حلقات برنامج ( حوار صريح جداً جداً )

[طِيشْ !]

فكرة جميلة يا قمر

شكلة بجد جامد

مستنينك انتي وطارق

تسلم ايدك


تحيــــــــــــــــــــاتي

[a m i r a]

حلوه البرنامج
منتظرين الحلقه بئه

[nano.syria]

فكرة ظريفة كتير بسمة ناطرين الحوار والاسئلة الناااار

[♥..pure]

فكرهـ الموضوع كانت معروضه قبل كدا
وكان شاعر واسير الحب اللي كان مقدم البرنامج دا
ممكن تتفقي معاهـ وتكمليه انتي ..,
بس شوفي رأيه ايه عشان هو لسه مستمر معانا ..
بالتوفيق .,,

[الروح أرق من الندى]

فكره جامده بالتوفيق ياقمر

ومنتظرين د/ طارق

ارق تحياتي

[IMG]http://upload.***************************/file2/13174136885.gif[/IMG]

[بسمة العمر]

شكرا ليكم كولكم
ويارب البرنامج والاسئلة يعجبوكم
وشكر لمروركم اللى اسعدنى

[بسمة العمر]

اقتباسالمشاركة الأصلية كتبت بواسطة ماتركسبسمه العمر

ايوا هوه ده الشغل والا بلاش عاايزين بقي تكون اسئله جريئه وكتيره

وغير عن اي البرامج

متاااابعين معاكي لغايه لما نشوف اول حلقه

بس انا واثق انك هتقدمي حلقه عشره علي عشره

يلا بقي ابدئي بسرعه شوقتينااا

بالتوفيق ليكي


شكرا ليك يا احمد
مرورك اسعدنى

[روميو مجنن البنات]

ميه ميه يا بسمه على الفكره الجميله ديه
وانشاء الله نلقى تفاعل قوى فيها
وتكون الاسئله ممتعه وشيعه وتجعلنا نتعرف على جوانب الشخصيه التى ستستضفيها
خالص تمنياتى بالتوفيق
وفى انتظار اوال ضيف

[غالي الأثمان]

واضح انه يبقى توبيك جامد ومنور يا طارق

[بسمة العمر]

بسم الله الرحمن الرحيم
السلام عليكم ورحمة الله وبركاته

النهردة اولا حلقات
برنامج
(كلام صريح مع اشهر نجوم المنتدى)
ومعاية نجم مشهور
نجم محبوب
نجم الكل يحب يتعرف علية
شخصية مميزة
شخصية خاصة

والنهردة معنا احلا واجمل شخصية

وهو

دكتور طارق
سلفر اسبكترا

وهنبدا الاسئلة

1-اول حاجة احب تعرفنى على نفسك اسمك سنك عنوانك
طارق سيلفر محمد عباس :biggrin:
سني بقى 23 سنة و شهرين
عنواني دمياط

2-عايز حضرتك تكلمنى عن طفولتك
بصي انا كتبت شوية عنها في موضوع مستنقع سيلفر

دا اقتباس ليها

لا أدري ما سر جمال تلك الصورة
و لكنها تخطف قلبي بمجرد مشاهدتها
ليست لشخصيات من فيها و لكن لطريقة رسم تلك الرسومات بالألوان
فهي مرتبطه في ذاكرتي بسعادة الطفولة
عندما كنت اشاهد تلك الصور و أتعايش معها
و ليس كحالي الآن أشاهدها و كأنها جماد
كان خيال طفولتي يصنع لتلك الشخصيات روح
فلا ادري من يدبلج و من ينتج و من يخرج
فقط أشاهد تلك الرسومات لأعيش معها في عالم تكسوه سعادة الألوان
عالم يخلوا من الشهوات قديما!!
فاليوم قد دخل الكبار في عالم الصغار
فأصبح من جمهور تلك الرسومات من هم كبار
فقلت براءة تلك الرسومات!!

فهذه هي البداية..
لسرد قصة طفولة غير عادية
تحمل اقصى درجات السعادة
فلا أعتقد أن طفل ما عاش طفولة قد عشتها
فأنا لم أكن مجرد طفل يهوى اللعب فقط
بل يهوى التخطيط للعب و ابتكار الألعاب
فهل يوجد طفل ما كان يصنع من قصاصات الورق افلاما!!
شخصيات يلعب بها مع أصدقاءه!!
أو سيارات و بيوت يصنع منها مدينه
أو سجاجيد يتخيل بها شوارع

جنون اللعب و التخطيط بين الأصدقاء..
صنع من طفولتي إنفرادا
لا أشاهده في أطفال اليوم.. لا يلعبون سوا الجيمز و لا يشاهدون سوا الكرتون!!
حياة ممله لن تترك في الذاكرة سوى أنها ايام الطفولة
و لكن طقولتي كانت تتجاوز ماضي الطفولة السعيد
فقد كنت أصنع فيها بحور من التخيلات و أنسجها على هيئة ألعاب
لها قوانين و مهمات
قد أحتاج أسابيع للرسم و التخطيط لإحدى تلك الألعاب
لأتي في النهايه و أفاجئ الأصدقاء
الذين كانوا يتحمسون لإنتهاء تلك الألعاب
مئات و مئات التخطيطات و الألعاب
سأظلمها ان اختزلتها في كلمات
التخطيط كان يبدأ من يوم الجمعه
و ينفذ يوم الأربعاء
بعد العودة من المدرسه بكل اشتياق
كنت اقود جماعة من الأصدقاء
ليس لسبب قوة و عضلات
و لكن بسبب العقل و العدل في الاختيارات
كنت أنا الحكيم في فض الاختلافات
و لم أشعر في يوم أنني كنت قائد بناء
حتى انتهت فترة طفولتي و دخلت في مرحلة الشباب
تبرأت من كل طفولاتي حتى أظهر و كأنني كبير و أصنف مع العقلاء
لم أكن أدري أنني بهذا قد وضعت عمري الذهبي في الذكريات!!
طفولتي السعيده و التي لم أصف منها ذرات

أتسألون الآن من أين جاءت تلك المسابقات!؟

هذا ما كنت أحبه من الألعاب
و ما كنت لا استطيع شراءه أتخيله بالرسم

و هذا ماكنت أكرهه
لعل لهذا السبب كنت شديد الكره للبنات
ألعاب البنات الممله
أطباق و معالق و عرائس!! ألعاب تفتقد لجنون الخيال و تميل لروتين الواقع
كنت أكره اللون الوردي . أكره عرائس البنات . كرتون بطلته بنت . دلع البنات
اي شيء عليه بصمة البنات
بالرغم من أن العماره التي كنا نسكن بها مليئة بالبنات . لم ألعب معهم و لو لمره واحده
جميع اصدقائي من الجنس الخشن ممن يتوافقون مع فكري في العمارات المجاورة
و كثيرا ماكانت تأتي الشكاوي لأهلي بسبب (غلاستي) على البنات أثناء مروري على ألعاب البنات عند عودتي للبيت
أعود مصاب بجروح بسبب كثرة الجري و خشونه اللعب و بصوت مبحوح من كثر ة صرخات اللعب
اللعب كان يومي الاربعاء و الخميس ينتهي بصوت مبحوح
يعود صوتي من جديد يوم الأحد
بينما اذهب للمدرسه يوم السبت فلا يسمع لي أحد صوت و أجد صعوبة في المشاركة داخل الصف تسببت في خسائر فادحة في درجات أعمال السنه

و استمرت الحياه على هذا المنوال...
إلى أن جاء هرمون التيستيستيرون!!
و فرض تغيراته على صفاتي و شخصيتي

و ظهر الشنب
:: :: ::

الشنب هو الناتج الأول من عملية التحول الفسيولوجي
فلولا الشنب لظل شعور الكره مستمر اتجاه البنات
و لكن المولى عز وجل يظهر الشنب لمن يشاء و هو على كل شيء قدير

و المسؤول عن ظهوره بالطبع هو قدوم التيستوستيرون
أو هرمون الذكور (الجامد أوي)
فلا أعتقد أن هناك هرمون بعظمة و قوة هرمون التيستوستيرون المدمر لبراءة الطفولة و باني العضلات (فتوة يعني)
حتى الإناث لا يسلمن من هذا الهرمون الفتاك
فيؤثر على الصوت و ظهور الشنب بعد سن متأخر من اليأس

البداية الفعالة للهرمون الفتاك جاءت في سن12 سنة

أنا : انت مين!!؟
التيستوستيرون :أنا التيستوستيرون اهمد
أنا : عايز مني ايه؟
التيستوستيرون : مش عايز حاجه يا ابني ..بس كدا مش عاجبني حالك
أنا : حالي ازاي يعني..
التيستوستيرون : يعني خلاص بقى سيبك من الكرتون و اللعب و الجري في الشارع و الهبل دا و كن بقى
أنا : أنا كدا مبسوط و سعيد انت عايز مني ايه!!
التيستوستيرون : عايز أثقفك
أنا : بقولك أنا مبسوط كدا
التيستوستيرون : انت عديت 12 سنه هتتثقف يعني هتتثقف
أنا : أتثقف ازاي يعني
التيستوستيرون : يعني ما تكرهش البنات
أنا : ما أكرهش البنات ليه!! دا انت غريب يا عمو تيستو
تيستو : بص كدا و اتأمل في شعورهم يا ابني
أنا : طب ما أنا عندي شعر
تيستو : يا ابني ركز كدا و بص و انت هادي
أنا : طيب و بعدين
تيستو : بصيت
أنا : آه يا سيدي بصيت أهو . أعمل ايه تاني
تيستو : كمل بص . شايف يا ابني شايف العظمة و الجمال
أنا : !!!!
تيستو : لسه بتكرهم
أنا : انت بدخلني في حتت غريبه ما كنت مبسوط و مزاجي عال و متابع افتتاح سبيستون
تيستو : انسى سبيستون . انت خلاص ما باقيتش من شباب المستقبل
أنا : بس أنا بحب كونان
تيستو : لأ مش بتحبوا . الحلقات بتعيد نفسها و القصة بيفهمها الطفل ابو 6 سنين
أنا : أمال أحب ايه
تيستو : ايه رايك في الجزيرة . أفلام عادل إمام
أنا : ما بحبهاش!!
تيستو : حب البنات
أنا : أحب البنات الي بتلعب بالشوك!! وسع كدا يا حاج تيستو عايز أرجع
تيستو : انت ما بصيتش كويس؟
أنا : بصيت
تيستو : هعيشك حياة جديدة . حياة روشة آخر حاجه . هخليك راااجل
أنا : ما أنا راجل
تيستو : في البطاقة بس يا حبيبي
أنا : و انت الي هتخليني راجل
تيستو : طبعا...بص حواليك و شوف كل الرجاله الي أنا عملتهم
أنا : و انت هتعملني راجل ازاي!!
تيستو : ههه هههه ههه ههه لسه مشوارك معايا طويل
أنا : طيب احكيلي يا عمو تيستو
تيستو : بص يا ابني . ممكن في الأول هتحس ان شكلك بقى غلط بس معلش استحمل كام سنه كدا و بعدين هتبقى حلو و زي الفل و شكلك هيزبط
أنا : ازاي يعني؟
تيستو : يعني هفرد عظمك المطبق في بعضه دا هخليك مشعر شوية صوتك هيبقى زي الجاموسه
أنا : زي الجاموسه!!
تيستو : يا ابني دا صوت هيرهب اي حد تزعق في وشه . ماحدش هيقدر عليك لا ابوك و لا أمك . انسى بقى الضرب و الحزام و الكلام الفارغ دا . في الأول بس و بعدين صوتك هيتظبط
أنا : يااااااااه
تيستو : و لسه كمان . هدمرلك براءة طفولتك دي . انسى البشره الناعمه بتاعت الأطفال . هتبقى جامد و بعضلات و فتوة . هتقدر تتخانق و تشيل أوزان تقيله
أنا : و هتخليني اشرب سجاير؟
تيستو : السجاير دي ماليش دعوة بيها . دي رجولة كاذبه
أنا : طب و ايه تاني
تيستو : هتبقى راجل
أنا : طب يلا مستني ايه
تيستو : بس في حاجه
أنا : ايه؟ قول؟
تيستو : لازم تحب البنات عشان اقدر أديك مفعولي
أنا : بس أنا مش بحب حاجتهم!!
تيستو : ما تحبش حاجتهم ليك بس حبها عليهم
أنا : طيب ماشي يلا بقى
تيستو : و زي ما قولتلك في أول كام سنه هتحس ان شكلك بقى غلط بس صدقني كلوا هيتظبط و هتوصل و انت عشرين سنه و هتبقى أجدع من أحلاها موزه
أنا مفعول جمالي طويل الأمد و هيفضل معاك مدى الحياة مش زي هرمونات تانيه آخرها 30 سنة
و اسأل علينا في السوق . عندك عمرو دياب أهو زي الفل
أنا : آه فعلا

تيستو : ها ...جاهز
أنا : جاهز طبعا

طارق ...طير انت
:shiny01:

كفايه كدا صح
الباقي في موضوع المستنقع الي عايز يبقى يشوفه

وياترا كونت طفل عادى ولا مشاغب

وياريت تقولى موقف لس فاكرة عملتوة وانت وصغير

يعني لما كان يجيلي نفس أبقى مشاغب كنت ببقى مشاغب
بشاغب عشان أتسلى
يعني تجيب كيس مايه و ترميه على حد من فوق ,,حاجات من دي

3-دكتور ايام الثنوى كونت طالب مجتهد مش بيفكر غير فى دروسة

ولا كان ليك بنت الجيران اللى ديما شغلاك
ممكن تقولنا مجموعك فى الثنوية كان كام

و الله لا كان في بنت جيران و لا بتنجان
البنات كانت عمله نادره اصلا في البلد الي كنت فيها :biggrin:
أما بالنسبة للمذاكرة و كدا ,,كنت بذاكر ليلة الامتحان بس باستثناء الثانوية العامة الي هي كانت اخر سنة بس ,,ماكنش في وقت للصياعة

بس أنا عندي نظرية في الحب و كدا
اذا كنت بتفكر ان الحب يعني سعادة أبدية فانت واهم
لأنك لما هتحب هتلعب على وتر مشاعرك الي الطبيعي بتاعها بتكون في وضع سكون
لما تهز الوتر الوتر بيطلع فوق و بينزل لتحت ,,هو دا بالظبط وضع الانسان الي بيحب
يوم فرحان و سعيد أوي ,,و يوم مكتئب و تعيس جدا
و في كلا الحالتين مش بتكون انسان طبيعي

واحد هيقولك انت متقعد ,,لأ مش متعقد ولا حاجه بس بتكلم بشكل واقعي ,,عمرك ما هتشوف واحد بيحب بقاله سنة مثلا و سعيد جدا طول السنة دا لو عاشرته,,ممكن بيكون في حالة رضى أحيانا ,,لكن استحالة سعادة ابدية

4-انت دخلت طب اسنا بختيارك ولا مجموعك هو اللى دخلك

ولا دى كانت رغبت اهلك
طيب انت لية ما فكرتش تدخول طب بشرى
طيب لو كانت طب اسنان اختيارك اية اللى حبيتو فيها

رغبتي ,,محموعي كان يدخلني طب بس أنا شوفت أخ ليه في طب بشري و أخ تاني في صيدلة فمش حبيت ابقى قلود :biggrin:
و قولت أختار سكة و طريق لواحدي ,,لأني بكره التوجيه و السيطرة
أما اني ليه اختارتها ,,فدا عشان بحب صوت البتاعه الي بتعمل زززززز هههههه

5-لو دخلت جو طارق وسالتة حبيت كام مرة قبل كدا

ياتر فى وحدة فى حياتك حاليا
ولو كان فية ممكن تقولنا اذا كانت من الجامعة ام من المنتدى
ولو كانت من المنتدى اكيد هتشوف الحوار تحب تقولها اية

حبيت كام مره ههههههه
مره و نص :079: ,,بجد مش هزار
أول مره كانت نص حب كدا ,,أنا مش بعتبره حب حب يعني و تاني مره كان حب ,,دا طبعا على مدى ال23 سنة الي عشتهم ((في ناس مفكره اني مقطع السمكة و ديلها و قاعد و مقضيها ,,و أنا غلبان مش في دماغي اصلا :biggrin)

هقوله ايه؟ ,,أتمناله الخير أكيد في حياته و التوفيق

أما حاليا ,,فمش في دماغي
كدا تبقى فري و مزاجك قشطة ,,مش تبقى عايش تحت رحمة مزاج حد
و لذلك لو فكرت احب مستقبلا مش هربط نفسي غير بشخص هحس اني هقدر ارتبط بيه بشكل جاد و دا يتوقف على جدية الطرفين في العلاقة (و كلو بيبان من البداية:biggrin

6-دكتور انت كونت راضى عن نفسك ايام الدراسة من نحيت اعطاء الدروس حقها

لأ مش راضي
كان بامكاني أكون أفضل بكثير ,,بس كنت هحتاج مجهود طول السنة
يعني مش هتشوفيني في المنتدى :biggrin:
دا لأني بطيئ جدا في الحفظ ,,مافيش ابطئ مني
بقرأ من هنا و بيخرج من الناحية التانية
أما الفهم فسريع جدا
بس للاسف الكلية تلت تربعها حفظ و كلام فارغ عبارة عن حشو في المناهج عشان تنزله في ورقة الاجابة بتاعت الامتحان ,,على عكس العملي بتاع الكلية الي هو اصلا الاساس في مهنتك ,,دا بيكون سهل و مفهوم انت بتعمل ايه

7-لو دخلت جو طارق وسالتة ماذا يمثل لك المطبخ

واية اكتر اكل بتحبها
واى انواع العصير تفضل
وياترا انت تعرف تطبخ ولا
ولو كونت تعرف تطبخ وجوزت وطلبت منك مراتك تسعدها هتسعدها ولا هترفض

علاقتي بالمطبخ شبيهة بعلاقتي بالحمام
يعني بفتح التلاجه اشوف اكل بتاع بس مش اكتر
و طبعا كدا جاوبتلك على باقي الاسئلة و لا لازم نجاوب يعني بشكل صريح :biggrin:
بتعرف تطبخ لأ
ممكن تساعد مراتك آه ممكن ,,بس يكون مزاجي حلو كدا عشان أنا هعاكس أكتر من اني هساعد :sml39:

أكتر عصير مانجا
أكتر أكله كتير
كل انواع المكرونة مثلا و غيره

8-ممكن تحكيلنا شوية عن دور والدك وولدتك فى حياتك

وتحب تقولهم اية

من غيرهم ماكنتوش هتشوفوا حد اسمه سيلفر سبيكترا
كان ممكن ربنا يحط روحي في جته تانية ههههه
أطلع بتاع كباب و كفته و لا حاجه:sml39:

9-من هو صديق طارق المفضل من خارج المنتدى

ومن هو داخل المنتدى

في كذا شخص
و بحكم حياتشي كمان ماكنتش ثابت في مكان معين فممكن كل مكان تطلع فيه بشخص او اتنين و تفتقدهم بتركك للمكان دا
أما في المنتدى ففي برضو كذا شخص ترتاحلهم أو تحب تتكلم معاهم ,,مع اني قليل الكلام و فاتح سياسة طول اليوم:biggrin:

10-ممكن تقولنا اية احلا خبر سمعتة

واوحش خبر سمعتة

أحلى خبر دايما لما تنجح
مافيش اسعد من دي لحظة
و أسوء خبر هو وفاة اي شخص عزيز عليك

11-اكيد طبعا بعد التخرج هتفتح عيادة

لو جالك مريض حالتة المادية تعبانة هتوافق تساعدة وتراعى حالتة
ولا هتكون اهم حاجة عندك الماديت

لو سألتي السؤال دا لأكبر نصاب في مصر هيقولك اه هساعده :biggrin:
بس أنا هجاوبك بموضوعية
هل انت لو ماشي في الشارع هتساعد كل المحتاجين الي هتشوفهم؟
ممكن هتساعد واحد بس و هنطش الباقي
أنا مثلا لما بروح الكلية بعدي على غلابة كتير من الي بيتعالجوا في المستشفيات الجامعية ببلاش
طول ما انا ماشي بسمع كلمة لو سمحت ,,لو وفقت و كلمته هيقولك اقل حاجه عايز 2 جنيه افطر بيهم مثلا
فبتتعود بعد كدا انك تطنش لأنك مهما تساعد مش هيخلصوا

فهنا بتبقى المساعدة نسبية
يعني انت ما تقدرش تساعد كل الغلابه في عيادتك و في نفس الوقت تبقى جاحد لو ما ساعدتش خالص
و عامة الغلابه بيروحوا المستشفيات الحكومي و هناك كلو شغل خلع :sml39:

فالمساعدة مش بمعنى انك هتساعد الكل
بتساعد على أد ما تقدر ,,أو على أد نيتك

12-لو دخلت جو طارق وسالتة عن موقف حدث معاك ايام الجامعة

ما زال مؤثر فيك هتقول اية

كتير بس هقولك الي في بالي دلوقتي
مره كنت رايح اسأل على معاد امتحان العملي بتاع مادة من مواد طب ,,بالمناسبة يعني مواد طب دي ما بتتحضرش غير في الامتحان بس :biggrin:
المهم اني طلعت للقسم لاقيت واحده بتقولي هتمتحن ..بقولها بسأل لاقيتها راحت مدخلاني اوضة الدكاتره و بتقولهم دا لسه مش امتحن
و لاقيت الدهشة على وجوه الدكاتره!!:198:
ما امتحنتش!! ,,خلاص الامتحان خلص و ماجتش ليه من بدري و واحد منهم كان عمال بيزعق و تعالى الدور التاني بقى امتحن
و أنا بقى مش مستوعب و خلوني انسى اسمي حتى ,,و بعدين افتكرت و بقولهم يا اخونا أنا طب اسنان على فكرة
لاقيتهم ,,طب اسنان ,,مش تقول يا خويا (دا طبعا بعد يجي عشر دقايق كدا)
امتحانك بكرا يا حبيبي
طبعا الواحد اخد نفس عميق و كان نفسه يسجد سجدتين شكر :biggrin:

في عندي موافق كتير في الشفوي ,,لأني بصراحة ماليش في الشفوي و بعد اتفرج على خلقة الدكتور و بركز في شعره و مناخيره و حاجات غبية كدا و هو بيسألني:sml39:

13-دكتور ممكن تقولنا هويتك المفضلة
تسلق الجبال:biggrin:
ماليش هواية محدده ,,لاني بجرب حاجات كتير لكن مش هقدر اقول اني متمرس فيها
لأن باعتقادي كلمة هواية يعني شيء بتحبه جدا و محترف فيه بدرجة ما
و أنا مش بدوس في اي حاجه جامد ,,بحب اشرب من كل كوباية بؤ

14- الكورة ليها دور فى حياتك

ولو كان ليها دور انت اهلاوى ولازملكاوى

كلعب و احنا صغيرين
لكن عمري ماكنت متعصب كروي
وراثيا اهلاوي ,,بس حاليا أنا اشجع الي يلعب كويس
الاهلي مثلا مستواه تعبان و الزمالك مستواه كويس ,,ما اعدش احقد و اشتم زي الاهبل في الزمالك و اتمنى انه يخسر ,,لأ بالعكس طالما بيلعب كويس اشجعه ماهو في النهاية نادي مصري
أنا بكره التطرف او التعصب أصلا
لأن مش بيكون في مخ :biggrin:

15-دكتور الثورة كان اية دورها فى حياتك

وبما انك موجود فى مصر خرجت مع المتظاهرين ولا كونت فى البيت بتتفرج عليهم على التلفزيون
ياترا مصر بعد الثورة عجباك

كنت بخرج آه هنا في دمياط
أنا صالا سياسي قديم ,,يعني من و أنا 13 سنة و بتابع اخبار
السياسة مش حاجه جديده عليه دخلتلي مع الثورة
و لو بحثتي هتلاقيني كنت كتير بتكلم في مواضيع سياسية من زمان ,,فالحمد لله عندي وعي سياسي كاف اقدر بيه ارشح نفسي لرئاسة الجمهورية :sml39:

16-لو قولتلك كلمت بحبك هتقولها لمين

واسف هتعتزر لمين

هقولها لخطبتشي ,,بس احنا الأول ندور عليها

- المنتدى يمثل اية بالنسبالك

وياترا بعد ما هتفتح عيادة وتتشغل بمرضاك هتفضل فى المنتدى ولا خلاص

هتسيبة

المنتدى من غيره بحس بملل فظيع
اما ان شغلي ياخدني من المنتدى اقعتد ممكن هياثر على فترات تواجدي نوعا ما
بس ما اعتقدش اني هنقطع بشكل دائم الا اذا شاء الله
و ماحدش عارف المستقبل فيه ايه

تحب تقول اية لمشرفين المنتدى

ولااعضاء المنتدى

نتمنالهم كل خير دايما

وانتهت الاسئلة مع ضفنا
اللى كان منورنا
ومنور الحلقة
وهو دكتور طارق
شكرا ليك يا دكتور
وبجد انت نورتنى
السلام عليكم ورحمة الله وبركاته

يارب الحلقة تنال اعجابكم
والاسئلة كمان
اتمنا تفاعلكم