عـودة و نـدم..... و لـكـن!!!

[Lost Pearl]

انا كنزي عندي 18 سنة انا اتولدت يوم 2 من شهر بيقولوا عليه شهر النبلاء هو شهر سبتمبر كنت عايشة انا و ماما و بابا زي اي طفلة عادية .....فرحانين بيا بنتهم الاولي بقي لحد ما ف يوم من الايام اللي لحد دلوقتي انا معرفش هو ايه حصلت الصدمة بابا سابني انا و ماما .. سابلنا البيت .. ساب كل حاجة .. ((فجـــــــأة)) كبرت و انا من غيره ماما هي اللي عملتلي كل حاجة كبرتني و ربيتني دخلتني احسن مدارس و ساعدتني ف حياتي لحد ما دخلت الكلية اللي كنت طول عمري بحلم بيها قامت بكل دورها معايا بس انا كنت دايما حاسة اني عبء عليها لأنها من غيري كانت قدرت تعيش براحتها تتجوز و يبقي عندها عيلة كبيرة و زوج بجد يخاف عليها و يحترمها و مايعملش معاها زي ما بابا عمل احساسي بأني عبء عليها و اني السبب ف انها بتتعب و تشتغل عشان تكفيلي مصارف حياتي خلاني تلقائيا اكره السبب ف كل اللي حصل ((بابا)) كان كل يوم كرهي بيزيد ليه لدرجة اني ماكنتش بطيق انه حد يقول و لو مجرد اسمه قدامي مع ان ماما كانت دايما بتحاول تتلمسله الاعذار تقولي يا بنتي باباكي ماينفعش كدة يا بنتي روحي زوريه طيب حتي او اسألي عليه لكن انا عمري ما رضيت ابدا كنت بقولها اللي يتخلي عني و مايسألش عليا مايستاهلش اني افكر فيه حتي ف يوم من الايام بقي و انا راجعة من الكلية عادي لقيت عربية غريبة واقفة قدام الباب بتاع الفيلا بتاعتنا استغربت قلت يا تري مين جوة خبطت الباب لقيت ماما فتحتلي بس كان علي وشها نظرة غريبة اوي حسيتها قلقانة من حاجة سألتها في ايه مين هنا قالتلي ادخلي و انتي تشوفي دخلت الفيلا لقيت واحد قاعد ف ال reception و كان قدامه حاجات ماما مقدماهاله شاي بقي و cake و الكلام ده حسيت اني اعرفه قعدت اشبه عليه و هو باصصلي مش عارف انا مين اصلا كان عمال يبص لماما بنظرات بتقول ((هي مين دي؟!!)) ماما ندهتني قالتلي عارفة يا كنزي مين ده قلتلها مش عارفة حاسة اني عارفاه بس مش مجمعة اوي قالتلي بحذر ده بابا يا حبيبتي طبعا انا اتصدمت بقيت بصاله و مش عارفة اتكلم لساني مش قادر ينطق كلمة من المفاجأة ف الاخر قلت بصوت مبحوح ((بــابــا !!)) انا ماعنديش بابا........انا ماعنديش بابا قعدت اصرخ بلا وعي بالكلام ده و اقوله انت واحد غريب اطلع برة مش عايزاك قعدت ماما تهدي فيا و تقولي اسمعي الكلمتين و قرري, القرار ف ايدك انتي قلتلها اقرر ف ايه, ده انا حتي ماعرفتوش انا كل اللي بيني و بينه الصور اللي كنتي بتوريهالي من وقت للتاني الصور اللي انا ماكنتش بحب اشوفها و لا اقرب منها عايزاني افكر ف ايه؟؟ اخدتني علي جنب و قالتلي هو ده اللي انا ربيتك عليه هي دي اخلاق كنزي بنتي اللي الناس كلها بتشيد بيها و طايرة بيها السما حسيت اني باشوه صورتها قدامه بطريقتي اعتذرتلها و بوست راسها قلتلها ماتزعليش مني يا ماما و سامحيني و بعدين رحتله قلتله ازاي حضرتك عامل ايه قال الحمد لله تمام حمدا لله علي سلامتك قلتله الله يسلمك شكرا قالي بصي يا كنزي انتي كنتي صغيرة و انا ماكانش ينفع افهمك انا عملت كدة ليه بس كان غصب عني الحياة بجد صعبة اوي و ماكنتش قادر عليها و لا علي مصاريفك انتي و ماما فكل اللي كان ف دماغي اني اروح اشتغل ف مكان تاني بعيد اظبط نفسي عشان اعرف اشرفكو انتي و مامتك لكن انا ماكنتش اعرف ان مامتك رائعة كدة بجد ماكنتش اتخيل انها ممكن تعمل كل ده لوحدها انا غلطت اما فكرت اعمل كدة من الاول بس ده كان من زماااااان اوي من 15 سنة يا كنزي دلوقتي العمر بيعدي و انا نفسي ابقي معاكي انتي و مامتك من تاني بجد نفسي ارجعلكو و ترجعولي نفسي نبقي العيلة اللي كنا بنحلم بيها زمان انا و مامتك انا ماكنتش مصدقة اللي بسمعه من المفاجأة و الصدمة عايزة اقوله ((هو ده عذر.....طيب كنت خدنا معاك)) بس خوفي علي ماما خلاني اسكت و اسمع كلامه لحد اخر كلمة قالي مالك ساكتة ليه قلتله بسمع حضرتك للأخر اتفضل قالي ماشي و كمل كلامه قال انا ماكنتش اقدر اخدكو معايا مش عشان انا مش عايزكو بس عشان كانت هتبقي هي هي اصرف علي 2هنا زي هناك قلت لأهلي انا و مامتك يخلو بالهم منكو علي ما ارجع بس ماكنتش اتخيل اني هغيب كل السنين دي و انهم هيسيبوكو و فضل الحوار علي كدة اعذار و انا عمري ما كنت اتوقع كل كلامه ده بجد كنت مصدومة ف الاخر قالي بصي يا حبيبتي فكري براحتك و انا دايما موجود و بجد اسف علي كل شئ و مشي و قبل ما يمشي حضني و باسني علي راسي و قالي: ((فكري كويس يا كنزي انا عارف انك عاقلة)) مرت الايام ورا الايام و الاسابيع ورا الاسابيع و عدت اول سنة ف الجامعة و جبت امتياز كمان الحمد لله و بجد كان أحسن اب بيساعدني ف كل حاجة سواء كان ماديا او معنويا بيعامل ماما معاملة اكنها اميرة بجد حسيت انه ممكن نرجع زي ما هو بيقول و زي ما كان نفسي بجد اسرة واحدة عائلة واحدة اب و ام متحابين و انا بينهم حنيت اوي لوجوده هو و ماما حواليا قلت لماما علي قراري اني عايزة بابا يرجع لينا تاني فرحت اوي بيا بجد كان الفرحة باينة ف عينيها قررنا اننا نعزم بابا عندنا ف البيت و نقوله علي الخبر السعيد كلمته ماما قالته تعالي النهاردة الساعة 6 كنزي عازماك علي العشا قال اه اكيد و جه قبل معاده كمان كان الساعة 5 و نص ف البيت كان مبسوط و مزاجه رايق كدة و قاعد بيهزر و بيضحك معانا ((اب اتلم هو و عيلته تاني)) قلتله ((بابا)) انا عايزة اقولك حاجة و دي كانت اول مرة اقوله فيها كدة قالي أأمري يا حبيبتي قلتله احنا عايزينك ترجع معانا تاني قالي بجد انتي بتتكلمي جد قلتله اه فضل ساكت و بيضحك صوته متهدج مش عارف يقول ايه قاملي حضني اوي و قالي انا كنت متأكد لأنك متربية علي ايد احسن ست ف الدنيا عملنا حفلة كبيرة اوي يومها سهرنا و اتبسطنا و من ساعتها فضلنا دايما مع بعض و ايدنا ف ايدين بعض لحد اااااااااخر يوم ف حياتنا :sml2:

[دمعه حائره]

ههههههه
انتى بتحكى حلو قوى على فكره بس شكله راجع طمعان فى الفيلا

عجبنى قوى الجزء ده

اقتباس لقيت واحد قاعد ف ال reception و كان قدامه حاجات ماما مقدماهاله شاي بقي و cake و الكلام ده

يسلمو ياقمر بالتوفيق ان شاء الله

[ساحر الأحزان]

قصة جميلة منك وتوضيحك بها جميل جدا

وهى طلعت بنت عاقلة جدا

وحبت تجمع بابا وماما

معاها

لان الاسرة لا تحلو

الا بتجمعها سويا

قصة رائعة

اتمنى لكى التوفيق

[ندوشه 2011]

ربنا يخللها باباها وماماتها ويعيشوا فى سعادة يا رب وما يتفرقوش عن بعض تانى ابدا اللهم امين

[Iѕlαм Ч 3αlαм]

قصة جميلة
وحلوة
مافيش احلى من الأسرة تتجمع
تقبلى مرورى
وربنا يوفقك ويوفقك اجلميع

[ايمان مصطفي]

واو قصة رائعه انا فكرتها حقيقيه وكلاماتك معبره فيها جدااااا
تسلم ايدك

[Lost Pearl]

اقتباس المشاركة الأصلية كتبت بواسطة دمعه حائره ههههههه انتى بتحكى حلو قوى على فكره بس شكله راجع طمعان فى الفيلا عجبنى قوى الجزء ده اقتباس لقيت واحد قاعد ف ال reception و كان قدامه حاجات ماما مقدماهاله شاي بقي و cake و الكلام ده يسلمو ياقمر بالتوفيق ان شاء الله

ههههههههههه
شكرا يا جميلة
و المهم انها عجبتكو بس
تسلمي يا قمر علي مرورك
نورتي )

[Lost Pearl]

اقتباس المشاركة الأصلية كتبت بواسطة ساحر الاحزان قصة جميلة منك وتوضيحك بها جميل جدا وهى طلعت بنت عاقلة جدا وحبت تجمع بابا وماما معاها لان الاسرة لا تحلو الا بتجمعها سويا قصة رائعة اتمنى لكى التوفيق

آمين
و اه اكيد
مافيش احلي مش لمة العيلة
مشكور يا امجد علي مرورك الجميل
منور

[Lost Pearl]

اقتباس ربنا يخللها باباها وماماتها ويعيشوا فى سعادة يا رب وما يتفرقوش عن بعض تانى ابدا اللهم امين

آمين يا ندي
تسلمي يا قمر علي مرورك الجميل

[Lost Pearl]

اقتباس المشاركة الأصلية كتبت بواسطة iѕlαм Ч 3αlαм قصة جميلة وحلوة مافيش احلى من الأسرة تتجمع تقبلى مرورى وربنا يوفقك ويوفقك الجميع

آمين
و تسلم علي مرورك الجميل
منور