الصوت (قصه متجدده بقلمى الخاص)

[تامر على الطويل]

الصوت

الحلقه الاولى


أه يانى يوم تانى زى أى يوم

بدايته تعب ونوم
ونهايته حلم وكابوس دايما ملازمنى

وبصحى من النوم

صباح الخير ياأنا

صباح الخير ياأمير

على فكرة دى مرايتى بحب ديما اصبح عليها وديما ارد بدلها

أعمل إيه ما أنا وحيد طول عمرى

من وأنا صغير وأنا عمرى 10 سنين عايش مع ولدى و و لدتى

لحد اليوم المشئوم يوم

الحادثه


بابا/أى خدمه ياعم امير أهوة ياسيدى سمعنا كلامك أنا ومامى

وريحين شرم

ماما /بطل بقه ياأحمد هو إنت بتزله ولا إيه

هههههههههههههههههههه

أمير /ماما ، ماما

ماما/مالك ياأمير !!

أمير/أنا خايف ياماما

ماما/من إيه ياحبيبى ؟؟

أمير/أنا سامع صوت بيكلمنى

ماما/تانى ياأمير صوت تانى

إحنا قولنا إيه ده حلم

امير/بس الصوت المرة دى كلمنى وأنا صاحى وقلى

( حادثه )

ماما/حادثه إيه بس ياأمير ده حلم إنت كنت نايم

إحنا خلاص قربنا نوصل شرم الشيخ

ولما نوصل هفسحك وهجبلك اللعب إللى بتحبها

خد بالك ياأحمد

حاسب حاسب

وإنتهى اليوم وضاع معاه أعز ما أملك ولدى و و لدتى

وعشت مع عمتى 8 سنين وبعدين إتوفت وعشت لوحدى

وبقيت محامى قد الدنيا زى ماما ماكانت بتحلم تشوفنى

الغريب إن الصوت بطل يطاردنى ويكلمنى تانى

البدايه

صباح الخير ياقمر ، نفسى مرة وحده بس تردى عليه ، انتى مش عرفانى انا امير ،

مش عايزة برضه تردى ، طيب ممكن أشوف نفسى فيكى ،شعرى مش متظبط خالص

يالا بقه مع السلامه

برضه مش هتردى عليا !!
أما صحيح مرايه غلسه

وفى مكتب امير نور الدين المحامى

أيمن/لو سمحت الاستاذ امير نور الدين جه ولا لسه

عم كمال الساعى /لسه ياباشا 10 دقائق ويوصل ،أهو الاستاذ امير جه

أمير/فى إيه ياأستاذ أيمن مالك قلقان كده ليه ؟؟

أيمن /خايف ياأستاذ امير الاوراق إللى معاك هتودى ناس كتير فى ستين دهيه، ودول ناس مش شويه فى البلد ، دى ناس مبترحمش


أمير/ متخفش ياأستاذ أيمن الاوراق والمستندات فى مكان أمين ولا الجن الازرق يعرف لها مكان ، ثم إيه ياراجل إجمد شويه


أيمن/القضيه يوم السبت ياأستاذ أمير والناس دى مبتهزرش ، أكيد مش هيسكتوا لحد منفضحهم ،أكيد هيحولو يسرقوا الاوراق دى منك ،وأخويه يشيل بلاويهم كلها


أمير/متخفش ياأستاذ أيمن إطمن ، طول ما الاوراق دى معانه، عمرهم ماهيقدروا يإزونا ابدا، روح بس انت إرتاح وإطمن ،مع السلامه

إيه اليوم الكئيب ده ولا وحده ست تجيلى النهارده

يوم صحيح مقشفر

أنا ماشى ياعم كمال

عم كمال الساعى /مع السلامه ياأستاذ أمير

( الله يرحمك ياأستاذ أمير كنت طيب بس أعمل إيه الفلوس غلابه )

وفى البيت واقف امير قدام المرايه زى عادته وبيقولها

أمير/ تصبحى على خير يامريتى

مش نويه تردى برضه، طيب إنتى حرة

ورحت فى نوم عميق

وبعد كام ساعه يصحى امير على صوت بينادى عليه وبيقوله

الصوت/إصحى ياأمير ؛ إصحى ياأمير

أمير/بسم الله الرحمن الرحيم

يااااااااااه كابوس مزعج

مفيش مرة أحلم بحلم فيه بنت جميله مزة كده

الصوت /إنزل من الشقه حالا

أمير/مين بيكلمنى ،إنت مين وعايز منى إيه؟؟

وليه رجعت تانى إنت السبب فى موت ولدى و ولدتى ،عاوز منى إيه تانى سيبنى فى حالى بقه؟؟

الصوت/إنزل من الشقه حالا

مش نازل لما أشوف هتعمل إيه

أه أه أه أه أه أه أه

دماغى هتنفجر

خلاص خلاص هنزل كفايه

وفى الشارع

الاستاذ احمد /إيه إللى إنت لبسه ده ياأستاذ امير عيب عليك ياراجل تنزل الشارع باالبيجاما

أمير/أدينى نزلت الشارع أهوة وفضحتنى قدام جيرانى منك لله

وبعد شويه يلاقى امير ناس شكلها مريب طالعه العماره فيقول بخوف

إيه ده !!

مين الناس إللى دخله العماره دى

وبعد لحظات يلاقى امير شقته بتولع فيصرخ ويقول

الشقه بتعتى بتولع إلحقوووووونى

والى لقاء قادم من يوميات

(الصوت )

بقلم

تامر على الطويل

أمير الجروح

[تامر على الطويل]

الصوت

الحلقه التانيه

الظابط /وتتهم مين ياأستاذ أمير بحريق شقتك

أمير/مش عارف ياحضرة الظابط !!
هو الموضوع كله غريب ،ساعات بسمع صوت

الظابط /نعم

امير/لاء أبدا
أنا أقصد بسمع صوت عبد الحليم بيطربنى
الله عليك ياحليم

الظابط/حليم وبيطربك
هى الحادثه أثرت على دماغك ولا إيه ياأستاذ امير !!
ثم إيه سبب وجودك فى الشارع وقت وقوع الجريمه
انت كنت عارف ان الشقه هتولع ولا ايه ??

امير/فى إيه ياحضرة الظابط هو إنت كنت عوزنى أكون موجود فى شقتى وهى بتولع

الظابط /مش قصدى ،أنا أقصد سبب نزولك من شقتك إيه

امير/كنت نازل أشترى كبريت ،أصل السجاير بتعتى خلصت

الظابط /إيه ياعم الكلام إللى إنت بتقوله ده ، أنا مش فاهم منك حاجه
على العموم ده رقم تليفونى لو إفتكرت أى شئ فى أى وقت ياريت ماتتصلش بيا
لانى بصراحه إتخنقت منك
سلام

امير/ماله الظابط المخنوق ده
إتبسطتى دلوقتى يامريتى أديكى ولعتى

وتانى يوم فى المكتب

امير/إذيك ياعم كمال

عم كمال الساعى /أستاذ امير هو إنت مش ولعت

امير/ولعت !!
وإنت عرفت منين إن بيتى ولع ؟؟

عم كمال الساعى /من من من
الجيران ، أه الجيران قلولى
ألف سلامه ليك ياأستاذ أمير

امير/فى حد سأل عليا

عم كمال الساعى /أيوة فى واحده مستنيه حضرتك جوة

امير /بتقول وحده
وعندى جوة
حلوة ياعم كمال

عم كمال الساعى /زى لهطه القشطه ياباشا

امير /يومنا مندى النهارده
أنا لو أعرف إن لو بيتى ولع هيجيلى فى مكتبى مزز كده، كنت ولعت فيه من زمان،
ياقوى

ويدخل امير مكتبه ويقول

امير /سلامو عليكم يا
ياماما

البنت /إنت الاستاذ امير؟؟

امير / لا أبدا ياحاجه الاستاذ أمير ولع إمبارح فى شقته( ربنا رحمه )

البنت / الله يرحمه طيب سلاموا عليكم

وتمشى الست العجوزة ويدخل عم كمال الساعى بالقهوة ويقول

عم كمال الساعى /القهوة ياأستاذ أمير

امير /منك لله ياعم كمال بقه دى مزة برده
دى ونش ومعاها مقطورة
فى حد تانى بره ولا أخدها من قصرها وأروح

عم كمال الساعى / فى واحده مستنيه حضرتك بره

امير /وياترى إيه أخبارها بولدوزر ولا دبابه المرة دى

عم كمال الساعى /لاء ، المرة دى قمر

امير /شكلها أمر بالستر
دخلها أما أشوف أخرتها معاك

ويخرج عم كمال وثوانى وتدخل بنت على امير وتقوله

البنت /حضرتك الاستاذ أمير ؟؟

امير / وهو بيقراء فى دوسيه
أيوة ياحاجه ثوانى وأفضالك
ما هو يوم العواجيز النهارده

عايزة إيه ياحاجه......

بسم الله ما شاء الله
إيه ده مزة مزة زى الكتاب ماقال بالظبط

إنتى مين ؟؟
هو إنتى بشر زينا

البنت /مرسى ليك
بس لو سمحت خلينا فى موضوعنا
أنا ولدى إتوفى وسبلى ميراث مع أعمامى ( قطعه أرض )

وأعمامى مش راضين يدهولى
فكنت عايزة أعرف إحنا ممكن نعمل إيه

امير /إحنا إحنا إحنا
يخرب بيت جمالك نستينى القانون

البنت /بتقول حاجه ياأستاذ أمير

امير /لاء أبدا متخفيش إن شاء الله هودهملك فى ستين دهيه

البنت /لاء ياأستاذ امير أنا عوزة حقى وبس دول برده أعمامى

امير /إنتى تأمرى
بس هحتاج منك شويه أوراق كده
زى مثلا شهاده الوفاه وشويه أوراق تانيه بخصوص ميراثك

البنت /أنا معايه الاوراق كلها فى العربيه
ممكن أنزل أجبهالك

امير /أنا جاى معاكى نجبها مع بعض

أنا ماصدقت إن مزة دخلتلى ، وبصراحه أنا خايف إنك تخلعى منى

البنت /نعم بتقول إيه

امير /أنا بهزر معاكى

يالا بينا

هات الاسنسير ياعم كمال

عم كمال الساعى /حاضر ياأستاذ أمير

امير /إتفضلى

ولسه هيدخل امير والبنت الاسنسير يسمع امير الصوت بيقوله

الصوت /ماتركبش الاسنسير

امير /يخرب بيتك إنت تانى
بالله عليك المرة دى سيبنى فى حالى
أنا أخيرا جتلى مزة زى القمر

الصوت/متركبش الاسنسير

امير /هو يوم نحس من أوله
معلش ياأنسه ....
تصدقى أنا لحد دلوقتى معرفش إسمك

البنت /أنا إسمى أميرة

امير /عاشت الاسامى ياقمر

الصوت /متركبش الاسنسير

امير /خلاص ياعم فلقتنى سمعتك هو انا اطرش
معلش ياانسه أميرة ممكن ما نركبش الاسنسير

اميرة /ليه ياأستاذ أمير ؟؟

امير /الرخم عايز كده

اميرة /هو مين ده؟؟؟

امير /أنا أقصد أنا بخاف من الاسنسيرات

اميرة /أوكى اللى يريحك

ونزل امير واميرة لتحت العمارة

عم كمال الساعى /ياأستاذ أمير يا أستاذ أمير

امير /أيوة ياعم كمال عايز إيه
حضرتك نسيت مفاتيحك

امير /طيب متشكر ياسيدى
إستنى ياعم كمال ،إنت نزلت إزى ياعم كمال

عم كمال الساعى /باالاسنسير ياأستاذ أمير

امير /إنت متأكد إنك نزلت باالاسنسير

اميرة/مالك ياأستاذ أمير فيها إيه لما ينزل باالاسنسير

امير/إستنى بس ياأنسه أميرة
ومحصلكش أى حاجه

عم كمال الساعى /أى حاجه زى إيه ياأستاذ أمير !!

امير /أى حاجه أى حاجه

عم كمال الساعى /أنا مش فاهم قصدك إيه

امير /ولا أنا كمان فاهم أى حاجه صدقنى
على العموم متشكر ياعم كمال

وفاجاه

عم كمال الساعى /يانهار إسود حاسب حاسب

والى لقاء قادم من يوميات

(الصوت )

بقلم
تامر على الطويل
أمير الجروح

[منى السعدني]

وآآو الروآيـة ححلوة
بس يآريت تكممل ولآ هي خلصت كده !





ممرسسي ع الروآيـة

[.. בٓـيــًـًـًآءْ . .]

بَدايهَ آهلاَ بك
ثآنيـآ الرِوايـه رائـعهَ جداَ
وطريقـ‘ٌـه سرِدهآ مميز
بدآيهَ موِفقه
وف آنتظآر التَكملـهَ
متآبعهَ بآذن الله
ودى
؛؛

[روح صامتة]

انا بخاف من الصوت دا مرعب كده ليه
انا حاسة اني بسمعه مش بقراه بس
القصة جميلة اوي بداية موفقة ولو
اني حاسة انها زي فيلم حد سامع حاجة
بس اكيد الصوت هنا بينبهوا لحاجات هوة
ما كانش واخد بالو منها وبيحاول ينقذوا
اشكرك جدا على القصة في انتظار التكلمة
ارق تحياتي

[تامر على الطويل]

اقتباس:
المشاركة الأصلية كتبت بواسطة منى السعدني
وآآو الروآيـة ححلوة
بس يآريت تكممل ولآ هي خلصت كده !





ممرسسي ع الروآيـة

لسه مش خلصت
وحالا هنزل الحلقه الثالثه نورتينى اختى الغاليه

[تامر على الطويل]

اقتباس:
المشاركة الأصلية كتبت بواسطة SAMA2008
بَدايهَ آهلاَ بك
ثآنيـآ الرِوايـه رائـعهَ جداَ
وطريقـ‘ٌـه سرِدهآ مميز
بدآيهَ موِفقه
وف آنتظآر التَكملـهَ
متآبعهَ بآذن الله
ودى
؛؛

شكرا ليكى اختى الغاليه بجد نورتينى وسعيد جدا بكلامك الجميل ده وحالا هنزل الحلقه الجديده

[تامر على الطويل]

اقتباس:
المشاركة الأصلية كتبت بواسطة روح صامتة
انا بخاف من الصوت دا مرعب كده ليه
انا حاسة اني بسمعه مش بقراه بس
القصة جميلة اوي بداية موفقة ولو
اني حاسة انها زي فيلم حد سامع حاجة
بس اكيد الصوت هنا بينبهوا لحاجات هوة
ما كانش واخد بالو منها وبيحاول ينقذوا
اشكرك جدا على القصة في انتظار التكلمة
ارق تحياتي

نورتينى اختى الغاليه وصدقينى انى كتبت القصه قبل الفيلم ده حتى ماينزل
بجد نورتينى وتابعينى وانتى تعرفى ان قصتى مختلفه جدا عن الفيلم

[تامر على الطويل]

الصوت
الحلقه الثالثه

عم كمال الساعى /حاسب ياأستاذ أمير

امير / إيه ده إجرى يامزة

اميرة /فى إيه فى إيه

عم كمال الساعى / الاسنسير وقع ياأستاذ أمير ،بس الحمد لله مكنش فيه أى حد

اميرة / الحمد لله الحمد لله

امير /مالك ياانسه أميره ، إهدئ كده و متخفيش ،أمال لو بتسمعى إللى انا بسمعه هتعملى إيه؟؟
يالله بينا نجيب الاوراق والمستندات

اميرة / إنت عبيط ولا أهبل

امير / فى إيه بس ياأنسه أميرة

اميرة/ لا ء أبدا كنا هنموت وبس
وإنت ولا إنت هنا

امير / طيب يعنى أعمل إيه
أعيط

امير ة/ خلاص خلاص

امير / إهدى بس ياأنسه أميرة
ممكن أعزمك على عصير ليمون فى أى مكان علشان تروقى دمك

( يارب ماتوافق ، يارب ماتوافق هتبوظلى الميزانيه )

امير ة/ أوكى ممكن

امير / ممكن إيه إنتى مصدقتى ولا إيه

اميرة/ نعم

امير / متزعليش أنا بهزر معاكى
يالله بينا

وفى كافتيريا على النيل

امير / لو سمحت ياجارسون
1 ليمون وكوبايه مايه وأمرى لله
إهدى بقه ياأنسه اميرة ليمون أهوة

اميرة /أنا عوزة أعرف إنت عرفت إزى إن الاسنسير هيقع ؟؟؟؟

امير / نعم

اميرة/ سؤالى واضح ياأستاذ أمير

امير /مابلاش أستاذ وأنسه دى
أنا لسانى تعب منها

اميرة / لما تجوبنى الاول على سؤالى

امير / حاضر ياستى هجوبك

( أقولها إيه دلوقتى ياإبن المجنونه )

أنا بخاف من الاماكن المرتفعه جدا والدكتور قلى ده مرض نفسى
بس أنا مش مجنون

اميرة /ههههههههههههه

ما هو باين عليك !! يعنى انت ماكنتش تعرف ان الاسنسير هيقع

امير / وهعرف منين بس !! شايفانى مصاحب عفاريت

مش هنتعرف بقه

اميرة /ما أنا قولتلك إسمى أميرة

امير / لاء انا مش أقصد إسمك وبس
أنا عايز أعرف كل شئ عنك

اميرة / ليه ؟؟؟

امير /إيه إللى ليه !! هو إنتى مش موكلتى
يبقه طبيعى إنى أعرف كل شئ عنك

اميرة /طيب إسأل وأنا أجاوب

امير / ماشى

هو إنتى مصحبه أول بتحبى أو متجوزة أو ماشيه مع أى محظوظ فيكى يامصر ؟؟؟؟

اميرة /إيه السؤال ده

امير / إيه يابنتى جوبينى علشان أعرف أترافع عنك وأجبلك حقك

اميرة / لاء مش متزفته ياسيدى

امير / الله
طيب مش بتفكرى تتزفتى أى حد محامى مثلا

اميره / أنا لازم أمشى ياأستاذ أمير

امير / ليه بس!!

اميرة /معلش مرتبطه بموعيد
دى كل الاوراق إللى ممكن تحتجها فى القضيه

امير /طيب هاتى رقم تليفونك علشان أكلمك لو حصل اى جديد فى القضيه

اميرة / أوكى إتفضل ده رقمى

سلام بقه

وتمشى اميرة من الكافتريا ويبصلها امير وهى ماشيه ويقول

امير /مع السلامه
يااااااااااااااااااااااااااااااااااه إيه اليوم الجميل ده

الجرسون / الحساب يااستاذ

امير /إيه اليوم الاسود ده
كام ياعم حسابك

الجرسون / 25جنيه

امير/ نعم ياأخويه ليه
ده أنا صايع ياله
دأنا أكسرلكم المحل على دماغ أصحابه
إنت فاكرنى إيه عيل من العيال السيس ،

أنا

وساعتها تجى اميرة مرة تانيه على الكافتيراوتقول

اميرة /فى إيه ياأستاذ امير مالك بتزعق ليه

امير / أميرة إيه جابك تانى

اميرة / نسيت مفاتيح عربيتى
فى حاجه ولا إيه

امير / لاء أبدا
خد ياحبيبى 50 جنيه أهمت ، وخلى الباقى علشانك

الجرسون / هات دإنت إنسان مجنون !!!!!!!!

امير / ياله بينا ياأنسه أميرة

اميرة / فى أمل إنى اخد حقى ياأستاذ امير

امير / طبعا فى امل

الصوت / ( إهرب )

امير / يخرب بيتك
مش وقتك خالص

اميرة / فى حاجه ياأستاذ أمير

امير / لاء ابدا أنا بفكر بس بصوت عالى

الصوت / ( إهرب )

امير / أنا مضطر أمشى دلوقتى ياأنسه أميرة

اميرة / ليه فى إيه ياأستاذ أمير مالك

امير / والله لو أعرف هقولك
سلام بقه ألا ده صداع ومش هيسبنى

اميرة / مع السلامه

ويجرى امير من قصاد اميرة ولما يبعد شويه يقول بصوت على

امير / أهوة إتزفت يافقرى وهربت،
فى إيه؟؟
منك لله ياغتت البنت كانت ابتدت تحبنى

وفاجاهيبص امير من بعيد يلاقى ناس حولين اميرة فيقول

امير / إيه ده !!
مين الناس إللى حولين أميرة دول،

ويجرى امير على اميرة ولما يوصل عندها يقول للناس اللى حوليها

امير /فى إيه ياعم إنت وهو عوزين إيه؟؟

الصوت / (إهرب )

امير / يعم إتنيل مش وقتك

عم اميرة / وإنت مين بقه بسلمتك ؟؟
وليه بتتدخل بينى وبين بنت أخويه

امير / هو ده عمك ياأميرة
مش كنتى تقوليلى إنه جته قوى كده

عم اميرة / أعرفك بولادى احمد وحسين ومجدى
مين بقه بسلمتك؟؟

امير / أنا المحامى بتاع الانسه اميرة

عم اميرة / بقه إنت المحامى إللى هتطلع عنينا

امير /هو مفيش حاجه بتستخبى فى البلد دى

عم اميرة /روقولى الاستاذ ده ياعيال

امير /فى إيه ياعم إنت وهو

أه أه أه أه
عيب يابشمهندس
يخرب بيتك سيب القميص ياأهبل

أه أه أه أه

والى لقاء قادم من يوميات

الصوت

بقلم
تامر على الطويل
أمير الجروح

[mahmosha]

al kesa deh raw3a

ana sglt fel montada

3ashan atab3ha mosh aktr begad gamela w yaret tkamlha :Ts_011: