه الحلاوه ديه كلها

الله ينور يا عم الحج

شكرا لطرحك المميز

وقلمك المبدع


تقبل مرورى

اخوك عبدو

[SiLver Spectra]

اقتباس المشاركة الأصلية كتبت بواسطة هدى الله بجد ياطارق تسلم ايديك انا بصراحه لما شوفت الموضوع الاول قولت ان كل الحكايه مأساه لخروف العيد ليس الا ههههههههههههههههه لكن بجد لاقيت كلامك مهم(مش العاده يعنى ههههههههه) وفعلا عندك حق فيه فاحنا اليوم ليس لنا اى شغلانه غير الاكل والشرب بس عمر حد فينا فكر نصلح بلادنا ازاى عمر حد فينا فكر نصلح نفسنا الاول ازاى ودى المصيبه وده اللى هيخلينا دايما محلك سر عمرنا ما هنتقدم ولا خطوه ده على الاقل الخروف همه الاكل بس كمان همه اخوه اللى جنبه لكن احنا امتى فكرنا فى البلاد اللى جنبنا امتى فكرنا فى وحده مع بعض كل واحد همه انه يملى جيبه وكرشه بس كل واحد همه ياخد الكرسى من غيره مافيش حد همه الاصلاح والصلاح لكن هنقول ايه ربنا ييسر الحال ماهو ده اللى بادينا بس الدعاء ناكل وندعى ونشرب وندعى نتواكل على ربنا وندعى انما تنوكل على ربنا ونتشتغل وندعى هخخخخخخخخخ طبعا كده هنتعب نفسنا جدا ندعى ونشتغل طبعا ده كتيييييييير بجد تسلم يا طارق على كلامك الجميل ومنتظرين جديدك ان شاء الله

أختي الغاليه هدى
شكراا على ردك و مشاركتك
مش العاده!!
هههههههههه
يمكن إنتي ما شوفتليش غير موضوع عنايات
ههههههههههه

ردك حلو يا هدى و كلام منطقي

الملحوظه إلي قولتيها على الخروف إن حتى الخروف هامه أكله و أخوه
أنا أخت بالي من كدا

إحنا برضه بنزعل على أخواتنا لكن غضب فقط و بعدين بنهدى ...
يعني زي الخروف بشوية برسيم بنسكته

يبقى الخروف مش أحسن مننا...
كويس أهوو في تقدم
ههههههههههههه

شكراا على حسن ردك يا هدى

نورتي الموضوع يا غالية

[smsma666]

صراحة طارق الموضوع متميز جداجدا ورائع وهذا حالنا جميعا ننتظر السكين حتى توضع على رقبتنا
ولن يحدث لنا تقدم الا اذا تقدمنا بانفسنا كل شخص بينه وبين نفسه يجب ان يقف مع نفسه وقفه جاده لكى نتقدم وندعو الله ان يحدث هذا
ولكن
اخبرك امرا الانسان الذى سيحاول التفكير سيحضرون له طبق اكل وسريرا للنوم فسيترك التفكير ويذهب للاكل والنوم

هذ حالنا هذا وضعنا منذ قديم الزمن وفى النهايه يجب ان يكون املنا فى ربنا كبير

تحياتى لموضوعك الاكثر من رائع

[SiLver Spectra]

اقتباس المشاركة الأصلية كتبت بواسطة احضان الحبايب ايه الحلاوه ديه كلها الله ينور يا عم الحج شكرا لطرحك المميز وقلمك المبدع تقبل مرورى اخوك عبدو

منور يا برنس الموضوع

شكراا على ردك و مشاركتك يا عبده

تحياتي