::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
مش ناسيه
الكاتـب : دمعه حائره - آخر مشاركة : اميره باحجابى - مشاركات : 4 -
وحشتنى
الكاتـب : شاعرة الرومانسيه - آخر مشاركة : ندوشه 2011 - مشاركات : 4 -
نفسها حد يعبرنى
الكاتـب : اميره باحجابى - مشاركات : 21 -
همسة قلب
الكاتـب : نزارالفاضل - آخر مشاركة : دمعه حائره - مشاركات : 5 -
مسابقه مل حاجه حلوة
الكاتـب : اميره باحجابى - مشاركات : 10 -
انا على لحم دماغى...
الكاتـب : مارد الغضب - آخر مشاركة : ندوشه 2011 - مشاركات : 4 -
امانه عليك يا صحبي
الكاتـب : واد حبيب - آخر مشاركة : دمعه حائره - مشاركات : 6 -
طالع من درسي
الكاتـب : واد حبيب - آخر مشاركة : دمعه حائره - مشاركات : 7 -
صنوي
الكاتـب : يحيى الفضلي السودان - آخر مشاركة : دمعه حائره - مشاركات : 7 -
أجراس الحنين .. بقلم مهيب
الكاتـب : مهيب الركن . - آخر مشاركة : دمعه حائره - مشاركات : 8 -
ممكن ترحيب
الكاتـب : اميره باحجابى - مشاركات : 26 -
جيت لبلادك
الكاتـب : شاعر الحب الحزين - آخر مشاركة : دمعه حائره - مشاركات : 10 -

إضافة رد
 
LinkBack أدوات الموضوع انواع عرض الموضوع
قديم منذ /03-18-2011, 07:33 PM   #1

عضو جديد

 

 رقم العضوية : 30543
 تاريخ التسجيل : Sep 2009
 العمر : 26
 المكان : فى بيتنا واللى يسال مايتوهش
 المشاركات : 134
 النقاط : محبة الضحك will become famous soon enough
 درجة التقييم : 50
 قوة التقييم : 0

محبة الضحك غير متواجد حالياً

أوسمة العضو
افتراضي انا مبسوطة

إشتري علبة شوكولاتة مستوردة غالية و كلها.



إلعب لعبة مالعبتهاش من و إنت صغير.



إعرق و إنهج و حس إنك عايش.



إطفي نور أودتك شغل التكييف إسمع أكثر مزيكا بتحبها و إسرح معاها.



بص لأهلك و عرفهم قد إيه بتحبهم.



بص للي تحتك و إعرف قيمة كل حاجة معاك.



بص للي فوقيك و إعرف إن رغبتك إنك تبقى زيهم هي اللي مدية طعم لحياتك.



إستمتع بشمس الصيف.. بصلها و قولها إنك مش كارهها.. حتى لو عرقتك ..



روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..



في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.



إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.



إعرف إنك كائن مهم و في كل لحظة بتغير إتجاه التاريخ.



بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”



سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير..



بص لبنت مغرورة و إضحك من جواك.



بدون سبب إبعت رسالة لأي حد بتحبه قوله حاجة حلوة.



إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.



إضربها جزمة.



خلى اللي يكره يكره و اللي يشتم يشتم وإعرف إنهم مضيعين وقتهم.



إتأكد إنك لو عارف إنك هتموت بكرة هتعمل نفس اللي بتعمله دلوقتي.



حب جامد قوي حتى لو حبك مش هيستمر لحد بليل.



كل أكلة حلوة قوي.. بس ماتخليهاش تشبعك.



إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.



ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.



بطل خمرة و مخدرات.. و إتعلم إزاي تستمتع بحتى أوحش الحاجات حوليك.



أكسب نفسك و حب حد بيكرهك.



إكسب نفسك ثاني و حب حد بتكرهه.



إكسب نفسك ثاني و إنسى حد لسه بتحبه من غير ما تكرهه.



إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.



إنزل شجع مع الزملكاوية لما يكسبوا.. حتى لو إنت مش زملكاوي.



إقرا الكلام ده من غير ماتعلق عليه و لو مش عاجبك بطل قراية.



شوف فيلم الكيف و ماتتفرجش على آخر ربع ساعة فيه.



إتفرج على الناظر من أول ما بيظهر محمد سعد.



لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..



إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.



جرب أكلة جديدة في مطعم فخم.. ثمنها يخرب بيتك.. و روح و إنت مبسوط.



شد مع عربية سيات.



إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.





إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.



إفتكر قبل ما تنام كل الكلام الحلو اللي سمعت الناس بتقوله عنك.



كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.



كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.



شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.



فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.



سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.



إستحمى في نص ساعة.. خلى المية تنزل على وشك و إسمع صوتها كويس.



جيب لنفسك هدية و إستنى لحد عيد ميلادك و إديها لنفسك.



جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.



إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.



إشرب مية كثير.



ماتغضبش مهما حصل.



أشكر كل الناس بسبب و من غير سبب.



لو حد إتريق عليك إضحك.. حتى لو من جواك بتضحك عليه.



لو حد شتمك حط ده في تانك البنزين بتاعك علشان يبقى طاقة تحركك لقدام.



لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.



لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.



بص لإمبارح.. و شوف إتعلمت منه قد إيه..



خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..



إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..



إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.



لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..



إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.



إتبسط.. و لو مش عايز تتبسط.. مش هتعرف تعكنن عليا.



لإن أنا مبسوطة







  رد مع اقتباس
إضافة رد

الكلمات الدلالية (Tags)
مبسوطة, انا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
أما أنا مبسوطة جداااا لأنى إمبارح أبـكتنــى ذنوبــى منتدى الاسلاميات والقرأن الكريم 10 12-23-2011 04:33 PM
أنا مبسوطة كتيييير وفرحانة... nano.syria بقلم أعضاء بنات مصر - حصري 16 10-13-2011 06:08 AM
فيديو عجوز مبسوطة جداً حسن513 يوتيوب - موقع يوتيوب - يوتيوب فيديو - مقاطع يوتيوب 8 03-02-2010 03:07 PM


الساعة الآن 08:44 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w