حلقات برنامج ( ذكريات عضو في رمضان )

[Aya 7ekaya]

ازيك ياحلويين معاكم فى الحلقه السابعه من ذكريات عضو فى رمضان الحلقه النهاردة بجد جامده الاول كنت عايزة اضم حلقه حوراء مع حلقه روح صامته وحتبقى مقارنه بسيطه بين حياه عضوتين كل واحده منهم فى بلدبنفس الحوار بس حصلت ظروف منعتنا المهم ان ضيفتنا النهاردة عسوووله جداا بنوته واثق من نفسها قدرت تثبت تواجدها فى المنتدى فى فترة صغنونه منورانى النهاردة روح صامته باسمها الجميل ده اللى عجبنى مووووت حبيت ان الحلقه تأخد شكل جديد وياارب الحلقه تعجبكم ازاى كان اول رمضان تصوميه فى حياتك ؟ انا بصوم رمضان من زمان قبل ما اخش المدرسة كمان بس طبعا كنت بستهبل في النص كده يعني تلاقيني فطرت يوم او يومين حتى اول يوم رمضان ليا في اولى ابتدائي انا كنت بشوف العيال معاهم شبسي بقه وحاجات فاروح افطر معاهم عادي كده بس طبعا كان صعب اني اتعود عليه في الاول وسط دا كله بس كنت بجاهد نفسي لاني وعدت نفسي اني ما افطرش في رمضان تاني مع ان ماما كانت بتقولي عادي انتي لسه صغيرة بس انا كانت دماغي ناشفة ومقفلة ولازم اصوم ايه هى اسوء عادات بيشوفها فى رمضان؟؟ ههههههه كتييير خلينا نبدا بصلاة التراويح دي بشوف فيها كل انواع التشرد الاطفالي العيال اول ما الصلاة تبدا يجروا في المسجد ويضحكوا ويضربوا في الناس اللي بتصلي ويفتحوا شنطهم و ياخدوا مفاتيحهم اللي بيسيبوها على الارض او اي حاجة يعني دا حتى الستات من كتر زهقهم بقوا يطفوا علينا النور واحنا بنصلي على امل ان العيال تخاف وتفضل قاعدة مكانها انا مش عارفة دوول بيفكروا ازاي بقه تاني حاجة بقه الناس الي بتاكل كتير على الفطار لدرجة انها مش بتبقى قادرة تقوم من على الكرسي اصلا ومش بتقدر تروح الصلاة وتنام مع ان النوم بعد الاكل دي اسوء عادة وازاى كان التحضير لرمضان بالنسبه ليكى؟؟ عارفة انتي الحاجة اللي مش بنحضرلها كتير هية بتبقى احلى حاجة تعدي علينا هوة دا رمضان بالنسبالي بنبقى مش محضرينله كتير الا يمكن في الاكل بس ونيجي بقه على اخر يومين في رمضان نزنق نفسنا ونروح ندور على لبس العيد دا انا بعك عك في رمضان بس بيبقى احلى من اي يوم في ايام السنة يعني لسه ببركته كده من رايك فى اختلاف كبير فى رمضان زمان عن رمضان دلوقت ؟؟ اها جدا كمان بس انا عن نفسي محستش الاختلاف دا الا لما رحت مصر ****************** رمضان بيبقى فيها زي الايام العادية بس الفرق انك بتبقي صايمة بس في رمضان في مصر شفت بقه الزينة والفوانيس اللي هوة كان السنة اللي فاتت واللي قبلها دول حضرتهم في مصر وحسيت بفرق ساعتها دا راي الشخصي يعني - في رمضان تحبى النوم المبكر أم السهر ؟ اكيييد السهر انا مش بعتبره سهر اصلا لان احنا بنفضل سهرانين لغاية وقت السحور اللي هوة قبل الفجر وبصحى بعدها تاني ع الساعة 10 الصبح كده بس ببقى فايقة اكتر من الايام العادية اللي بنام فيها الليل كله مالذي تتمنى أن تراة في المنتدى خلال هذا الشهر الكريم؟؟ انا بصراحة شفت كل حاجة في المنتدى ما شاء الله يعني عاملين شغل جامد اوي في البرامج والمسابقات الرمضانية واتمنى دايما ان ربنا يديم المحبة بيننا في المنتدى دي حاجة انا شايفاها ويا رب تفضل دايما موجودة ايه الاكتر الاكلات اللى تحبيها فى رمضان ؟. هوة للاسف كل الاكلات التقيلة الحلوة بتتعمل في رمضان مع ان المفروض احنا ما نكترش الاكل فيه بس انا بحب المحشي والكشري ايه اكتر حاجة بتحسسك بروح رمضان ؟ بصي صلاة التراويح اكتر حاجة بتحسسني بجو رمضان لو مرحتش بحس ان فيه حاجة ناقصة في يومي وكمان ممكن تقولي الزينة والفوانيس ولعب العيال في الشارع دي حاجة كانت بفرحني وبتحسسني بالسعادة لوحدها كده فى فرق بين رمضان وانتى طفله وذكريات الطفوله عن دلوقت؟ اكيييد فرق كبير زمان كنت بستمتع بيه جدا وبتلذذ بلحظاتي في رمضان لان كنت صغيرة ومشاعر البراءة الطاغية اللي بتحسسك ان كل حاجة حلوة دي كانت مسيطرة عليا ما كانتش متعكرة بالمشاغل زي دلوقتي شخص تفتقديه في رمضان ؟ جدي الله يرحمه كان دايما بيسلينا بحكاويه وقصصه قبل صلاة الفجر كده كان يقعد يحكيلنا كتير حاجات :|:\ موقف طريف لا يغيب عن بالك حدث لك في رمضان ؟ هههه ليه كده بلاش دا موقف مقرف اصلا بصي انا كنت مرة بصلي التراويح في المسجد فالمهم في ست جنبي كانت بتصلي وشايلة بنتها يجي عندها سنتين كده المهم البنت دي واحنا واقفين رجعت على عبايتي انا ما اخدتش بالي في الاول بس فجاة دون سابق انذار كده لاقيت تحت كتفي بشوية حاجات غريبة كده واستوعبت بعدها قمت سلمت وقمت امسح الي عليا والست قعدت تعتذر يوميها بس الغريب ان هية ليه ما قعدتش بنتها جنبها ليه لازم تقوم تصلي بيها يعني دا هيدوخ البنت الصغيورة يا عيني اللي ملقتش حد غيري عشان ترجع عليه ضيعيت يوميها الصلاة وانا قاعدة بغسل في البتاع المهم اعتبروا نفسكو ما سمعتوش حاجة ممكن نقول موقف دايما بيتكرر معايا واللي دايما افتكره اصل انا شولة يعني بكتب بالشمال فانا لما باجي اكل دايما باكل بالشمال مع اني بحاول اكل باليمين بس المشكلة هنا اني لما بقعد جنب اخواتي على الاكل او كده بنقعد نخبط بعض و الاكل بيقع في كل حتة عشان همة بياكلوا عكسي دايما فتبقى بهدلة يعني بس بتبقى من المواقف الظريفة الي بتعدي عليا دايما وبتكتر بقه في عزومات رمضان يعني وجهى دعوه لخمسه اعضاء لوجبه افطار مين يكونوا ؟ بصي يا ستي احنا نبعت دعوة love paradise حبيبتي ونبعت لمين كمان.. لمين كمان لبسنتوتي حبيبتي Basantota ونبعت ليكي يا وردتي ونبعت لرنين الفنانة بتاعتي والاخيرة خليها دعوة عامة للكل عشان كلهم ياكلوا معانا واهي تبقه فرصة نعرف الناس اكتر تسلمي يا وردتي على الحوار الممتع دا استمتعت بيه جدا وفي انتظار جديدك دايما يااقمرى انا استمتعت اكتر بالحوار الجميل ده معاكى

[ملكة القلوووب]

يعني انا الاخيرة صح خخخخخخخخخخ خلاص اوكي شكرا شكرا والله احرجتيني خخخخخخخخخخخخخخخخخ
حلقة حلوة كثير
وضيفه زي العثل
الموقف بتاع الصلاة ضحكني كثير لأنه صار معي زيك بالضبط

يسلموا على الحلقة الحلوة

[DO3AA]

جميل كلامك يا روح
و مفتكرش ان رمضان ف مصر ف احلى منه ف اى مكان تانى
و صلاة التراويح ف المسجد بنشوف فيها العجب^^
كل سنه وانتى طيبه يا عسوله
و موضوع جميل يا وردتنا تسلمى عليه

[بنت المختار]

حلقة كثيييير حلوه
وموقف البنوتة بجد لا تحسدي علية
ابقي خذي حذرك لما تشوفي المرى دي غيري كمانك لو جت جنبك
تحسبا لوقوع كارثة جديده هههههههههه
وكل عام وانتي بخير

وردوودتي
مجهود حلو واسئلة أحلى
يسلمووووووووو

[sεηυσяιтα ησOση]

حلقة جميييييييييلة اوى

وروح صامته منوووووورة

[رنين]

فنااااااااااانتى الجميله
حلقه جميله اوى
ولا صلاة التروايح والله بنشوف فيها العجب
وانتى بتحكى وبتقولى بيطفو النور وبتاع حسيت اننا بنصلى ف نفس المسجد ههههههههههه
ربنا يعود عليكى الايام بخير
ومتحرمش يارب من الدعوه
بالمناسبه عايزه محشى وفراخ
اما الحلو فنقول كنافه وعصاير بقى
قنوعه انا ههههههههههههههههه
ربنا يسعدك يارب يا جميل
وحلقه مميزه يا ورده
تحياتى

[AHMED SEVEN]

ذكريات حلوة منك يا روح صامته عجبني اسمك اوي الواحد بيحس بالراحة كده لما بيقراه هههه يسلموووو ليكي يا جميلة وللمستضيفة وردة اختيار ممتاز واسئلة رائعة .. تحياتي المعطرة

[عاشقة ذكر الله]

حلقة جمييييييييييييييييلة يا وردة

مع ضيفة اموووووورة اوووى

هههههههههههههه حلو الموقف بتاع البنوتة دى

كل سنة وانتى طيبة

يسلموووووووو ع الحلقة المميزة يا وردة