حوار مع مذيعه سنة 2050

[esraa gamal]

حوار مذيعة عن ذكريات عجوز سنة 2050

برنامج ليت الشباب يعود يومآ





المذيعه: اسم حضرتك

المواطن: الحاج بودى

المذيعه: احكى لنا شوية عن ايام زمان

المواطن: أحكى ايه ولا ايه ولا ايه عن زمان ....والنبي متفكرنيش بايام العز....ايام الرخص ..... ايام الإحترام




ده انا مثلا فاكر من حوالى 40 - 45 سنة كدة كان الواحد مننا ياخد من ابوة المصروف 20 جنية فى اليوم وكانوا بيكفوا ومبيفتحش بقوا ......
مش زى دلوقتى
الله يكون فى عونكم .... دة أنا فاكر إن عمرى ماناقشت بابى الله يرحمة فى المصروف





زمان الواحد كان محترم فى لبسة كان الولد لابس البادى والبنطلون الجينز الديرتى المقطع وخلاص
والبنت تلاقيها ماشية بإحترام لابسة المينى جيب والبادى الضيق او البنطلون الاسترتش وخلاص لكن لبس اليومين دول مايتوصفش ....... اجارك الله





زمان المصاريف محدودة
فين أيام كيلو اللحمة بـ45 جنية بس وكانت الدنيا رايقة خالص مفيهاش زحمة زى الايام دى

..... يا سلالالالالالالالام كانت ايام



وبعدين زمان كانت ابواب البيوت تتقفل من بدرى

يعنى الساعة 4 الفجر كدة

وكانت الابهات ليهم شنة ورنة .....يعنى ماتلاقيش حد بيعللى صوتة على ابوة ولا بيمد ايدة على امة غير لو زعقولة او ابتدوا معاة بالصوت العالى




.....زمان كنا بنذاكر على الاغانى الطربية الاصيلة
ايام الفن الاصيل
فين ايام اغنية بحبك يا حمار والعنب العنب وقوم اقف انت بتكلمنى ..... شايفة الاحترام والذوق
وكانت الاغنية بتقعد 3 دقايق متواصلة .....مش زى اغانى اليومين دول
فين ايام المطربين العظام زى الست هيفا والست روبى والأستاذ بعرور وسعد الصغير بس دلوقتى تلقية كبر خلاص





زمان كانت البنت لما تقابل صاحبها اللى بقالها كتير ماشفتوش تبوسة وتحضنة بس

يا سلام على التربية مش زى بنات اليومين دول قللات الأدب





وبصراحة بقة كانت المذيعة تقعد قدام الضيف او جنبة مش على رجلة زى ماإنتى عاملة كدة

المذيعة: قول للزمان ارجع يا زمان

[برنسس ساره]

ههههههههههههههههههههههههههه
لا جامده يا اسراء
تسلم ايدك
انا خلصك من الصوره المعفنه اللى سهر قيلالك حطيها
بس رجعتى صوره تامر القديمه ليه

[princess bosi]

ههههههههههه
تسلم يدك
هموت من الضحك
جامدة جدي

[aya1994]

هههههههههههههههههههههههههههه

جمدا جداتسلم ايدك