ممكن تصفي نيتك؟

[ابو رامى]

السلام عليكم ورحمة الله وبركاته
عاملين ايه في رمضان ؟
يارب تكونو بخير

المهم ندخل في موضوعنا

انت بتبصلي كدة ليه؟
انت عاوز نمرتي في ايه؟
انت بتكلمني ليه اصلا؟

موضوعنا النهاردة عن سوء النية
ناس بتعاملهم بمنتهى الشفافية
وهوما بيقابلوه بسوء النية

انا عن نفسي انسانة صريحة جدا ولي في قلبي على لساني
لي عجبني اقولو في وشه ولي مش عجبني برده في وشه
انما سعات كثير بلاقي نفسي بحاول اساعد ناس او اعمل حاجة كويس بحسن نية
بس هو للاسف يفهمها بالعكس ويعملها مليون تفسير

واحد سهران مع جارو وقاعدين بيتكلمو في موضوع وبعدين وهو مروح يقول للتاني معلش ممكن رقم تلفونك
هو في نيته عادي عشان يكلمو ويتقابلو تاني ويكملو موضوعهم
تلاقي التاني بيبصلو بصة غريبة و كلها سوء ضن وانت عاوز رقم تلفوني ليه ؟ هتعمل بيه ايه ؟

في كمان ولد بيشوف واحدة ست مثلا ماشية في الطريق وشايلة مية حاجة والدنيا حر .. يجي يعمل خير
ويحاول يساعدها .. ترد عليها وكلها سوء نية لا معلش هعرف اشيلهم لوحدي

هي مواقف كثير جدا وناس كثير جدا
كل تعاملتها بسوء نية
تفكر انو كل حد هيساعدك يبقى عاوز منك حاجة
وتفسر كل كلمة انت تقولها بطيبة قلب مليون تفسير

اسئلتي للمناقاشة

هل قابلت قبل كدة نية صالحة بنية سوء؟
ليه الناس بقت كل حاجة بتفهمها بنية سيئة؟
هل حصلك قبل كدة موقف كانت نيتك طيبة واتفهمت غلط؟ ايه هو الموقف ده؟
ايه رايكم في الموضوع ؟


كل سنة وانتم طيبين

[كبرياء رجل]

فعلا فى حاجات انا كتير بفهما بسوء نية
ممكن يحصل معايا الموضوع دة يوميا
والطبيعى انى اﻻقى حد برضو يفهمنى بسوء نية
دة بيتوقف على اسلوب تعاملك مع الناس
او الطريقة اللى انتا بتوصلك بيها المعلومة
او اى موضوع
طبعا الموضوع متعب جدا
ان حد يفهمك غلط
او تفهم حد غلط
بتبقى محتاج انك تجيد التعامل مع الناس اكتر
واحيانا يتوقف على درجة احساس اللى قدامك
او درجة احساسك
شكرا على الطرح الجميل
الموضوع فعلا كويس
خالص تحياتى

[Conz]

احلى حاجة انك تكون نيتك صافية لله والله جربو كدا هتلاقو الحياة حلوة اوي بجد
تقبل مروري