قصــــــــــــة . بقلمى

[diskawy]

على فكرى يا جماعة ردودكم الجميلة بتدينى حافز كبير انى اكمل
القصة حتى لو فى نقض اكيد بستفيد منه كتير
واللى عاوز اقوله ان فى مواقف حصلت معايا شخصيا
وحاولت ادخلها فى القصة بشكل ظريف
زى مثلا موقف البنت فى الميروباص دا بجد حصل قدامى وموقف
الشاب الاخوان اللى عزم احمد على الفطار
دا حصلوا معايا شخصيا ومفيش اى تحريف فيهم
الا الاسماء فقط غيرتها عشان انا مش احمد

[شريف القناوى]

اخى الغالى
قصة جميلة وممتعة ومن منا صديقى لم يكن فى بدايته اخطاء
فمع الوقت والخبرة تصل الى الاحتراف المهم ان الابداع موجود
وهو واضح انك تمتلك الى الموهبة فبداية موافقة وقصة جميلة
والان اقولك انه تم تثبيت موضوعك لتكمله ويطلع عليه الكل
منورنا اخى ونتمنى ان نرى المزيد من الابدعات لهذا القلم
اخوك القناوى

[diskawy]

شكرا اخى القناوى على الثبيت والتقيم

ونكمل

الجزء الثالث
ــــــــــــــــــــــــــــــــــــــــــــــــــ ــــــــــــــــ
البنت ................ انت ايه اللى جابك هنا
الوزير .............. فى ايه ؟
الدكتور أحمد ........ استأذن حضرتك شويه يا باشا
الوزير ....... اتفضل يا بنى . فيه ايه يا نهى ؟
نهى بنت الوزير .......... يا بابا انت مش شايف اللحية دا متخلف
الوزير ......... هههههههههه كل دا عشان اللحية ؟
نهى ......... دول رجعين جهلة متخلفين
الوزير ........ الولد انا مشفتش منه الا كل احترام وأدب دا شخص مهذب
نهى ....... هما كده فى الاول بيتمسكنوا والاخر تشوف الوجه الارهابى
الوزير ........ واضح الكام سنه اللى عشتيهم فى امريكا غيروكى
يا نهى يا بنتى الحياه فى امريكا تفرق كتير عن الحياه فى مصر
لازم تعرفى كده كويس
الباب بيخبط . اتفضل مين ريماس . (ريماس هى الاخت الاصغر لنهى )

الوزير ...... احسن اهو اختك ريماس جت
ريماس ........ ازيك يا احلى باب فى الدنيا
الوزير ......... حبيبت باب وسكر باب ايه اللى اخرك
ريماس ......... يدوب خلصت اخر محاضره
ويدوب كمان العربيه وصلت قدام المستشفى والعجله فرقعت
ومكنتش جبت استبن لولا ان دكتور ملتحى كده سيارته نفس سيارتى
طلب من العامل يجى وعطانى الاستبن بتاع سيارته والعامل بيركب فيها دلوقتى
الوزير ........ لما اقوم بالسلامة هجيبلك سياره جديده اخر موديل
ريماس ....... يابابا انت عارف انا مش بحب العربيات الفخمة ولا المنظره زى ناس
مع نظره خفيفة تجاه نهى
نهى ........ بقولك ايه مش نقصاكى انتى كمان . انا ماشية يا بابا عشان معادى مع
مدحت خطيبى . يلا باى ............... باى ريماس... باى
نهى فتحت الباب وخرجت وبعد دقائق دخل الدكتور القى السلام
الوزير ...... تعالى يابنى ....
ريماس ..... انا شاكر ه افضالك على الاستبن يا دكتور
دكتور أحمد .... دا اقل واجب يا افندم .... لو اعرف ان حضرتك بنت الوزير
كان يبقى واجب علينا طبعا . اخبار الصحة يا افندم تمام الحمد لله
الوزير ....... يا دكتور متزعلش من بنتى نهى ومن تصرفاتها
وبعدين هى عاشت فى امريكا فتره طويله اعظرها
دكتور أحمد ....... يا معالى الوزير احنا نستحملها عشان خاطر حضرتك
الوزير .............. هههههه
دكتور احمد .... طيب استأذنكم

ريماس ....... بتكلم الوزير
واضح انه مؤدب وذو قيم صح يابا ولا ايه ؟


الوزير .... فعلا يا بنتى شاب مؤدب
ريماس ....... سرحانة وبتفكر يا ترى بتفكر فى ايه ؟
الوزير ........ لاحظ السرحان على ريماس مالك يا ريماس
ريماس ........ ها نعم . لا مفيش
تليفون الوزير بيرن
الوزير ...... دى نهى . ايوه يا نهى
الحق يا بابا خطيبى فى العناية المركزه عندك ونا معرفش
الوزير ...... ايه اللى حصل يا نهى يا بنتى؟
نهى....... بيقولوا كان فى مأموريه
وأصيب برصاصة فى عينه اليمين انا جايا فى الطريق
الوزير ...... طيب تعالى .
الوزير ...... ياريماس روحى للدكتور احمد وستأذنيه يجى هنا
ريماس ...... حاضر يابابا
ذهبت ريماس الى حجرة الاطباء الرئيسيه
مجموعة من الاطباء جالسين طلبت منهم ريماس
ممكن الدكتور احمد ؟
الاطباء ..... الدكتور احمد فى حجره 5 ذهبت ريماس لحجره 5
الدكتور احمد بيطمن على حالة من الحالات
ريماس ....... يا دكتور لو سمحت ؟
أحمد ......... ابتسامة خفيفة من بتوع الاطباء فى حاجة يا انسة ريماس
بابا عاوز حضرتك لو سمحت
أحمد ......... طيب اتفضلى ونا 5 دقائق اكون انتهيت
ريماس ..... فيها مشكله لو انتظرت حضرتك ونروح لبابا مع بعض
أحمد ........ لا مفيش مشاكل اتفضلى على الكرسى 5 دقائق ونكون مشينا
ريماس ...... جلست فى الكرسى المقابل للدكتور احمد
الدكتور أحمد بيقيس الضغط للمريض
ريماس ...... نظرات اعجاب . ريماس بتحاول ان الدكتور ميخدش باله
انها معجبة لكن الدكتور ملاحظ انها مش طبيعية
احمد ....... لو متضايقة يا انسة ريماس ممكن تتفضلى ونا
ريماس ...... لا ابدا مش متضايقة ولا حاجة خد راحتك
احمد ........ طيب خلاص يلا بينا انا خلصت
.................................................. .........................
ريماس ...... بتحاول تتكلم .
طيب لو الضغط عالى ايه السبب فى ارتفاعة
احمد ...... فـ الحقيقة اكتر من سبب لارتفاع ضغط الدم
ريماس ...... يعنى ممكن التفكير الكتير يرفع الضغط ؟
احمد ......... لاء مش لازم
ريماس ....... الحمد لله اصل انا بفكر كتير
احمد ......... فكرى كتير براحتك مفيش اى مشكلة من كدا
ريماس ....... ابتسامة خفيفة مع نظره واضح انها معجبة بالدكتور
الدكتور احمد ..... مش واخد باله انها معجبة .
وصلو لحجرة الوزير
كيف حال الصحة يا معالى الوزير
الوزير ....... الحمد لله . بقولك ايه يا دكتور انا هطلب منك انك تشوف
خطيب بنتى نهى هو هنا فى المستشفى عنده اصابة فى عينه
الدكتور احمد ...... الضابط .
الوزير ....... ايوه عرفت ازاى انه ضابط
احمد ...... لا عادى طيب استأذنك هروح اشوفه
احمد ...... ماشى فى الطرقة بيفتكر الموقف ساعت ما كان فى السجن
الدكتور احمد بيسأل الدكتور المختص ايه اخبار الضابط المصاب فى عينه
الدكتور المختص ..... للاسف فقد عينه خلاص حنحاول نعرض عليه عين صناعية
الدكتور احمد ..... بانت عليه ملامح الحزن لا حول ولا قوة الا بالله
رغم انه تعرض لظلم من الضابط
ذهب احمد للوزير وبلغة انه فقد عينه
وبعد دقائق نهى عرفت الخبر
نهى ....... يعنى مفيش أمل ان عينه ترجع
الوزير ...... هيكون فى عين صناعية يا نهى
ريماس ....... تستمع وتنظر ومش ملاحظه مشاعر الحزن على وجة نهى
ريماس ....... بعد اسبوع طلبت ريماس من نهى مش هتروحى
تزورى خطيبك انتى مرحتيش . الا مره واحده
نهى ....... لا مرتين
ريماس ....... يا سلام مرتين ومالك حاسة انهم كتير قوى دا خطيبك
نهى ........ انا خلاص .
ريماس..... خلاص ايه ؟
نهى ........ انا نهيت علاقتنا . اكتشفت انى مبحبوش
ريماس ...... اكتشفتى ايه ؟ انك مبتحبهوش .
ولا اكتشفتى الحدثة وعينة اللى راحت
مش دا اللى كنتى هتموتى عليه . انا فهماكى كويس .
انتى مبتحبيش حد انتى يهمك قوى المظهر العام
انتى بتحبى نفسك بس
نهى .... اخرسى . وكان القلم على وجة ريماس . بيد نهى .

ــــــــــــــــــــــــــــــــــــــــــــــــــ ـــــــــــــــــــــــــــــ
ونكمل الحلقة القادمة

[diskawy]

اسف الحلقة السابقة هى الرابعة
ونكمل الان الحلقة الخامسة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
الوزير ....... بعد اكتمال فترة العلاج صحتة تمام
ذهب لزيارة بنته ريماس فى نفس المستشفى
ريماس ........ على السرير بتفكر . الباب بيخبط
ريماس ......... اتفضل . تنظر الى الباب تترقب من
وكأنها تنتظر ان يكون . د احمد
يفتح الباب ويكون القادم هو الوزير
ريماس ........ بابا .
الوزيز ....... حبيبت بابا . انتى بخير
ريماس ....... انا بخير يا بابا متقلقش عليا
الوزير ....... احكيلى ايه يا بنتى ايه اللى حصل ؟
ريماس ...... لاء يابابا مفيش حاجة انا كويسة
الوزير ...... انا لما اختك نهى قالت انك اغمى عليكى
بسبب ضعف فى الغذاء
ريماس ...... ضعف فى الغذاء ؟ نهى قالت لحضرتك كده
الوزير ........ ايوه . اهتمى بالغذاء شوية يابنتى اوعى تأهملى
فى نفسك
ريماس ....... حاضر يابابا
الوزير ........ انا سألت د. احمد وقال صحتك اتحسنت وممكن تخرجى النهرضة
عدت ايام بعد خروج ريماس من المستشفى
وايضا بعد خروج الوزير . ومدحت خطيب نهى ولم يعد أحد بالمستشفى الا الدكتور أحمد
وريماس لا ترى فى عقلها الا التفكير فى د. احمد يبدو انه حب من طرف واحد
ريماس تجلس بالساعات تفكر .
فيلا الوزير لا يوجد بها الا ريماس . ونهى . والشغالة . والوزير
الوزير ........ ذهب الى الوزاره والمساعد ينتظره
المساعد ........ الف حمد الله على السلامة معالى الوزير
فى شوية قرارات يا افندم محتاجين امضاء من معاليك
رئيس الوزاره . شفلى المهم منهم والباقى بعدين

المساعد ........ يأ افندم المحكمة حكمت بعدم تصدير الغاز لاسرائيل
الوزير ........ تانى انت عارف ان الريس كده هيزعل اطعن فى الحكم
المساعد ........ يا افندم دا حكم نهائى احنا طعنا مره
الوزير ......... من الاخر كدا هنصدر والريس عاوز كده
المساعد ........ يا افندم طيب والقانون
الوزير ........ قانون ايه يابنى . القانون دا بنضحك بيه على الشعب
المساعد ........ أمر معاليك .
الوزير ...... وبالمره ابعت قرار بغلق القنوات الدينية
اكتب فى الامر اثارة الفتنة بين الشيعة والسنة
انت عارف الريس كان سيبهم على هدف هيقضوا على الاخوان
دولا بيعلموا الناس بيجمدوا عيون الشعب علينا
المساعد ......... حاضر يا افندم
ذهب الوزير الى الفيلا دخلت سيارة الوزير نهى فى حمام السباحة
ريماس فى غرفتها تفكر فى الدكتور احمد
واضح ان التفكير مش جايب نتيجة
ريماس ..... قررت ان تذهب الى المستشفى بحجة زيارة احدى صديقاتها
ريماس تدور فى المستشفى لا تجد الدكتور احمد . ريماس فى حيرة
الحزن يلتف حولها وماذا الان كيف تملى عيناها ولو بنظره .
ريماس تذهب الى الغرفة الرئيسية تجد مجموعة من الاطباء
ريماس تسأل ممكن د. احمد
د . محمود ........ صديق د. احمد فى اجازة يا انسة اى خدمة ممكن نقدمها
ريماس ........ لاء شكرا طيب ممكن رقم تلفونه حاجة خاصة
د. محمود ......... تفضلى . 00200000000000
ريماس ......... شكرا جدا .
ركبت ريماس سيارتها وهى تقول اتصل بية اقول ايه ؟
وصلت ريماس الى غرفتها قررت الاتصال ..........الخط فتح
د. احمد ..........الو . الووو
ريماس .......... تسمع ولا تتكلم
د. احمد ......... الو .الو ..... يغلق التلفون
ريماس ......... تتصل مرة اخرى .... الخط يفتح
د. احمد ......... الو . الو . هتتكلم ولا اعمل حظر للرقم .
ريماس ........ بتلقائية . لالالالالالالالالالالا خلاص
د. احمد ........ مين حضرتك
ريماس ........ انا واحده بتفكر فيك
د. احمد ........ نعم ؟ وحده بتفكر فيا . وايه المطلوب منى دلوقتى ؟
ريماس ........ المطلوب انك تقابلنى .
د. احمد ........ بصوت عالى انتى بتهزرى يا انسة
لو سمحتى اقفلى التلفون وبلاش الكلام دا
ريماس ........ ريماس مش قادرة تمنع نفسها من البكاء
انات البكاء تخرج من قلب عرف معنى المشاعر والاحساس الصادق
دكتور احمد....... يسمع البكاء فى التلفون يكلم نفسة بدهشة فى ايه ؟
انتى مين .انتى تعرفينى
ريماس ....... تبكى والكلمات تخرج من الشهقات
تقول ريماس ....... انا من ساعة ما شوفتك
ونا اتغير حالى وصورتك مش بتروح من خيالى
ريماس...... ونت السبب قول اعمل ايه دلوقتى ؟
د. احمد ....... لا حول ولا قوة الا بالله انا عملتك ايه بس
طيب خلاص لو سمحتى اهدى بس . خلاص بقى .
ريماس ....... هتاقبلنى .
د. احمد ......... طيب خلاص هقابلك
ــــــــــــــــــــــــــــــــــــــــــــــــــ ــــــــــــــــــ
ونكمل الحلقة الجاية

[diskawy]

نكمل الحلقة السادسة
ـــــــــــــــــــــــــــــــــــــــــــ
كانت ريماس شجاعة فى قرارها رغم رقتها .
كانت تلقائية رغم صدق النية . استطاعت ان تنقل حبا مفردا الى وصف مشترك
د.احمد .......... انتى صوتك مش غريب عليا . انتى مين؟
ريماس .....انا ريماس مش فاكرنى كان بابا فى المستشفى ونا كمان
د.احمد ....... انت ريماس بنت الوزير
ريماس ...... ايوه
خلاص يا ستى عاوزه تقابلينى امتى
وكان موعد اللقاء فى مطعم مشهور على كورنيش النيل
يوم الاثنين الساعة 4 عصرا
ريماس ........ جالسة تنتظر بين اللهفة والفرحة .
يا لها من مشاعر دافئة .
ريماس ....... تنظر الى الساعة الان الرابعة والنصف
ريماس تلتمس العذر ..... تمر الدقائق . الساعة الان الخامسة
ياترى مصير الحب الاول ان يعيش يكبر ويكون كالحلم.
ام يموت و يترك شرخا كبير لا تنساه ريماس ما بقيت
ريماس ....... قررت الاتصال بـ د.احمد ت..... يرن.......
د. احمد ........ الو . ايوه يا ريماس
ريماس ........ هو مش فية معاد
د.احمد ......... ايوه طبعا
ريماس ....... طيب الساعة دلوقتى خمسة
د. احمد ....... فعلا الساعة 5 دلوقتى بس النهرضة الاحد مش الاثنين
ريماس ....... تنظر فى تاريخ الموبيل لقت الاحد يا لهو من كسوف .
ريماس مش عارفة ترد
د.احمد ........ ريماس انتى جيتى قبل الميعاد بيوم .طيب خليكى عندك انا جاى
ريماس ........ تكلم نفسها ازاى عقلى تاه كده
وصل د.احمد
ريماس ...... تقف وتنظر
د.احمد....... ازيك.. انا جيتلك اهو يا ستى
ريماس ...... ابتسامة ......
مش عارفة ازاى اللخبطة دى حصلتلى
د.احمد ....... ما علينا حصل خير .
ريماس ....... انا بجد اسفه مش عارفة انا بعمل كده ازاى
فى دافع جوايا بيحركنى اكيد مش عقلى
د.احمد ....... تفتكرى هو ايه اللى بيحركك ممكن يكون اعجاب وشوية ويروح لحالة
او ممكن يكون فى خيالك صورة لكاريزما معينه ولما تتكلمى معايا تكتشفى ان انا مش هو .
ريماس ...... وممكن يكون هو ؟
د.احمد ....... غريبة .
ريماس ...... وايه الغريب فى دا ؟
الغريب ان نظرتك مختلفة عن اختك رغم الاب والام والبيت واحد
انا هكون صريح معاكى يا ريماس انا حياتى مختلفة تماما عن حياتك
انا عشت فى قرية بسيطة فلاحين ناس على
نياتهم مش متعلمين العلم بتاعنا دا عندهم علم تانى مش شرط حد يشرحة
انا لا املك من الدنيا الا اهلى ومهنتى
ريماس ....... ميهمش كل دا . المهم انت
د.احمد ....... واضح انك مش مستوعبة الموضوع الحكاية مش سهلة
زى ما انتى فاكرى انتى عارفة انتى بنت مين ونا بن مين .
ريماس ........ هو مش الدين بيقول ان مفيش فرق بين الناس وبعضها
د.احمد ......... فعلا بس بردوا مينفعش
ريماس ........ ومينفعش ليه ؟
د.احمد........ يعنى شوفى اللحية . وهقولك حاجة ومتزعليش
ريماس ....... لا مش هزعل
د.احمد........ شوفى انت شعرك سايب ازاى وكمان اجزاء من جسدك
ظاهره انا مش هقبل ان حد يخصنى يكون كده
ريماس ....... ليه هو حرام ؟
د.احمد ........ طبعا حرام .الله تعالا يقول
يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ
ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَّحِيماً
ريماس ...... انا معرفش كل دا .
د.احمد .......انا متأكد انك متعرفيش عشان كده كنت عاوزك تعرفى وبعدين انتى حره
ريماس ...... انا خلاص هلبس الحجاب من بكره وشعرى محدش هيشوفوا
د.احمد ...... انا مش عاوزك تندمى على حاجة
ريماس ......انا متأكده انى مش هندم على حاجة عرفتها منك
د.احمد ....... بالمناسبة موضوع المقابلة دا غلط انا وفقت
انى اقابلك المرة دى عشان اول مره
ريماس ........ لا كلة الا دا .
ــــــــــــــــــــــــــــــــــــــــــــــــــ ــــــــــــــــــــــــــــ
ونكمل الحلقة القادمة

[جبل الخير]

دام ابداع قلمك

قصه روووعه

سلمت اخى

[diskawy]

اقتباس المشاركة الأصلية كتبت بواسطة جبل الخير دام ابداع قلمك قصه روووعه سلمت اخى

شكرا على المتابعة اخى الكريم

[diskawy]

الحلقة السابعة ونكمل
ــــــــــــــــــــــــــــــــــــــــــــــــ
نهى شافت اختها ريماس فى الفيلا تتجول وهى لبسة الحجاب
نهى ........... انتى ايه اللى عملاه فى نفسك دا
ريماس ....... دا الحجاب الشرعى
نهى ........... حجاب ايه ؟ انتى ايه هتعملى زى الناس المتخلفين
ريماس ........ متقوليش على حد كده وبعدين انا حره .
نهى ........... ذهبت الى ابيها الوزير فى المكتب
الوزير ....... تعالى يا نهى يا بنتى
نهى ......... شفت ريماس يا بابا
انضحك عليها من الناس المتخلفين دى لبسة اللى بيقولو علية حجاب
الوزير ........ طيب روحى وابعتيها
نهى ........... ذهبت وارسلت ريماس الى ابيها
باب المكتب بيخبط
الوزير ........ اتفضلى يا ريماس
دخلت ريماس لبسة الحجاب
الوزير ....... انتى ايه اللى عملاه فى نفسك دا
ريماس ...... دا حجاب يابابا انا اكتشفت ان انا كان حرام عليا
طول الفترة اللى فاتت دى
الوزير ......... يضحك يا بنتى ايه الكلام اللى بتقوليه دا انتى كلمتى مين
الفتره اللى فاتت دى
ريماس ...... بصراحة يابابا انا هكون صريحة معاك انا كنت بقابل الدكتور احمد
ونا بحبة واكيد هيطلب ايدى من حضرتك قريب
الوزير ........ احمد الملتحى دا
ريماس ....... ايوه يابابا دا شاب محترم جدا
الوزير ....... طيب شيلى اللى انتى لبساه دا وبعدين نتكلم
خرجت ريماس حزينة
الوزير ....... ذهب الى الوزاره
مساعد الوزير ......... يا افندم واضح ان حضرتك مضايق من حاجة
الوزير ........ بنتى لافت على واحد من اللى بيقولو عليهم السلفين
الواد لعب فى دماغها
المساعد ......... يا افندم اشر انت بس
الوزير .......... بقولك ايه الواد دا مش عاوز حد يعرف مكانه
المساعد ...... امر معاليك يا افندم
وفى اليوم التالى ذهبت مجموعة من امن الدوله فى نص الليل
وتم اعتقال الدكتور احمد بدون اى سبب
الدكتور احمد مرمى فى سجن تحت الارض مش سامع صوت الناس
د. احمد ..... بيكلم نفسه انا فين
مرت شهور محدش عارف طريق الدكتور احمد
ريماس ......... مش عارفة طعم النوم كل يوم تروح المستشفى تسأل
على د.احمد وتكون الاجابه مش عارفين راح فين . الارض انشقت وبلعته
ريماس لا تسمع الا دروس دينيه وقرأن بعد ما كانت لا تسمع الا الاغانى
بدلت عمرو دياب بعمرو خالد ومحمد فؤاد بمحمد حسان
اتغيرت لدرجة كبيره
اصحاب ريماس بيسألوا على ريماس ونهى تقول لهم حاولو تعقلوها
الوزير ........ مش عارف يعمل ايه مع ريماس
ريماس تنام وتقوم على ذكرى د. احمد يا ترى روحت فين
تبكى ريماس على ذكريات . وتدعوا الله انا يكون بخير
ماذا لو عرفت ريماس انا ابيها هو السبب
نهى ........ دخلت غرفة ريماس
ريماس ..... يا ريماس انتى اختى الصغيره انا اكبر منك
واعرف عنك اللى بتعمليه دا جنون يعنى احنا مش مسلمين
مش شرط نعمل زيك كده عشان نبقى مسلمين
ريماس ........ انتى مسلمة فى البطاقة لكن كل افعالك لا تمس الاسلام بشىء
ربنا غفور رحيم
ريماس ........ يا نهى انا بردو اختك ونفسى نكون فى الحنة مع بعض
صلى وربنا يهديكى
نهى ....... واضح ان مفيش فايده معاكى
خرجت نهى من عند ريماس ركبت سيارتها فى طريقها الى النادى
وكانت الصدمة الكبيره نهى تصتدم بشاحنة كبيره
نهى فى المستشفى على سريرها
ريماس ........ علمت بالخبر ذهبت مصرعة الى المستشفى
تجلس ريماس على يمين السرير تبكى ونهى لا تعلم انها فقدت ساقها اليمين
نهى تقول لريماس دلوقتى بس انا عرفت انى غلطت فى حقك وفى حق ناس كتير
نهى بتحاول تقوم لتجلس تبحث نهى عن ساقها اليمنى لا تجدها
لالالالالالالالالالالالالا صرخة كبيره
ريماس تأخذها فى احضانها . حبيبتى هونى عليكى
ــــــــــــــــــــــــــــــــــــــــــــــــــ ــــــــــــــــــــــــــــــ
ونكمل الحلقة الجاية

[فراااشه]

قصه رائعه من قلمك وفعلا في الزمن ذا محدش يساعد حد
الكل يخاف الحين ننتظر القصه

[فراااشه]

قصه رائعه من قلمك وفعلا في الزمن ذا محدش يساعد حد
الكل يخاف الحين ننتظر