silver spectra على كرسى الاعتراف

[SiLver Spectra]

اقتباس المشاركة الأصلية كتبت بواسطة miraa والله انا محظوظه :vb36: يا أهلا وسهلا بميره المفقوده حمد الله على السلامه....هي الإمتحانات خلصت :shiny01: يعنى مستحيل كل ما ادخل القى نظره كده على المنتدى الاقى حاجات مهمه كده كانت هتفوتنى ..... بس الحمد لله بلحقها :vb29: اخويا طارق هنا .... يا مرحبا يا مرحبا والله وجالك يوم يا طارق :500: الاول نورت الكرسى والله يا طارق دا نورك أكيد يا أميرة ندخل بقى فى الاسئله بسم الله 1- ماذا تمثل لك كلا من : الابتسامه : هي السعاده...وجودها يتطلب إبتسامة الإبتسامه هي إلي بترسم الحب...المؤاخاه و التفاؤل و السعاده... دايما الإبتسامة هي نور الكآبة المظلمة الدمعه: هي فيض من المشاعر....فرح أو حزن لما تركيز المشاعر يزيد بتخرج على شكل دمعه الاخلاق : الأخلاق هي فعلا خير المجتمع....مجتمع من غير أخلاق يبقى مافيهوش خير الصدق : أسمى فروع الأخلاق...و بيكون طريق محبة الناس ليك الصديق: أهم حاجه في الحياة..لأن الإنسان بطبعه إجتماعي بيحب يواسي و يشارك الناس أفراحهم و أحزامهم و الناس تشاركه أفراحه و أحزانه...ودا كله عن طريق الصداقة 2- تفتكر ايه اللى ممكن يقلب الدنيا حواليك ويغير نظرتك للحياه؟ و الله يا أميره الدنيا مقلوبه خلقه :shiny01: لأن المفاهيم إلي ذكرتيها فوق مفهومها إتغير عند الناس 3- امتى طارق بيتعب بجد ؟ لما بشيل حاجات تقيله هههههههههه بتعب لما بحس إن مافيش حد في صفك...أو بيأيد رأيك 4- لما تحب تروق كده وترتاح بتعمل ايه ؟ نشرب أي حاجه سوخنه...قهوة...نسكافيه ..كابتشينو أي حاجه ما عدا الشاي و نعد على المنتدى و نروق مش أحسن من القهوة برضه ههههههههههه الواحد زهق منها 5- مين اكتر حد فى حياتك بتحس انه هديه من ربنا ليك عشان تكمل حياتك ؟ أكيد أبويا و أمي 6- ايه اكتر حاجه مجنونه عملتها وفضلت تضحك عليها كتير و الله على النت بضحك كتير.... بس مش فاكر حاجه أنا بعمل العامله و بنسى هههههههههه 7- مين اكتر حد بترتاح لما بتتكلم معاه؟ خلينا نقول في المنتدى هنا...بدل ما أقول محمد و عمر :vb19: سي سيد و سمر و مروتنا و ميره لو تعرفيها...بس مش بشوفها هههههه 8- شايف الحياه عمله الزاى عاديه...لا بيضه ...و بعدين آخد مقلب فيها و لا سوده ..و بعدين أكتئب شايفها رماديه 9- طارق افندى متفائل ولا متشائم (( متفائل طبعا)) هى دى عايزه كلام لا متشائم بقى ههههههههههههههه مع إن في ناس تقولي إنت ليه متشائم من الحياة.... هو مش من الحياة من واقع المجتمع بسب بعض العادات..تخلي الواحد فعلا متشائم لكن أنا عادي.... و فرحان أهوو و بضحك حتى شوفي مبتسم إزاي :shiny01: إبتسامة سيجنال 2 ههههههههه 10- حاجه اتمنيتها ومش اتحققت وعملت ايه ؟ كتييير.... بس لسه عندي أمل في تحقيقها كمان 20 سنه هقولك بقى إيه إلي إتمنيته و ما تحققش :vb19: 11- انجرحت قبل كده؟ آه او انصدمت فى حد كنت فكره حاجه كبيره وحد يستاهل وطلع غير كده؟ شوفي يا أميره...أنا مش من النوع إلي لما أنجرح أعد عايش حياتي كلها ببص على الجرح و أحسس عليه عشان يوجعني زي إلي كل ما جرحه يلتئم يقوم معور نفسه تاني هو جرح و هيفضل معلم في حياتي....عشان أتعلم منه مش عشان أبكي عليه 12- عندك اصدقاء بجد ؟ كااااااام ؟ كتير و الله..... ناس عزيزه عليه فعلا...و ما تحسش إنهم عيال أو بتوع مصلحتهم بحكم إني كنت بره...فعرفت ناس من محافظات مختلفه 13- عندك حد ممكن لو حصله حاجه ولازم تتبرعله بجزء منك زى كليه او حاجه يعنى آه.....بس هنا دا مش هيبقى قرار ليه لوحدي تتبرلعله وبدون تفكير ؟ عشان أكون صادق... لازم هفكر 14- ايه اخبار امتحاناتك ذاكرت ولا مش هتشرفنا ؟ عندي في آخر السنه دلوقتي أعمال سنه بس.... و إنشاء الله مش هشرفكم هههههههههههه ربنا يسهل...المهم نشد في المذاكره شوية في الترم التاني عن الترم دا 15- هل حقيقى طارق انسان طيب وعاقل وعارف يتعامل مع الدنيا صح إنتي إيه رأيك؟ أنا ما أقدرش أحكم على نفسي... أنا دايما بحب أسأل الناس...كدا هويس أو إيه الغلط إلي عملته لكن بشوف نفسي عادي لأن كل واحد أكيد بيشوف نفسه خطير.... لكن في درجة بتخليك تبقى مغرور بنفسك و ما تقبلش رأي أي حد فيك عشان كدا بشوف نفسي عادي...زي أي واحد وبيحاول يعيشها بطريقه جميله ومرحه ولا انا غلطانه ؟ :vb36: نوعا ما...... حتى أحيانا ببقى مش سعيد أو ببقى في مشكلة لكن هتلاقي إبتسامتي موجوده :shiny01: إيه ذنب الناس ..إني أشيلهم همي 16- ايه هو رقمك المفضل ؟ أي واحد بيحب رقم واحد.... لكن أنا بخاف من مسؤوليته...بيبقى في الواجه و رقم إتنين دايما بيقارنوه بواحد غير إن شكله مش بيعجبني هههههههه رقم 3 هو إلي بحبه... و يعتبر في مقدمة الأعداد في نفس الوقت مش في الواجهه التواضع حلو برضه :752: 17- ايه اكتر ماده بتكرها سواء دلوقتى او فى ثانوى؟ في الثانوي....كنت بكره اللغة العربية ماده تحسي إنها من العصر الحجري تقارنيها بالإنجليزيه تلاقي الفرق كبير تلاقي الإنجليزي مبسوط من الدنيا و مستقبل و خيال و العربي واقف على عنتره إبن شداد..و ضيق من الواقع ماده كئيبه بجد ساعت ما كنت بفتح كتابها بيجيلي إكتئاب هههههههههه في الكلية..... السنه إلي فاتت مادة dental materials 18- لما حد بيشكر فيك وبيشيد بافكارك وبطريقتك المميزه بتاخدها مجامله وتقول ده حد زوق زياده عن اللزوم ولا بتبقى عارف انه بجد بيقول الحقيقه او انه مش بيجاملك؟ كل إلي قولتيه أحيانا في إلي بيجامل..لكن الموضوع ما يلزموش و في العكس و كل واحد و شخصيته...بتبين لكن أنا مش بسيء الظن بحد و بعتبر دا كلام من قلبه ماليش دعوة بنيته و الأكيد إني بفرح 19- مين اكتر عضو اثر فيك بموضوع برد مش قادر تنساه لغايه دلوقتى؟ الردود الحكيمة.. زي ردود سيد ابو أدهم همس و إنتي هي فعلا إلي بتأثر على الموضوع يعني الموضوع أنا بطرحه و بكون شايفه موضوع عادي جدا زي موضوع المنحنيات لكن الردود هي إلي كبرته و بصفة عامه...مواضيع سيد هي إلي بيكون فيها عمق فكري و مواضيعك برضه...زي موضوع بتاع الضمير إلي بيصرخ...و ملائكة بيتحولوا لوحوش..و أشخاص عرفناهم دون أن نراهم و غيرها معلش مش فاكر أسماء العناوين لكنها بتترك أثر في قارئها فعلا 20- ..... دول سطرين فيك تقول اللى نفسك فيه فيهم اى حاجه عايز تقولها سمعنا يا سيدى:vb36: هقول..يلا يا إمتحانات إخلصي عايزين ميره تشارك في المنتدى و تتفاعل زي زمان لأنها بجد عضوة ليها بصمتها في المنتدى....بالتوفيق بإذن الله سورى بقى على الاسئله الكتيره بس دى فرصه وانا قلت الحق كام سؤال كده لغايه لما ادخل تانى ان شاء الله لا عادي و لا يهمك إنتي تشرفي في اي وقت نورتنا يا طارق دا نورك أكيد جاوب على الاسئله ...لو ممكن :vb29: ويارب مش اكون تعبتك فى الرد مع الف سلامه :vb36:

و الله أنا سعيد بأسئلتك جدا
بالذات إن أغلبها متعلق بالمنتدى

نورتي يا ميره الكرسي
و خلينا نشوفك تاني

تحياتي

[SiLver Spectra]

اقتباس المشاركة الأصلية كتبت بواسطة القلب الطيب رججججججججججججججججعت تاني يا أهلا بقلبنا الطيب ماهي أكثر كلمة قيلت لك وغيرتك وأثرت فيك تأثير غير طبيعي؟"عايزه أفهم *اللقافه* الي أنا فيها" لا عادي لا لقافة و لا حاجه...... مؤخرا....واحد كان بيقولي إنت طفل ههههههههههههههههههههههههههههههه و هو عزيز عليه جدا طبعا على فكرة دا مش إنتي يا ياسمين و إنتي برضه قولي أنا لسه صغير :vb19: أما تعد مع نفسك أكتر حاجه بتفكر فيه أيه؟"الله ياخليك متكونش الأزمة الأقتصادية" ههههههههههه و أنا يعني بفهم في البورصه!! بفكر..هعمل إيه النهارده؟ هروح فين؟ الجو عامل إيه؟ القلب الطيب دخلت النهارده و لا لأ؟ هههههههههههههههه لما تكون زعلان بتحب تروح فين؟"لاتعليق" مش بروح الحمام ما تخافيش...... يعني لما ببقى عايز أعد لواحدي بشف أي مكان فاضي مالاقيتش بتمشى في الشارع أكتر حاجه بتحب تعملها وأنت مبسوط؟ أفرح الناس إلي حوليه أخر مرة زعلت فيها بجد وليه؟"لقافة بجد" حاجه زعلت فيها!!! خلينا في المنتدى..... إنتي عارفه...بس أنا مش بزعل و بتقمص يعني برد عشان أطلع إلي جوايه و بعدها ببقى عادي....يعني ممكن أزعل من ردي :vb19: شوفي القاعده دي.... الزوج إلي يطلع إلي جواه على زوجته حتى لو هيزعلها أحسن من إلي يكتم جواه الأول هيروح و هيصالحها..لأن خلاص إلي جواه طلعه و بزياده لكن إلي هيكتم جواه هيفضل شايل منها و تصرفاته كلها هتبقى معاديه....من غير ما يقول على السبب إلي مزعله خلينا في المنتدى: تمام كدا عضو شخصيتو قوية: أبو أدهم عضو واثق: همس الروح عضو مثقف: سي سيد عضو مخلص: أبو أدهم عضو خلوق: كتير و الله ميره و ميرو و طمطم ( الثلاثي) كتير....... عضو حكيم: سي سيد عضو مسالم: رامي عضو ذكي: القلب الطيب... خليكي فاكره بس ههههههههه عضو له هيبة في وجوده: نزف الذكريات....زمان عضو من وجهة نظرك له وجود مميز: سمسمه عضو ودك تشطو: فيه و الله هههههههههههههههه بس لما عرفته إكتشفت إني ظالمه عضو نفسك تقولوا بالطقاق: بالطقاق إزاي!! بالتوفيق أختك في الله:080402gudl_prv: معلش أطريت أحذف سؤال لأنو ممكن يتفهم غلط من البعض وأنا مش نقصه بس زدت كم سؤال هههههههههههههه

اقتباس المشاركة الأصلية كتبت بواسطة القلب الطيب

لا عادي و لا يهمك

إسألي عادي يا ياسمين

ألف شكر على الأسئلة يا غاليه

لو عايزه تسألي تاني عادي

تحياتي

[Karamela]

كله يشد اللجام كله يمنع الكلام لسه فيها ان

الموضوع ماانتهاش

وطارق مش هيخرج طبعا قبل مايتسأل كام سؤال

ان شاء الله مش هتقل عليك خالص مالص

بس خلي بالك انا مش هتقل خالص

اروح اجمع اسألتي القليلة واجي على طول


بس والله جابات فعلا جميلة وشكلك بتقعد تفكر كتير قبل ماتقولها يعني

ولا عشان الناس يقولوا عليك حكيم يعني :vb19:

بي رااااااااااااااااايت باك

[SiLver Spectra]

اقتباس المشاركة الأصلية كتبت بواسطة الأميرة الحالمة عضو روومنسي؟ ؟ كل البنات ما عدا واحده ههههههههههههههه مين الواحده دي هههههههههههههههههههههههه مرسيه بجد استمتعت جدا باجوبتك واسلوبك المميز دمت بود

لا دا سر يا سندريلا...
باقيتي الأميره الحالمه كمان

بتحلمي بإيه!!؟
هههههههه

شكراا على المشاركة يا جميل
نورتي

[SiLver Spectra]

اقتباس المشاركة الأصلية كتبت بواسطة dr.mero وطبعا أنا نورت كرسي الاعتراف من تاني يلا ياطارق استلم شويه الاسئله دول أكيد نورتي يا مروتنا ازاى شايف الحياه فى مصر؟؟ زي الفل..... بسبب الحال إلي الناس باقيت فيه... كان في كتاب قريته مؤخرا.... بتاع أسامه غريب إسمه (مصر ليست أمي...دي مرات أبويا) دا فعلا الشعور إلي الناس بتحسه الكل باقيت أمنية إنه يخرج بره مصر و لو هيشتغل إيه بس المهم يسافر... و بعد ما يسافر يرجع تاني و يقول يارتني كنت هناك و إمتى هرجع مصر فمصر أم الدنيا إيه الحاجه اللى حصلتلك فى الماضى..........ولو حصلتلك تانى ممكن تحطمط أو تدمرك لا قدر الله الحشيش إلي كنت بشربه هههههههههههههه (أوعي تصدقي) كم مرة ممكن ان تتحمل غباء المرأه مرة مرتين تلاتة اربعة ؟ والا من اولها إحنا معاها للصبح لا أنا لازم أرفع السؤال بتاعك يا مروة للجنة حقوق المرأه عشان يحاكموكي محاكمة عادله ههههههههههه لو مكنتيش طارق كان نفسك تبقى .....عباس........ لو مش عايش فى مصر كان نفسك تعيشى فين في أي بلد أوروبي انت الحبيب الاولى (تهديها لمين ) انا في انتظارك تهدى الاغنيه دى لمين واحشنى بقالك زمان (تقوليها لمين ) دايما والله فى بالى (تقوليها لمين ) مشتاق ليك (تهديها لمين ) (ياناسينى وانت على بالى) تقوليها لمين؟ أنا باقيت بعرق من كسوفي :shiny01: لكل الأعضاء....... حبيت كام مره فى حياتك؟ مش عارف.... اصل عيني زايغه ههههههههههههه ايه سبب انتهاء قصه الحب الي كانت في حياه طارق؟ إنتي مين قالك؟ هههههههههه الكلام دا من زمان...... من سنتين تقريبا يعني لما كنت لسه صغير :shiny01: السبب كان إيه؟ يعني إكتشفت إنها بتشتغلني...يعني مش صادقة و حصلت مواقف و إنتهى الموضوع لأني بكره الكذب... و الإنسان إلي يفكر إني عبيط و مش واخد بالي ما يلزمنيش أنا ممكن أكبر دماغي عشان ما أحرجش واحد كذاب لكن لكل شيء حدود.... بس دا إلي اقدر أقوله ياتري السبب انت ولاالبنت الي كنت بتحبها؟ ممكن تحكيلنا عن تفاصيلها دا إنتي مصره بقى..ههههههههه ما أنا قولت أهوو ولو البنت جتلك وطلبت منك انكم ترجعوا لبعض هيكون ايه موقفك؟ الموضوع قديم يا مروة و لا بفكر فيه.... و هي هتتخطب الصيف إلي جاي ربنا يهنيها بخطيبها و تعيش حياة سعيده أنا ما فيش في صردي أي عداء ليها وهل قصه الحب دي تركت اثر سئ في نفسك ولابالعكس اعطيتك قوه؟ (جاوب بصراحه يطارق واوعي تتهرب زي ماقلتلي) ههههههه لا و هتهرب ليه و أنا اقدر أتهرب من مروة تركت أثر سيء وقتها يعني وقت الإنفصال.... و أكيد علمتني و إدتني قوة و خبرة إني ما أخليش عواطفي تتحكم فيه و أبقى ساذج مش بمعنى إني أبقى قاسي... بس تبقى دماغي كبيره شوية ايه هي مواصفات فتاه أحلامك؟ أهم حاجه الصدق.. و دايما المواصفات معروفه لو تسألي أي واحد... هيقولك تخاف عليه....تكون هاديه بتحترم بيتها و بتصلي و بتصوم و غيرها من الصفات الحميده.... أما بالنسبة للجمال فأنا مش بجري ورا الجمال لو حبيتها فعلا....هتبقى في نظري حلوة....مهما كان شكلها لكن هنقول تبقى معقوله ما هو اليوم الذى بكيت فيه بدموع ساخنة؟ بتجري ورا دموعي يا مروة.... مصره إني أعيط ههههههههههههه يمكن في يوم كنت مزعل أمي.... أيام ما كنت طايش شوية ما الحكمة التى تؤمن بها؟ولمن تهديها؟ ازرع جميلاً ولو في غير موضعه ............ فلا يضيع جميلاً أينما زرع إن الجميل وإن طال الزمن بــه ................. فلن يحصده إلا الذي زرعه بهديها لكل بني آدم من هو توأم روحك ؟ واحد صاحبي... صداقتي بيه مش طبيعيه بس للاسف مسافر ماهو اكثر شئ تخشاه ؟ الفشل... مالذي يشعرك بأكثر قدر من الحرج ؟ لما أهزر والطرف التاني يزعل.... ببقى محرج أكيد مين اكتر شخص محتاجه يكون جمبك دلوقتى؟ مافيش..... لما نبقى نخطب بقى بس إحنا نلاقي العروسه :shiny01: أعظم شيء فقدته ؟ فقدت أصدقاء كتير....لما نزلت مصر وأعظم جرح دفنته ؟ هنعيده تاني!! خلاص بقى ههههههههههههه أهو إدفن عضو تعتبره أخ سي سيد عضو تفرح بوجود في المنتدي الثلاثي بتاعكم و أميرة القمر و نورهان و سيد و سمسمه و كراميلا و كنزي و ألحان الورد و صافي و حنان و قلب بريء و بنوته و رامي و دلوعه و نوسي و لولا و روني و هدى و همس و وصفي ....لسه مين تاني!! :shiny01: عضو مفقود كتير مفقودين عشان الإمتحانات ميره و همسات و سيد والفراشه عضو نفسك تقابله في الحقيقه كل الاسماء إلي ذكرتها فوق عضو تتابع مواضيعه كل من يكتب بقلمه في قسم الاقلام عضو اول اما تلاقى اسمه فى المنتدى تحسى انك مرتاحه نفسيا كده ميرووو....عشان بحس إني مش ضايع لواحدي :shiny01: عضو رغاي هتخلينا نغلط في الناس ليه بس هههههههه عضو دمه خفيف سمسمه و طمطوم و كراميلا عضو حزين دائما في أعضاء...ساعات بتجيلهم الحاله و بيزعلوا هههههههه يلا بقي ياطارق انا عارفه اني طولت عليك في الاسئله بس استحمل زخامتيبقي هم بتوع الاسنان كده

اقتباس المشاركة الأصلية كتبت بواسطة dr.mero

ههههههههههه
مالهم بتوع الأسنان...
ما زي العسل أهم....(إلي هو أنا يعني هههههههه)

تسلمي على الأسئلة يا مروتنا

و على طول تشرفينا على الكرسي و في اي وقت

أنا ببقى سعيد و أنا بجاوب
:shiny01:

تحياتي

[dr.marmar]

ياراجل بتبقي سعيد وانت بتجاوب بردوا
مش عليا انا
خليها علي حد تاني
ميرسي ياطارق علي انك جاوبت الاسئله وانت فرحان
رغم اني مش مصدقه
هههههههههههه
وطبعا ليا عوده ان شاء الله مع باقي الاسئله

[A . y . a]

نيااااااااااااااااااااااااااهااااااااااااااااااااا ااااااا
موتكحيبقى على ايدي انا يا طرووووق
هههههههههههههههههههههههههههههههههههههههههههه
انا بقى كنت ساكتة بقالي كتير وده لأني بجمع اسئلة اتفضل بقى وياريت تودع اهلك قبل ما تبدأ
هع هع
يلا نبدا:
اولا زي ما بيقولو كلهم نورت الكرسي(زي ما بيقولو يعني مجاملة مش حقيقي)
:shiny01:

1: مين اللى عارفك على المنتدى دا؟

3: ايه رايك فى المنتدى كله ؟

4:اكيد فى حاجات شدت انتبهك(هى ايه )؟

5: نفسك تكون ايه ؟

6: اكتر قسم معجبه بيه ؟

7: مين اكتر عضو بتحب تتكلم معاه؟

8: اكتر ممثل بتحبو واكتر مغني بتحبه ؟

10:اكتر اكله انت اللي بطبخها (طبعا فاشل في الطبخ)؟

13 بدون احراج (احنا عايزينك تحكى شويه عن نفسك)

14:انتى حبيت ولا لأ؟

15 : ايه رايك فى الاعضاء دول

روني

سمسمة

ميرا

ايــه

هدى الله

ابو ادهم

قلم بلا حبر

طمطم المصرية




ودي كانت المجموعة الاولى اجهز بقى للمجموعة التانية ده انا فرحانه فيك بشكل
:shiny01::shiny01::shiny01:

[A . y . a]

1- إيه هو طموحك ؟(مع اني عرفاه نفسك تشتغل سواق:blow

2- إيه أكتر جنسيه كان نفسك تكون فيها لو انت مش مصري ؟؟؟؟؟

3-إيه أكتر صفه بتكرها في البنات وأكتر صفه بتكرها في الشباب ؟؟؟؟؟؟؟؟

4- نفسك تسافر فين ؟؟؟؟؟؟

5- أكتر صفه بتكرها في نفسك ؟؟؟؟؟

6- أكتر أغنيه بتحبها قوووووووووووووووووي ؟؟؟

7- يا ترى بيفرق معاك جمال المرأه يعني أما تحب تتجوز لازم تكون حلوه ولا لأ ؟؟؟؟؟؟؟؟؟؟؟

8- إيه أكتر صفه موجوده في والدتك ولازم تكون في شريكه حياتك ؟؟؟؟؟

9 - مين أكتر رئيس دوله إنت شايف إن هو بيأدي مهمته على أكمل وجه ؟؟؟؟؟؟؟

10 - بلدك بالنسبالك إيه ......وممكن تتغرب عنها عشان الفلوووووووووس ولا لأ ؟؟؟؟؟؟

[SiLver Spectra]

و إتصال جديد من .....

شرووووق

اقتباس المشاركة الأصلية كتبت بواسطة سندريلا طاااااااااااااااااااااااااااااارق شروووووووووووووق اهلا يااااااااااااااااااااااه يااااااااااااااااااااااااه الله يرحم ايامك انت فينك يا عم خليك فاكر ما كنتش تعرف غيري و فاجاة ماشاء الله اتخنقت مني اهئ اهئ ههههههه أتخنق مين يا بنتي بس... أنا موجود أهوو إنتي إلي إختفيتي بس نقلت نشاطي لأقسام تانيه يعني قسم الألعاب مش بخشه إلا قليل شروووق دي فعلا هي تاني واحده أعرفها في المنتدى هنا بعد ملك فاكر أنا كويس....أيام الشات لما وقعتي من الحصان باين.... و تقولي لملك...في عيال جداد معانا في المنتدى!! صح؟ :shiny01: دلوقتي باقيت مشرف عام.... يعني في رقاب هتطير هههههههههههههههه بس أنا موجود ...مش مخنوق و لا حاجه ما علينا استلم يا قمر 1) اكتر 3 اعضاء قريببين منك قوي ؟؟ و ما تقولش كتير و الله كتير.... مش عايز أظلم حد 2) اكتر عضوة نشيطة من وجهة نظرك؟؟ ميشو و حنون و صافي 4) اكتر مشرفة مميزة؟؟ 5 ميره...بس عندها إمتحانات حاليا عراقي هو أنشط مشرف 5) عضو بقالك كتير ما قعدتش معاه و اول ما شفته كنت نفسك ترغي معاه؟؟ سي سيد.... النت فاصل عنده إدعوا بقى إن النت ما يجلوش تاني... قصدي يجيله تاني :shiny01: كفاية كلام عن الاعضاء يلا حياتك انت شايف انك عايشها صح؟؟ راضي عن كل موقف انت بتعمله و لا لا؟؟؟ يعني...نوعا ما لأني مش مندفع لكن دايما بحس بتقصير حسيت انك عاقل في موقف عملته ايه هو الموقف لا ما حسيتش ههههههههههههههه و خلينا نقفل على السؤال حسيت انك راجل في موقف عملته ايه هو الموقف من غير كدب يلا خناقه و كنت وقفت جنب صاحبي تهدي كلمة ايه للبنوتة اللي كنت بتحبها ايام زمان بنوته إيه!!! منك لله يا إلي في بالي ههههههههه مش هقول حاجه... لأي بنت بقول ربنا يوفقها في حياتها كفاية كدة و جاية تاني استناني

لا و لا يمهك

تعالي تاني و تالت و رابع عادي
البيت بيتك

تحياتي

[SiLver Spectra]

اقتباس المشاركة الأصلية كتبت بواسطة صافي Bloc party ....intimacy coldplay...viva la vida ماشي هعتبر اني فهمت 2اكترحاجة بتحب تلبسها و الله أنا بلبس هدوم...و ما أعرفش غيرها بيتلبس لا انت مش فاهم قصدي اكتر حاجة بتحبه في لبسك ممكن ايس كاب اي حاجة جيبة زي البلد دي مش فكرة ههههههههههانا بهزر طبعا ممنوع الزعل

آه عديهالي بقى يا صفصف

أنا ما رديتش أحطلك قايمه كبيره بأسماء أغاني....

و هزعل من إيه!!

شكراا يا صافي على الرد و المتابعة

تحياتي