::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
حل جميع مشاكل إيقاف الفوتوشوب وإستعادة الإعدادات الافتراضية-Restore Photoshop default
الكاتـب : JUST AHMED - آخر مشاركة : يحيى الفضلي السودان - مشاركات : 1 -
البطل المزيف....قصة قصيرة
الكاتـب : مارد الغضب - آخر مشاركة : يحيى الفضلي السودان - مشاركات : 2 -
الوفاء
الكاتـب : يحيى الفضلي السودان - مشاركات : 5 -
كوكب جديد
الكاتـب : يحيى الفضلي السودان - مشاركات : 3 -
لا تقلقى - بقلمى
الكاتـب : الفارس الخيال - آخر مشاركة : مارد الغضب - مشاركات : 4 -
سهل نخسر بعض
الكاتـب : شاعر الحب الحزين - آخر مشاركة : مارد الغضب - مشاركات : 11 -
غموض عاشق - بقلمى
الكاتـب : الفارس الخيال - آخر مشاركة : يحيى الفضلي السودان - مشاركات : 1 -
حز في قلبي
الكاتـب : يحيى الفضلي السودان - آخر مشاركة : hodahani - مشاركات : 2 -
خط الزمن
الكاتـب : ahmed 22 - آخر مشاركة : منهل المعرفه - مشاركات : 6 -
إزاي تضيف التأثير الدرامي بالفوتوشوب - Create a Dramatic Color Effect
الكاتـب : JUST AHMED - آخر مشاركة : يحيى الفضلي السودان - مشاركات : 1 -
انا حاسس بيك
الكاتـب : ahmed 22 - آخر مشاركة : هدوء نسمة - مشاركات : 4 -
السلام عليكم
الكاتـب : يحيى الفضلي السودان - مشاركات : 8 -

إضافة رد
 
LinkBack أدوات الموضوع انواع عرض الموضوع
قديم منذ /04-29-2011, 05:52 PM   #1

عضو ذهبي

 

 رقم العضوية : 69425
 تاريخ التسجيل : Apr 2011
 المشاركات : 1,644
 النقاط : رومانسى روش will become famous soon enough
 درجة التقييم : 50
 قوة التقييم : 0

رومانسى روش غير متواجد حالياً

أوسمة العضو
Thumbs up (قصه رومانسيه مووووووووووت)


الحلقه الاولي




زي كل يوم خرج يصبح عليها من بلكونه اوضته اللي قصاد شباك اوضتها

رنا : صباح الخير يا حبيبي

رامي: صباح الفل علي عيون اجمل رنا في الوجود..وحشتيني اوي

رنا: و انت وحشتني اوي اوي

رامي: يلا ربع ساعه و الاقيكي واقفه تحت في مكانا عشان اوصلك علي جامعتك

رنا: لا يا حبيبي مينفعش النهارده .. احمد هيوصلني معاه

احمد اخو رنا الوحيد مهندس في شركه مقاولات كبيره في اسكندريه

رامي: نعم احمد .. و ايه اللي هينزله بدري كده ؟

رنا: هيعدي يجيب معاش بابا و يوصلني في طريقه و بعد كده يطلع علي الشغل

رامي: يعني ايه مش هعرف اقابلك النهارده؟

رنا: معلش بقي ماانت معايا اهه

رامي: لا انا هجيلك بعد ما تخلصي محاضراتك و هطلع عين البيه اخوكي ده و اسيبله كل شغلي و اخلع

رنا: هههههههه احسن برده يستاهل و انا هستناك انا هخلص الساعه 2

رامي: 2 الا ربع هتلاقيني وافق علي باب كليتك

رامي برده مهندس و صاحب احمد الانتيم و بيشتغل معاه في نفس الشركه و نفس المكتب

رنا في اخر سنه كليه الصيدله


في الشغل

رامي باستعباط : ايه ده تتحسد و الله جاي بدري النهارده ... معدتش عليا ليه؟؟

احمد: اصلي وصلت رنا الجامعه و بعدين رحت اجيب معاش بابا.. النهارده 10 في الشهر و ماما مبقتش تقدر تروح تجيبه .. و بعدين يا اخويا زعلان اوي عشان معدتش عليك ال يعني اسم الله بلاقيك كل يوم مستنيني

رامي: و انا اعملك ايه انت اللي بتصحي متاخر و انا بحب اجي بدري

احمد: ماشي يا عم الملتزم

رامي: انا همشي بدري النهارده و عايزك تطلع جدع معايا كده و تكمل الشغل بتاعي عشان اعرف ازوغ

احمد: تزوغ ده انا لسه بقول عليك ملتزم

رامي: مره يااخي من نفسي ماانت كل يوم تسيبلي شغلك كله و تمشي

احمد: ماشي يا سيدي بس قولي هتزوغ علي فين؟

رامي: ها... مشوار كده لازم اعمله قبل الساعه 2

احمد: اممممممم طيب

احمد كان حاسس ان في حاجه بين رنا و رامي لكن مكنش يعرف ان في بينهم مقابلات و كلام كمان لانه بيثق اوي في اخته و في صديق عمره كان بيسكت علي بعض النظرات اللي بيشوفها دايما في عنيهم لما يشوفوا بعض في اي مكان يجمعهم هما التلاته بالصدفه



في الجامعه رنا جايه من بعيد معاها اتنين من صحابها لمحت رامي استاذنت من صحابها و قربت منه

رامي: وحشتيني يا حياتي

رنا: و انت كمان وحشتني اوي

رامي: يلا بينا

رنا: علي فين؟

رامي: نروح نتغدي في اي مكان انا واقع من الجوع

رنا: لا يا رامي احسن حد يشوفنا تبقي مشكله

رامي: مين بس اللي هيشوفنا الشغل اللي سبته لاحمد مع شغله قدامه للساعه 5 لما يخلص منه

رنا: يعني محدش عارفني غير احمد؟

رامي: متحبيكهاش بقي لو حد شافنا هخدك و نروح علي الست والدتك و اقولها يا ست الكل انا عاوز اتجوز بنتك و حياتك عندي اتجوزك في اسبوع واحد

رنا: بحبك

رامي: يعني موافقه طب يلا بينا



شدها من ايدها و خدها في عربيته علي مطعم علي البحر


رنا: انت بتوحشني اوي يا رامي مع انك قدامي كل يوم و ممكن اشوفك في اي وقت بس دايما واحشني نفسي تبقي معايا علي طول

رامي: ماانتي اللي منشفه دماغك كان زمانا متجوزين من سنتين

رنا: يا حبيبي مش عايزه اتجوز و انا بدرس عشان منشغلش عنك يا روح قلبي بالمذاكره ووجع القلب اللي انا فيه ده

رامي: بعد الشر علي قلبي من الوجع .. بس تعالي هنا قوليلي معني كلامك ده انك اخيرا اقتنعتي انك متشغليش بعد الجواز مش كده؟

رنا: مين قال كده هشتغل طبعا بس تفرق الشغل هيبقي الصبح و هترجع من شغل تلاقيني موجوده في البيت مستنياك لكن لو لسه بدرس هتلاقيني ماسكه الكتاب ليل و نهار ده غير المحاضرات كل يوم و السكاشن اللي ممكن تقعد ل 5 /6 و و و

رامي: بس بس عقدتيني خلاص هانت كلها شهرين و نخلص بس الجواز هيتم في خلال شهر واحد اها مفيش لا خطوبه و لا غيره

رنا: لا خطوبه ايه احنا بقالنا اكتر من عشر سنين في حكم المخطوبين علي الاقل بينا و بين نفسنا

رامي: ياااااااه فات علي حبنا عشر سنين انا مش مصدق نفسي عدوا كانهم عشر ساعات

رنا: العمر بيعدي بسرعه البرق و الايام الحلوه بتعدي هوي

رامي: لالالا متقوليش كده ايامنا كلها هتبقي سعاده و حب في حب باذن الله

رنا: يارب يا حبيبي انا مش عايزه من الدنيا دي غير انك تفضل معايا

رامي: و انا عمري ما هسيبك ابدا ابدا علي قلبك دنيا و اخره مش هفارقك و لا لحظه يا حياتي

رنا: ربنا مايحرمني منك ابدا

رامي: و لا يحرمني منك يا قلبي





في بيت رامي دخل علي والدته الست ماجدهبتعشق رامي و بتخاف عليه من الهوا الطاير امنيه حياتها تعيش و تشوفه عريس و تشيل ولاده زي ما شالت ولاد ندي اخته بس مش لاي عروسه لهند بنت اختها


رامي: ازيك يا مجود يا حبيبتي

والدته : انا الحمد لله يا حبيبي انت اخبارك ايه؟

رامي: انا تمام يا ست الكل

والدته: احضرلك الغدي؟

رامي: لالالالا انا شبعان اوي و مبسوط اوي اوي

والدته: ربنا يبسطك كمان و كمان ... بس قولي مش عاوز تاكل ليه؟

رامي: يا ست الكل بقولك شبعان اصلي اتغديت بره

والدته: اااه طيب يا حبيبي روح غير هدومك عشان عيزاك في موضوع مهم

رامي: موضوع ايه؟

والدته: بس روح غير هدومك و اغسل وشك و تعالي

رامي: حاضر يا ست الكل

* يارب استر و ميكنش الموضوع اللي في دماغي مش طالبه نكد معايا دلوقتي خالص


غير هدومه و رجعلها

رامي: ها يا ست الكل ايه بقي الموضوع اللي عايزه تكلميني فيه؟

*يا ساتر استر يارب

والدته: خالتك و بنت خالتك جايين عندنا النهارده

رامي:

* يادي النهار الكحلي

والدته: مبتردش ليه يا واد؟

رامي:هرد اقول ايه يعني يا ماما ينوروا

والدته: كنت فكراك هتفرح عشان هند جايه قلت هتقوم تبوسني

رامي: من عنيا يا ست الكل ابوسك اها افرح لا و ادي البوسه

قام باسها من خدها

والدته: انت عمرك ما هتتغير ابدا؟

رامي: و اتغير ليه بس ماانا حلو و زي القمر اهه و لا انتي عندك شك

والدته: اتكلم جد شويه مش معقوله كده ياابني كل ماافتح معاك الموضوع ده تقلبه هزار كده

رامي: عشان يا ست الكل مش هنفذ اللي انتي بتفكري فيه انتي عارفه كويس اني مبحبش هند و اني بحب رنا و مش هتجوز غيرها

والدته: يادي رنا هي سحرالك دي و لا عملالك عمل؟

رامي: اها يالهوي يا ماما سحرالي بس ده انا لما بشوفها بحس اني طاير فوق فوق بعيد في الجنه انا بحبها اوي يا ماما ارجوكي تقدري الحب ده و توافقي عليها و الله هتحبيها اوي

والدته: ياابني و هند مالها بس؟

رامي: يا ماما هند كويسه و كل حاجه بس انا بحب رنا مش شايف و لا هشوف حد غيرها و كلها شهرين و اخدك من ايدك يا ست الكل و نروح نتقدملها

والدته: مش هيحصل طول ماانا عايشه مش هيحصل

رامي: هيحصل يا قمرايه يا عسل انت ماجده بتحب رامي و مبترفضلوش طلب و اكيد تحب تشوفه فرحان و سعيد و مستقر في حياته يبقي هيحصل و لالا؟

والدته بعصبيه: اها يانا منك



دخل اوضه الصالون بعد ما سابته والدته و هي زعلانه و مسك التليفون و اتصل علي ندي

ندي: لسه فاكر تسال علي اختك

رامي: معلش يا دودي و الله مشغل لشوشتي برجع من الشغل همدان مبحسش بنفسي

ندي: ربنا معاك يا حبيبي اخبار ماما ايه و البت رنا عامله ايه وحشاني الندله؟

رامي: رنا كويسه الحمد لله بتسالني عليكي دايما و الله اما ماما بقي

ندي: ايه مالها ماما اوعي تكون تعبانه

رامي: لا كويسه الحمد لله بس خالتك و بنتها جايين النهارده

ندي: اها فهمت

رامي: ما تحاولي تليني دماغها يا ندي انا تعبت اوي و الله بحاول اتماسك اعصابي و اشوش علي الموضوع يمكن تنسي و مبتنساش ابدا ملناش سيره غيره

ندي: ماانت عارف ماما اللي في دماغها في دماغها بس ان شاء الله هتلين انت عارف قد ايه بتحبك و متقدرش تزعلك

رامي: ياااارب

ندي: ان شاء الله ... اقولك تعالالي النهارده الولاد عايزين يشوفك

رامي: و الله فكره هقولها اني وعدت خالد و عمر اني افسحهم النهارده و اخدهم افسحهم شويه

ندي: ماشي يا حبيبي و انا مستنياك


اقنع والدته بالحجه اللي اخترعها و هرب من المقابله بينه و بين هند و كل مره كان بيخترع بيها حجه عشان ميشفهاش و يهرب دايما من كلام والدته بمنتهي اللباقه و الحكمه


لحد لما عدي الشهرين


خلصت الامتحانات و اخيرا هيتقدم لحبيبته و هيتحقق حلم عمره بس قبل ما يحصل ده لازم والدته توافق عشان تروح معاه

هتوافق و لالا و ياتري هيقدر يقنعها و يحقق اللي في دماغه ده اللي هنعرفه الحلقه الجايه اللي هتكون بدايه لكل الاحداث اللي جايه

مستنى رايكم
واذا القصه معجبتكوش
قولوا وانا مش هكملها







  رد مع اقتباس
قديم منذ /04-29-2011, 09:27 PM   #2

مشرف قسم القصص سابقا

 

 رقم العضوية : 6821
 تاريخ التسجيل : Sep 2008
 العمر : 42
 الجنس : ~ رجل
 المكان : مصر _ قنا
 المشاركات : 1,621
 النقاط : شريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond repute
 درجة التقييم : 3061
 قوة التقييم : 2

شريف القناوى غير متواجد حالياً

إرسال رسالة عبر Yahoo إلى شريف القناوى
أوسمة العضو
افتراضي

صديقى
سر على بركة الله يا راجل شوقتنا وهنقعد منتظرين هتوافق لا مش هتوافق
قصة جميلة وننتظر الباقى اللى انا متاكد انه هيشد الواحد اكتر واكتر انه يكمله
قصة جميلة بحق ومنتظر التكملة
اخوك القناوى







  رد مع اقتباس
قديم منذ /04-29-2011, 10:52 PM   #3

بــنــــوتــةة مــشــكــلةة

مميزة لنشاط التحرير

 

 رقم العضوية : 23096
 تاريخ التسجيل : Jun 2009
 العمر : 25
 الجنس : ~ بنوتة
 المكان : اسكندرانية يا جدع ^^
 المشاركات : 6,906
 الحكمة المفضلة : لآ تِـعَـدِدْ لِـي عِـيوبـي .. هَـذا أنـآ ! ..و أَرْض اللّـه وآسعَه ,, !
 النقاط : PrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond repute
 درجة التقييم : 42644
 قوة التقييم : 22

PrinCesS Gege غير متواجد حالياً

 

 

 

 

أوسمة العضو
افتراضي

قصه جميله فعلا وفى انتظار الباقى تسلم ايدك
تقبل مرورى







  رد مع اقتباس
قديم منذ /04-29-2011, 11:33 PM   #4

عضو ذهبي

 

 رقم العضوية : 69425
 تاريخ التسجيل : Apr 2011
 المشاركات : 1,644
 النقاط : رومانسى روش will become famous soon enough
 درجة التقييم : 50
 قوة التقييم : 0

رومانسى روش غير متواجد حالياً

أوسمة العضو
افتراضي

اقتباس
المشاركة الأصلية كتبت بواسطة شريف القناوى




صديقى
سر على بركة الله يا راجل شوقتنا وهنقعد منتظرين هتوافق لا مش هتوافق
قصة جميلة وننتظر الباقى اللى انا متاكد انه هيشد الواحد اكتر واكتر انه يكمله
قصة جميلة بحق ومنتظر التكملة
اخوك القناوى


مشكووور يا حبى وانا هكمل علشانك انت وبس

تحياتى
الرومانسى ميدو







  رد مع اقتباس
قديم منذ /04-29-2011, 11:34 PM   #5

عضو ذهبي

 

 رقم العضوية : 69425
 تاريخ التسجيل : Apr 2011
 المشاركات : 1,644
 النقاط : رومانسى روش will become famous soon enough
 درجة التقييم : 50
 قوة التقييم : 0

رومانسى روش غير متواجد حالياً

أوسمة العضو
افتراضي

اقتباس
المشاركة الأصلية كتبت بواسطة g d




قصه جميله فعلا وفى انتظار الباقى تسلم ايدك
تقبل مرورى


وانت كمان يا قمر هكملها علشانك وتسلم ايدك على ردك


تحياتى
الرومانسى ميدو







  رد مع اقتباس
قديم منذ /04-29-2011, 11:37 PM   #6

عضو ذهبي

 

 رقم العضوية : 69425
 تاريخ التسجيل : Apr 2011
 المشاركات : 1,644
 النقاط : رومانسى روش will become famous soon enough
 درجة التقييم : 50
 قوة التقييم : 0

رومانسى روش غير متواجد حالياً

أوسمة العضو
افتراضي

الحلقه التالته





في البيت رنا في المطبخ واقفه ملخومه علي الاخر بتتكلم في التليفون


رنا:ايوه يا ماما و بعدين اعمل ايه بعد ما سلقتها ... احط الطماطم .. و ايه تاني بصل و توم ...اه .... لا كده كتير اوي انا مش فاهمه حاجه ... خلاص يا ماما انا هتصرف و ربنا يستر بقي



و فاجأه سمعت صوت من وراها وضحكه عاليه بصت وراها لقت رامي

رنا : رامي!!! انت جيت امته؟

رامي : من ساعه الطماطم و البصل ههههههه

رنا: اخص عليك وواقف كل ده تسمع المكالمه

رامي: سمعت احلي صوت خلقه ربنا بيتكلم في التليفون .... الا قوليلي تحبي اغير هدومي و اجي اساعدك في الباميه و لا انتي كالعاده مش محتاجه مساعده ههههههههه

رنا: لا ما هو بص بقي تريقه و ضحك عليا مش عايزه انا قلتلك قبل الجواز اني اخر مكان كنت بدخله في بيتنا هو المطبخ و انت وافقت علي كده استحمل بقي

رامي: طبعا استحمل هو انا عندي كام رنا يعني عشان مستحملهاش ده انتي حياتي و عمري و قلبي و دنيتي و عيوني اللي بشوف بيها .. بصي احنا نطلب دليفري باميه برده هههههههه و لا اقولك نتغدي بره ايه رايك؟

رنا: لالالالا بره ايه بس يا رامي هنخلص مرتبك كله علي المطاعم انا لسه قدامي شهرين تلاته لما استلم شغلي

رامي: يا حبيبتي و لا يهمك هبقي اخدك و ننزل نشحت علي باب السيده في القاهره اهه محدش هيعرفنا هناك

رنا: هههههههه... بحبك و اروح معاك المريخ حتي

رامي: و انا بموت فيكي

رنا: بص احنا نطلب دليفري مؤقتا بقي لحد لما ربنا يفرجها و اتعلم التبيخ ده

رامي: طب انطقيها بنفس الاول عشان تتعلميه صح حد يقول التبيخ

رنا:خلاص بقي بطل تريقه و يلا عشان انا بدات اجوع

رامي: و انا مت خلاص من الجوع

رنا: بعد الشر عليك يا حياتي


*****************

خرج احمد من الشغل علي النادي عشان يقابل ميرنا خطيبته

من بعيد شافها بتلعب تنس مع واحد غريب نادي عليها و عنيه مليانه غضب استاذنت منه و راحت لاحمد

ميرنا : اهلا يا حبيبي ازيك

احمد : اهلا

ميرنا: جيت بدري النهارده يعني

احمد : لا يا هانم انا جاي قبل ميعادي كمان بس حضرتك اللي سرحتي مع البيه اللي كنتي بتلعبي معاه ممكن اعرف مين ده ؟

ميرنا : ده نادر لسه متعرفه عليه طازه بس طيب خالص

احمد و الشر في عيونه : انتي بتهزري متعرفه عليه ازاي يعني و ايه نوع العلاقه اللي بينكوا ان شاء الله ؟

ميرنا : ايه يااحمد في ايه ده مجرد صديق

احمد : مفيش حاجه اسمها صداقه بين ولد و بنت

ميرنا بعصبيه : يا سلام ماانت اول ما عرفتني كنا اصحاب اشمعنه دلوقتي بقي مفيش صداقه بين ولد و بنت

احمد: لا يا هانم تختلف انا من اول مره شفتك فيها و انا معجب بيكي و لما قربت منك كان عشان اعرف شعورك من ناحيتي مش عشان نبقي اصدقاء و حتي لو كان مفروض ان حضرتك دلوقتي مخطوبه في حاجه اسمها احترام للبيه اللي دبلته في ايدك

ميرنا بسخريه : هاهاها مخطوبه ال مخطوبه ال ... مخطوبه مع وقف التنفيذ انا كل اصحابي اتخطبوا و اتجوزوا في خلال شهر اتنين بالكتير و انا بقالي اكتر من سنه و مفيش جديد مش كفايه اني مستحمله ظروفك كمان عاوز تتحكم فيا دي بقت حاجه تخنق

احمد بنخوه الراجل الشرقي قلع الدبله و رماها في وشها

احمد : مش عاوز اشوف وشك تاني و لو صدفه


في لحظه راجعت ميرنا نفسها و جريت وراه تحاول تعتذرله

ميرنا : احمد انا اسفه حقك عليا

احمد ماشي و مبيردش عليها و هي ماشيه جنبه

ميرنا: احمد ارجوك اسمعني انا بحبك و حياه حبك ليا تسمعني

وقف في لحظه ضعف بعد ما بدا يحس بالدموع في عنيها و في كلامها

احمد : عاوزه ايه مني تاني يا ميرنا ؟

ميرنا و الدموع في عنيها : انا اسفه سامحني انا بحبك اوي و الله بس انت عارفني لما بتعصب مبحسش بنفسي و مببقاش عارفه بقول ايه

احمد : طيب متعيطيش انتي عارفه اني مبستحملش اشوف دموعك

ميرنا : يعني سامحتني ؟

احمد بعد لحظه صمت نفخ بصوت عالي و قال : خلاص يا ميرنا حصل خير

ميرنا : بس شكلك لسه زعلان انا عرفاك كويس

احمد : طب بزمتك اللي قولتيه ده ميزعلش مهما كنتي عصبيه مفروض تتحكمي في نفسك انا هبقي جوزك.. مفيش راجل يستحمل من مراته كلمه من كلامك ده كمان مفيش راجل محترم يقبل ان مراته يكون ليها اصدقاء رجاله

ميرنا : انا اسفه هحاول اتحكم في اعصابي بس استحملني شويه عشان خاطري و بالنسبه لنادر انا معملتش معاه حاجه غلط انا كنت بلعب مع غاده صحبتي و سابتني لما اختها جت و جيه طلب مني يلعب مكانها اتحرجت اقوله لا بس

احمد : و اتعرفتوا و فتحتوا مواضيع و حكيتوا حواديت و كل واحد عرف قصه حياه التاني و في النهايه بقيتوا اصدقاء مش كده ؟

ميرنا : لا ابدا و الله ده بس اسمك ايه ميرنا و انت قالي نادر مش اكتر من كده

احمد : خلاص يا ميرنا بس لو سمحتي الموضوع ده ميتكررش تاني ده لو بتحبيني بجد و باقيه عليا

ميرنا : طبعا بحبك و عمري ما هحب حد غيرك

احمد : طب يلا عشان نتغدي سوي

ميرنا : و مش هتلبس الدبله ؟

احمد : لا مش هلبسها طبعا

ميرنا : نععععم !!!!

احمد : حبيبتي هي اللي هتلبسهالي

ميرنا : حرام عليك وقعت قلبي

احمد : ههههههههههه



***************************

باليل في مطعم شيك اوي رامي و رنا بيتعشوا

رنا : ياابني انت مولود في مطعم

رامي : ههههههههههه .... طب بزمتك ينفع نعدي يوم زي ده من غير ما نحتفل

رنا : يا حبيبي نحتفل في بيتنا و لا هي بعزقه عالفاضي نخلي الاحتفال ده لما يفوت سنه علي جوازنا مش شهر يا رامي

رامي : يا بت بطلي بخل بقي و بعدين انا عاملك مفاجاه جامده دلوقتي

رنا: مفاجاه ايه ؟

رامي : تؤ تؤ تؤ مش هقول

رنا : عشان خاطري يا رامي تقولي مفاجاه ايه اللي عملهالي و حياتي عندك ؟

رامي : لا و النبي بلاش و حياه ابوكي الكلمتين اللي هيخلوني اندب و اقولك خليني عاقل كده و راسي هما عشر دقايق و المفاجاه هتيجي لوحدها

رنا : خلاص امري لله استني عشر دقايق مش كتير

رامي : ايوه كده حبيبتي دي حته بت زي العسل بموت فيها

رنا : و هي بتعشقك

رامي : هي ايه ؟؟؟

رنا : ب ت ع ش ق ك

رامي : هي مين اللي بتعشق مين ؟

رنا : انا بعشقك يا رامي يا حبيبي

رامي : ايوووووووووه يا جدعان و بعلو صوته بحبــــــــــــــك يا رنا

رنا : هههههههه يا مجنون الناس بتبص علينا

رامي وقف للناس يهز راسه : سوري يا جماعه اصل انا بحبها اوي

كل الموجودين قعدوا يضحكوا علي منظروا

رامي : اهي جت المفاجاه

جي الجرسون من بعيد معاه تورته كبيره علي شكل قلب و مكتوب عليها بحبك يا رنا و تحتها حبيبك رامي

رنا : مش معقول انت تجنن يا رامي بجد

رامي : انا مجنون بيكي يا حياتي

رنا : انا بجد مبسوطه اوي و بحبك موووووووت

رامي : و انا بموت فيكي

رامي للجرسون بعد ما حط التورته علي التربيزه قدامهم : ميرسي اوي

الجرسون : بعد اذنكوا

رنا: انت جميل اوي يا رامي

رامي: انتي اجمل زوجه في الدنيا

رنا: انا مكنتش اعرف ان الجواز حلو اوي كده انا اسعد انسانه في الدنيا دي كلها كل ده احتفال بمرور شهر واحد علي جوازنا امال لو فات سنه هتعملي ايه

رامي:هاخليكي اسعد و اسعد و اسعد يارب يقدرني و افضل اسعدك لاخر يوم في حياتي

رنا: ربنا يخليك ليا يارب و ميحرمنيش من كل الحب ده ابدا

رامي: غمضي عنيكي

رنا: ليه ؟

رامي: غمضي بس؟

رنا: حاضر اهه غمضت

خرج رامي علبه صغيره و جواها خاتم في منتهي الشياكه مسك ايدها و لبسهلها و باس ايدها

رامي: فتحي

رنا: واااااااااو ده تحفه و قيم اوي

علي: ميغلاش عليكي يا حبيبتي

رنا:

رنا سرحت شويه و عنيها في عنين رامي: انا مش مصدقه اللي انا فيه ده اكيد بحلم مش معقول الدنيا اول مره تفرحني كده الحمد لله يارب عوضتني عن كل حاجه حصلتلي برامي ربنا يخليك ليا يا رامي و ميحرمنيش من حبك الجميل ده ابدا انا من غيرك و لا حاجه

رامي: هيييييه رحتي فين؟

رنا: معاك يا حبيبي

رامي : قوليلي بقي سرحتي في ايه؟

رنا: اكيد فيك

رامي: سرحتي فيا و انا قدامك

رنا : انا عمري ما فكرت غير فيك حتي و انت معايا

رامي : طب و نفسك قالتلك ايه ؟

رنا: قالتلي ربنا يخليلك رامي حبيبك و ميحرمكيش منه ابدا لانك من غيره و لا حاجه يا رنا

رامي: لالالا نفسك دي كدابه انتي برامي من غيررامي ملكه العالم ده كله

رنا: مفيش ملكه من غير ملك يحبها و يخاف عليها و يفرحها زي ما بتفرحني كده

رامي: ربنا يخليكي ليا و يخليني ليكي و افضل اسعدك عمري كله

رنا: ياااااااااارب

رامي: بقولك ايه .. ايه رايك ناخد التورته دي و نكمل السهره في البيت بدل ما الناس مش منزله عنيها من علينا كده هنتحسد

رنا: و الله عندهم حق هو اللي انت عملته النهارده شويه طبعا لازم مينزلوش عينهم من علينا

رامي: يا سلام ليه يعني احنا عملنا ايه اتنين متجوزين بيحتفلو بمرور شهر علي جوازهم فيها ايه دي؟

رنا بتبص لعلي و مبتسمه من غير كلام

رامي: يا بت بتبصيلي كده ليه ما تقومي تقعدي معاهم احسن

رنا: اصلك عسول اوي

رامي: يا بكاشه

رنا: بحبك اوي يارامي

رامي: و انا بموت فيكي يا روح رامي.. يلا بقي نمشي من هنا حاسس ان الناس دي مشافوش بشر قبل كده احسن يقوموا يقعدوا معانا و لا حاجه

رنا: هههههههههه يلا يا حبيبي


نادي علي الجرسون و طلب منه يلف التورته و يجيبها علي العربيه










في بيت ام رامي


ام رامي : اها يانا من ابني نسيني طبعا بنت مني خدته مني و نسي امه

ندي: يا ماما اهدي بس معقوله اللي بتقوليه ده


ام رامي : امال تفسري اللي حاصل ده بايه شهر مجاش و لا قال اطمن علي امي حبيبتي

ندي: يا حبيبتي لسه جاي من السفر امبارح و اكيد بيستريح النهارده

ام رامي :ايه جيه امبارح و عرفتي منين و ليه مقولتيش من ساعه من جيتي ؟

** ندي : يالهوي شكلي عكيت و لا ايه

ام رامي : انطقي عرفتي منين

ندي : ما هــ هــ هو طبيعي يعني يا ماما مش فات الشهر بتاع العسل يبقي اكيد جم

ام رامي : ااااه طب اتصليلي بيه دلوقتي

ندي : ليه بس ؟

ام رامي : و الله لاجيبه دلوقتي هنا عشان اشوفه

ندي : يا ماما حرام عليكي

ام رامي : اسكتي يا بت انتي هاتي التليفون ده و انا هتصل

ندي : يارب استر








كانوا لسه داخلين من عالباب سمعوا التليفون

رامي : ده مين الي مستنينا عالتليفون ده ؟

رنا : شوف يا حبيبي

رد عالتليفون

رامي : الوو

ام رامي : اهلا بالعريس

رامي : ماما



و نكمل الحلقه الجايه



تحياتى
الرومانسى ميدو









  رد مع اقتباس
قديم منذ /04-29-2011, 11:38 PM   #7

عضو ذهبي

 

 رقم العضوية : 69425
 تاريخ التسجيل : Apr 2011
 المشاركات : 1,644
 النقاط : رومانسى روش will become famous soon enough
 درجة التقييم : 50
 قوة التقييم : 0

رومانسى روش غير متواجد حالياً

أوسمة العضو
افتراضي

الحلقه الرابعه




رامي : ده مين الي مستنينا عالتليفون ده ؟

رنا : شوف يا حبيبي


رد عالتليفون

رامي : الوو

ام رامي : اهلا بالعريس

رامي : ماما


ام رامي : ايوه ماما يا عين امك

رامي : اهلا يا حبيبتي ازيك وحشتيني اوي

ام رامي : وحشتك هههه و النبي ضحكتني و ماليش نفس اضحك

رامي : ليه بس يا ست الكل طب و الله وحشتيني

ام رامي : و ايه اللي يثبتلي يا ابن ماجده و انت بقالك شهر غايب عني و يوم ما تيجي تقعد جنب الغندوره مراتك ايه مشبعتش منها شهر بحاله؟

رامي : يا حبيبتي و الله جايين متاخرين و ميتين من التعب

ام رامي : و مجتش ليه النهارده ياابن ماجده و لا لسه تعبانين ؟

رامي:ها لا اصل انا نزلت النهارده الشغل و كده

ام رامي : اها .. يبقي خلاص تجيلي دلوقتي

رامي : نعم !!!!

ام رامي : مسمعتش بقولك تجيلي دلوقتي

رامي : بس يا ماما الوقت اتاخر و ...

ام رامي : مفيش بس انا قلت تيجي دلوقتي يعني تيجي دلوقتي يا رامي و الا و الله العظيم ....

رامي : خلاص من غير حلفان هاجي

ام رامي : مستنياك متتاخرش

رامي : حاضر يا ماما سلام



رنا: خير يا حبيبي مال وشك اتغير كده ليه
؟

رامي: اصل اصل معلش يا رنا ماما عيزاني قصدي عيزانا نروحلها دلوقتي

رنا: دلوقتي؟؟!!!

رامي: معلش يا حبيبتي مش هنتاخر نص ساعه بس اصلها زعلانه اوي
مش عارف اعمل ايه لامي عشان تحبك يا رنا و تشيل فكره انك خطفتيني من هند دي من دماغها
رنا:..........

مش عارفه ليه قلبي بيقولي ان مامتك مش هتحبني في يوم من الايام ربنا يستر من اللي جي

رامي: حبيبتي انتي معايا؟

رنا: ها .. اها يا حبيبي و لا يهمك يلا نروح

رامي: يعني انتي مش زعلانه

رنا: لا ابدا هزعل من ايه؟

رامي:....
لا زعلانه يا رنا هو انا مش عارفك بس هعمل ايه بس يا حبيبتي انا عاوز ماما تحبك باي شكل مش عايزها تقول انك اخدتينا منها امي و انا عارف افكارها
رامي: هنقعد نص ساعه مع ماما و نص مع مامتي التانيه

رنا : مامتك التانيه !!!

رامي: ايوه طبعا حماتي حبيبه قلبي

رنا : هههههههه بجد يا حبيبي؟

رامي : طبعا يا قلبي يعني هنكون جنب البيت و منعديش نسلم علي ست الحبايب

رنا : ربنا يخليك ليا يا حبيبي

رامي : و يخليكي ليا يا حبيبتي

******************


في بيت ام رامي ندي واقفه في الشباك


ام رامي: ها جيه و لا الهانم عطلته و لا تكنش مش خلته ينزل خالص

ندي: يا ماما حرام عليكي ده انتي لسه مكلماه من نص ساعه و الطريق زحمه

ام رامي : مش عارفه بدافعي عنها كده ليه كانت من بقيه عيلتك؟

ندي : ايوه دلوقتي بقت من بقيه عيلتي مش مرات اخويا

ام رامي: اووووف

ندي : اهم جم

ام رامي : هي جت طبعا هتسحب علي امها و مش هتفكر حتي تسلم عليا

ندي : لالالا دول طالعين الاتنين علي هنا

ام رامي : طالعه معاه ؟؟؟!!! طبعا هي تقدر تسيبله رقبه لازم تلزق علي قلبه حتي و هو مع امه مترحش لامها ليه مش فاهمه انا؟

ندي :





دخل رامي و رنا معاهم لفه كبيره سلموا علي كل اللي موجودين و قعدوا

رامي: وحشتيني اوي يا ست الكل

ام رامي: اها ياخويا كل عقلي بكلمتين

رامي: انا اقدر برده ده انتي حبيبتي

ام رامي : لا بقي عندك حبيبه تانيه وخداك عن الكل مش كده يا رنا؟

رنا: لا ازاي يا طنط انتي الكل في الكل

ام رامي
:
مالها دي قاعده مبوزه و مش طايقه حد مكنتش جت احسن بدل القرف ده
رنا: بصي بقي يا ست الحبايب انا خليت رامي يجبلك البسبوسه اللي بتحبيها بس متكتريش عشان السكر؟

ام رامي: و كلفت نفسك ليه ياابني بس ؟

رامي: و لا تكليف و لا حاجه هو انا عندي كام ماجده؟

ام رامي: تسلملي يا حبيبي

رنا:...............


ندي حبت تلطف الجو اللي امها عماله تعكره مع رنا

ندي: قوليلي بقي يا رنا اخبار الغردقه ايه ؟

رنا: جامده كل سنه بتحلو اكتر من السنه اللي قبلها

ندي: كان نفسي نروح الصيف ده نقضي اسبوعين بس مصطفي مش فاضي

رامي: ان شاء الله السنه الجايه نروح كلنا مع بعض

ندي: ان شاء الله يا حبيبي







فاجاه في وسط القاعده و الكلام لمحت ام رامي الخاتم اللي لسه جايبه رامي لرنا


ام رامي: حلو اوي الخاتم ده يا رنا بس مشفتوش قبل كده معاكي

رنا:....

رامي: اصل انا جبتهولها هديه يا ماما بمناسبه مرور شهر علي جوازنا

ام رامي: شهر!!! انت مش هتبطل بقي العادات السيئه دي هتفضل مبزر كده علي طول لزمته ايه خاتم زي ده و شهر ايه يااخويا اللي مر علي جوازكوا امال لو مر سنه هتفتحلها محل دهب

ندي: و فيها ايه بس يا ماما مش مراته

ام رامي : اسكتي انتي حد وجهلك كلام
رامي حس الموضوع هيكبر و رنا خلاص مبقتش علي بعضها من تصرفات امه



رامي: طب يا ماما احنا هنمشي بقي عشان لسه هنعدي علي ام احمد

ام رامي: تروحوا فين انتوا لسه جيتوا ابقوا رحولها بكره

رامي: عشان تنامي يا ماما السهر وحش عشانك و كمان انا عندي شغل الصبح و مش عاوزين نتاخر

ام رامي: لا مفيش مرواح هتكملوا السهره معايا انا


رنا بصت لرامي و كانها بتستنجد بيه عشان يخرجها من الجو المستفز ده

رامي : معلش يا ست الكل بكره ان شاء الله نيجي لحضرتك

ام رامي :

رامي : يلا يا روني




*********************


اخيرا خرجوا من بيت ام رامي و كان هم و انزاح من علي قلب رامي و رنا


عدت الايام علي رنا و رامي في سعاده و حب الا في الساعه اللي بيتقابلوا فيها مع ام رامي دايما بتبقي ساعه عكننه و حزن رنا علي نفسها و علي معامله ام رامي ليها


و في يوم بعد مرور 3شهور علي جوازهم طلبت رنا من رامي يخرجوا يتعشوا بره عشان محضراله مفاجاه

رامي : ها قوليلي مفاجاه ايه يا روحي

رنا : مش تستني نطلب العشا الاول ؟

رامي : اها عندك حق

طلب العشا و قعدوا يتكلموا في كلام عام لحد لما جيه العشا و بعدين بدات رنا تتكلم

رنا : قولي يا حبيبي احنا ناقصنا ايه ؟

رامي : ناقصنا ايه في ايه انتي محتاجه حاجه اجبهالك؟

رنا : لالالا اقصد ناقصنا حاجه موجوده في كل بيت بس لسه مجتش عندنا؟

رامي : ايه الالغاز دي انا مش فاهم حاجه

رنا : طيب اسهلهالك اكتر حد تالت يجي معانا يملي حياتنا فرح و شقاوه و يزيد حبنا لبعض بوجوده

رامي : مش ممكن انتي حامل ؟

هزت راسها بمعني نعم

رامي : يا روحي يا قلبي يا حياتي الله عليكي انا فرحان اوي بيكي و بحبك اوي

رنا : و انا بحبك موت يا قلبي

رامي : بجد انتي حامل يعني انا هيبقي عندي ابن اقعد ادلع فيه و اشيله ؟

رنا : ايوه يا حبيبي تدلعه و تشيله و تبوسه بس اوعي تنسي امه

رامي : انسي امه انتي اتجننتي يا بنتي امه دي الهوا اللي بتنفسه الحياه اللي انا عايش بيها انا من غير وجودك جنبي اموت

رنا : بعد الشر عليك يا حياتي يارب انا و انت لا

رامي : لالالا متقوليش كده بعد الشر و الله اموت بعدك في اقل من دقيقتين

رنا : ربنا يخلينا لبعض

رامي : و يخليلنا القمر اللي جي ها هنسميه ايه ؟

رنا : مش لما يجيي يا حبيبي الاول ؟

رامي : هيجيي ان شاء الله هيجيي بس لازم نخترله اسم ها هنسميه ايه بصي لو بنت حبيبتي هي اللي هتسميها و لو ولد انا اللي هسميه ها هتسميها ايه ؟

رنا : انا طول عمري نفسي اجيب بنت رقيقه و عسوله و تكون بتحب باباها زي ماانا بحبه بالظبط و اسميها همس

رامي : عمرها ما هتكون ارق منك حتي الاسم اللي اخترتيه ليها رقيق اوي همس الله اسم جميل اوي يا روني يا قمر انتي

رنا بابتسامه : ها و انت يا حبيبي هتسميه ايه لو جيه ولد ؟

رامي : ولد ايه انا مش عايز ولاد ان شاء الله هتيجي بنوته عسوله زي امها و نسميها همس

رنا : ان شاء الله يا حبيبي




و نكمل الحلقه الجايه مع حلقه سخنه مولعه نااااااار






تحياتى
الرومانسى ميدو









  رد مع اقتباس
قديم منذ /04-29-2011, 11:39 PM   #8

عضو ذهبي

 

 رقم العضوية : 69425
 تاريخ التسجيل : Apr 2011
 المشاركات : 1,644
 النقاط : رومانسى روش will become famous soon enough
 درجة التقييم : 50
 قوة التقييم : 0

رومانسى روش غير متواجد حالياً

أوسمة العضو
افتراضي

حلقه كمان اهيه بس ماتخدوش على كده بقا


الحلقه التانيه

حاول رامي بكل الطرق يقنع والدته علي انها تروح معاه بيت رنا عشان يتقدم لخطوبتها و بعد طول محايله و زعل و خصام وافقت اخيرا علي طلبه من غير اقتناع او رضا لكن المهم انها وافقت و بالفعل راحت معاه
ام رنا و ام رامي كانوا اصحاب جامدين جدا لكن من يوم ما عرفت ام رامي بموضوع حب رامي لرنا و انقطعت كل الصلات ما بينهم من غير ما تبرر لام رنا سبب البعد و الخصام اكيد اختها و بنت اختها كانوا بالنسبه ليها اهم من مليون صداقه و جيره و عشره
حدد رامي ميعاد مع احمد صديق عمره و كان بعد الامتحانات ب 3 ايام

في المقابله كان معاه امه و اخته و مصطفي جوز اخته الوحيده

..

اتكلموا في كل التفاصيل و ام رامي قاعده زي اللي رايحه جنازه منطقتش كلمتين علي بعض

...

ام رنا: يعني ايه ياابني مش عاوز خطوبه ما تقولي حاجه يا ام رامي


ام رامي: جري ايه يا رامي في ايه ايه لازمته الاستعجال ده ياابني مش تدي لنفسك فرصه تانيه يمكن ...



قاطعتها بسرعه ندي

ندي: و ليه لا بس يا طنط احنا جيران من زمان و انا شايفه ان مدام كل حاجه جاهزه يبقي ملهاش لازمه الخطوبه دي .. دي بتبقي للناس اللي ميعرفوش بعض كويس او الناس اللي مش جاهزين انا شايفه ان خير البر عاجله

احمد: انا رايي من راي رنا ايه رايكوا نخلي الفرح الشهر الجاي؟

رامي: اهو هو ده الكلام الفاتحه بقي

اتقرت الفاتحه و انطلقت بعدها الزغاريط اللي ملت الشارع كمان يوم الفرح بعد ما فات شهر و كانه سنه علي رامي و رنا


في يوم الفرح
اخيرا اتجمع اجمل قلبين بيعشقوا بعض في مكان واحد

رامي: مبروك يا عروسه

رنا بخجل : الله يبارك فيك يا حبيبي

رامي: انتي مكسوفه مني و لا ايه امال لو مكانوش عشر سنين حب و غرام و هيام كنتي روحتي مع مامتك بقي

رنا: هههههههههه

رامي: ايوه كده انا مش عاوز من الدنيا دي غير اني اشوف البسمه دايما علي وشك و الفرحه في عنيكي اوعي تسيبي للحزن مكان في قلبك يا رنا و لا ثانيه واحده و انا اوعدك اني عمري ما هزعلك و لا هخليكي تعيشي معايا لحظه واحده و دمعه علي خدك

رنا: ربنا يخليك ليا يارب يا رامي انا من غيرك و لا حاجه

رامي: انتي بيا من غيري اعظم و اجمل بنت شافتها عيني

رنا: بحبك اوي

رامي: و انا بعشقك

تاني يوم واقفه رنا علي الشط في الغردقه بعد ما سافروا الصبح يقضوا شهر العسل

من وراها جي رامي

رامي: يلا يا قلبي انا خلاص دخلت الشنط علي الشاليه

رنا: تعالي نقعد هنا شويه

رامي: بس كده انتي تؤمريني يا حياتي

رنا: عارف من يوم ما قلبي دق لحبك و انا كل يوم و انا راجعه من المدرسه و بعدها و انا راجعه من الجامعه اروح لوحدي البحر و اقعد عالشط اتكلم معاه و احكيله

رامي: كنتي بتقوليله ايه؟

رنا: يااااااااه كل حاجه كانت بتحصل بينا كلامك و ضحكك و غناك

رامي: عشان كده اول ما جينا سحبتي نفسك و جيتي علي هنا؟

رنا: جيت اقوله اننا اخيرا بقينا مع بعض و حبنا كمل و انتهي زي مااحنا عايزين
رامي:..........


رنا: بتبصلي كده ليه؟


رامي: بتامل حبي في عنيكي... انا عمري ما قابلت عنين مرسوم فيها الحب بالشكل ده

رنا بابتسامه هاديه : حبك مرسوم في عيوني مكتوب في قلبي عايش جوه روحي بتنفسه في كل لحظه بعيشها و انت معايا او حتي بعيد عني

رامي: الله عليكي و علي كلامك العسل زيك يا عسل انا بحبك اوي اوي اوي اوووووووووي اشهد عليا يا بحر بحبــــــــــها


كان شهر جميل اوي عدي عليهم بسرعه اوي اوي
بعد عودتهم لاسكندريه رجع رامي شغله تاني يوم

رامي واقف قدام باب المكتب مش مبين غير راسه عاوز يعمل مفاجاه لاحمد

رامي: وحشتني ياابو حميد

احمد: روميو حبيب قلبي

قام و حضنه و باسه

احمد: وحشتونا اوي

رامي: و انتوا وحشتونا اكتر و الله

احمد: ..روني عامله ايه؟

رامي: تمااااااام اوي بتسلم عليك

احمد:الله يسلمها وحشتني اوي البت دي و ماما هتموت عليها

رامي: و انتوا كمان وحشتوها جدا

احمد: خلاص احنا معزومين علي العشا عندكوا النهارده

رامي: ايه ايه حيلك حيلك مش عايزين حد يجيلنا النهارده خالص

احمد: يا ساتر يارب جري ايه يا واد ده بدل ما تقولي تشررفوا و تنوروا و خلوها غدي و عشا كمان

رامي: لالا بلاش النهارده ..النهارده يوم خاص بيا انا و رنا و بس مش عاوزين عزول وليك عندي يوم كامل من فطار و غدي و عشا

احمد: اااااه و لو اني مش فاهم حاجه بس طيب

رامي: محدش بقي يجيب سيره لماما اني جيت انا هعملهالها مفاجاه بس مش النهارده

احمد: احسن برده لاني مكنتش هقولها حاجه اساسا لو كنت طلبت مني

رامي: ليه بقي؟

احمد: امك دي يا ساتر يارب دي عليها بوذ ياابني مفيش بعد كده مشفتهاش يوم الفرح كانت عامله ازاي اعوز بالله عنده حق ابوك يموت بالسكته القلبيه

رامي: اتلم يا واد دي امي برده هي بس ميتعرفش تفكها بتموت في الكابه

احمد: ربنا يخليهالها

رامي: هي مين؟

احمد: الكابه هههههههههه

رامي: هههههههههههه

*******************


في البيت رنا في المطبخ واقفه ملخومه علي الاخر بتتكلم في التليفون


رنا:ايوه يا ماما و بعدين اعمل ايه بعد ما سلقتها ... احط الطماطم .. و ايه تاني بصل و توم ...اه .... لا كده كتير اوي انا مش فاهمه حاجه ... خلاص يا ماما انا هتصرف و ربنا يستر بقي


و فاجأه سمعت صوت من وراها


و
نكمل الحلقه الجايه


تحياتى
الرومانسى ميدو









  رد مع اقتباس
قديم منذ /05-02-2011, 02:38 AM   #9

بــنــــوتــةة مــشــكــلةة

مميزة لنشاط التحرير

 

 رقم العضوية : 23096
 تاريخ التسجيل : Jun 2009
 العمر : 25
 الجنس : ~ بنوتة
 المكان : اسكندرانية يا جدع ^^
 المشاركات : 6,906
 الحكمة المفضلة : لآ تِـعَـدِدْ لِـي عِـيوبـي .. هَـذا أنـآ ! ..و أَرْض اللّـه وآسعَه ,, !
 النقاط : PrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond reputePrinCesS Gege has a reputation beyond repute
 درجة التقييم : 42644
 قوة التقييم : 22

PrinCesS Gege غير متواجد حالياً

 

 

 

 

أوسمة العضو
افتراضي

بجد تسلم ايدك على القصه الجامده دى وكل حلقه بتشوقنا للى بعدها وفى انتظار الباقى بس متتاخرش علينا بقى







  رد مع اقتباس
قديم منذ /05-02-2011, 10:25 AM   #10

مشرفة قسم المصارعة سابقا

lover smile

 

 رقم العضوية : 37215
 تاريخ التسجيل : Dec 2009
 المشاركات : 3,817
 النقاط : نانـــــو has a spectacular aura aboutنانـــــو has a spectacular aura aboutنانـــــو has a spectacular aura about
 درجة التقييم : 238
 قوة التقييم : 1

نانـــــو غير متواجد حالياً

أوسمة العضو
افتراضي

ايه الرخامة دى انا كنت اندمجت
ماشى ياسيدى كملها بسرعة بقى







  رد مع اقتباس
إضافة رد

الكلمات الدلالية (Tags)
مووووووووووت, رومانسيه, قصه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
نكت جامدة مووووووووووت العاشق الرومانسى نكت - طرائف - وناسة - فرفشة 5 06-13-2011 03:31 PM
اغنيه جامد مووووووووووت مـــــــحـــــــمد اغاني شعبية - اغانى شعبى - تحميل اغاني شعبية mp3 7 04-07-2011 04:27 AM
نكت جامدة مووووووووووت زهرة الياسمين نكت - طرائف - وناسة - فرفشة 6 10-21-2010 12:06 AM
وحشتوووووووووونى مووووووووووت تاج الجمال منتدى سجل الاعضاء 38 05-21-2010 06:42 AM


الساعة الآن 05:05 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w