عندي كلام

[نغم في حياتي]

<<<< عندي كلام <<<<

<<<بقلمي

( 1 ) بحبك

بحبك وحبك شهادة ميلادي
بحبك وقربك أغلى الأماني
بحبك بقولها ف كلامي
وف سكاتي بعلو الصوت

( 2 ) ليه بعدتي ؟

ليه بعدتي يا كل الغلا
وكل ما ليا
وف قربك كان الهنا
وكان الدفا وكان الأمان
ليه بعدتي وما صدقتيش
إني من غيرك مش ها اعيش
غصب عني ها احسك واحبك
غصب عني ها اغني
وها اكتب واقول
كل كلامي ليكي انتي
يا حب العمر
وجرح العمر
وروح الروح

( 3 ) حالة جنان

زي الليلة م العام اللي فات
ليلة لقانا في نفس المكان
رحت المكان
نفس المكان
أدور عليكي
وألمس إيديكي
واحضن عينيكي
واحكي معاكي
واوصف هواكي
هناك انتظرت وانتظرت
ودمع العين ع الخدين
وها اعمل إيه
أصلي بحبك ..
وحبي ليكي
حالة جنان

( 4 ) أبحث عنها

بين الدروب وفي الطرقات
في نظرات العيون
وبين أسطر الكلمات
أبحث عنك
يا روح الروح ونبض الفؤاد
أبحث عنك
يا منى القلب
قي أمسي وغدي
أيام عمري تمضي يا كل الغلا
بين ذكرى ورجاء
وبين الضلوع قلب يحترق
أضناه الفراق

( 5 ) بشوفك

بشوفك يا حبيبتي كل يوم
في سهادي وف منامي
في ليلي وف نهاري
وف كل شيئ جميل
بشوفك واحسك
نسمة باردة في
ليالي الصيف
ودمعة شاردة في
ليالي الحنين
بشوفك واحسك
يا كل الدفا
ف ليالي الشتا
بشوفك صدقيني
كل ليلة وكل يوم
أصلي صورتك يا حبيبتي
جوا مني يا نن العين

( 6 ) وحشتيني

وحشتيني .. ووحشني منك
كل ما فيكي
واحشني صوتك وهمسك وبوحك
واحشني فرحك ومزحك وحزنك
وحشتيني ووحشني منك
لمسة إيديكي
واحشني حتى صدك وزعلك
ودمعة عينيكي
وحشني منك كلمة بحبك
وضحكة عينيكي

( 7 ) فاكره .. ؟

فاكره يا جبيبتي .... ؟
أيامنا وليالينا
أحلامنا وأمانينا
ف ليالي السهر
فاكره يا حبيبتي .... ؟
لحظة غنانا
ولحظة بكانا
ولحظة جناننا
ف ليالي الشوق
فاكره يا حبيبتي .... ؟
كلمة بحبك
يومها يا حبيبتي قولتي
بحبك وحبك انت
شكل تاني

( 8 ) يا ترى .... ؟

كل ليلة .. كل يوم
أنده عليكي
يجيني طيفك
أبص ف عينيكي
واحضن إيديكي
ويطول حديث الروح للروح
يا ترى يا حبيبتي
إنتي فين ؟
فين مكانك
فين زمانك
يا ترى يا حبيبتي
حضنه زي حضني
يا ترى يا حبيبتي
بيخاف عليكي
ويحضن عينيكي
زي أنا ؟

وحبه زي حبي

[/size]

[كاتى كاتى]

نغم فى حياتى
يلازمـني الألـَمْ منذ خطواتي الأولى

منذ كانتَ ورحلـتَ .. وبقيتَ أبكي وحدي

منذ .. ومنذ .. ومنذ ..!

ولم يكنْ لهـَـا نهايه ولعلهـَـا لا تقتلني

نغم
عزفَ مجنونْ .. أجدته كثيراً

سلمت اناملك

على الطرح
تقبل مرورى
صاحبه الالوان الورديه
كاتى كاتى

[البرنس رامى]

نغم فى حياتى



كنت هنا وقرأت كلماتك جيدا واعجبتنى جداااا

وفى انتظار جديدك

تمنياتى بكل النجاح والتوفيق

[نغم في حياتي]

اقتباس المشاركة الأصلية كتبت بواسطة كاتى كاتى نغم فى حياتى يلازمـني الألـَمْ منذ خطواتي الأولى منذ كانتَ ورحلـتَ .. وبقيتَ أبكي وحدي منذ .. ومنذ .. ومنذ ..! ولم يكنْ لهـَـا نهايه ولعلهـَـا لا تقتلني نغم عزفَ مجنونْ .. أجدته كثيراً سلمت اناملك على الطرح تقبل مرورى صاحبه الالوان الورديه كاتى كاتى

متشكر أوي صاحبة الألوان الوردية على
مرورك الجميل وعذب كلماتك
خالص أمنياتي بالتوفيق والسعادة

[نغم في حياتي]

اقتباس المشاركة الأصلية كتبت بواسطة البرنس رامى نغم فى حياتى كنت هنا وقرأت كلماتك جيدا واعجبتنى جداااا وفى انتظار جديدك تمنياتى بكل النجاح والتوفيق

متشكر أوي يا رامي .. أسعدني مرورك كثيرا

خالص أمنياتي بالتوفيق والسعادة

[أحبنى طفلة]

جمال اوووى نغم فى حياتى ....

هى الدنيا كده
هو الحب كده
هو الوداع كده
لازم اللى يودعنا يتعذر
لازم يوحشنا واحنا مو فارقين معاه
ويكون واخدنا وياه
واخد الروح والقلب
وكل اللى فينا هواه
بس سايب لنا ذكرى وأمل
عليهم نستناه
ويطول العمر ويطول الامل
ونضيع واحنا بنستناه .

[misho]

نغم في حياتي

كلماتك رائعة

سلمت يداكي

[نغم في حياتي]

اقتباس المشاركة الأصلية كتبت بواسطة أحبنى طفلة جمال اوووى نغم فى حياتى .... هى الدنيا كده هو الحب كده هو الوداع كده لازم اللى يودعنا يتعذر لازم يوحشنا واحنا مو فارقين معاه ويكون واخدنا وياه واخد الروح والقلب وكل اللى فينا هواه بس سايب لنا ذكرى وأمل عليهم نستناه ويطول العمر ويطول الامل ونضيع واحنا بنستناه .

متشكر أوي لمرورك الجميل وتعليقك الأجمل
خالص أمنياتي بالتوفيق والسعادة

[نغم في حياتي]

اقتباس المشاركة الأصلية كتبت بواسطة misho نغم في حياتي كلماتك رائعة سلمت يداكي

شاكر مرورك الجميل

خالص تحياتي