A7med Group 4 Art Production

[S n i p e R]

هلا هلا بالبنوتات سواء البنات منهم او الأولاد هنا سيادتي انساتي سادتي نحب نعرفكم بان شركتنا للإنتاج الفني اتفتحت بعون الله وهنبدا الشغل ((ايوة ياض يا مورشو احقد احقد احقد شركتي هتنزل وتكسح شركتك بعون الله ككككك)) طبعا في ناس قمرامير كتير هيسألوا ايه احمد جروب للإنتاج الفني دي سواء سألت ركز معايا تحت وانتا تفهم بص يا سيدي انا وانا قاعد سألت نفسي سؤال هل انا اقل من السبكي مثلا طبعا لأ بلاش طب هل المنتدى اقل من روتانا سينما بردو لأ خلاص يبقى مبدهاش يا احمد ننزل مسلسلات وافلام في المنتدى بس مش اي افلام ومسلسلات لا دي Made in Msryat.org اه اصل احنا صيع بيتهيالى الفكرة كدا بدأت توضح واحد شاطر فيكوا دلوقتى كدا يرفع ايدوه ويقول يا مستر ازاي هنعمل افلام ومسلسلات اقوله انزل بالماوس تحت يا فتك وانتا تعرف نزلت يا فالح برافوا عليك انا كدا هعرفك بص يا سيدي احنا هنمثل بالكتابة بس اكيد يعني مش هنتفق نتقابل في مكان ونصور اصلها مش حلاوة التصوير هيكون عن طريق الميل يعني بالبلدي كدا الممثلين هيجتمعوا فكون مع بعضيهم وهنبدا تمثيل حلو؟ حلو دلوقتى واحد اذكى من الاتنين اللى فاتو هيقول يا مستر طاب وهنجيب منين ممثلين وكتاب اظن انتو بأه عرفتو هقولوه ايه تحت احنا بمنتهى البساطة فاتحين باب الاشتراك لكل الاعضاء انهم يشتركوا معانا سواء في فريق الكتابة او في فريق التمثيل او في فريق الإخراج ودلوقتى هقولكم الصفات المطلوبة في لكل شخص منهم بالنسبة لفريق المؤلفين المطلوب كالتاتي :- 1-يكون عندك موهبة في كتابة القصص القصيرة والروايات 2-تكون موافق انك تعمل اد ليا ولفريق المؤلفين كامل ع الميل ((ويا سيدي لو الموضوع مضايقك اعمل ميل خاص للجروب بس)) 3-تكون متعاون ونشيط عشان عايزين قصص كتير عشان الشغل بالكوم 4-تكون مستعد للعمل تحت قيادة زعيم فريق المؤلفين اللى هو استاذي الفاضل: شريف القناوي بس كدا هو ده المطلوب بالنسبة للمؤلفين ندخل في الفريق رقم 2 هو فريق الممثلين الشروط هي :- 1-تكون عندك موهبة في التمثيل (في ناس هيقولوا الموهبة هنا سهلة هقول لأ عشان الموضوع هنا مفهوش سيناريو يعني انتا اللى هيجيلك دورك وانتا اللى هتحولوه لحوار)) 2-نفس الشرط اللى عند المؤلفين بس هيكون للممثلين ((وبردو لو مضايقك اعمل ميل خاص بالجروب)) 3-نشيط جدا جدا جدا جدا اللى هيكون ليه دور ويفوت حلقته بدون عذر هيطرد ع طول مفهاش هزار 4-تكون مستعد للعمل تحت قيادة نيمو عشان هو هيكون كابتن جماعة التمثيل تمام كدا خلصنا الممثلين ندخل في اخر جماعة جماعة الإخراج دول بأه بتوعي انا مش عايزين فيها غير اتنين انا وديساينر خاص بالجروب يعني انا طالب ديساينر ويا سلام لو يعرف سوتيش ماكس كمان كدا خلصت الشروط كلها اللى شايف نفسوا فيه المواصفات الكافية لاحد تلك الأعمال يكتب هنا في التوبيك مشترك في جماعة ...... وكمان يعملى اد ع الياهوو ميلي موجود في البروفايل كدا بأه اظن كل حاجا واضحة لو في اي حد مش فاهم حاجا اكتب استفسارك هنا وانا هرد عليك تحياتى

[Mo7aMeD Lotfy]

هو انا فهمت ان فى تمثيل ومخرجين

وممثلين وحوار كتابى

وواضح ان الموضوع مهم

:747:

ده اللى وصلتله

بس عاوز اسئل احمد حلمى هييجى ولا ذى كل مره يقلى جى

وييجى بردوا



.....

ديما افكارك جميله بس صعبه حبتين فى التنفيذ

وربنا يوفقك يا معلم

انا انا اعتبرنى معاكم

هطلع اعمل باظ فى الياهو


...

بالتوفيق يا ابو حميد

وان شاء الله تتنفذ وتبقا ناجحه

اخوووك

[دمعه حائره]

بسم الله ماشاء الله افكارك جميله يا احمد
برافو عليك بس انا هاكون من المشاهدين
وهاتابع معاكم باستمرار ان شاء الله
بالتوفيق دايما وفكره بجد رائعه
تحياتى

[رقة BaNOTa]

ياافكارك بجد تحفه
بس بالنسبه ليا بكل تواضع انا عندي كل المواهب ديه
تقدر تحطني في التمثيل او التاليف

معاك ياباشا
بس بعد الامتحانات

[مان مصر]

افكارك جامدة ياشقاوة بس صعبة
اوى ياصحبى ان شاء الله موفق
وانا اكيد من المشاهدين . انت
عارف ظروفى بجد ماتسمحش ارتبط بحاجة
بالتوفيق ياكبير

[morshooo]

وصل وصل وصل

اسكت ياض مش الشركة اتوقفت

هههههههههههههههه

شكلك ماشاء الله طلعت عليا طلعه زى الفل

الفكرة جامدا بس ربنا يسهل وتتنفذ يانجم

وبعدين انا هظبطك كتابات ياض

انا مؤلف واعجبك ^^

بالتوفيق يا ابن محمود

[عاشقة الهدوء]

لا بجد يأحمد فكره حلووووووه قوووووووى

وان شاء الله هتجيب نتيجه وكاااان نفسى

اشترك اانا برضه يجى منى ممثله ومغنيه

وكوميديانه ايه أعجبك هههههه

بس أنا مش هبقى فاضيه هبقى أتابع كده ان شاء

الله وأكيد هيبقى البرنامج جميل وناجح

ربنا يوفقك وتفضل دايما متميز بأفكارك ومواضيعك

فى أماااااااااااااااااااااااااان الله

[Love Paradise]

احم احم .. الله ينور يا بشمهندس "" اهو بعيد عن الدكاترة اهه ههههههههههه ""..

فوكيية كميلة فعلاً ،، وانا طبعا يكونلي الشيف ^ اذا ماكانش يضايق حضيتك ^ اني ابقي في فييق التأليف "" ..
و..
وكفاية لغاية كدة .. يلا مااعطلكش كككككككك

[a m i r a]

يآواد آنت آيه آلافكار آلجامديشه دي ,,

فوكره تحــفه والله مبدع يآ أحمد با آفكارك

آممممم هي عجبني بس

ممكن اشارك ومش ممكن

يعني شوتين كيدآ افكر

في آلشروط

مش هي ممتدآ شويه .!

بالتوفيق ليكم آنشاء الله

[۩۩ elMagic ۩۩]

تسلم يا ابو حميد
فكرة جامده جدااااااا
يااااه تعرف لو كانت فى الاجازة دى كنت حاطيت فى دماغى حكايه الديساينر دى وبقيت معاك يا واد
يلا بالتوفيق للجميع ان شاء الله