سر الحشكبولى

الاسكندرانى الشقى · منذ /03-25-2011, 05:32 AM

في يوم من الايام اللى مطلعتلهاش شمس دخلت و احدة من البنات اللى يطلق عليهم بنت جامدة جدا مطعم شيك ومحترم وكان معاها شنطة صغيرة فيها علبة صغيرة

دخلت و قعدت .... و قعدت تنده على المتر
بس بس بس انت يا متر بلييز -
الراجل المتر جه و هو راجل محترم ابن ناس كدة زيكوا بس الزمن جار عليه و اشتغل متر بعد ماعيلته فلست و باع عربيته و متجوزش البت شلبية اللى كان بيحبها المهم مش دة موضوعنا
قاللها : أأمري يا هانم
قالتله : عايزة واحد سكلوب و واحد سلطة
قالها : بس كده
قالتله : لا و كمان عايزة 2 جوز حمام و 3 كيلو كباب و فرختين
الراجل عينيه و سعت و قال قشطة هنعمل شغل النهاردة
و قالها : بس كل ده كتير يا هانم انتى مستنية حد ؟
قالتله : لا الكباب و الحمام و الفراخ للحشكبوللى الصغير
الراجل بص للسقف وقال حشكبوللي ؟
عبيطة دى ولا ايه !!!
المهم قالها تحت امرك

***

الراجل مشى وعمال يفكر مين الحشكبوللي الصغير ده انا مش شايف معاها حد
جاب الطلبات و مشى و قعد مستنى يشوف مين الحشكبوللي الصغير ده
الست قعدت تاكل فى الاسكلوب و السلطة و سابت الباقى لحد ما تخلص
الراجل قال اكيد لسه الحشكبوللى موصلش
المهم الست خلصت و طلعت العلبة الصغيرة و قعدت تدخل الاكل جوة العلبة .. والراجل قاعد يتفرج ودماغه هتشت
الست تدخل الاكل و الاكل بيخلص و تدخل الاكل و بردة عمال يخلص وهى تتدخل الاكل و عمال يخلص
المهم الاكل خلص
خدوا بالكوا 3 كيلو كباب و 2 جوز حمام و فرختين
و قالتلوا
بس بس بس انت يا متر -
الراجل راحلها بعد ما عينيه احوّلت وقالها : تحت امرك يا هانم
قالتله : معلش اصل الحشكبوللي الصغير لسه ماشبعش ياريت تجبلى كمان 3 كيلو كباب و 2 جوز حمام و فرختين
المتر قالها : انا امرك تحت يا فندم...و مشى وهو بيعرج وشايف الزباين كلهم شخص واحد و جاب الاكل و حصل نفس اللى حصل و الست تتدخل الاكل فى العلبة و الاكل يخلص
راحت ندهتة تانى و راح الراجل قالها : اكيد الحشكبوللى لسه مشبعش اصل انا عارفة طفس
قالتله : وانت تعرفوا منين دة محدش شافوا قبل كدة امشى يلاّ هاتلى 2 دستة جاتوة و فرووت سلات و 3 ام على علشان الحشكبوللى الصغير عايز يحلّي

***

الراجل مشى و هو بيدعى على نفسه و يلعن ام اليوم اللى اتولد فيه وقال عليّا الطلاق من البت شلبية اللى ماتجوزتهاش ما انتى ماشية قبل ماعرف العلبة دي فيها ايه
و جاب الحاجة والست طبعا قعدت تدخل الاكل العلبة لحد ما الاكل خلص و ندهت المتر و قالتله : الحمام فين عايزة اغسل ايدى
الراجل ورّاها الحمام و قال بس فرصة افتح العلبة واشوف فيها ايه
المهم مكدّبش خبر و اول ما الست راحت الحمام راح يفتح العلبة
بيفتــــــــــــح العلبة و بص فيها
وكانت المفاااااااااجأة
:cv30:
:cv30:
:cv30:
:cv30:
:cv30:
:cv30:

!!!!!!!!!!!!!!!

لقى حشكبوللــــــــــــــي صغيّر ......

:vb39::vb39::vb39:

منقول