مواقف وطرائف تعالوووووووا

[lorraa]

اولا شكرا يا بطوطه على الموضوع الجامد ده
وثانيا : فولدمور عاوز يجيب لنا الشلل بدرى ما تكمل انت مكسوف ولا ايه :blush-anim-cl::blush-anim-cl:
احكى واحنا كلنا اذان صاغيه :msn-wink:

[BatoOota]

ميرسى يا لوراا يا قمر على مرورك وعلى كلامك

ومش عارفة والله فولدمورت راح فين

شكلى هموت قبل مااعرف بقيت الحكاية

[فولدمورت]

نكمل القصة
انا قولت لأمين الشرطة ايه المطلوب يعنى


قالى تتمثل أمام رئيس نيابة قنا صباح غدا

قولتله ليه
قالى موضوع أمنى خطير

قولتله و مصر عرفت مقاسى منين يا فندم؟؟؟؟؟

هههههههههههههههههههههههه

المهم رجعت الشقة و الكل يسأل
ماذا حدث لفولدمورت
ماذا فعل فولدمورت
أى مظاهرات يتحدثون عنها
غير طبعا اللقاءات الصحفية و التصريحات النارية
و برنامج اختراق عمل لقاء و تغطية من قناة الجزيرة
و الواحد بقى مش عارف يمشى فى الشارع من كتر الفلاشات
بتاعت الصحفيين الفضوليين

المهم عودة الى الواقع
اتفقت مع اصدقائى نروح كلنا النيابة و نلبس أكتر لبس يدل على إننا مش اخوان

و اخدنا اربع تاكسيات حمولة اربعة راكب
كل تاكسى بياخد تلاتة جنيه

و روحنا عند رئيس نيابة قنا محمد بيه وصفى

المشهد

اربع تاكسيات ينزل منها 16 شخص لابسين نضارات سودا
كأن وزير الخاجرية هيستجوبوه جوة

بينى و بينكم قولت بينى و بين نفسى ياريتنى جيت بالبدلة
يمكن يقولولى اتفضل معاليك

و اول ما دخلت لقيت فراش كدة اول ما شوفته قولتله انا مش هتكلم غير فى وجود المحامى بتاعى
قالى و انا مالى يا بيه انا راجا غلبان
قولتله ولما انت مش رئيس النيابة واقف بتحكى ليه؟

و طلعت لأخر دور عند محمد بيه صفى

و الاصدقاء ذوى النضارات منعوهم من الدخول و عملوا تفتيش اسلحة كأننا داخلين ترسانة نووية

و استنيت برة عند السكرتيرة
اللى كانت احلى ما فى المشكلة
قالت ايه دة ه حضرتك يوسف نور الدين؟

قولتلها ايوة و مش بوقع اتوجرافات عشان تريحى دماغك
قالت لى لا انا بسال لأن رئيس النيابة مستحلفلك

المهم بقى عدت ساعتين
و انا مستنى

لغاية ما دخلت عند محمد بيه وصفى
و لقيت المفاجأة .............

[A7meD]

وبعدين معاك يا راجل

متكمل الحكاية ..

بتشوق فينا كتير قوي

[BatoOota]

امممممممممممممممممممم ماشى معاااااااااك

[فولدمورت]

يعنى اكمل|؟؟؟؟

[صافي]

هههههههههههههههه لا بجد قصة حلوة بس فيها شوية تلفيق ماشي يافولدمورت متكمل بقي

[maiyosh]

كمل عايزه اعرف اللى حصل

[BatoOota]

ادينا مستنيين

[فولدمورت]

لقيت المفاجأة

شخص ملتحى فى العشرينيات لابس لبس ارهاب و ف ايده كلبشات
و بيقوله اهو أخيرا وصل

بينى و بينكم انا قلبى وقع فى رجليا من المشهد و صرامة املوقف
قولت السلام عليكم بثقة مصطنعة و قعدت وجها لوجه مع الشخص دة
قدام المكتب

قام محمد بيه قالى انت بقى مسيو يوسف

قولتله هو بعينه

قالى اسمك و سنك و عنوانك
قولتله يوسف نور الدين
قاما لراجل ابو كلبشات قال بصوت عالى لا اله ا لا الله
بطريقة تخلع القلوب
قولتله فى ايه يا أستاذ
قالى لا اله الا الله
قولتله محمد رسول الله
رئيس النيابة قالى خليك معايا هنا

عمرك كام قولتله 21 سنة
قام الراجل تانى قال لا اله الا الله بصوت عالى غريب
قامأمين شرطة اقف اداله حتة قفا
ربنا ما يوريكم
صوته وصل لغاية الكلية عندى

قالى عنوانك قولتله مش هقول غير لما الاستاذ دة يمشى
قالى انا عارفه انت ساكن فى كذا كذا كذا
قولتله تمام كدة

قالى سين
قولتله جيم
قالى يابنى متستظرفش و اسمع السؤال

ايه علاقتك بالإخوان المسلمين
قولتله أشد أعدائى انا حزب وطنى يا باشا
قالى طلععت فى مظاهرة ف يوم كذا و انت شايل شعار الاخوان

قولتله يا باشا انا عمرى ما دخلت مظاهرة الا مرة واحدة و كانت فى جامعة تانية خالص و
مش للإخوان بالعكس كان رئيس الجامعة مشترك فيها

قالى انت بتصلى
قولتله اللهم صلى عليك يا نبى
قالى دقنك مش طويلة ليه
قولتله إسألها
قالى لو سمحت بطل خفة الدم دى عشان متخذش قرار تعسفى معاك
و اخيرا ن التليفون بتاع المكتب

تليفون كنت مستنيه من زمان