العنوسه ** البركان الخامد

[قلم بلا حبر]

بسم الله الرحمن الرحيم

السلام عليكم

الـعـنـوسـه

مصطلح أصبح بيواجه الكثير منا ,,
ان كان فى اقارب او اصدقاء او جيران او حتى معارف

المهم انه على وشك البلوره فى شكل ظاهره من خلال الارقام دى

يقدر عدد العوانس فى مصر بـ أكثرمن 10 مليون

كما ان نسبة البطاله تخطت الــ 11%

وفى دراسه للمركز القومى للبحوث الاجتماعيه ان
355الف حالة زواج عرفى
منها 255الف لطلبة الجامعات والمدارس

شوفتوا الارقام ,, لا الرقم اللى جاى هو الاصعب

فى زياده على 21الف طفل بلا نسب ,, قضاياهم فى المحاكم ,,

يبئى الموضوع مش سهل ,,
ده احنا على وشك انه يكون ظاهره واضراره تتفاقم اكتر من كده وساعتها صعب قوى يكون فى حلول لاننا حنكون مشغولين بعلاج الاضرار مش علاج الجوهر

طيب خلينا نتكلم ببساطه عن العنوسه

هى ايه ,, والاسباب ,, والاضرار ,,

هى العنوسه دى ايه ؟

هى تأخر سن الجواز ,, او زى ما بيقولوا ,,
(( قطر الجواز يفوت البنت ))

وخصصت كلامى بالبنت لان زى ما احنا عارفين النسبه فى عنوسه الذكور مش بنفس القدر اللى عليه فى الاناث وان كانت موجوده ,, بس طابعنا الشرقى بيحافظ على الراجل من العنوسه انه بيتيح ليه الجواز فى اى سن ,, لكن مع نسبة البطاله اصبحت عنوسة الرجل موجوده لكن مش بنفس حجم عنوسة الفتاه ,,

طيب ايه اسبابها ؟

والله كداب اللى يقدر يحصر لينا كل اسبابها ,,
بس فى شواهد بتؤدى ليها ,,

زى ارتفاع نفقات الجواز ,,,
وكمان البطاله فى جانب الشباب ,,
واكيد مش حنتغافل ارتفاع نسبة الاناث عن الذكور ,,
وفى حالات بيكون (( للآسف )) الشكل ليه عامل
واكيد كلنا نعرف ده كويس بس هو مش مقياس ,,

طيب ايه أضرارها ؟

اضرارها بلا شك بتكون شديده
خصوصا على البنت نفسها وبالاكيد اهلها بعدها ,,
واحيانا بيؤدى الى توتر وقلق وممكن يتسبب فى مشاكل نفسيه
ولو الوضع اتأزم قوى اقدر اقولكم ان النتيجه بتكون اكتئاب

دى الاضرار المباشره ,,

لكن فى اضرار غير مباشره على المجتمع ,,
ان النسبه الكبيره اللى واقعين تحت مظلة العنوسه
كفاءتهم الانتاجيه اقل وتفاعلهم مع المجتمع مش بالشكل المطلوب ,, كمان فى تهديد لاخلاق وقيم المجتمع
لان الزواج احد اسسه هو كبت جماح الغريزه عند الشباب ,,
ولو مش مصدق راجع الاحصائيات ,,

دلؤتى بئى حيكون نقاشنا عن

انت شايف العنوسه ازاى ؟

اسباب تانيه مذكرتهاش فى موضوعى انت عارفها ؟

أضرار للعنوسه انت شايفها على المدى القصير والبعيد ؟

الآسئله اللى فاتت جزء مكمل للموضوع علشان نبنى عليه حوارنا

اما بئى السؤال الاجبارى

انت شايف الحل ازاى للعنوسه ؟

مستنى تفاعلكم مع الموضوع ,,

خالص تقديرى

تحيااااااااااااااااااااااتى""""""""""

[Karamela]

العنوسة ؟!

العنوسة

العنوسة

العنوسة

القضية الي مش هنخلص منها دي

وكل مانفتحها بتتقفل على مافيش حل

بس لازم ان احنا نعصر دامغنا شوية عشان نطلع حل

الاول نعلق على تعريف سيد للعنوسة

وهو :

اقتباس هى تأخر سن الجواز ,, او زى ما بيقولوا ,, (( قطر الجواز يفوت البنت ))

انا شايفة انه تعريف مناسب للعنوسة

نزود عليه

لان قدرها مش كاتب لها كده

يعني ايه ان البنت اتأخرت في الزواج يعني

ماجلهاش نصيب

ماحصلهاش توفيق

مااتقدملهاش حد لسه

ماحدش خد باله منها لسه

ليها اكتر من تحليل مش لازم يعني تكون زوجة سيئة

انا عادة ببص لاي موضوع من منظورين عشان اقدر احدد رأي فيه

خلينا نبص للرأي الاول الي بيقول

ان الحسنة تحص والسيئة تعم

جدات جدتنا الله يرحمهم اكيد في زمنهم كانت العانس فعلا زوجة فاشلة !

وناس زمان ليهم فلسفتهم الخاصة

المشكلة فين ؟!

المشلكة ان الزمن غير الزمن

والي زمان كان بيعتبروها عانس عشان هي مش ناجحة في الحياة الاسرية او الزوجية

دلوقتي بيعتبروا العانس سيئة حتى من غير مايعرفوها

والنسبة الاكبر بتكون فعلا سيئة ومش متحملة لمسؤولية الزواج

بس هل فعلا دلوقتي في دراسة لشخصية البنت الي الشاب قرر يخطبها ؟!!

للاسف اقدر اقول الاغلبية لا

يمكن لان اساسا معدل الشباب الي مقبلين على فتح بيوت وعندهم استعداد

قل جدا جدا جدا

وبقى كل اهتمام سبابنا حاجات تافهة وهيقضي الوقت مع مين النهاردة ولوزم الجو

الزواج .. مشروع فاشل يابني

كلمة سمعتها لا يمكن انساها

المصيبة انها كانت في مسلسل جيه في رمضان

واكتر حاجة الناسس بتعملها ايه في رمضان ؟

بتتفرج ع التلفيزون وتاكل

لما بئه واحد يشوف كده .. صحيح ممكن يكون فكره صالح وباني ومخطط مستقبله

بس الكلمة دخلت دماغه خلاص واتخزنت .. وقت مايتعرض لحاجة هيقول

اصل الزواج مشروع فاشل

يعني اقدر اقول الاعلام ليه دور كبير في حكاية العنوسة دي

حتى لو مش مباشر

مثلا في اي مسلسل لازم يجيبوا واحدة اتجوزت عرفي

لحد انا زهقنا م الموضوع ده

وكبروا الفكرة في دماغ اي بنت

بيعرضوها على سبيل النقد ؟!

خدعوك فقالوا

الله اعلم بنيتهم بس الي بيعملوه ده مش اسلوب نقد ابدا

ده لفت الانتباه

واحد بيقولك

بص هنا في حفرة اهي شايفها كبيرة قد ايه

عارف ازاي توصل لها ؟ ماتعرفش اعلمك بس ياسيدي كذا وكذا وكذا

عارف انت قد ايه هتستمتع وانت بتقع في الحفرة دي .؟!

وبعد ماتكون خحلاص الحفرة دخلت في دماغك .. يقولك بس على فكرة انت ممكن تقع تتكسر يعني

خلاص هبعد عنها .. لكن دخلت بالي

يعني كده الاعلام سبب برده في ارتفاع نسبة العنوسة وانت ماذكرتهوش

طيب

لو رجعنا برده لزمان شوية .. كان لقب العانس بيطلق على واحدة خلاص مامنهاش امل

يعني عدت التلالتين وقربت الاربعي على حسب كلام الوالدة

لكن حرام بصراحة تكون واحدة عندها 26 سنة !

وتقول على نفسها .. عانس ؟!!!

دي يمكن في طب الواحدة يادوب بتتخرج وهي عندها 26 سنة .. لو هتاخد بئه دكتوراة ولا ماجستير يعني كمان سنيتن تلاتة

هتفتح عيادة ولا تشتغل .. عقبال ماتستقر الاوضاع تكون عدت كمان سنة يعني تقريبا 30 سنة

سن كويس والواحدة ماعنستش فيه

تيجي واحدة عندها 22 سنة ولا 21 وتقول انا اتأخرت على فكرة

يعني برده الفكرة جاية م المجتمع الي حوليها

لو هم ماحسسوهاش بكده هي عمرها ماهتحسه

يعني برده الميحط ليه دور . وده سبب تاني

العلاج بئه

نذكره في رد منفصل لاني كده طولت اوي

بس معلش انا عارفة ان في ناس بتقراه فعلا واولهم انت ياسيد

بشكرك على فتح باب المناقشة في موضوع

العنوسة

او بالاصح

كابوس العنوسة

تحيتي

[قلم بلا حبر]

ايه ده كله يا بنتى

هو لما اكتب موضوع ومطولشى ,, الاقى الرد اكبر من الموضوع

عجبت لك يا زمن :vb19:

ماشاء الله عليكى يا كراميلا ,, اليومين دول مركزه قوى

طيب انا مش حعقب على ردك غير لما تنتهى منه

خالص تقديرى للتفاعل

تحيااااااااااااااااااااااتى"""""""

[Karamela]

اقتباس المشاركة الأصلية كتبت بواسطة قلم بلا حبر ايه ده كله يا بنتى هو لما اكتب موضوع ومطولشى ,, الاقى الرد اكبر من الموضوع عجبت لك يا زمن :vb19: ماشاء الله عليكى يا كراميلا ,, اليومين دول مركزه قوى طيب انا مش حعقب على ردك غير لما تنتهى منه خالص تقديرى للتفاعل تحيااااااااااااااااااااااتى"""""""

لا ايه ده :vb19:

يعني انا مستنية ده كله عشان اشوف ردين حلوين

وفي الاخر تقولي اما تخلصي كلامك

الناس هتطفش م القسم ياسيد :vb19:

ماهو اسمه نقاش

يعني لازم ترد عشان انا ارد وهو يرد وننتناقش

مش اسيبك انتي براحتك تكملي ردك بئه

وانا اروح اشوف حالي :vb19:

تحيتي وبانتظار ردك

[yasmine refat]

هو أنا أما أنشغل عن المنتدى تجيب مواضيع جمده طيب طيب ههههههههههه:090:
خلينا في الموضوع

العنوسة دي عملة زي الموت الواحد بيخاف منها ومن سيرتها وبزات للبنت ما الله يحمي الرجالة لو قعدوا للستين يعتبروا شباب

تلاقي البنت مستعدة تتجوز أي حد علشان كلمة عانس وما تقرب من 25 سنة تلقيها مرعوبة وشويه وهتسوط وهتقول جوزززززززززززززززززوني ههههههههههههههههه

والله البنت مسكينة لو طلقت لو تأخرت في الجواز تبقى حاجه وحشة وأي كلام والكل يبصلها على أنها أنسانة بلا أخلاق

بس طيب أيه أسباب العنوسة وهو أسم أنا برفضوا تماما لأنو مسمى يحمل وصف تعميمي سيء جارح

خلينا نقول تأخر الزواج

ممكن نقول أنو البنات عددهم بقى ضعف الأولاد ودي من علامات الساعة

ممكن نقول أنو كثرة متطلبات الجواز وبقى الشباب في أغلبهم بيدورا على عروسة تخفف دي المتطلبات يعني لازم تكون مريشة وعندها شقه كلوا جاهز جاهز مو أعباء الحياة كتيرة يعني بالعربي جواز مصلحة والسبب ده ممكن كمان يكون سبب البنت في الجواز لكن نادر لأن البنت همها الأول والأخير متبقاش عانس ...لازم بقى تسمع كلام المجتمع وتخضع للقيود

مممكن نقول أن الجواز بقى موضة قديمة يعني لي أجيب لنفسي وجع الدماغ مخليني مرتاح ولو على الغريزة في طرق للجنسيين مضمونة ووووو مالعلم أتطور وماشاء الله الفضائيات بتعلم يعني أتجوز وأتحمل حد يشخط ويتأمر ويوجعلي دماغي وللأسف برضوا السبب ده عند الأولاد أكتررررررررر

ممكن نقول أسباب كتير لأنك زي ماقلت مهما تكلمت مش هخلص


وبقى الحل؟؟؟؟؟؟ سؤال مهم

نرجع لكتاب الله والسنة

والبنت تتجوز الرجل الدين والرجل يتجوز المرأة الدينة ونسمح بتعدد الزوجات ونتقبل الفكرة بشكل أفضل لانه ده الحل الأمثل لتقليل العنوسة بقى يشحتوا الخمسة مع بعض هم حرين هههههههههه

ويسلام لو نرجع لوأد البنات هنضمن كده أن العدد يقل ههههههههه

والله ياسيد موضوعك كبيييييييييير ومهم ومتفرع

وأخيرا أحب أعترض على كلمة عانس وعلى الوصف الي بيصحبها لأنو في ظلم شديد وعبء كبير وخاصة على الفتاة

شكرا على الموضوع ومعلش مش هقدر أكمل النقاش معاك

أتمنى أني أكون ضيفة خفيفة على موضوعك

أختك في الله:080402gudl_prv:

[SiLver Spectra]

أنا جيت الموضوع....

بص بقى الإحصائيات دي

بلغ عدد الشباب فى مصر (الفئة العمرية من 15 - 29 عاما) 519ر23 مليون نسمة، بما يشكل نسبة 33ر31% من إجمالى عدد السكان البالغ حوالى 76 مليون نسمة، من بينهم 929ر11 مليون نسمة "ذكور" و 590ر11 مليون نسمة "اناث".. وتبلغ نسبة النوع بين الشباب 103 ذكور لكل 100 أنثى .

ركزلي على النسبة.....

مين أكثر؟؟

أغلب الناس مفكرة فعلا إن الإناث أكثر من الذكور...

لكن الإحصائيات بتثبت العكس...

في أغلب الدول بتلاقي الذكور أكثر

لكن السمعة دايما بتقول إن الإناث ضعف الذكور....منين بيجيبوا الإحصائية دي مش عارف!!

ندخل في موضوعنا

انت شايف العنوسه ازاى ؟

تأخر سن الجواز أكيد....إلى الثلاثينات...أو الأربعينات أو عدم الجواز نهائيا

اسباب تانيه مذكرتهاش فى موضوعى انت عارفها ؟

و الله صعب فعلا إنك تحدد أسباب معينه...
بس زي ما ذكرت ...الوضع المادي للشباب
و غلاء تكاليف الزواج
غير الشكل....
أحيانا البنت أو الشاب بيبقى فيهم تشوه معين...بيأثر على زواجها أو زواجه
و برضه الثقافه إلي بتقيد الزواج بقيود و بتحوله لرباط معقد
يعني.....
الاسباب كتيره

أضرار للعنوسه انت شايفها على المدى القصير والبعيد ؟

العنوسه شبح بيطارد صاحبه
و بيخليه إنسان معقد
تلاقيه متعقد من الزواج

و في مراحلة معينه العنوسه بتخلي البنت تقبل اي عريس....
و دا طبعا غلط....

غير طبعا الأمراض إلي بتصيب الشخص....
يعني من الآخر بيبقى abnormal زي ما بيقولوا في الطب


انت شايف الحل ازاى للعنوسه ؟
صعب إني أقول حلول للعنوسه..
واحد و إتنين و تلاته
الكلام سهل

لكن الواقع حاجه تانيه

مشكلة العنوسه هتفضل قائمة

مهما تعمل

لأن أسبابها صعبة الحل...

ممكن أقول مثلا إن إحنا نخفف تكاليف الجواز..

في أهالي فعلا بيعملوا تساهيل للموضوع دا

لكن في الآخر هتحتاج شقة و عفش و غيره....

و لا البنت مثلا هتسكن في بيت أبوها و لا أبوه

الشقة لواحدها مشكلة

و دا الحل الوحيد إلي ممكن يخفف العنوسه و لو بقدر ضئيل

لكن المشكلة هتفضل قائمة

لأن أحيانا البنت مش بتبقى مستنيه مقابل و بتفضل في دائرة العنوسه

و برضه ما نعقدش بناتنا من الجواز و نربطه بالعرفي

لأن في بنات فعلا مش بيتجوزا من غير اي مبرر غير إنها مثلا خايفه من جوزها إلي هيتجوزها....

يعني الغلاء و الشكل مش هما كل أسباب المشكلة

المشكلة برضه في تركيبة الثقافة نفسها لاللبنت و الأهالي

ألف شكر على الموضوع يا سيد

[ملائكية]

مساء الخير يا حلوييييييييين

تسمحولى اشارك معاكم فى القسم الغالى جدا على قلبى دا الا وهو قسم النقاشات الجادة

شوف اخى قلم

انا بالتأكيد بتفق مع من سبقونى فى كل ردودهم بس انا ممكن ازود عليهم سبب مهم جدا للعنوسة ودا من وجهة نظرى المتواضعة

والله يا اخى الفاضل انا شايفة ان من اهم اسباب العنوسة هى الانحلال المتفشى هذه الايام والبطالة

شوف بقى لما تلاقى نفسك بتوصل لاى واحدة بسهولة وانت اصلا امكانياتك ضعيفة جدا

اكيد هتقول فى نفسك طيب وانا ايه اللى يجبرنى انى اتحمل مصاريف الزواج وخنقة الالتزامات دى وانا ادامى حاجة ببلاش واقدر اعيش معاها الفترة اللى تعجبنى ومن غير اى التزامات

بمعنى الانحلال الاخلاقى لدى الكثير من البنات قبل الشباب وطبعا دا سببه الرئيسى البعد عن التعاليم الاسلامية

احنا فين من اسلامنا وديننا

احنا فين من الاخلاق والشهامة والمجدعة والحياء عند البنات والرجولة عند كثير من الشباب

مهو احنا لما نبعد عن تعاليم دينا وتقاليدنا لازم تكون فيه نتائج كتيرة ومن اهم النتائج دى هى ظاهرة العنوسة

انا الحمد لله فلت خلاص من العنوسة ويمكن انا اخر جيلى اللى لحقت وزوغت منها ههههههههه

تسلم اخى قلم بلا حبر على هذا الموضوع المثير جدا والذى يعتبر ارض خصبة قابلة دوما للنقاش وزرع الافكار الجديدة والمستحدثة

احترامى لكم جميعا

وعذرا احبتى على الاطالة

ملائكية

[dr. faris]

قطر قلمكـ بحبره على موضوع خطير بالفعل

العنوسه
هى بالفعل ظاهره متفاقمه


أسبابها عديده متعدده
منها كما ذكرت البطاله
قلة من تقدر ان ترى بهمـ ان يحفظوا بيتكـ ويكونا قدر تربية الأبناء
وده طبعاعائد للمناظر اللى بنشوفها الشوارع كل يومـ
بنات ولبس و عذراً فى اللفظ "مسخره"
وطبعاً والسبب الأساسى ان كل بنت بتحلم بفرح فى الفور سيسون وبفارس احلام وشاليه فى مارينا

اما عن مقومتها وحلولها
فلا حل لى سوى قول خير الأنامـ محمد بن عبدالله: " زوجوا بناتكمـ لذوى الخلق والدين" ااو كما قال عليه افضل الصلاة والسلام
بس انا لو عندى اخت ارضى اجوزها للسبيبين دول بس، صراحه تكون صعبه اوى فى ظل مجتمعنا وحياتنا

ثانيا
لو لغينا مصطلح الوسطه والله هتتقلب وتتغير حياتنا خالص
هيبقى لكل حق صاحب
يبقى اللى يستحق هيبقى فى مكانه وبالتالى تتشقلب موازين كتير


لى عوده ان شاء الله لموضعكـ يا غالى
فارسـ

[yasmine refat]

إحصائيات العنوسة فى الوطن العربى:

****************** وقطر والبحرين والإمارات: 35%

السعودية واليمن وليبيا :30%

السودان والصومال: 20%

سلطنة عُمان والمغرب: 10%

الأردن: 5% (أشارت نتائج بعض الدراسات إلى تأخر عمر الفتيات عند الزواج الأول إلى 29.2، بينما يتأخر إلى 31.9 سنة لدى الذكور).

سوريا: 50% من الشبان السوريين لم يتزوجوا بعد، بينما لم تتزوج 60% من الفتيات اللواتي تتراوح أعمارهن ما بين 25 و29 عاماً، وبلغت نسبة اللواتي تخطين 34 عاماً، دون زواج 2.37%، وهو ما يعني أن أكثر من نصف النساء غير متزوجات.

لبنان: نسبة الذكور غير المتزوجين ما بين 25 و30 سنة تبلغ 95.1% والإناث 83.2%.

في فلسطين مثلت نسبة الفتيات اللواتي فاتهن قطار الزواج 1%

كانت أعلى نسبة قد تحققت في العراق إذ وصلت إلى 85%.

وفي الجزائر هناك أربعة ملايين فتاة لم يتزوجن بعد.


هذه بعض الأحصائيات التي تثبت أنو نسبة العنوسة للفتيات في العالم العربي ككل تفوق العنوسة لدى الشباب


وأما مصر كما ذكر طارق الشباب أكثر هي ولبنان

ولكن مع ذلك أقول أن العنوسة مشكلة للطرفين وخاصة للفتاة لأن المجتمع يركز أنظاره عليها

وقد أثبتت دراسة أن نسبة عدد الصالحات للزواج مقابل عدد الرجال القادرين على الزواج هي : أربع نساء مقابل رجل واحد



أختك في الله:080402gudl_prv:

[قلم بلا حبر]

معلشى يا كراميلا ,, اتأخرت فى الرد ,,

اقتباس المشاركة الأصلية كتبت بواسطة Karamela العنوسة ؟! العنوسة العنوسة العنوسة القضية الي مش هنخلص منها دي وكل مانفتحها بتتقفل على مافيش حل اصل النيه مبتكونشى حاضره:vb19: بس لازم ان احنا نعصر دامغنا شوية عشان نطلع حل بقول كده برضه ,, اعصرى :bb7: الاول نعلق على تعريف سيد للعنوسة وهو : انا شايفة انه تعريف مناسب للعنوسة نزود عليه لان قدرها مش كاتب لها كده القضاء والقدر من المسلمات يا كراميلا يعنى فى غياب ذكرهم عدم انكارهم فهما من ثوابت الدين يعني ايه ان البنت اتأخرت في الزواج يعني ماجلهاش نصيب ماحصلهاش توفيق مااتقدملهاش حد لسه ماحدش خد باله منها لسه ليها اكتر من تحليل مش لازم يعني تكون زوجة سيئة انا عادة ببص لاي موضوع من منظورين عشان اقدر احدد رأي فيه خلينا نبص للرأي الاول الي بيقول ان الحسنة تحص والسيئة تعم جدات جدتنا الله يرحمهم اكيد في زمنهم كانت العانس فعلا زوجة فاشلة ! وناس زمان ليهم فلسفتهم الخاصة المشكلة فين ؟! المشلكة ان الزمن غير الزمن والي زمان كان بيعتبروها عانس عشان هي مش ناجحة في الحياة الاسرية او الزوجية دلوقتي بيعتبروا العانس سيئة حتى من غير مايعرفوها والنسبة الاكبر بتكون فعلا سيئة ومش متحملة لمسؤولية الزواج بس هل فعلا دلوقتي في دراسة لشخصية البنت الي الشاب قرر يخطبها ؟!! للاسف اقدر اقول الاغلبية لا يمكن لان اساسا معدل الشباب الي مقبلين على فتح بيوت وعندهم استعداد قل جدا جدا جدا وبقى كل اهتمام سبابنا حاجات تافهة وهيقضي الوقت مع مين النهاردة ولوزم الجو الزواج .. مشروع فاشل يابني كلمة سمعتها لا يمكن انساها المصيبة انها كانت في مسلسل جيه في رمضان واكتر حاجة الناسس بتعملها ايه في رمضان ؟ بتتفرج ع التلفيزون وتاكل لما بئه واحد يشوف كده .. صحيح ممكن يكون فكره صالح وباني ومخطط مستقبله بس الكلمة دخلت دماغه خلاص واتخزنت .. وقت مايتعرض لحاجة هيقول اصل الزواج مشروع فاشل يعني اقدر اقول الاعلام ليه دور كبير في حكاية العنوسة دي حتى لو مش مباشر مثلا في اي مسلسل لازم يجيبوا واحدة اتجوزت عرفي لحد انا زهقنا م الموضوع ده وكبروا الفكرة في دماغ اي بنت بيعرضوها على سبيل النقد ؟! خدعوك فقالوا الله اعلم بنيتهم بس الي بيعملوه ده مش اسلوب نقد ابدا ده لفت الانتباه واحد بيقولك بص هنا في حفرة اهي شايفها كبيرة قد ايه عارف ازاي توصل لها ؟ ماتعرفش اعلمك بس ياسيدي كذا وكذا وكذا عارف انت قد ايه هتستمتع وانت بتقع في الحفرة دي .؟! وبعد ماتكون خحلاص الحفرة دخلت في دماغك .. يقولك بس على فكرة انت ممكن تقع تتكسر يعني خلاص هبعد عنها .. لكن دخلت بالي يعني كده الاعلام سبب برده في ارتفاع نسبة العنوسة وانت ماذكرتهوش طيب لو رجعنا برده لزمان شوية .. كان لقب العانس بيطلق على واحدة خلاص مامنهاش امل يعني عدت التلالتين وقربت الاربعي على حسب كلام الوالدة لكن حرام بصراحة تكون واحدة عندها 26 سنة ! وتقول على نفسها .. عانس ؟!!! دي يمكن في طب الواحدة يادوب بتتخرج وهي عندها 26 سنة .. لو هتاخد بئه دكتوراة ولا ماجستير يعني كمان سنيتن تلاتة هتفتح عيادة ولا تشتغل .. عقبال ماتستقر الاوضاع تكون عدت كمان سنة يعني تقريبا 30 سنة سن كويس والواحدة ماعنستش فيه تيجي واحدة عندها 22 سنة ولا 21 وتقول انا اتأخرت على فكرة يعني برده الفكرة جاية م المجتمع الي حوليها لو هم ماحسسوهاش بكده هي عمرها ماهتحسه يعني برده الميحط ليه دور . وده سبب تاني العلاج بئه نذكره في رد منفصل لاني كده طولت اوي بس معلش انا عارفة ان في ناس بتقراه فعلا واولهم انت ياسيد بشكرك على فتح باب المناقشة في موضوع العنوسة او بالاصح كابوس العنوسة تحيتي

كلام واقعى ,, زى ما عودتينا ,,

وعجبتنى فكرة ان الاعلام ليه دور

ولو ان الموضوع عايز توضيح من الواقع كما هى عادتك

بس مش بالمثل اللى ذكرتيه بتاع الحفره ,, انا عايز مثال حى ,,,

وكمان حكاية عدم الاستعداد لحمل مسؤوليه وفتح بيت عند الشباب ده فعلا موجود ,,

بس موجود كمان البنت اللى متنفعشى تكون ام او زوجه فى بيتها ,,

وليا طلب ,,

ياريت الاسئله اللى زكرتها تجاوبى عليها يا فافا علشان نجمع وجهات النظر كلها فى الموضوع