العاب الشارع زمان

[وهج الايمان]

ازيكم عاملين ايه النهارده بتمني ان تكوني كويسين

وانا قاعده كده سبحت في بحر افكاري قلت بقي ايه

افتكر الحاجات اللي كانت بتفرحني زمان

لقين ايه اني اكتر حاجه كانت بتفرحني اني اخرج العب في الشارع





علشان كده فكرت اننا نفتكر الحاجات دي مع بعض

يعني هستضيف عضو هيحكي لنا عن الالعاب اللي كان بيلعبها زمان

والحاجات اللي بتفرحوه واللي كانت بتضيقه وتزعله من غير كسوف يعني


من الالعاب اللي مشهوره بينا كلنا لعبه استغمايه
وهكذا



انتظروا معايا المتدبس الاول


في امان الله

[dr,Shrok]

فكرة حلوة يا بنوتة

منتظرين اول ضيف

[انا منوره]

اوك مستنين اول ضيف

[وهج الايمان]

اسعدني مروركم
قررت ادبس العضوه / وهج الايمان اولا عشان تعرفوا النظام هيبقي ماشي ازاي
انتظروني بقي

[morshooo]

ياعينى على العاب زماااان

يا سيدى يا سيدى ^^

ان شاء الله التوبيك

يعجب الاعضاء

اتمنالك التوفيق والنجاح

[رووكه]

شكله هيكون شيق ههههههههههههه

وهنعرف المواهب المستخبيه ايام الطفوله

هنشوف العجب ههههههههه

منتظرينك يا مون ونعرف كنتى بتلعبى ايه وانتى صغنونه

ربنا يوفقك

[۩۩ elMagic ۩۩]

فكرة جميله جداااااا يا هوجه
ومنتظرينك العابك يا ستى

[وهج الايمان]

اسعدني مروركم جدا

[وهج الايمان]

العاب زمان اللي انا كنت بلعبها في الشارع كانت بتفرحني جدا
في العاب بقي مش فاكره اسمها بس فاكره كانت بتتلعب ازاي والعكس
اللي انا فاكراه صياد السمك كنت لما ببقي الصغيره فيهم كانوا بيستهيفوني ويخلوني الظقوطه
اما لما كان بيبقي في اصغر مني كنا بيستهيفها هي ههههههههه
كان الشارع كله مش بيعرف يلعب من غيري انا واختي لاني الكوره كانت بتعتنا
كانوا يجوا ينادوا علينا مش عشان نلعب معاهم لا عشان الكوره هههههههه
لا بهزر كانوا بيحبوني انا واخواتي اوي
اللي كان بيضيقني في اللعبه دي اختي اللي اكبر مني كانت بتعمل حركه
تنزل بالبيض بتعها وبعد ما تخلصوه تقول من عايزه العب ونقعد نتحايل عليها عشان تكمل اللعبه


من الالعاب اللي فاكرها استغمايه ما كنتش بحبها اوي عشان غالنا كنها بنلعبها بليل
وبيروحوا يستخبوا في شارع تاني وانا كنت بخاف

فاكره بردوا تماثيل اسكندريه كنت بحبها كنا بنعمل فيها البدع عشان نضحك حد


كمان كنا بننزل كلنا قبل رمضان عشان نعمل الزينه بجد كان بيبقي في تعاون بينا جميل اوي
خصوصا لما احنا اللي بنعملها مش نشتريها وكل واحد يطلع في بلكونته ويعلق من عنده


الحاجات اللي كانت بتضيقني صوت الست اللي جارتنا لزقه في بيتنا علطول
وهي بتزعق لنا وكمان بترش ميه قال ايه عشان بنتها في ثانويه عامه ومش عارفه تذاكر
فيها ايه يعني طيب ما انا في ثانويه عامه اهوه وذي الفل لما بيجوا يلعبوا في الشارع ببقي نفسي
انزل العب معاهم هههههههههه
كمان كان بيضيقني صوت ماما وهي بتنادي عليه وتقولي كفايه كده

كفايه كده طولت عليكوا بس بجد استمتعت موت
بتمني اني الفكره تعجبكوا

[بلدنا في القلوب متشاله]

فكرررررررررره جميله