3 ايامـ فى حياتكــ _ ,وتانى يومـ,, افتح قلبكـ )‏Mo7aMaD 3aLa2

[ملكة القلوووب]

فكرة حلوة

بإنتظار محمد علاء

[simsim96]

فكرة جميلة جدا
بالتوفيق للكل باذن الله
متابعة معااكو

[ماتركس]

برنامج جميل ولطيف يا همس انتي ونوودي

ومين الضيف كمان يعني ملقينش غير الغلبان ده وتجبوه ده محمد غلبان والله

معلش يا محمد استحمل منور الحلقه يا محمد ومتابعين ياريس معك

بالتوفيق ليكم

[Mo7aMaD 3aLa2]

ميرسى جداا ع التقديم نودى وهمس

وميرسى جداا ع الترحيب من الاعضاء

والحوار هينزل بعد الفطار علطول ان شاء الله

لأنى مش لاقى حد اون لاين دلوقتى !!

..

[M@HMOUD]

حلقه جميله وحلوهـ
وبالتوفيق لمحمد
منتظرين الاجاباب

[عاشقة الهدوء]

ايه يابنت ياهموسه الجمااال ده


هو انتى تغيبى تغيبى وترجعى لينا بقنبله كده هههههه


لا بجد البرنامج فكرته حلوه وجديده لسه تقريبا كده وان شاء الله نستمتع


بيها مع محمد منور يامحمد

وموووفقين هموسه ونوووودى ربنا يحفظكم

[Mo7aMaD 3aLa2]

(( تعريف عنى ))

الاسم : محمد علاء

السن : 21 سنة الا شهر

الوظيفة : طالب

محل الاقامة : بنها

الحلة الاجتماعية : اعزب ومش مرتبط ortugal-flag:

طموحى فى الحياة : انى اكون شخص ناجح

والعضوة اللى بختارها هى حنون

الاسم : حنان

السن : 22

حنان دى شخصية بجد فوق الوصف ...انا بعتبرنا بصراحة اكتر من اخوات

هى حد طيب اوى ومحترم اوى وتدخل القلب علطول

انا اعرفها من زمان من اول ما سجلت ف المنتدى

لكن سيبت المنتدى فترة طبعا وبداية التعارف الحقيقى كان من شهر 2 اللى فات

وهى فعلا من اكتر الناس القريبين منى فى المنتدى

مواقف ما بينا ..كلها مواقف كويسة

الحمدللة مفيش موقف وحش حصل ما بينا

ربنا يديم الاخوة

..

(( ندخل بقى على الحوار ))

جاهزة يا حنون ؟

جاهزة

اوك

ملحوظة صغيرة

اجابة حنان بالاسود

والتعقيب منى بالسيلفر

نبدأ الاسئلة

1/ اللى حصل فـ سينا من قتل بعض افراد الامن المصرى ...من رأيكـ كان بالخطأ و لا دى رسالة غير مباشرة ولا اية ؟

اكيد مافيش حاجه بتحصل بالخطأ كل شئ بيكون مترتبله
مش عارفه تحس ان اسرئيل حابه تهددنا وتدينا رساله انها تقدر تقتحم حدودنا وتقتل
فى الجنود بتوعنا بس هما طبعا مايعرفوش خطوره الى هما بيعملوا دا عليهم قبل علينا
هما اصلا من وقت الثوره وهما فى حاله رعب وتهديد لان النظام الى كان حاميهم اتهد
لان هما عارفين ان مافيش اى شعب بيحبهم وان اى علاقه ليهم باى دوله عربيه بتبئه علاقه
حكام مش علاقه شعوب

- احيانا بيكون فى اخطاء ..وشعورى انة كان خطأ بس طبعا خطأ يستلزم المحاسبة

2/شايفة طريقة الرد على اللى حصل دة من الجانب المصرى تكون ازاى ؟

سحب السفير بتاعنا من هناك والمطالبه بالاعتذار الرسم والمطالبه بتزويد قوتنا ع الحدود
بتاعتنا ودا طبعا لو مش الموضوع زاد والتحقيق فى الموضوع بجديه ايه حكايه انها مش مقصدوده
دى وانها ضرب نار عشوائى عشوائى ايه وزفت ايه
وطبعا لو الموضوع كبر اكتر من كدا اكيد لازم يكون لينا رد فعل اقوى من كدا ان شالله حتى نلغى المعاهد
مع ان الغاء المعاهده دا اخر شئ نلجاله

- انا اؤيد كلامك جدا

3/ حصل قبل كدة أكتر من مرة قتل على الحدود لافراد من الامن المصرى اتقال انة بالخطأ ومش لقينا ساعتها كل الضجة دى ...اية اللى اتغير من وجهة نظرك ؟

الى اتغير طبعا ان النظام اتغير كل الى كانوا مش حبين اى حاجه من دى تتفضح ويكبروها فى دماغ الشعب
راحوا خلاص ودلوقتى ما يقدروش اصلا يتحيالو على الموضوع لان خلاص الشعب بئه رافض
اى ذل واى تهاون فى حقه امال هيا الثوره قامت ليه
قامت عشان نتخلص من الذل والاستهان الى كنا عايشين فيها الى جعلت من كرامه المواطن المصرى
اقل من اى حاجه فى الدنيا

- مظبوط الكلام ..مفيش اخطاء هنسكت عليها تانى

4/ هل انتى تؤيدى المطالبين بطرد السفير الاسرائيلى من مصر ؟ ولية ؟

اؤيدها جداااااااا لانها بدايه التهديد لالغاء النعاهده وهما عارفين مدى خطوره
الغاء المعاهده عليهم ايه هو اصلا كل الى بيعملوا دا من خوفهم على امنهم
وامن حدودهم

- من رأيى ان المعاهدة دى زمان ايام السادات فى الوقت اللى اتعملت فية كانت مصلحة لينا انما دلوقتى هى مصلحة ليهم

5/ هل انتى تؤيدى التجمعات والاعتصامات الموجودة حاليا واللى بتملى على الجيش ما يجب فعلة ؟ ولية ؟

مش فكره اؤيدها او ارفضها بس الجيش لازم يعرف الشعب بيفكر ازى ويفهم ايه الى يرضيه
ويهدى من ثورته لان الى الشعب فيه دا رد فعل طبيعى هما لما يلاقوا ولادهم بيموتو ع الحدود
و فى الاخر يتقلهم دا شئ غير مقصدود ما طبعا لازم يطالبوا بقطع العلاقات مع اسرائيل
بس الفكره بئه اننا مش نتجمع ونخرب ونهدم المفروض تجمعنا يكون ع الصح وع القرارت الصح
مش مجرد ثوره غضب لازم مطالبنا تكون مدروسه ومعروف مدى تاثرها علينا قبل عليهم

- وانا شايف ان دة بيسبب ضغط زائد على الجيش ومفيش مانع نعبر عن رأينا بس من غير اعتصامات

6/ هل انتى شايفة ان فى حماس زيادة عند الناس ولا دة العادى ؟

لا مش زياده ولا حاجه دى كرامه ودم شعب بتروح ع الارض لو اتهون فيها يبئه ماكنش فى اى داعى للثوره الى حصلت لان التهاون هيرجعنا لما كنا عليه فى النظام السابق

- مظبوط الكلام

7 / ثورة 25 يناير من وجهة نظرك كان ليها تأثير على رد فعل الشعب المصرى بالنسبة لاحداث سيناء ؟

طبعا ليها تاثير كبير اولها عدم تكبير الدماغ الى كنا فيه والخوف الروعب من تعبيرنا عن مدى حزننا واستنكرنا للبيحصل واردتنا فى تغير اى ظلم ممكن يحصلنا بئه فى وعى عند كل الناس ان التهاون فى حقنا هو اول بدايه للذل الى اصلا الثوره قامت عشان تنهيه

- كلام صحيح جدا

9/ من وجهة نظرك شايفة ان مصر تقدر تخوض حرب مع اسرائيل فـ الوقت الحالى ؟

بص كلمه حرب دى معانها خرااااااااااااااااااب نعيش فيه لاجيال قدام
معناه تاخر يرجعنا سنين لورا
يعنى حياه هتقف انما واحنا اصلا لسه مرجعناش دوله متوازنه من بعد سقوط النظام
يعنى لازم نكون حسبين كل خطواتنا فى كل شئ الحكايه مش ثوره تاخدنا ويلا نحارب
نحارب دى يعنى هنخسر اقتصادنا لمده 100 سنه لقدام
هنحتاج نبنى الدوله من اول وجديد ومش معنى كلام اننا نتهاون ولكن ناخد حقنا بمطالب واقعيه
من خلالها نقدر نعرفهم يعنى ايه دم المصرين وفى نفس الوقت مش نخسر كل شئ

- كلام صحيح جدا

10/ فى صباح اليوم اللى تم قتل افراد امن مصريين على الحدود ..كان فى أكثر من عملية منظمة اسفرت عن خسائر بشرية لمواطنين اسرائيلين واطفال ... واللى اتقال انة فى اثناء مطاردة الطائرات الاسرائيلية لهم ... تم قتل افراد امن مصريين على الحدود ...هلى تلتمسى بعض العذر لهم ؟

لا طبعا ما التمس اى عذر ولا اى زفت على دماغهم ليه هو لو كان الوضع معكوس كانوا هيلتمسوا لينا العذر
دا اول ما حصلهم كدا راحو على غزه وعملوا هجوم قتلوا فيه ناس ابرياء بردوا ماكنش ليهم ذنب
ولا هما قتلاهم ابريئا وقتلنا احنا سهو وخطا

- انا التمس العذر لاى كيان ف الوجود الا اسرائيل

11/تم النشر فى وسائل الاعلام انة الادرن حذر الجانب الاسرائيلى من وقوع عمليات ارهابية فى ايلات قبل حدوثها بدقائق ...انتى شايفة ان دة الصح ؟ ...ولا شايفة ان دى دولة لا تستحق التحذير ؟

فين الصح فى كدا يعنى طبعا دوله لاتستحق التحذير وبعدين اشمعنا الاردن يعنى بتحذر اسرئيل
ماسمعناش قبل كدا ان الاردن ولا غيرها حذرت فلسطين من هجمات لاسرائبل عليها او حذرت الى دوله
تانيه

- انا استغربت جدا بجد ...زى ما تكون اسرائيل دولة صديقة للاردن !!!

12/ شايفة ان الجيش المصرى على الجانب العسكرى اتأثر باستلام السلطة ...بمعنى انة فعاليتة كجيش دولة ومدى قوتة قلت ؟

مش فكره اتاثر ومش هيقدر ولان الجيش المصرى اكتر جيش يقدر يحمى بلده
ولكن هو كمان عليه عبئ الدوله من مشاكل امنها لحد مشاكل اصغر فئه فيها
يعنى لازم فعلا نساعده ونقف معاها مش نكون ضدده نحاول نساعد بلدنا فعلا
لان الجيش هو البلد

- مظبوط الكلام جدا ...ومن رأيى ان الجيش المصرى لم ولن يتأثر

13/ سمعت من بعض الافراد ...ان اسرائيل عملت كدة عشان ثقة الشعب المصرى تقل فى الجيش وبالتالى تزاد الامور سوءا فى مصر ...اية تعليقك على الكلام دة ؟

كلام فارغ طبعا احنا لاثقتنا هتقل ولا هتتغير
المصرين من طبعهم ممكن يسكتوا على اى حاجه فى الدنيا
ولكن بتيجى عند الدفاع عن البلد والكل بيتحول ايد واحده
يعنى المصرين لو حاسو بنيه اسرائيل فى حرب معانا والىا انا اصلا مش شايفها
هيلاقوا كل الشعب فى الجيش من اكبر واحد لاصغر واحد

- أؤيد كلامك جدا

14/ واخيرا اية اللى تتمنية فـ الفترة المقبلة على جانب الاحداث دى ... نصعد الموقف ونطرد السفير مثلا او ننقض معاهدة السلام.. ولا نتغاضى عن اللى اللى حصل باعتبارة خطأ غير مقصود ..ولا اية ؟

لا طبعا لازم ناخد موقف حاسم معاهم سواء بئه بطرد السفير او التهديد بقطع العلاقات
وطبعا التحقيق الجادى فى الى حصل وتعويض اهالى الشهداء والاعتذار الرسمى
لكن التهاون بيجب تهاون ودا الى بنرفضه طبعا لان من اهم مبادئ ثورتنا هو رفض الذل
واسترجاع كرمتنا وعزتنا

- أكيد لازم على الاقل يكون فى اجراءات ملموسة وجدية توقفهم عند حدهم ..وزى ما قلت قبل كدة مفيش اخطاء هتغتفر بعد كدة

وفـ النهاية ارجو ان الحوار يكون كويس

ونكون ذكرنا على أد ما نقدر كل جوانب الموضوع

..

[حنـــــون]

بصراحه بصراحه
انا منوره الحوار :ju6:

ههههههههههههه
بجد ياعلاء انا انبسط جدا جدا من اختيارك
ليا والحوار كان ممتع جدا
والاسئله كان تام اوى
بشكرك على اختيارك
وبجد نورت الحلقه يامحمد
ربنا يوفقك فى كل حياتك ^^

[sεηυσяιтα ησOση]

فكرررررررررة روووعة

تسلم ايدك يارب

وكمان ضيف ممتاز

[S n i p e R]

امممممممممممممم

انا تقريبا متفق معاكو ف اغلب الحوار

جميلة جدا الفكرة

عجبتني اوي

والحوار كان جميل

نورت يا محمد ويا حنان

تحياتى