نكت على الماشى

[عادل طه]

مره واحد صعيدى ومراته اول مره يركبوا طياره قاعدين فى الطياره فالراجل قال لمراته روحى هاتيلى اشرب
فراحت جابتلوه ميه بعد شوية قالها روحى هاتيلى اشرب
فراحت ومجبتش قالها فين الميه قالتلوه اصل الزير الي كنت بجبلك منه لقيت واحد قاعد عليه
.................................................. .............................................
واحد راح للدكتور قال له "يا دكتور انا عندي مشلكة فظيعة جدا، بانسى بسرعة" الدكتور قال له "المشكلة دي عندك من إمتى؟" قال له "مشكلة إيه؟"
.................................................. .................................................. .........

مرة واحد بيعدى الشارع مع صحابه خبطته عربية مات. شالوه عشان يودوه بيته اختاروا واحد منهم عشان يقول لمراته فراح لها وهما منتظرين بيه بره فتحت له الباب قالها: "جوزك ضيع كل فلوسه ع القمار" قالت له: "إلهى ينشل البعيييد!" قال لها: "و باع البيت" قالت له: "إلهى يبيعوا عنيه!" قال لها: "و اتجوز عليكي على فكرة" قالت له: "إلهى يدخلوا عليا شايلينه" الراجل قال: "بس..خشوا يا شباب..."
.................................................. .................................................. .......................................
واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30 عشان عندي شغل" و حط الورقة على السرير و نام صحي الساعة 10:00 فلقى ورقة مكتوب عليها "الساعة 6:30 يلا اصحى"
.................................................. ................
واحد مفلس ومش معاه فلوس وعايز يتعشى دخل مطعم قالهم انا عايز اتعشى ومش معايا فلوس رفضوا يعشوه
قالهم هتعشونى ولا اعمل زى ما اخويا عمل ؟ خافوا منه وعشوه بعد ما خلص اكل سألوه هو اخوك عمل ايه؟
قالهم بات من غير عشا
.................................................. .....................
مره طفل بيقول لامه: ماما هوبابا ليه ماشى وهوفرحان
قالت الام: علشان نسيت اخذ منه مصروف البيت
.................................................. .............................
مره ولد قال لبائع الفواكه:انا عايز 3كيلو فراوله ،5كيلو مانجو،4كيلو برتقال،3كيلو خوخ
فقال له البائع:اتفضل يا سيدي
فقال الولد:وكده يكون اجمالي وزنهم كام؟
قاله البائع:15 كيلو
فقاله الولد:شكرا مش عايز دى كانت مسأله حسابيه وانا مكنتش عارف احلها
.................................................. ...........................................