ادى اخره الشقاوه

[عادل طه]

ادى اخره الشقاوه

اعرفكم بنفسى
اسمى عادل ركزوا معايا وشوفوا ايه اللى حصلى نتيجه المعاكسه والشقاوه
كنت مره ماشى فى حالى وفجأه لقيت بنت حلوه واموره اوى اوى
قولت ياااااااربى على الجمال والحلاوه هو فيه جمال وحلاوه كدا
طبعا المفروض انى اشاهد جمالها وامشى فى حالى لكن تيجى ازاى بقى؟
روحت ماشى وراها وخد عندك بقى من كلمات المعاكسه القديمه خالص
ايه الجمال ده.......... ايه الحلاوه دى.............. هو القمر بيطلع بالنهار
رايح على فين يا عسل............. رايح على فين يا سكر
هى عماله تسرع فى مشيتها وانا ماشى وراها زى الصاروخ
وعماله تمد فى خطواتها وانا عمال امد لما اتقطع نفسى
زى ما تكون شاربه بنزين وانا عمال اقولها طب هدى الخطوات شويه انا تعبت
ولا هى هنا قولت لو راحت المريخ برضه هروح وراها
انها حتى تبص وراها وتشوف مين بيعاكسها مفيش
وانا عامل زى البغبغبان مش ساكت عمال اعاكسها
لحد ما دخلت شارع دخلت وراها حودت لشارع تانى برضه روحت محود وراها
دخلت فى حاره روحت داخل وراها اول ما دخلت الحاره راحت لفت وماسكه فيه
الحقونى الحقونى هى قالت كدا وماسكه فيه
وعنيكم ماتشوف الا النور كل الحاره رجاله وحريم وبنات وشباب وحتى اطفال
قاعدوا يضربوا فيه مجرد ما قالتلهم الواد ده ماشى ورايا وبيعاكسنى
من كتر الضرب فيه شوفت الوان الطيف كلها انا كنت شايف تشاش
كل اللى سمعته وهما بيضربوا فيه كلمه الله اكبر الله اكبر
المهم طلبوا ليه الشرطه الظابط قالهم سيبوه انا هربيه
خدنى قسم الشرطه وقالى بتعاكسها ليه
لسه هرد راح ضربنى بالقلم على وشى
روحت صاحى من النوم
اتاريه كان حلم مش حقيقه
ههههههههههههههه
تأليف
عادل طه

[عادل طه]

.................................................. ................

[hasnaa.hassan]

يا باشا
كتبت الكلام دا قبل كدا
بس ع العموم
متعكس تانى يالا
احسن بعد كدا يبقى حقيقة

[عادل طه]

اقتباسالمشاركة الأصلية كتبت بواسطة hasnaa.hassanيا باشا
كتبت الكلام دا قبل كدا
بس ع العموم
متعكس تانى يالا
احسن بعد كدا يبقى حقيقة

لا انا نقلته من هناك لهنا
لأن فيه ناس قالت هو المفروض فى القسم ده
هو موضوع تانى بتاع وانا صغير
مش بعاكس ولا بحب اللى يعاكس

[hasnaa.hassan]

يا سلااااااااااااااااااااااااااااااااااام
مؤدب انت
مش بتعاكس
ياراجل ع سونسن
مش انت شاب برضو
ولا ايه
هو فى شاب مش بيعاكس
هتقول زى اخواتى بقى ومش عارف ايه
برضو بتعاكس
لما انا بعاكس
بس البنات طبعا
ههههههههههههههههههه

[عادل طه]

ههههههههههههههه
لا والله صدقينى عمرى فى حياتى ما عاكست حد
متخلنيش اقولك انى انا ساعات بتعاكس من بنات
عشان متقوليش مغرور
وعلى فكره الظاهره دى موجوده
متستغربيش فيه بنات بتعاكس شباب
بس لما بيكونوا مجموعه بنات مع بعض
لكن استحاله بنت لوحدها تعاكس شاب

[!Love]

ههههههههههههههههههههههههههههههه

مش قادرة والله أمسك نفسي من الضحك من أول كلمة ..
طيب الحمدلله إنو كان حلم .. ياعم ده إنت كنت هاتتقطع هههه
خلي بالك بقى من الحارات ..دي تودي في داهية ..ههه

[عادل طه]

اقتباسالمشاركة الأصلية كتبت بواسطة !Loveههههههههههههههههههههههههههههههه

مش قادرة والله أمسك نفسي من الضحك من أول كلمة ..
طيب الحمدلله إنو كان حلم .. ياعم ده إنت كنت هاتتقطع هههه
خلي بالك بقى من الحارات ..دي تودي في داهية ..ههه

هههههههههههههههههه
لا خلاص بقى تووووووووووووووووووبه
كفايه اللى شفته كان يوم
عشان خاطرك مش هحلم كدا تانى
ههههههههههههههه
شاكر تعليقاتك الجميله اللى بضحكنى بجد
ومرورك الغالى

[hasnaa.hassan]

اقتباسالمشاركة الأصلية كتبت بواسطة عادل طه

ههههههههههههههه

لا والله صدقينى عمرى فى حياتى ما عاكست حد
متخلنيش اقولك انى انا ساعات بتعاكس من بنات
عشان متقوليش مغرور
وعلى فكره الظاهره دى موجوده
متستغربيش فيه بنات بتعاكس شباب
بس لما بيكونوا مجموعه بنات مع بعض
لكن استحاله بنت لوحدها تعاكس شاب

هههههههههههههههههههههههه
ال ايه
الواد توم كروز
ههههههههههههههههههههه
لالالالالالالالالالالالالا
عادى انا بشوف كدا وبسمع برضو
ياعم
والله اللى فى بيته مفسديون
هيعمل اكتر من كدا
يعنى مش كله
ضعيفي الايمان بس

[شفق القمر]

ههههههههههههه
يا انا قولت انك دخلت المستشفى شهران بس بتعرف تألف يا باشا
الله عليك
دا انا كنت هديك حكم ومواعظ للصبح حظك
هههههههههههه