حلقات برنامج ( ذكريات عضو في رمضان )

[Aya 7ekaya]

اول حلقه معايا عضوة عسوله اووى نشيطه جداا حبوبه واثبتت تواجدها بسرعه
ولانهاحبيبه قلبى واختى الصغيرة مش اوى يعنى هم 3 سنين بثثث
حبيت البدايه تكون لذيذه زى ضيفتى اسراء
ربنا يديم اللى بينا ياارب


اسراء جاوبت ع الاسئله



اسيبكم مع الاسئله الخفيفه دى


ازيك يااسراء عامله ايه ؟ طمنينا عليكى ؟

تمام الحمد لله
انتى ازيك يا ايه

احساسك ايه وانتى اول ضيفه فى البرنامج معايا ؟

فرحانة انى معاكى يا يويو
ككككك

رمضان قرب خلاص فاضل ايام قليله ياترى حاسه بايه فرحانه ولا زعلانه ؟

فرحانة طبعا ومستنياه بفارغ الصبر
شهر مبارك

ده اول رمضان ليكى فى المنتدى؟ تتمنى يكون ازاى ؟

اة هوه اول رمضان ليا هنا يعتبر
واتمنى يكون حلو ومختلف
وانا هنا مع اخواتى واصحابى

ياترى ايه تجهيزاتك لرمضان ده ؟

ممممممم
نفسى اختم القرآن فيه
ونعمل كل حاجة ترضى ربنا ان شاء الله

وطبعا دة المفروض يتعمل فى كل وقت مش شهر واحد بس

حاسه ان فى جديد فى حياتك ؟ ولا حيكون زى اى رمضان فات ؟

لا فى جديد
زى مثلا انى رمضان دة هبقى هنا فى المنتدى معاكم


__________________________________

واحنا كمان فرحانين انك معانا فى المنتدى ياسوسو
لانك مكسب كبير جداا لينا

يااريت مفيش حد يقاطع اسراء خاالص
نسيبها تقول كل حاجة وبعد ماتخلص نبدأنعلق احنا

منورانا ياسوسو والله

[حافظة القرآن]

شكرا يا يويو ع الاستضافة و ع التقديمة الحلوة دى

وانا كمان فرحانة انى موجودة معاكم هنا

منور بيكى يا يويو

_______________

طيب نبدا بئة بالذكريات والمواقف فى رمضان
الحاجات اللى فاكراها بس ههههههههه

_______________

يلا نبدا
بسم الله الرحمن الرحيم


طبعا قبل رمضان بنجيب الزينة والحاجات دى
وبنعلقها بئة

ففى مرة احنا والجيران اللى جنبنا
جبنا زينة
وحبينا نعلقها بينا

فصاحبتى اللى هيه جارتى جت عندى عشان نعلق الزينة
ووقفنا مع ماما
وطنط جابت الزينة ومسكناها الحمد لله

وبعدين بنعلقها طلع فى مشكلة وكدة ففكناها وبنعملها من الاول تانى
ف واحنا بنعملها وقعت مننا ههههههههههههه
يالهوى
بس كان ممكن نجيبها من جارتنا تشدها
قعدنا كلنا نضحك :vb8:

وبعدين جت طنط تشدها لقيناها مشبوكة عند الناس اللى تحت ههههههههههه
:vb8:
هههههههههه

وبعدين الناس اللى تحت يجيبوها ومش بتوصل هههههههه
بس فى الاخر جبناها الحمد لله
وعلقناها بسلام اخيرا
وكان شكلها حلو بتلف مع الهواء
ههههههه

بس كان يوم جميل اوى انى مع جارتى كدة واحلى حاجة انها فى سنى
واحلى اكتر اننا مع بعض على طول
يعنى فى نفس العمارة فى نفس الدور
وفى نفس المدرسة فى نفس الفصل
ونفس الديسك
ههههههههههههههه

وكل ما نفتكر اليوم دة نعقد نضحك
ككككككككك

وعدا اليوم على خير الحمد لله
بس دة كان قبل رمضان بكام يوم كدة

وبس


برب مع الباقى
بقى

[حافظة القرآن]

بااااااااك

فوق قولنا ع الزينة وكدة


نيجى لرمضان بئة
واليوم اللى مش هنساه ابدا
ههههههه


كان فى يوم وانا كنت صغيرة وكدة
وكنت صايمة
وبعدين خرجت فى اليوم دة مع ماما وبابا
وجدو كان هيفطر معانا فى اليوم دة

المهم
رجعت البيت وبعد شوية شربت مياه
كنت ناسية اساسا انى صايمة
ههههههههه

نسيت خالص
المشكلة ان هما واقفين جنبى وساكتين

وبعدين لقيتهم اتكلموا على رمضان
بصيت كدة

قلتلهم يالهوى ايه دة
دة انا صايمة
وانتوا مفيش حد فكرنى
انا كدة فطرت
اهئ اهئ
وقعدت اعيط
هههههه

بس ماما قالتلى لا عادى عشان انتى كنتى ناسية يبقى عادى
اكنك صايمة تكملى صيامك عادى ومفيش حاجة

طبعا انا مكنتش عارفة الكلام دة عشان كنت لسة صغيرة قولتلها لا يعنى انا كدة فطرت
اهئ اهئ

قالتلى لا هيه وبابا وجدو
وهدونى وقالولى عادى تكملى الصيام
عشان كنتى ناسية
انتى كدة لسة صايمة

قولتلهم بجد
قالولى اة بجد والله

فرحت وقلتلهم ماشى خلاص

كان يوم
ههههههههههه

كنت هزعل اوى عشان فطرت
بس عادى عشان انا فعلا كنت ناسية
ولما كبرت عرفت طبعا
هههههههههه

وبس

برب
مع الباقى

[a m i r a]

حلوه الحلقه ي قمر..

وزكريات اسراء جميله خالث مالص@@
نورتي ي قمر البروجرم

[حافظة القرآن]

بااااااااك


نيجى بئة للمدرسة

طبعا مرت عليا ايام كتير وانا لما كنت فى المدرسة
حاجات وانا صغيرة وحاجات وانا كبيرة شوية

المهم اللى فاكراه كدة
شوية حاجات بسيطة مش كتير
هقولهم وخلاص هههههههه

1

المهم
دايما مش عارفة ليه
البنات تقول لبعض طلعى لسانك
عشان نعرف انتى صايمة ولا
بس طبعا دة هبل يعنى
لان ممكن عادى نبين ان احنا صايمين واحنا مش كدة
ههههههههههه

___________________

2

كان فى يوم من ايام رمضان من ايام المدرسة
كنا كلنا صايمين بئة
والله اعلم يعنى

وبعدين لقينا واحد فى الفسحة مطلع شيبسى وقعد ياكل قدامنا
لقيت ربع الفصل كدة يا مفطر يا مفطر
هههههههههه
وهوه ولا حاسس
هههههههههه

كان يوم

__________

3

يوم تانى بئة
كنت زعلانة فيه اوى

عشان فطرت فيه
بس فطرت ع دواء يعنى
عشان كنت تعبانة وكدة

وااااااااااااااء

زعلت فيه عشان مش صمت

وماما تقولى بعد ما رجعت من المدرسة
طيب انتى فطرتى ع الدواء كلى حاجة بئة
اقولها لا مش هاكل
هفضل كدة

لحد ما اكل معاكم

هههههههههههههههههههه

____________

4

اليوم دة انا كنت فيه صغيرة اوى خالص
كككك

وكنت عايزة اصوم
وماما وبابا ماكنوش راضيين
عشان انا صغيرة لسة
يقولولى لما اكبر شوية طيب
اقولهم لا هصوم مليش دعوة

فكانت ماما تقولى ايه
طيب صومى فى المدرسة وتعالى البيت كلى او اشربى حاجة بسيطة مش كتير
قولتلها فى الاول لا بس بعد كدة قالتلى لا
عشان انتى لسة صغيرة وكدة

قولتلها ماشى خلاص
قالتلى ماشى

وفعلا عملت كدة وفى المدرسة افضل صايمة لحد
ما ارجع

ههههههههه
كنت صغيرة اوى
ولما كبرت
لو ايه حصل هفضل صايمة لحد المغرب
ههههههه

واللى يحصل يحصل بئة
ككككككككك

______________

5

كان كل اللى فى المدرسة
من البنات واحنا صغيرين فى ابتدائى
يتحجبوا فى رمضان ماعدا كام واحدة
بس

المهم قولت لبابا وماما
انا كمان عايزة البس طرحة فى رمضان
قالولى لا بس كدة حرام انك تلبسيها
وبعدين تشيليها بعد رمضان

قولتلهم طيب ما كلو بيعمل كدة اهو
قالوا لا حرام كدة
مينفعش

قولتلهم يعنى انا الوحيدة اللى ابقى كدة
انا وكام بنت بس

المهم نزلت مع اخويا بعدها بشوية
رحنا الصيدلية نشترى حاجة

وبعدين قابلت صاحبتى
اللى كانت محجبة فى رمضان بس
واحنا كنا فى رمضان وقتها
ولسة الصبح شايفاها محجبة
اتفاجئت بانها بشعرها

قلت طيب ليه فى المدرسة وبس

فقلت لنفسى لا يبقى انا هفضل كدة
لحد ما اتحجب على طول
خالص

ودلوقتى اهو الحمد لله محجبة على طول

هههههههههه


دة اللى فاكراه من ايام المدرسة يمكن فى حاجت مش فاكراها دلوقتى
بس لو افتكرت هضيف ههههههه


برب
مع الباقى

[sεηυσяιтα ησOση]

حلقة جميلة
وذكريات حلوة خالص

منووووووووورة يا سوسو

[عاشقة ذكر الله]

بجد ذكرياتك جمييييييلة يا إسراء

حلقة روووووووعة منك يا آية

استضافة رااااااائعة جدا

ورمضان مبارك علينا كلنا وكل سنة وانتوا طيبين

[Aya 7ekaya]

نورتونى بس يااريت مش نقاطع اسراء
ونعلق بعد ماتكتب كل اللى عندها
وانا اسفه دى اول حلقه كنت لازم انزلها بسرعه ومش قدرت اهتم بالتنسيق والله كنت مضطرة انى امشى فجاة ان شاء الله القادم حيكون احسن

ويالا يااسوسو
مستنين تكملى كلامك الحلو

[مِسكُ الشَهادة]

السلام عليكم ورحمة ُ الله وبركاته بارك الله فيكِ أختي ع هذا الطرح المميز والذي يلائم وقته تماما ً بحلول شهر رمضان المبارك أسئلة رائعة جدا ً وإجابات الأخت إسراء وذكرياتها التي ذكرتنا بجمال رمضان وروعته أيضا ً رائعة جدا ً ... أعتذر لمخالفتي للقانون من الأأخت آية وعدم إنتظاري لبقية ما تبقى ما لدى الأأخت إسراء ولكنها لفتة جميلة كان لا بد من سردها متابعين بعون الله...

[عاشقة الهدوء]

هههههههه ذكريات عسوله زيك ياحببتى

منوره الحلقه ياحبيبة قلبى

ربنا يحفظك ويسعدك ورمضان كريم عليكى

وعلينا مووووووفقه