حلقات برنامج ( حوار مع الكباااار )

[game010]

برنامج جميل جدا جدا جدا
وعضوا جميل جدا جدا جدا
وبصراحه الاسئله جميل وكتير
وبرنامج شايق جدا

[خارج عن القانون]

هههههههههههههه
الادارة والاعضاء ايد واحدة
يعيش الملك يعيش الملك
هههههههههههههههه

[misho]

عايز اقوال حاجه ياريت تدوم بينا روح الاخوه والمحبه واحنا كلنا اخوات

واحنا هنا علشان

نفك عن نفسنا من ضغوط الحياه وعايز اقوال كلمه

اللي زعلان معا صديق ليه او عضو

ياريت يروح يصالحوو

فلت منك الجزء دة يا ماتركس
حلوة الحلقة ومليانة بحرية التعبير عن الرأي
بهنيكم بجد علي النجاح في الحلقة
بالتوفيق

[Mo7aMaD 3aLa2]

اقتباس ايه بس الجمااال والحلاوه دى بصراحه برنامج رااائع يامحمد وحوار وأسئله تووووووووحفه واستضااافه هااايله لاأحمد واجاباته المتزنه الجميله الى وضحت أشياء كثيره كانت واضحه وكلنا ملمين بيها وعلى درايه بمضمونها وكلاموا أيضا القيم ودورا كاادارى منتخب والى الكل فعلايشهد ليه بمجهودوا الطيب الى كان بيبذله للمنتدى من غير مقااابل ومن قبل ما يبقه ادراى منتخب بحييه فعلا على اجاااباته وبحييك يامحمد على الحلقه الرااائعه وفى انتظااار الحلقاات القااادمه بالتوووووفيق وأجمل خمس نجوووووووووووم

تسلمى يا عاشقة دة بس من زوقكـ

وكويس اوى ان الحلقة عجبتك

نورتينا

..

[غزل]

متابعه باهتمام:تسبيله:

[angelgirl]

حلقة جميلة كتير يا محمد
واجابات اجمل وصريحة منك يا ماتريكس
يسلمووا على المجهود والحلقة الجامدة

[فنانه باسلوبي]

مرسي اوي على المجهود الجميل والاستضافه الجميله..
برنامج راقي وهادف..اسئله اتحطت بعنايه وتحديد..
ماتركس هو الجدع الطيب الخلوق والمنتدى بيشهد له بكده
وطبيعي جدا يكون فيه حد بيعزك وحد بحقد عليك (اعداء النجاح)
بس الاول بيعززك والتاني بيزيد قوتك..وابتسامتك وتعاملك الطيب
هيخلي اي حد بيستفزك يخجل من نفسه
وطبعا الاصوات ونجاح البرامج اللي بتنورها دليل على ثقتك...وثقه الاعضاء بيك
والنفس بتنفر مالغرور وبتحس بيه يعني لو كنت مغرور
مش محتاج حد يقولك : انته مغرور..هتلاقي نفسك بقت لوحدك..
شعبيتك دي دليل تواضعك وصدقك وتستحق منصبك الي كنت واخده بشرف المنافسه النزيهه
واول واخر ده منتدى وممكن بيت تاني مهما حاول العضو(بتكلم عن الي بيشتم ده ويمدح ده ويحاول يلاقي نفسه مع الكل بطرق ملتويه)
يجامل وميكونش واضح مع نفسه
والي معاه هيبان وزي ماقال احمد الشريف يشوه صورته هوه
ويبقى زي الشجر المتسلق..ده الي بيلتف حوالين الشجر المثمر...
بالتوفيق لاحمد..
ومجهود جميل للقائم على البرنامج.

[countess]

حلقات جميلات يا شباب

تشكرات افندم

[morshooo]

طووووووووووووويب هو التوبيك اتقفل صحيح

بس انا كمشرف القسم ليا رد طبعا

اولا انا مشوفتش الحلقه كلها

يمكن قريت تخاطيف كدا بس الى يهمنى حاجا واحدة فقط

يكفينى ان اصحاب التوبيك الجميل دا

تعبو نفسهم فى اعداد الفكرة اولا

ثانيا فى وضع الاسئله بالشكل دا

ثالثا فى رد الضيف وتعبه برضو

وطبعا دا رائيهم ومش هعلق على الاجابات

والا هدخل اقول ان الاسئله متظبطه ^_^

بس يكفينى ان اصحاب التوبيك تعبو عشان يعملو توبيك بالشكل دا واتمنى ان يستمر التوبيك

ونشوف حلقات تانيه بنفس الحريه دى :biggrin:

بصراحه حلقه جامدا جدااا واحسن 5 نجوم

واجمل تقييم كمان لصاحب التوبيك

تم التثبيت كمان

والسلام ختااااااااااام

[Mo7aMaD 3aLa2]

النهاردة حلقتنا هتبقى حلقة مهمة جدا ومواكبة للأحداث اللى بتحصل فى مصر وتحديدا ( احداث ماسبيرو ) بكل تفاصيلها وابعادها سواء على المستوى الداخلى او الخارجى ومعانا ضيف متميز جدااا صاحب رأى مثقف و واعى وهو الادارى المتميز SiLver Spectra فـ البداية قبل ما نعرض الحوار أحب اوضح باختصار اساس القصة عشان اكيد هيكون فى ناس مش عارفين القصة من بدايتها . القصة بإختصار تبدأ من وجود كنيسة صغيرة قديمة تدعى (مارجرجس المريناب ) فى محافظة اسوان ( اتقال من الجانب الآخر انها مضيفة وليست كنيسة ) ,, المهم ان المكان كان قديم جداا ويحتاج الى ترميم وتمت المعاينة وثبت ان المكان يحتاج الى اعادة بناء بالكامل وتم موافقة الجهات المختصة على ذلك (لكن على الجانب الاخر بيتقال انة تمت الموافقة على اعادة بناء مضيفة وليست كنيسة ) ،، اثناء اعادة البناء قام بعض الافراد بالتعدى على المكان وقاموا بحرقة ومنع سيارات الاطفاء من الوصول الية ,, ودة طبعا أثار غضب المسحيين اللى تقدموا ببلاغات ونداءات للمحافظ والمسؤلين وتقريبا كانت النداءات دون جدوى ,, (أو كانت على غير رغبة المسيحيين) من هنا شفنا مظاهرات واحتجاجات تحولت الى احداث مؤسفة و أدت الى وقوع 25 قتيل و 317 جريح حسب آخر احصائية . و دلوقتى نشوف الحوار ,, 1/ بداية الموضوع كان يبدو كخلاف او مشكلة عادية قابلة للحل .. اية سبب تطورها الى مظاهرات واحتجاجات من وجهة نظرك... هل هو بسبب تقصير او تجاهل من المسؤلين ولا فكرة الفوضى لا تزال تسيطر على تفكير الافراد لدرجة تخليهم يتعدوا الخطوط الحمراء بدون خوف ولا اية بالظبط ؟ المشكلة في النفوس دي مش مشكلة عادية نهائي و قابلة للحل دلوقتي أنا عايز افهم ,,يعني ايه كنيسة مش مرخصة فنقوم نحرقها و نكسرها بادينا!! هي فوضى!! دي ما بتحصلش لو حد بنا بيت و تعدى على أرض الدولة و بنستنى الحكومة الي تيجي و تعمله ازالة ,,تيجي انت كفرد و تحرقلي مكان مقدس!! دا يدل على الكره الي في النفوس ناس بتتربى على كره الآخر و عدم القبول بيه ,,و الي بيحرضهم للأسف بعض الشيوخ ,, يقولك دا مسيحي كافر و دا مسيحي معرفش ايه تتوقع الرجل البسيط لما يسمع كلام من دا و يشوف كنيسة جنبه بتتبنى هيعمل ايه!! هياخدها بتفاهم و طلب من الدولة و لا هياخدها بالحرق و الضرب و القتل!! 2/ سمعنا وشوفنا تصريحات من محافظ اسوان عن ان الخطأ من البداية كان من جانب المسيحيين بالنسبة لموضوع الكنيسة او المضيفة ... هل من وجهة نظرك ان دى تبدو تصريحات حكيمة فى الوقت دة من شخص مسؤل ؟ بص هو في تضارب الاقوال بشأن الكنيسة دي اذا كانت مرخصة أو لأ ,, بس ايا كان ماينفعش أتعدا عليها بالمنظر دا نهائي في حاجه اسمها قانون مش بقولك ان الي يعمل كنيسة بدون تصريح عادي ,,غلط ,,لكن ماينفعش تواجه الغلط بغلط و بالنسبة لتصريحاته فطبعا تصريحات خيبانه ,,بدل ما يفتح تحقيق و يجيب الناس المسؤولة عن حرقها ,,يقولك اصل و الله ماكانتش مرخصة ,,قمة الاستهزاء 3/ كان فى بيان للمجلس العسكرى بخصوص احداث ماسبيرو ..اية تعليقك علية ,, وهل ثقتك فـ المجلس العسكر قلت بسبب تزايد احداث فوضوية متكررة وآخرهم احداث السفارة الاسرائيلية ؟ المجلس العسكري كإدارة لشؤون البلاد فاشل جدا شوية عواجيز عايزين حد يفكرلهم و مش بيتحركوا غير لما البلد تولع و كل مره نفس السيناريو الاجراءات ماتحصلش الا بعد ما يحصل عليها ضغط و مظاهرات ,,لأنه مجلس بفكر متجمد مش بيقبل التغيير في حين انت كنت في مرحلة انتقالية محتاج حد يشطح معاك في التغيير يعني مثلا قانون دور العبادة الموحد ,,دا ان شاء الله كدا هيطبق امتى؟ و لا هو كان مستني احداث امبارح و موت حاجة و تلاتين واحد عشان يفكر و يقولك هنطبقه بعد اسبوعين!! 4/ فى البيان اتكلم المجلس العسكرى عن تنبية بعدم الانسياق لما يحدث وقيعة بين الشعب والجيش ...تفتكر فى اصابع خارجية فعلا ليها هدف من كدة ؟ موضوع الاصابع الخارجية دا كلام فاشل و حجة فاشلة محروقة زهقنا منها ,,المشكلة في النفوس زي ما ذكرت و لما تبقى المشكلة في النفوس الدنيا بتولع على اقل حاجة ,, يعني مسلم يشوف كنيسة جنبوا بتتبنى فيقوم مطلع كل الكره الداخلي المختزن داخليا جواه أو تحصل حالة اغتصاب يقوموا مولعين بيوت المسيحيين كلها في القرية و غيره بلاش بقى كل حاجة نعلقها على الايدي الخارجية باعتبار اننا ملايكه , شوف الشيوخ بيقولوا ايه و رجال الدين بيدعوا لايه بشكل غير مباشر من الطرفين و انت هتعرف اساس المشكلة و انت كمان مش بتتكلم عن ناس دخيلة عليك ,,أو عمالة اجنبية ,,لأ دول نسيج المجتمع بتاعك لو فضل كدا النسيج قابل للاشتعال على اقل حاجة يبقى نستاهل يتعمل فينا اي حاجة من دول خارجية 5/ دلوقتى كان فى مسيرات سلمية من قبل محتجين مسيحيين ,, حصل سيناريو ما .. أدى الى تحولها لمعارك دامية .. تفتكر اية المبرر اننا مع كل اختبار حقيقى بنفشل فية و بيظهر الموضوع على أنة فتنة طائفية ؟ سوء ادارة من الجيش هو المفروض يكون داري بغضب الاقباط بسبب حرق الكنيسة و ان المسؤولين عن الفعلة دايما لا تتم محاسبتهم أو معرفتهم و الاقباط نفسهم بقوا سلبيين جدا و حاسين انهم مضطهدين بشكل غير طبيعي حاولت اتافهم معاهم في موقع تابع ليهم بس مافيش أمل :biggrin: شايلين جامد أوي 6/ اذا جينا نقارن بين سنة 2010 وسنة 2011 هنلاقى ان المشاكل الطائفية كانت أكتر فى 2011 والسنة لسة مخلصتش .. دة معناة ان فكر المواطن المصرى سواء مسلم او مسيحى بيتغير للأسواء مع الوقت وبالتالى بتبقى فرصة وجود الفتنة اكبر ... اية سبب دة من وجهة نظرك ؟ تقدر تقول انفجار الحرية و ضعف الشرطة أصلا المصريين بطبعهم يحبوا يتساهلوا ,,يعني مثلا واحد يحرق و يكسر منشآت عامة و الناس كل الي تعمله انها تهديه و بس يا فلان و يزقوه و خلصنا ,,بدل ما تمسكه و تقدمه عشان يتحاسب عن انفعاله و تعديه على الممتلكات الخاصة فدا بيعمل نوع من التساهل و بيخلي الظاهرة تتكرر طالما مافيش رادع و عامة انت في فترة انتقالية السيناريوهات دي واردة خصوصا في مجتمع متدين سواء مسلمين أو مسيحيين قبل كدا كنا عايشين في نظام قمعي ,,فالناس ماكانتش متعودة تفكر ,,كانت متعوة تخاف بس عشان تعودهم بقى على التفكير هتاخد وقت 7/ بنشوف كتير حملات من خلال وسائل الاعلام عن الوحدة الوطنية من افلام واغانى واعلانات هدفها التوعية و وقد الفتنة ... انت شايف ان الحاجات دى بتأثر ولا احنا سايبين جزور الموضوع و بنضحك على نفسنا ؟ بتأثر أكيد بشكل نسبي لكن زي ما قولتلك انت أهو بتعمل أغاني و بتنشر توعية و مسلم مسيحي ايد واحده قصاد كدا بتلاقي شيوخ طالعين يقولولك أخواتنا المحتجزات في الأديرة,, يعني اسلوب الخطاب نفسه مش بيعجبني و بيشحن النفوس 8 / هل الاحداث الاخيرة من وجهة نظرك هتأثر على الانتخابات القادمة ... بالتأجيل مثلا ؟ لأ لو قبل الانتخابات على طول ممكن تاثر شوية لكن الانتخابات لسه بعيدة شوية فمش هتفرق طالما الوضع هدي 9/ هل الجيش او الشرطة يتحملوا مسؤلية وقوع كل الكم دة من القتلى والجرحى .. ولا الموضوع كان خارج نطاق السيطرة ؟ الموضوع خرج عن سيطرتهم بس هما اصلا المسؤولين عنه و عن حماية البلد طب ماهو دا الي حصل ايام الثورة خروج عن السيطرة أدى لوقوع أكثر من 800 شهيد و طبعا فارق العدد بيرجع إلى أن وقتها كان الشعب كلو منتفض مش الف و لا عشرة آلاف واحد 10/ من وجهة نظرك اية هى الحلول الواجب ايجادها لتقليل معدل حدوث المشاكل والفتن الطائفية فى مصر ؟ يكون في توعية أكثر و الناس تشيل أم الكره دا لأن الواحد لما بيشوف حاجات من دي بيحزن جامد و ممكن اعصابه بتبوظ ماحدش هيكسب في النهاية غير ناس هتموت عالفاضي و شوفنا دا حصل في لبنان في الحرب الاهلية الي قاعدت اكتر من عشر سنين و مات مئات الآلاف و في النهاية اكتشفوا ان كل دا غلط و انهم كل الي بيعملوه هو إنهم بيدمروا في نفسهم 11/ اكتر من مرة سمعت تعليق من مسيحيين غاضبيين عبر وسائل الاعلام حتى فـ ايام كنيسة القديسين وغيرها بيرددوا مقولة ( لو حقنا مجاش امريكا تجيبهولنا !!!) من وجهة نظرك اية اللى يدفع مواطن مصرى للتبرأ من جنسيتة واستعانتة بقوى خارجية ؟ و هل امريكا ممكن تتدخل فى حاجة زى كدة ؟ أمريكا عمرها ما تدخل و لا تقدر تدخل لكن لو هنقول ايه الي بيخلي مواطن يقول كدا . شعوره بالاضطهاد زي شعور المواطن السوري الثائر على نظام بشار ,, مافيش بايده حاجة يعملها لكبح قبضته الحديدية فبيلجا لمجلس الامن و للغرب و بيطلب منهم فرض عقوبات للضغط على النظام و خلي بالك اي بلد بيشوف احداث مصر و بيشوف غضب الااقباط على طول بيصنفك على انك بلد مش بتحترم الاقليات 12/ فى مصر حوالى 80 مليون مسلم و 5 مليون مسيحى ... هل انت شايف انة المسيحيين المصريين مظلومين فى مصر لانهم اقلية ؟ هما أكتر من 5 مليون ,,مش اقل من 8 مليون و نص و في تقديرات بتقول انهم عشرة مليون أنا زي ما ذكرت دول مش عمالة وافدة و لا أجانب فهنفرض عليهم الي احنا عايزينه لأ دول نسيج الوطن نفسه ,,لازم يكون ليهم احترام كامل و حقوق متكاملة يعني كمثال بسيط عارف لو تعديت على اراضي الدولة الزراعية و بنيت مسجد؟ مش هيجيله امر ازالة و هيتساب عادي جدا لأن المساجد مش بتتهد نهائي ,,عايز تعمل مسجد على ارضك الزراعية انت حر في حين الكنيسة بيعملولها 500 اجراء و لازم رئيس الجمهورية يوافق و المحافظ يوافق ,, و ممكن محافظ مزاجه وحش شوية يقولك كنيسة مين بس بعدين و تلاقي مثلا الكنيسة متشمعة بقالها 3 سنين عشان تتجدد و المحافظ بيأجل تجديدها!! في احصائيات بتقول ان مصر فيها أكثر من 100 ألف مسجد في حين الكنائس اقل من 3 آلاف كنيسة لو حسبتها بنسبة و تناسب هتلاقي الفرق كبير جدا واحد هيقولك اصلهم اقلية انت عايز البلد تبقى كلها كنائس!! طب انت بتقول أهو انهم اقلية ,,مضايق في ايه زي فكرة انك تقول مثلا و الله ماينفعش يحكمنا رئيس مسيحي طب انت منين بتقول عايز ديمقراطية و منين بتقول مايحكمناش و اصل ما ينفعش هو مش في حاجة اسمها صندوق انتخابي و الشعب هو الي يقرر؟ خلاص خليه يرشح نفسه و طالما هو من الاقلية فعرمه ما هيفوز ,, لو فاز يبقى و الله الاكثرية عايزاه فأنا مش فاهم ليه الخوف و ليه دايما نطلع بحجة الاقلية 13 / بعد انتهاء احداث ماسبيرو ويوم جديد بدأ وكانت الامور تقريبا هديت تماما ... لقيت خبر بتدمير سيارة شرطة واشعالها !! الامر اللى ينبأ بوجود مشكلة وثأر ابدى بين الشعب والشرطة .. اية الحل من وجهة نظرك؟ أنا بس بستغرب من مظاهرات الجمعة الي فاتت بتاعت (عودوا لثكناتكم) ,, دا باعتبار ان خلاص الجيش ماعتش له لازمة و الشرطة قايمه بالواجب و زيادة!! دا لو اقل حاجه حصلت هيمسكوا بتوع الشرطة و هيمرمطوهم!! أتوقع الجيش هيفضل يأمن المنشآت لفترة كبيرة جدا ,,ممكن تمتد لسنين لأن علاقة المواطن بالشرطة لحد دلوقتي مش سليمة و اعتقد عايزه سنين طويلة عشان تتحس شوية دا لو اتحسنت باقيت عامله زي علاقة الطالب بالمدرس كدا انه يعد يشاغب و يغلس عليه:biggrin: 14 / دلوقتى بدأت التحقيقات فى احداث ماسبيرو ... انا عايز اعرف هيكون مين الجانى ؟ لو بصينا للموضوع بنظرة شاملة هنلاقى ان كل الاطراف مجنى عليهم !! أكيد ,,يعني الصور الي ظهرت لناس ماشية بعصيان و بتكسر في السيارات مناظر غير سارة لكن انت لو عايز حل يبقى تحل راس المشكلة مين الي تعدا و خرق القانون و راح يحرق كنيسة بمزاج الي خلفوه بدل ما يقدم بلاغ للدولة انها مثلا بدون تصريح ان كانت فعلا بدون تصريح؟ دي هي اول المشكلة زي لما تحقق في حادث سيارتين ,,مش بتحقق مين شتم مين بعد الحادث ,, لأ بدور على اول المشكلة و هو دا العقاب الاساسي لكن دا مش يمنع اننا نعاقب كمان اصحاب ردة الفعل في احداث فوضى 15/ فى النهاية تتوقع ان مستقبل مصر على المستوى الطائفى هيكون افضل ولا هيزداد احتقان ؟ بص هو الشعب المصري مش شعب طائفي بطبعه و لا قبائلي حتى ,, يعني ما بيحبش العنف لكن الخوف ان احداث العنف في يوم تطور فجأة و توصل لتفجيرات و اعتداءات متبادلة ,, وقتها هيكون صعب انك تسيطر عليها ,,بس ما اعتقدش اننا ممكن نوصل للمرحلة دي زي ماذكرت لاننا شعب مش طائفي آخره تحصل شوية احداث ادام ماسبيرو و يبدا الكل يسكت و يلم نفسه و زي ماحصل برضو ادام السفارة الاسرائيلية ,,الكل لم نفسه بعدها على طول لو كنا بتوع عنف و طائفية كان الوضع اطور و استمر على نفس الوتيرة من اول حدث شغب طبعا فـ النهاية بشكرك يا طارق على قبول الاستضافة وارجو انى مكونش اغفلت عن جانب من جوانب الموضوع لا و الله استضافة جميلة و اسئلة في الصميم استمتعت منها بس مش أنفع محلل سياسي برضو و ابقى مشهور و أطلع في الفضائيات؟:biggrin: تنفع جدا :biggrin: ,, أكيد كنت منورنا يا طارق بآرآء عقلانية جدا وان شاء الله الحلقة تنال اعجاب الاعضاء ومن حق الجميع طبعا توضيح وجهة نظرة والتعقيب على الموضوع لكن بدون التعقيب على تعقيب وانتظرونا فى حلقات اخرى قريبا لبرنامج ،، ..