بيت الكدب الحديث (ادخل واكدب براحتك) برعاية ابو لمعه

[هيثم الصغير]

موضوعنا اسمو بيت الكدب

يعنى مطلوب من كل عضو يدخل ويحكى كدبه جامده مووت حصلت فى حياته او لو يعرف قصص كدب يحكيها

يعنى مثلا هات اكبر كدبه كدبتها على الحج والدك الست والدتك اخوك اختك صاحبك اى حاجه يعنى وورينا جدعنتك فى النصب والكدب وانا هبتدى بااول واكبر قصة كدب فى التاريخ

معلش هى طويله شويه بس جامده فحت وحياتكو

هيثم : شوف يا خواجة، وانا فى آخر رحلة ليا فى الاسكيمو، كنت لابس الجلابية الدبلان المخططة بتاعة اخويا شلبى، ومقيل تحت شجرة جيلاتى! بينى وبينك انا نمت وانا فاتح بقى علشان اول ما حتة جيلاتى تستوى، تقع فى بقى على طول، بس لجل البخت الاسود، تعبان شاف بقى مفتوح افتكره جحر راح داخل فيه.

الخواجة بيجو: دا اكيد تعبان صغير بقى اللى عرف يدخل فى بقك ده؟

هيثم : صغير مين يا خواجة، ده طوله 700 متر!

الخواجة بيجو : يا سلام، دخل التعبان اللى طوله 700 متر فى بقك وانت نايم من غير ما تحس ولا تصحى؟

هيثم : لأ ما انا صحيت فى نصه كده، لقيت ده داخل فى بطنى قعدت اشد فيه وهو يتزفلط اشد فيه وهو يتزفلط، لحد ما دخل كله جوه بطنى!

الخواجة بيجو : يا خبر ابيض، وعرفق تطلعه؟

هيثم : ابدا وحياتك، عملت البدع علشان اطلعه ما فيش فايدة، آخر ما غلبت رحت قالع ونازل له!

الخواجة بيجو : نازل له فين؟

هيثم : فى بطنى! وهو شافنى نازل راحد واخد ديله فى سنانه وطالع يجرى، وانا وراه، يدخل يمين ادخل وراه، يدخل شمال برضه وراه، لحد ما وصل بيت الكلاوى، راح داخل البيت وقفل الباب على نفسه!

الخواجة بيجو : طبعا ماعرفتش تدخل وراه ورحت مروح.

هيثم : لأ، اروح ازاى، انت عارف تحت بيت الكلاوى فاتح واحد حلاق، قلت اخش اخد دقنى واستنى التعبان لما يخرج، نص ساعة كده ولقيته مطلع راسه من الباب، بص يمين بص شمال ماشافنيش راح متسحب خارج، رحت خاطف الموس من ايد الحلاق وهاجم على التعبان، شوف يا خواجة، هى ضربة واحدة بالموس قسمته نصين!

الخواجة بيجو : بضربة واحدة قسمت التعبان الـ700 متر !!!!! هيثم دبور : بالطول وحياتك:752:

[only]

انا ما عندي كذبة كذبتها ولو عندي فهي معادة ما ليها داعي اقولها يعني
بس حبيت اقولك واهنيك على الفكرة هذه شكرا على التوبيك