النفاق الاجتماعى

[lolla]

السلام عليكم ورحمة الله وبركاته

موضوعى النهاردة عن النفاق الاجتماعى الى احيانا بنسميه المجاملات

وفى فرق كبييير بينه وبين الكلمة الطيبة لانها صدقة كما علمنا الرسول صلى الله عليه وسلم

وطبعا المجاملات زادت جدااا عن حدها لدرجة ان احنا فقدنا المصداقية فى كلام الى حولينا

مين صادق فى كلامه ومين بيجامل ..... وصوره فى مجتمعنا كتيييير يعنى مثلا

لما يكوووون فى واحد مش طايقه وفى نفس الوقت تفضل تشكر فيه وتمدحه
ويا سلام بقى لما يمشى او يكون مش موجود ..... كلامك بيتحول 180 درجة عليه


طب ليه وايه الى يجبرك على كدا


قد تكون المصالح او يمكن لجذب الآخرين و كسب حبهم او اننا اعتدنا هذا الاسلوب

بسبب ومن غير سبب

لماذا اصبحنا مضطرين مجاملة الغير بكلام ليس له اول من آخر كل ما يميزه انه من وراء القلب ليس له اى صلة فى ما نعتقد به ونعرفه عن هذا الشخص فى حين ان كلمة بسيطة صادقة نابعة من القلب سوف تصل اليه

ولماذا نرى دائما ان من نحادثه غير قادر على معرفة صدق كلامك من عدمه

وطبعاااا الجماعة دول ماشيين بمبدأ

(كيُس كيُس << عيش كويس )

وشكراااااا ليكم يارب تكون الفكرة وصلت

ومستنية ردودكم وتعليقاتكم على الموضوع

بس من غير مجاملات << يعنى من غير

مجاملات كتييير ههههههههههه

[SiLver Spectra]

النفاق الجماعي!!
موضوع شائك....
و لن أطيل في النقاش...و سأترك الإطالة لأخونا سيد هههههههههههههه

النفاق الإجتماعي بيكون بسبب سوء الأخلاق

بمعنى...إنك لو مش هتبقى منافق مثلا هتقول لقريبك يخرج بره البيت...أو ما تقبلوش عندك في البيت حسب المثال إلي ذكرتيه
عشان ما يبقاش منافق!!
أو إنه يعزمهم في بيته و يجاملهم و بعدين لما يمشوا ينفخ و يقلب 180 درجه ( منافق)

يبقى هو لو بقى منافق هيبقى حرام...
أو إنه يعاملهم معامله سيئة و يقطع صلة الرحم و المحبة و هيبقى حرام برضه!!!

إذا السبب في الأساس هو سوء الأخلاق...
إنسان غير صادق
يفتقد للشفافية في المعاملة
و التي أعتبرها أهم شيء....
ليست المجاملات و الكلام المتزخرف
فهو كلام أجوف لا يعبر عن شيء

و لكن للأسف كثير من الناس يفضلون هذا الكلام الأجوف...و لا يقبل الشفافية في الحديث
و بيفهم إنك مثلا كارهه أو إنك بتسيئ إليه ...في حين إنت مثلا بتنصحه أو بتقول رأيك بصراحة!!

و دا السبب إلي بيخلي الناس تلجأ للنفاق

لكن في الآخر النفاق صفة سلبية
و كلام كله خادع...

لا مانع من إن الإنسان يجامل أخوه...
لكن تكون المجامله في حدود
و تكون مجاملة بناءة أو هادفه

يعني إنك تشجع واحد على عمل معين....حتى لو فشل فيه...دا طبعا مش بيكون نفاق

لكن المجاملة السلبية بتزيد الطين بلة زي ما بيقولوا
و في الآخرمع الزمن الوجه الآخر للإنسان بيتكشف و بيظهر على حقيقته....

لكن واضح فعلا إن إحنا إعودنا على كتر المجاملات في حياتنا
و إلي بتكون الدافع الأول للنفاق!!

شكراا هالة على الموضوع القيم
تسلم الأيادي

تحياتي

[miraa]

ياه كتير بيحصل ده يا لولا
كتير نقابل ناس بيفضلوا يشكروا فى حد معين ويمدحوا فيه وهو طبعا مصدق
بس اول ما بيمشى الكلام بيبقى غير خالص تلاقى زم وتعداد لمساوئه وحاجات غير القصايد اللى كانت بتحصل

اعتقد ان ده راجع لشخصيه الانسان نفسه يعنى انا هنافقك ممكن اه عشان مصلحه بس ده المبرر الظاهرى ...انما هى بتبقى عاده وتعود انه يكذب على الناس ويجاملهم بطريقه ممتلئه بالنفاق

الغريب بقى واللى مش قادره افهمه بجد
ان الشخص ( الممدوح ثم المذموم) مطلبش رايهم فيه او طلب انهم يمدحوه
دلوقتى ده نوع من اكتساب ود الاخرين انك تمدحى فيهم بسبب وبدون سبب
وده اكتر غلط ممكن حد يعمله

انا ازاى هقول عن صفات حلوة فيكى وانا مش اعرفك ..طيب ممكن الاقى حاجات تانيه مش كويسه وطبعا بندفنها جوانا وممكن نعكسها عشان نكسب ود الناس دى

بس فى الاخر بنبقى كذابين بنضحك عليهم وعلى انفسنا
لان كسب ود الناس لا يستحق كل هذا الكذب والنفاق
ممكن احترمك جدا لو انت صريحه معايا وبتقولى رايك بكل صراحه
كتير هحترمك

انما النفاق دلوقتى بقى عاده او ظاهره باطله يتوهمها بعض الاشخاص انها السبيل للوصول لمبتغاهم
انما هى تعبر عن ضعف فى شخصيتهم وقله ما لديهم من معانى جميله وصادقه يحترمها الاخرين وتكسبهم مودتهم

نورتى القسم يا لولا موضوع جميل كتير ومهم
خالص احترامى

[قلم بلا حبر]

اقتباس و لن أطيل في النقاش...و سأترك الإطالة لأخونا سيد هههههههههههههه

واضح انك انت وميرا مش اطلتوا

ده انت حتى كاتب الرد قد الموضوع مره ونص

**********

تسلم ايدك يا هاله على الموضوع الجامد جدا ,, بس انا شايف ان مكانه فى النقاش حيكون افضل

لان درجة النقاش فيه حتكون عاليه ومحتاج انه يكون بارز فى افضل مكان يسمح بالنقاش

ومفيش مكان يصلح للنقاش ,, زى قسم النقاش ذاته

منتظرك فى جديد مواضيعك معنا فى قسم باقلام اعضاء بنات مصر

ولى عوده بالرد ان شاء الله ,,,,,,,,

خالص تقديرى

تحياااااااااااااااااااااااتى""""""""""

[Karamela]

حلو اوي العنوان ملفت جدا

مع انه كان مستخبي تحت بس عنوانه جذبني وحبيت ادخل اشوف محتواه

وميرسي ليكي بجد

نخش في الموضوع بئه

ممكن اقسم الرد بتاعي في تصنيف بسيط كده لانواع معينة م الناس

في الوقت الحالي في ناس كتير بقوا يستسلموا للامر الواقع ويضطروا للتعامل مع اشخاص هم مش بيحبوهم وال مستعدين انهم يكونوا على علاقة بيهم بس يمكن الظروف ضغطتهم للتعامل معاهم .. تلاقيهم بئه طايرين بواحد وشايلينه من على الارض شيل وهنستعبد طبعا كون ان الشخص الممدوح على علم ولا لا

طيب اوك الضغوط فرضته عليك بمعنى اصح .. اكتفي بانك ماتضاقهوش وخلاص عشان المصلحة الي بينكم .. وهو ممكن يكون مش بيطيقك برده الله اعلم وقافش حركاتك وممكن يكون لسه تجربته ضعيفة شوية ويصدقك

بغض النظر .. انت مش متضطر انك تعمل كده لانه مش مستني منك كده ! ومش متوقعه برده !

وفي ناس بئه ودول ممكن يكونوا المايلين للوحدة او الي قدراتهم الاجتماعية مش قد كده .. يفضلوا يمدحوا في شخص ويقولوا له كلام وحاجات حلوة عنه وقد ايه هو انسان رائع وهم اساسا مش عارفين غير اسمه و كام معلومة بسيطة عنه!

طيب جبت الكلام ده منين ! من نسج خيالك !

ولو كنت متصور انك ممكنتتخذه صديق او او او او فانت غلطان لان مافيش مصلحة ناجحة بتكون مبنية ع الكدب .. فتوقع ان العملية محطوط عليها x

وفي ناس بئه مافيش اي ضغوط جبراهم على التعامل مع الشخص ده وشخصيتهم الاجتماعية ماشي حالها بس عندهم نوع من ضعف الشخصية او الخوف من المواجهة .. يعني مش يقدر يواجه حد بعيوبه او يقولوه رأيه الصريح .

دول اصناف م الناس

نرجع بئه للسؤال .. مانا لو عملت كده هبقى منافق.. ولو عملت كده هبقى قليل الذو

وده اكبر غلط

صحيح انت لو عملت كده تبقى نوع من انواع المنافقين وذوي الوجهين
ونتذكر حديث الرسول (( من شرار القوم من يأتي الناس بوجهين ... الحديت ))

لكن مش صح ان المصارحة تكون قلة ذوق


بالعكس في ناس مصارحتهم بتكون جميلة جدا تخليك انت نفسك مش عارف تقول ايه !؟!


طبغا الموضوع جميل وانا مش عارفة ابطل رغي فيه بس اظن كفاية

واهلا بيكي معانا يالولا منورة القسم بموضوعك

ميرسي ليكي ياجميلة وبانتظار ابداعاتك المقبلة

[زهرة آدم]

موضوع مهم جدا

وموجود فى المجتمع بصورة بشعة

معظم الناس دلوقت كدة ماتعرفيش مين بيحبك ومين بينافقك

أنا شايفة إن مشكلتهم هو الحقد على الناس والغيرة بسبب او بدون سبب