جلال ابراهيم : الزمالك خسر الدورى الموسم الماضى بطريقه غير شرعيه

[ღ Gի๐sτ ღ]

جلال إبراهيم: الإنسحاب من البث العقاب الأول لاتحاد زاهر.. والبقية تأتي

أكد المستشار جلال إبراهيم رئيس نادي الزمالك أن "الكوميديا" هي أنسب وصف لبيان اتحاد الكرة المصري ممثلاً في لجنة الطوارئ بعدم اعادة مباراة ناديه والمقاصة في الجولة 23 من الدوري المصري الممتاز إيقاف الحكم ياسر محمود الذي أعلن اعتزاله ومساعده حسن عبد الله لنهاية الموسم.

وتابع إبراهيم في تصريحات في مداخلة هاتفية لبرنامج "صباح الرياضة" على قناة "النيل للرياضة" صباح اليوم أنه وقتما علم بمحتوى البيان أصابته نوبة ضحك فهو أمر متوقع سواء كان من مسئولي لجنة الطوارئ أو أعضاء مجلس إدارة الاتحاد خاصة، مشددا على أنه مازال عند رأيه الذي سبق وأعلنه بأن هناك مخطط من سمير زاهر وأعوانه في الجبلاية لإهداء درع الدوري للنادي الأهلي بالطرق غير الشرعية كما حصل العام الماضي في نفس الوقت ولكن كانت مباراة الزمالك أمام الشرطة.

وختم المستشار جلال إبراهيم رئيس نادي الزمالك بأنهم اصدروا بيانا رسميا بقرار مجلس إدارة القلعة البيضاء بالإجماع بانسحابهم من اللجنة السباعية للبث الفضائي والانضمام لجبهة المعارضة لسحب الثقة حيث أرسل الزمالك خطابا يطالب فيه بعقد جمعية عمومية طارئة لسحب الثقة من مجلس إدارة الجبلاية معتبرا أنه ذلك هو أنسب عقاب لمجلس زاهر وهو الأول في سلسلة اجراءات أخرى.

المصدر
هو فيه فى الدنيا كده؟الزمالك الى كان المركز ال 13 وبيدعي انة ميهبطش

دلوقتى بقى خسر الدورى و الاهلى خده بطريقه غير شرعيه


سبحان الله . وحلو تصريح كوميدي . كوميديا عشان المباراة متعادتش بسبب خطاء تحكيمي !!

لا الكوميديا ان مفيش مباراة فى الدنيا كلها اتعادت بسبب خطاء تحكيمي وانت الوحيد اللى عاوز تعيدها




معلومة * اصلا الزمالك السنة الى فاتت لولا التحكيم مكنش وصل المركز التاني ! وبيتكلم ع التحكيم !

[واد حبيب]

ازاي فريق يكون في المركز قبل الاخير قبل نهايه الدور الاول

وعوز يخد الدوري ازاي يعني وبعدين الفريق كان بين الاهلي والزمالك حوالي 9 نقاط

شكرا علي الخبر

الحبيب

[ღ Gի๐sτ ღ]

مانا مستغرب من كدة

معلومة * الفرق كان 10 نقاط مش 9

[M@HMOUD]

اقتباس معلومة * اصلا الزمالك السنة الى فاتت لولا التحكيم مكنش وصل المركز التاني ! وبيتكلم ع التحكيم !

ممكن تثبلتى بس بالفيديو والنبى علشان انا ناسى

تسلم يا كبير ومستنى الاثبات

[ღ Gի๐sτ ღ]

اقتباس
المشاركة الأصلية كتبت بواسطة M>I>D>O




ممكن تثبلتى بس بالفيديو والنبى علشان انا ناسى

تسلم يا كبير ومستنى الاثبات


شوف ياميدو .. انا مش حافظ روابط الفيديو عشان اجبهالك خاصة انها بتضيع مع مرور الوقت بس متذكر جدا ان الزمالك كسبان كتير بالتحكيم

امثلة بسيطة





فوز الزمالك ع المقاولون العرب 1-0 فى اخر 5 دقائق !

--------





هدف الاسماعيلي الملغى وانتهت المباراة 0-0 لو كان احتسب الهدف لكان خسر الزمالك !
-----

دول بس بـ 5 نقط ناهيك غير ضربات جزاء لن تحتسب للانتاج و الجونة وكروت حمراء وضربات جزاء لاندية اخرى لن تحتسب..

ولكن من حسن حظك انى مش لاقى الفيديوهات لكل ضربات الجزاء اللى لن تحتسب ضد لزمالك
وباقى الاخطاء التحكيمية

ولكن لو ترجع تتفرج عالمباريات كاملة هاتشوف بنفسك

ومش بقول الزمالك بيتجامل من التحكيم ولكن الزمالك كسب كتير بالتحكيم السنة اللى فاتت يعنى مفيش حاجة اسمها الزمالك خسر الدورى عشان ماتش شرطة وغير كدة اصلا الزمالك مكنش بينافس ع الدورى عشان يخسرة

--------
بعيدا عن التحكيم انت مقلتش رأيك علي كلام جلال ابراهيم
معقول الزمالك خسر الدورى عشان التحكيم في ماتش الشرطة :004: دة كان فرق 10 نقط يعنى مفيش منافسة اصلا ! الزمالك كان بينافس ع الهبوط والاهلى بينافس على الابتعاد بفرق نقاط كبير !!
ولا انت شايف ان كلام جلال ابراهيم صح والزمالك كان بينافس عالدورى بس خسرة عشان ماتش الشرطة !



تسلم ع المرور