الفرق بين يوم البنات ويوم الولاد ...

[sara_A.A.H]

الفرق بين يوم البنات ويوم الولاد ...

نبدا بيوم الولاد .......
اول ما يبدا الواد يومه بوش مامته ولا اخته : قوم يا حبيبي العصر اذن !!
الولد : ايه يا ماما ...!!!!!!!!! مصحياني بدري انهارده ليه ؟؟؟
مامته : معلش يا حبيبي ... انا خفت الغدا يبرد .. فمتستطعمش الاكل ..
الولد : اكل ايه يا ماما بقا !!!! تعالي بعد نص ساعه اكون فقت
الام : خلاص ياحبيبي .. معلش انا اسفه كمان نص ساعه ...
بعد ساعه ونص :
الام : ها يا حبيبي ...؟؟؟؟؟؟؟؟؟؟ فقت ولا كمان نص ساعه
الولد : لا يا ماما فقت خلاص .... الاكل جاهز ؟؟؟؟؟؟؟؟؟
الام : اكيييييييد جاهز ... انا لسه مسخناه تاني .... انت بس قوم ولا يهمك ..
على الغدا :
الولد : ايه يا ماما .... بقا انتي مصحياني علشان الاكل الدلع ده ؟؟؟!!!!
الام : معلش يا حبيبي ... اختك مقصوفة الرقبه محطتش الملح ... قومي فزي يا بت !!!!!!!!!!
الولد : هو يعني مش دلع اوي معقول ........ اهي لقمه نكمل بيها يومنا ....
الام : انا اسفه ... خلاص وعد مني بكره اعملك ملوخيه بالبط والارانب والفراخ انما ايه تاكل دراعك وراها .
الولد : اوفففففف ... ملوخية ايه يا ماما


بعد ساعه :
الام : انتي يا بتتتتتتتتتتتتتتتتتت !!!!! فين اخوكي
البنت : لسه فاكره ؟؟ دا اتغدى من هنا وخرج من هنا


طبعا الواد مع صحابه ... عمالين يلفو ويدورو ( يصيعوا ) من هنا لهناك
وميرجعوش البيت اللا على وش الفجر ....

الام : كده يا ............... تقلق ماما كل ده ؟؟؟
الولد : ايه يا ماما انتي شايفاني عيل ... المهم اوعي تكوني خرجتي البت ( اخته) انهارده !!!!
الام : لا لا .....لا ...هو انتا عمري قلتلي حاجه وانا عملت غيرها ؟؟؟؟؟
الولد : اااااااااااااااه .... بحسب ... طب كويس .... ها العشا جاهز ؟؟؟
الام : اكيد يا حبيبي ...............
________________________________________________
ياعيني عالواد عايش حياته معزز مكرم طول اليوم يا ( حبيبي ) من مامتته او الجيرل فريند .............



نروح بقا للاخوات ( البنات ) :

الساعه 8:00 الصبح
الام : بتتتتتتتتت .........قومييييييييييييي ... انتي يا مقصوفة الرقبه .....بتتتتتتتتتتتتتتتتتتتتت ياااااااااااااااااااا بتتتتتتتتت .. ايه .. الاميره النائمه !!!!!

البنت : ايه ياماما .... حرام عليكي ... انتي مخليتينيش انام امبارح اللا بعد ماحضرت لاخويا العشا ..
الام : قومي ياختي ... عايزه مين يحضرله الغدا ....؟؟؟!!!!!!!!
البنت : معليش ياماما .. الله يخليكي .. عشر دقايق بس ...
الام : هما خمس دقايق .... لو مالقيتكيش في المطبخ .. مش هخرجك في العيد!

بعد 30ثانيه:

الام: قومي يا ( عيب ) انا سايباكي بقالي نص ساعه ..... خااااااللصيييييييي
قبل ما خوكي يصحا ... ولا عايزاه يتدايق .. انا واعداه بملوخيه بال.. وال,,,, وال..........
البنت : حااااااااااااااااااااااااااااااااااضر .....
بعد ما البنت عملت الغدا وحطته عالسفره ... لازم بقا تستنا مامتها تصحي اخوها ,,,, والبت ياعيني عماله تبص للغدا معشمه فيه ....

واحنا طبعا عرفنا الحوار اللي عالسفره .....



بالليل بعد مالبت غسلت المواعين ونظفت وكنست ومسحت و......و........و.......و.........و.............و. ...........,و...........

البنت :ماما .... الله يخليكي ويبارك فيكي اروح عند....جارتنا هعد معاها شويه اللله يخليكي ويبارك فيكي ّ!!!
الام : انتي خلصتي غسيل ومسيح و........و...............و..............و........
البنت : ايوه وخلصت كمان ..........و..................و..................و. .......
الام : مممممممممممممممم ؟؟؟
البنت : هاااااااااااااااااا؟؟؟؟؟؟؟؟؟؟؟؟؟؟؟؟
الام : لا
البنت : ايه !!!!!!!!!!!!!!!!!!!!!!!!!!!!!!!!!!!
الام : لا .
البنت : ليه ّ؟؟؟؟؟؟؟؟ دي في الشقه اللي جمبنا ... ليه بس ؟؟؟؟
الام : ماعندناش بنات يروحو الجيران ... اللي عيزك يجيلك ..
البنت : خلااااااااااااص ... مش هروح بس الله يخليكي ويبارك فيكي عايزه 10 جنيه بس اجيب بيها كرت شحن ارن علا صحابي احسن يفتكروني مطنشاهم
الام : عندك التلفون بره ... انا اصلا غلطانه يوم ما جبت لك موبايل...
البنت : حسبي الله ونعم الوكيل


وطبعا البنت لازم تفضل سهرانه تحضر العشا ... لحد ما الاستاذ ييجي وتسخنو ليه وتحطهوله وبعدين تشيل الاكل وتغسل المواعين وبعد ده كله تتكل على ربنا وتخش تنام.......
وبعدين _ _ _ _ _

نلف في دواااااااااااااااااااير ودواااااااااااااااااير
__________________________________________________ _____________________

وبعض الاحيان الحكايه دي تتقلب خالص
يبقا الواد زي البت
والبت زي الواد

والحكايه اللي فوق مبالغ فيها حبتين
بس ماخوده من الواقع
وكبنت .... الللي عليا وعليكن نقول
( حسبي الله ونعم الوكيل )
ههههههههههههههه
ههههههههههه
ههههههه
ههه
هه
ه



كنزي

[توته]

ميرسي يا كنزي على الموضوع الراقي مستنين جديدك الرائع والمتميز

[sara_A.A.H]

اقتباس المشاركة الأصلية كتبت بواسطة توته ميرسي يا كنزي على الموضوع الراقي مستنين جديدك الرائع والمتميز

العفو يا عسل انا اللي لازم اشكرك على ردك اللي نور التوبيك

[βσησţσ đℓσ3σ]

ههههههههههههههههههههههه

بصراحه مش للدرجه دى يا كنزى


مشكوره يا قمر ع التوبيك الروعه

تسلم الاياادى

[sara_A.A.H]

اقتباس المشاركة الأصلية كتبت بواسطة βσησţσ đℓσ3σ ههههههههههههههههههههههه بصراحه مش للدرجه دى يا كنزى مشكوره يا قمر ع التوبيك الروعه تسلم الاياادى

هههههههههه
انا عارفه
وكتبي تحت ان الحكايه زياده حبتين
ميرسي عالمرور الجميل
نورتي التوبيك

[Rona el Tota]

ههههههههههههه جاااااامدة جدا ياكنزى بجد رووووووووووووووعة ههههههههههههه
تسلم الايادى
رونا

[sara_A.A.H]

اقتباس المشاركة الأصلية كتبت بواسطة rona el tota ههههههههههههه جاااااامدة جدا ياكنزى بجد رووووووووووووووعة ههههههههههههه تسلم الايادى رونا

العفو يا رونا
شرفتي الموضوع بردك

كنزي

[BlackEagle]

مرسى على الموضوع

بس انتى كده طلعتينا شياطيين اوى

بس حنقول ايه مين بيشهد للعروسه

[sara_A.A.H]

اقتباس المشاركة الأصلية كتبت بواسطة BlackEagle مرسى على الموضوع بس انتى كده طلعتينا شياطيين اوى بس حنقول ايه مين بيشهد للعروسه

ههههههههههههههههههه
معلش
انا عارفه
مانتو ياما طلعتو فينا بلاوي
هههههههه

ميرسي يا غالي على ردك

[the king 222]

هههههههههههههههههههههههههههههههههههههههههههههههههه هههههههههههههههههههههههههههههههههه

بجد زى الفل

بس صلى على النبى كده


ههههههههههههههههههههههه

تقبلى مرورى

وشكرا


اخوكى ياسر