مصلحة لينا الخروج من كاس افريقيا .؟

[ღ Gի๐sτ ღ]

كويس اننا خسرنا النهاردة والله انا فرحت
لسببين

1 - عشان الناس تعرف قيمة ابوتريكة اللى قعدو يقللو من تاريخو فى الفترة الاخيرة

2- عشان نخلع بقى من كاس امم افريقيا
البطولة دي ملازمانا طول الوقت مفيش صبر طوال الوقت اما كاس افريقيا او تصفيات افريقيا الواحد اتخنق منها وبقينا زهقانين

دلوقتى احنا خسرنا وان شاء الله منلعبش فى افريقيا

فلازم الفترة الجاية بقى الكل يهتم بكاس العالم فقط لا غير
لان كاس افريقيا دي هي اللى كانت بتخلينا منهتمش بكاس العالم لاننا بنهتم بيها والناس تتسائل ازاي نكسب كوت ديفوار والناس دي فى كاس افريقيا والتصفيات لا

الاجابة لان الناس دي بتلعب كاس افريقيا كـ منظر مش اكتر ومحدش بيؤدي بمستواة خوفا علي الاصابات والخ

ولكن تفكيرهم فى كاس العالم
فاية المانع اننا دلوقتى طالما هانخرج من افريقيا قدامنا سنتين نبنى فيهم منتخب جديد مع وجود 4 لاعبين زي تريكة وائل جمعه والحضرى وسيد معوض يشيلو المنتخب والباقى كلو شباب

عشان يبقى ندخل تصفيات كاس العالم جاهزين ودماغنا فى كاس العالم فقط
مش دماغ مركز بتصفيات كاس عالم وبنفس الوقت تركيز بتصفيات كاس امم افريقيا وكاس امم افريقيا وكاس العالم للقارات

لو تفتكرو كاس العالم للقارات قبلها باسبوع خسرنا من الجزائر ؟
السبب لان الكل عمال يفكر فى مباراة البرازيل وايطاليا
ومحدش اهتم بمباراة الجزاير

ولكن بعد ماخلصنا كاس القارات وبطولات افريقيا وبقى قدمنا بس تصفيات كاس عالم
الكل اتفرغ للتصفيات والشعب كلو التف حول المنتخب
ولكن قبلها كان الكل متفرق شوية افريقيا وشوية قارات وشوية تصفيات محدش عارف يركز في انهي فيهم

[coralin]

تمام
شكرا
.........

[~♥ Queen sozan♥~]

شكرا على الخبر

وهيركزو حاضر فى كاس العالم !

[ساحر الأحزان]

خليهم يرتاحو شوية

ونعطى فرصة للمنتخبات الاخرى

حقيقى شىء يزعل

مشكور على الخبر

[عيون جريئة]

واللهي انا مش شايفة ان ابو تريكة لو نزل من اول الماتش كان هيفرق امبارح
التشكيل كله مكانش مظبوط مش ابو تريكة يعني اللي كان هيفوز المنتخب
شكرااا

[M@HMOUD]

الناس كلها جاي على شيكا والراجل واخد راجل المباره
وبعدين ولا كان تريكه ولا زيزو هايفرقوا لان التشكيل كلوا غلط

تسلم

[ღ Gի๐sτ ღ]

محدش جة علي شيكا
شيكا اتظلم فى المباراة لما يشيل المنتخب لوحدة وهو لسة ملوش فى المباريات دى

انما انا بتكلم علي ان الناس كانت قبل المباراة يطالبو باعتزال ابوتريكة وبعد المباراة الكل يقولك اين تريكة :d
فهمت المقصود

وثانيا
اهو يلا مش مشكلة عشان نبقى حطمنا الارقام القياسية ودخلنا التاريخ

[واد حبيب]

والله انا كنت زعلان والمباره شغاله

لاكن بعد الهزيمه والله فرحت علشان كفايه كده

بفسي اشوف مصر في كاس العالم مره واحده

ايه يعني ابطال القاره واحنا مش عرفين نلعب مع الكبار

شكرا علي الخبر

الحبيب

[بنتك يا مصر وافتخر]

انت معاك حق فى كل كلمه
وبجد تسلم ايديك

[ღ Gի๐sτ ღ]

تسلمو عالمرور