( جميع حلقات ) ( بنقولك شكرا ) معنا (ضيوف كتير )

[morshooo]

بسم الله الرحمن الرحيم









اهلا ومرحبا بكم



حلقة النهاردة انا بقول انها حصريا جدا جدا جدا


واعتقد ان الضيفة الى معايا النهاردة صاحبة مجهود جميل جدا


وكان ومازال ليها شكلها الخاص داخل المنتدى يمكن بقت تقريبا


غير متواجدة ولكن قدرت انى ابعتلها الدعوة دى عشان تكون معايا


والحمد لله وافقت على قبول الدعوة والتواجد فى التوبيك


وانا بشكرها على موافقتها وتلبية الدعوة


تعالو نشوف مقدمة الحلقة وضيفتى قالت اية




كل واحد فينا هنا فى المنتدى بيبقى لية شخصية معينة وبيقدر يكون صداقات







كتير جدا وبيبقى مميز فى المنتدى مش شرط يكون مشرف او مراقب او ادارى







ممكن يكون عضو عادى ولكن مميز جدا ولية مواضيعه الى الاعضاء بيستنوها







ولكن اصعب حاجا ان فجأة العضو صاحب هذا التميز يختفى تماما سواء لظروف شخصية







او لظروف غصبتة على ترك المنتدى .







ولكن الجميل اننا نفتكرة ونقولة ( شكرا ) على الى قدمتة فى المنتدى فى الفترة الى كنت فيها معانا







فى برنامجنا هنستضيف اعضاء هنشوفهم هيقولو شكرا لمين وهيحكولنا حكايات محدش يعرف عنها











حاجا واتمنى ان فى يوم من الايام الاعضاء دى تدخل المنتدى تانى وتشوف التوبيك دا






وساعتها انا متاكد انهم هيبقو مبسوطين جدا جدا بية






معايا النهاردة







ضيفة متميزة جدا هنشوفها هتقول






( شكرا )






لمين






معايا العضوة المتالقة الغائبة




nooody


مشرفة اليوميات السابقه








أخى الكريم

ميرسى على دعوتك

::::




أبو أدهم :

الراجل ده عمره ما هيتعوض ... عارف يعنى ايه مسئوليه عمره ما سلم الاشراف

كدة لاى عضو وخلاص

كان بينقى المرشحين للاشراف صح , كلنا بنحترمه مش خوفا منه لا ..

بس عشان هو بطريقته

وأسلوبه معانا كبنات بالذات قدر يخلينا نحترمه ونقدره ونشيلوا فوق رأسنا كمان لانه يستاهل .

تحسه كدة كان زى أب أو أخ كبير كان مسؤل عننا بجد وكأننا حد يخصه من دمه

احساسنا بأن المنتدى بيتنا الاحساس ده وصلنا من خلاله لان وفر لنا الامان فعلا

كان بيعاملنا بما يرضى الله

أنا بس هقول كلمه أخيره

والله العظيم أحنا قصرنا فى حقك

أنا مش هقولك شكرا ... بس هقولك ربنا يبارك لك فى أسرتك ويجازكى خيرا عنا





فلور :

البنوته دى ما تعرفتش عليها الا لما سبت المنتدى

علاقتى بيها هنا كانت من الخلال المواضيع وبس

من أكتر الناس اللى حسيت انها بتحبنى من قلبها بجد ويمكن أنا قبل كدة قلت أنى

بفضلها فهمت بجد يعنى ايه

الحب فى الله ومهما قلت ماحدش هيقدر يحس معنى الكلمة دى حلوه قد ايه والاحساس

بيها عامل ازاى أنت ممكن تقول لفلان أنا بحبك فى الله اهى كلمة عدت وخلاص

بس الاحساس بيها حاجة تانية .

المعنى ده اللى علمتهولى ساره مش تستاهل عليه شكرا

.... لا دى تستاهل عليه دعوه حلوه

ربنا يكرمها بيها ويسمعها منى يارب .

عى فكره أنا قلتها فى سرى خلاص

سمسمه 666 :

سلوى اللمضه حبيبة قلبى دى .. بغض النظر عن لماضتها يعنى الا انها بنت جدعه

جدا لاقصى الحدود من يوم ما عرفتها وهى حريصه دايما أنها تطمن عليا ودايما

سباقه بالخير حتى لو أنا قصرت معاها

ومش سألت مش بتستنى أنى أسأل بلاقيها على طول بتطمن وتسأل ....

البنت دى أصيله بجد . عايزة أقولها : أوعى تزعلى منى






أستاذى القدير محمد الشريف :

انا دايما بشبه بشجره فى وسط الصحراء ورغم كدة دايما أوراقها نضره وبتطرح طول

السنه كل يوم يزيد جمالها عن اليوم اللى قبله عمرها ما تأثرت بالظروف المحيطة

بيها مش مهم هى حوليها رياح ولا أمطار ولا جفاف بتحاول على قد ما تقدر

تحافظ على حياتها عشان اللى حواليها مهما كانوا اللى حواليها ناس مش تستاهل .

الراجل ده أثبتلى بجد إن لسه فى ناس عندها أخلاق , لسه فى ناس بتحافظ على مبادئها ,

ناس تجبر اللى قدامها على التعامل معاها بكل أحترام حتى لو الطرف كان الطرف التانى

عمره ما سمع عن حروف كلمة أحترام .

إحترامى الكامل لآسرته (والده ووالدته ) اللى فعلا أحسنوا تربيته ربنا يبارك لهم فيه .

شكرا على الاستضافه مره تانيه







وبكدا بتنتهى حلقتنا النهاردة


واعتقد ان احنا كمان لازم نقولهم


( شكرا )


لان الناس دى فعلا كان ليهم دور كبير فى المنتدى


انتظرونى وحلقة جديدة


وضيف جديد


هيفكرنا بأعضاء مميزين وهيقولهم


( شكرا )


تحياتى


MORSHOOO

[~ NoDa~]

مورشوووووو
يا أفكارك ياحلقآتك يا ابداعاتك يامورشو p=

نودي يآقمرة نورتي الحلقة ، ويستحقوا كل الشكر والله ،

[Řǻet βanota]

يا حركاتو يا اشتغالاتو احمد قلب الاسد

اصطادتها اول ما دخلت هههههههههههههه

حلقه جميله يا احمد ،،

وضيفه مميزة وعثوله جدا

كان نفسى اتعرف عليها بجد ،،

تسلم ايدك يا احمد

[~..a7la smile..~]

تصدق بجد كتير مورشو الفكرة عاجبتني
وكتير حلوة
علشان بعد كده ان شاء الله نرجع للبرامج ده وهاتبقي زكري حلوة اووووي
الكل فعلاً زي ماقولت هايبقي سعيد جداً
والحلقة كمان بالأخص عاجبتني كتير
وفعلاً الناس ده مش هاتتعوض
كان كلام نودي كلام حلو
وكانت استضافة جميلة اوووي منك يا مورشو
منتظرين ان شاء الله الحلقة القادمة
تحياتي

[~♥ Queen sozan♥~]

ههههههههههه لا جامد يا مورشدى ..عرفت توصل لى نودى كدة يتخاف منكـ

بجد حلقة مميزة وغير متوقعة ...

وياريت يا نودى ترجعى تكونى وسطينا تانى ..بجد هنكون سعداء بيكى

وحلقة مميزة منكــ شكارتى اشخاص تستحق الشكر فعلا ..

[ساحر الأحزان]

حلقة جميلة ولحظة وفاء قيمة

مع تلك العضوة المميز

وكلماتها تعبر عن مدى عرفانها لهؤلاء الاشخاص

دمت بكل سعادة

[ملكة الهدوء]

حلقه جميله اوى

واجابات ولا اجمل

فى تقدم دائما

[احضان الحبايب]

شــكرا
المفروض ان احــنا ال ندخل لــ نوووودى ونقولها شكرا
شكــرا ع عطائك للمنتدى
شكرا ع كل حاااجه انتى عملتيها للمنتدى دى
لان كل حااجه انتى عملتيها هناا سابت بصمة و سمعه طيبه
انا كاان ليا الشرف انى احضرك وانتى مشرفه
انا فااكرك مش عارف انتى فاكرانى ولا لا
بس ياااريت تبقى تدخلى المنتدى
وتنتشرى تاانى بين الاعضاء
صدقينى احنا الايااام دى
مختااجين الشخصيات امثالك
وبالنسبه للناس ال انتى قولتيلهم شكــرا
فهــم بصرااحه يستححقوا فعلا الشكر
وطبــعا ع رأسهم ابو ادهم و الشريف
مورشووو
الله ينور واستضافه مميزه
والحلقه دى النهارده لازم تسجلها عندك وتفتخر بيها
لان برنامجك نااجح جداا
و كاان معااك ضيفه مميزه
تحياتىـ لكمــ
....: عــبــدهــ :....

[misho]

حلقة جميلة جدا طبعا
لان ضيفتها هند
وكل اللي ذكرتهم يستاهلوا الشكر
ربنا يكرمهم كلهم يارب
و منورة يا نودي البرنامج والمنتدي
تحياتي

[Remaas]

انا كمان عاوزة اقولهم شكرا لكل اللى قدموه للمنتدى
شكرا ليكى نودى وشكرا ليك انت يا احمد
على البرنامج الجميل ده تحياتى وانتظر جديدك دايما