الفرق بين جوزك وابوكى

[شاعر واسير الحب]

الفرق بين جوزك وابوكى

*مع ابوكى .. دخلتى المطبخ ما دخلتيش .. كله واحد وممكن بابا كى يساعدك .. انما مع جوزك ..

مش بمزاجك .. ها تدخلى .. هاتدخلى ..

* مع ابوكى .. فى العيد بيدي لك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى

*مع ابوكى .. بتنامى وتصحى وقتما انتى عايزه .. مع جوزك .. وقت ماهو عايز .. او مع مواعيد شغله.

* مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى .. مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

*مع ابوكى لو حصل وكنتى زعلانه .. بيزعل عشانك .. لكن مع جوزك .. بيزعل منك .. ويلومك ازاى تزعلى اصلا

* ابوكى .. كلمه حلوه ترضيه .. وجوزك .. طول الليل تحايلى فيه.

*ابوكى.. وانتى عيانه .. سهران جنبك طول اليوم .. انما جوزك بيروح ينام فى الاوضه التانيه.

*ابوكى.. لما تكونى فى مشكله .. بيسيب كل اللى وراه ويتفرغ لمشكلتك .. وجوزك .. بيحط مشكلتك اخر بند فى اجندة يومه.

* أبوكى .. لما تدلعى عليه .. بيفرح بيكى .. انما جوزك .. بيقولك ..اكيد عايزه حاجه .

* ابوكى.. لما تقولى له .. ده حصل كذا وكذا .. بيهتم ويصدقك .. انما جوزك .. بيقولك .. الموضوع دا وراه ان .. ويشك فى كلامك.

* ابوكى .. لو شافك بتعيطى ها يمسح دمعتك .. انما جوزك .. ها يقولك يادى النكد .

* مع ابوكى .. لو حاطه ماكياج فاقع شويه.. هايقول لك الهادى عليكى احلى .. وانت احلى من غيره خالص ( يا حبيبى يا بابا ) .. لكن جوزك .. ها يقولك شكلك زى عروسة المولد .

* مع ابوكى .. لو طلبتى دوا من الصيدليه . جرى ها ينزل يجيبه .. لكن جوزك ها يسالك بكام.

* مع ابوكى .. نفسك تخرجى مع صحباتك .. ها يقترح عليكوا تروحوا فين.. ويجى يوصلك كمان .. لكن جوزك .. ها يقول مالوش لزوم .. والبيت ماله

*ابوكى .. لو طلب منك كوباية ميه .. بيقولك لو سمحتى عايز ميه .. انما الرخم .. بيقولك قومى هاتى ميه.

*لو ابوكى نايم .. وانتى صاحيه لسه وعامله شوية دوشه .. ما بينطقش .. لكن جوزك .. صوت زعيقه ها يسمع الشرق الاوسط كله

*ابوكى.. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.

*لو بتتفرجى مع ابوكى على التليفزيون ... ها يسيبلك الحريه تتفرجى على اللى انتى عايزاه .. لكن المحروس .. مافيش قدامك غير ياالاخبار يا الكوره .. يا ميلودى

*ابوكى لو نازل مشوار .. بيعمل ليكىاعتبار ويديكى خبر .. لكن جوزك .. بيختلس عدم وجودك قدامه عشان ينزل منوراكى.

* ابوكى دايما شايفك حلوه .. جوزك مش بيشوفك حلوه الا فى الحالاتالنادره .. او اذا كنتى صاروخ وهو مضطر يعترف وفى الاغلب مش ها يعترف

* لو محتاجه فلوس فى حاله طارئه .. ابوكى ها يديكى من عينيه .. لكن جوزك .. ها يقولك خدى من ابوكى

* لو جالك مكالمه غلط على موبايلك.. ابوكى ها يقولك حصل خير .. لكن جوزك .. هيشك ...

* لو جبتى كحكه اخر السنه وطلعتى بماده .. ابوكى ها يشجعك ويهدى اعصابك.. لكن جوزك.. ها يقولك .. يا ادى المصاريف اللى مالهاش لازمه

* لو ما فيش فى التلاجه غير ازازة بيبسى واحده .. ابوكى ها يسيبهالك بنفس راضيه .. لكن جوزك ها يقول معلش انا لازم ابلع او ها يقسمها معاكى

*لو غصب عنك صوتك على على ابوكى .. هايلومك بذوق .. لكن جوزك ها يسمعك قاموس شتايم

*لو اتزحلقتى على الارض .. ابوكى ها يجرى يشيلك .. جوزك ها يقعديضحك ويقولك ما انتى اللى مش منشفه الارض كويس منك لله يا اخى

* لو نفسك تغيرى مكان السجاده .. ابوكى ها يقوللك عنك دى تقيله عليكى.. لكن جوزك ها يقولك مشضرورى وجع القلب دا

* لو عامله عزومه لاصحابك فى البيت .. ابوكى ها ينزلويقولك خليكوا براحتكوا .. لكن جوزك ها يشترط مين اللى يجى او ها يرفض مناساسه

* ابوكى.. ممكن يكتبلك حاجه باسمك.. او يحطلك مبلغ فى البنك .. جوزك .. لا لا لا يمكن نفسه تطاوعه على الفعله الشنعاء دى

* لو العربيه عطلت بيكى .. ابوكى.. ها يقولك اقفليها وتعالى وانا ها اتصرف.. جوزك .. ها يقولك متركبيش العربيه تانى

* لو ابوكى شافك بتتخانقى فى الشارع مع واحد .. هاينزل يقطعه .. لكن جوزك .. ها يقولك انتى قليلة الادب

*لو حكيتى لابوكى على واحد عاكسك .. ها يقولك معلش .. وبعدين عنده حق .. انتى جميله انما جوزك .. هايقولك انتى اللى ماشيه مش محترمه

* لو مقدمه على شغل .. ابوكى.. ها يوصىعليكى طوب الارض .... لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

* ابوكى لو لاحظ انك متخانقه مع اختك .. هايصالحكوا على بعض .. لكن جوزك .. ها يقول خليهم يولعوا دول عيله عجب

*لو عندك مشوار والبيت ما فيهوش غير عربيه واحده.. ابوكى.. ها ينزل يروح مشواره بتاكسى ويسيبلك العربيه .. لكن جوزك.. ها يقولك استنى لما اخلص اللى ورايا وارجع انام وابقى خديها بعدين ( يكون الميعاد طبعا طار )

* مهما ابوكى كان متضايق .. لا يمكن تكلميه وتلاقيه مكشر .. لكن جوزك.. لو متضايق .. العالم كله
هينكد عليكي
س/ياترى الولاد كلها كده ام لا المقصود بان لما يتجوزو حيبقو كده ولالاه؟
س/ياتر البنات هتقدر على كده ام لا ولو مقدرتش هتعملاه؟
ارجو الرد بكل صراحه من الولاد والبنات

[نبض الحياه]

ههههههههههههههه
والله عندك حق فعلا ده بيحصل
توبيك لطيف ومرح
تسلم الايادى

[sεηυσяιтα ησOση]

بجد مش كل الشباب كده

وكمان البنت لو لقت جوزها كده تخلعه

ههههههههههههههههههههههههههههههه

يسلموووووووووووووووو

[نووله]

والله مش دايما في ناس كويسه يعني مش قاعده عامه بس فعلا مفيش زي الاب هو احن واحد في الدنيا

[شاعر واسير الحب]

اقتباسالمشاركة الأصلية كتبت بواسطة نبض الحياهههههههههههههههه
والله عندك حق فعلا ده بيحصل
توبيك لطيف ومرح
تسلم الايادى

اشكرك لمرورك الكريم
هههه بيحصل استر يارب علينا منكم هههههههه
اسعدني مرورك
لك تحيتي

[شاعر واسير الحب]

اقتباسالمشاركة الأصلية كتبت بواسطة دمعة فيها لمعةبجد مش كل الشباب كده

وكمان البنت لو لقت جوزها كده تخلعه

ههههههههههههههههههههههههههههههه

يسلموووووووووووووووو

اشكرك علي مرورك الكريم

احنا فاضين كل شوية خلع خلع متجوزين ليه من الاول
مافيش استقرار ولا ايه
هههههههههههههههههه
اشكرك

[شاعر واسير الحب]

اقتباسالمشاركة الأصلية كتبت بواسطة نوولهوالله مش دايما في ناس كويسه يعني مش قاعده عامه بس فعلا مفيش زي الاب هو احن واحد في الدنيا


اشكرك علي مرورك الكريم
اكيد مافيش احن من الاب ولكن لابد من الجواز مش كدا ولا ايه
وتكوني مع جوزك وفاتحة بيتك
اشكرك

[я e e м]

هههههههه

حــلو الـــتوبيــكـ <<

وأكيـــد مــش كـلهـمـ كــداا ,,

بــس معـظمهــمـ يعــنــي <

والبنات بقي بعـد الـثورهـ مـشـ هـيسكتـوا :d

شــكراً عـ الــموضوعـ ,,
دوآآآآآآآآآمـ نــشاطكـ >

[شاعر واسير الحب]

اقتباسالمشاركة الأصلية كتبت بواسطة я e e мهههههههه

حــلو الـــتوبيــكـ <<

وأكيـــد مــش كـلهـمـ كــداا ,,

بــس معـظمهــمـ يعــنــي <

والبنات بقي بعـد الـثورهـ مـشـ هـيسكتـوا :d

شــكراً عـ الــموضوعـ ,,
دوآآآآآآآآآمـ نــشاطكـ >


اشكرك علي مرورك
البنات هيعملوا اية بعد الثورة
جمعه الرفض ولا جمعه المحشي الكبير ههههههههه
يله بكرة نشوف
اشكرك

[احمد يوسف على]

هههههههههههههههههههههههه

كلام صحيح 100/100