حق الشهداء

[بسكوتة مسكرة]

	يا ناس يا طيبين عايزين تعفو عن مين؟ عن الريس ؟ ولا الهانم؟ ولا الوزراء ولا الولدين؟ هاتعفو بالظبط عن مين وهاتحاكموا مين؟ كلهم شلة فاسدين نصابين قتالين واولهم الريس زعيم المجرمين حد يقولي يا ناس يا طيبين فية في الدنيا وزارة معظمها فاسدين!!!! والباقي منهم حرمية ومنافقين!!! مفيش واحد منهم طلع علية العين!!! مفيش واحد منهم قال للناس انتم فين!!! وتقولولي نعفو هانعفو عن مين ولا مين!!ّ ده اللي ما سرقش منهم داس على الناس بالرجلين لا خلوا للناس لقمة ولا وظيفة ولا حتى رفعة عين الشباب بقيوا متحطمين وعن تحقيق ابسط احلامهم هم بالاف الاميال بعيدين فبقيت اهم امانيهم يهجوا من البلد حتى لو مش راجعين هاتعفو عن مين ولا مين؟؟؟؟؟؟؟؟ نقول عن الريس بس كلمتين هو مين الي قال اضرب المتظاهرين وللقناصة موتوا اللي للصوت رافعين دوسوا على كل للحرية طالبين هاتقولولي حبيب ماشي..... بس هو حبيب مسئول من مين؟ خلينا نكون واقعيين ونحط نفسنا مكان اهل شهيد ولا اتنين شهيد مات وسايب زوجةوبنتين زوجة في عز شبابها وبنتين كأنهم قمرين رصاصة طلعت من بندقية جبان اخترقت العين في ثواني مات وكل ذنبة انه ثار على الفساد والفاسدين اية ذنب زوجتة وبناتة يعيشوا طول عمرهم منه محرومين والشهيد التاني اللي قتلوه شوية مأجورين داسوا عليةبالجمال وضربوه بسيف واتنين اتغرز السيف في صدرة وهو بيقول سلمية يا بني ادمين مات غدر وخيانة علشان يرضى الريس والمسئولين بقى لو كان ابنكم ده ولا ده كونتوا هاتعفوا عن القتلة المجرمين؟ دول بس من قصص الشهداء قصتين فية غيرهم لو تسمعوها هاتقولوا هو احنا فين يا اخواني الطيبين ياللي بالعفو بتنادوا في كل الميادين نعفو عن كل شيىء بس حق االشهيد عنه مش متنازلين

[stairway to heaven]

I like your words very much


I wait anew words









Iam:Alkebera awy