ذكرياتكم الجميلة مع الخروف الغالى

[ساحر الأحزان]

طبعا هذه بمناسبة عيد الحج أعادة الله علينا وعلى جميع امة محمد بالخير والايمان

وطبعا كل واحد فينا لة حكايات مع خروف العيد وذكريات من زمان

ودلوقتى لان دى مناسبة سنوية وبتكررعلينا كلنا وبنعيش معاها

احلى اللحظات الى بتجمعنا مع اهلنا وحبايبنا سوء لحظات

روحانية او عائلية جميلة



طبعا اخوتى شفنا التوبيك من الاول وحبينا من كل الاخوة انها تشاركنا

وتحكى لينا عن ذكرياتها مع خروف العيد؟

واية اطرف موقف حصل ليكوا مع الخروف؟

وهل بتخاف من الخروف ولا بتعتبرة زى صاحبك؟

اية موقفك يوم ما يجى ميعاد اخذ الخروف الى لحظة النهاية بتزعل

ولا بتفرح ولا عادى عندك؟

اية الاكلة المفضلة ليكم من الفقيد الخروف الغالى؟

^
^
^
^
^
^
^
^
^

انتظر تعليقاتكم الجميلة وذكرياتكم مع تلك المناسبة السعيدة


تحياتى لكم وكل عام وانتم بالف خير

[عاشقة الهدوء]

موضوع مميز منك ياأمجد كل سنه وانته طيب ومتهنى

يارب وربنا يعودوا علينا جميعا بخير وسعاده

وحكااااية الخروف لا أنا ممكن أحكيللك

بئه على مغامراتى مع الفراااخ مع البط ههههههه

امااال الخروف محصلتش خااالص معااايه

ولما بتحصل بيجى جاااهز وباكل منوا علطول

وتسلم كتير يا أمجد على صورك وتعليقاتك

الجميله ربنا يحفظك ويعزك

[~♥ Queen sozan♥~]

اة ايام انا حصل مواقف هههههههههههههههه

بس مش خروف بقة حاجة اخبر عشان الصدمة تبقة اعظمـ

والله فكرتنى
بس لى هيضحك هموتو

من زمان وانا فى 5 ابتدائى طبعا الجموسة بتيجى تبات برة البيت لى غلبها
اة وربنا بيبقة يوم غلب هههههههههههه

المهم نا واحمد ابن عمى السوسة الواد دة اكبر من با 6 اشهر بس
دايما احنا الاتنين فى اى موصيبة مع بعض هع

المهم قالى عالى نلعب بيها ...وانا اول اخاف يقولى لع يا بت
دى مربوطة ولا تقدر تيجى جنبنا
المهم ناخد الاكل ونروح عنها تعمل صوت غبى اجرى انا
وهو ينادى اروح تانى المهم غلسنا عليها غلسة يا خراشى
حمناة با الماية وبعدين قعدنا نزغزغها با العصاية ههههههههه
بجد مسبنهاش لا بعد ما بابا وعمى جوة زعقولنا وطلعنا نام

الصبح بقة سعت الدبح انا قعدة اتفرج على
الراجل شكلو يخوف كدة والجلبية مليانا دمــ

المهم الجموسة يوقعوها متوقعش ..لا تقوم تانى
فضلو على الحال دة شوية
الراجل قال لى بابا تعالى احنا هنوقعها وتقعد على بطنها عشان متعرفش تقف
هههههههههه راح قايل ماشى
راح معرفش يقعد راح الراجل شايف احمد ابن عمى
قال هاتو الواد ة يقعد المهم طلع خفيف يجيبو مين بقة
التونز بتاعو انا طبعا
المهم انا الواد منشكحين من الفرحة هنقعدعلى الجموسة هييييييية بقة
ونغيص فى العيال الباقية ههههههههه

المهم وقعوها وبترفص راحو وقعدنا فوقيها
وعمى جى با السكنة وبيدبح الجموسة نطرتنا من فوقيها لى فوووووووووووووووووووووووووووووووووووووووووووق

ننزل فوقيها ترفعنا لى فوووووووووووق تانى وهى مدبوحة
ههههههههههههههههههههههه
وعنيكم متشوف لا النور صوات وعياط بقة مننا
ومش عرفين يمسكو ين العيال لى بتترمى دى
ولا الجموسة لى بتخلص ههههههههههههههههه
وضحو بينا وربنا ومسكو الجموسة الاول

وبعدين قمنابقة انا والواد هو راصو انبطحت
وانا دراعى من الواقعة علية اتنفخ وكان عيد
فلة والله

من يوميها وانا لا ينكن احضر اى دبح خالص

حرمت بقة ... العيد بنسبالى ان اكل الرقاق وروح اتفسح
انما اتفرج على الدبح وبتاع لع خلاص حرمت .

:::::::

موضوع حلو يا امجد والله فكرتنى با ايام الطفولة

ومنتظرين حكايتك انت مع العيد والخروف انت هتهرب من المواقف بتاعتك !!

[عاشقة الهدوء]

ههههههههههه والله انتى عسل ياهمس

موتينى من الضحك فى حد يروح يقعد على الجاموسه

وهيه بتندبح واووأخدتى ايه غير وجع دراعك

والعيد طلع عليكى فله ياله عقبااال

ما نضحى بيكى ياحببتى فى العيد الى جاااى

خلينا نخلص بئه هههههههه ربنا يسعدك ياقمر

[~♥ Queen sozan♥~]

ههههههههههههههه اة والله يا بنتى عمرى منسى اليوم دة
بس اية تضحو بية دى هههه
اخص اخص

ماشى حسابنا بعدين يا بوت

[واد حبيب]

موضوع جميل منك يا ساحر

بس عوز اعرف الخروف في الموضوع ده بكام

ليه عوده تاني ان شاء الله

الحبيب

[DR.SMA]

جميل التوبيك يا امجد
هيضحكنا على المواقف الحلوة دي
انا هتابع طبعا
بس انا اصلا بخاف جداااااااااااااااااااا
مستحيل احضر اي دبح
زمان وانا صغيره كنت بتفرج وكان قلبي جامد اوي
بس متعرفش حصلي ايه بقى
انا ممكن ابص عليها من البالكونه وهي جايه
يعني حلوة كده مش مدبوحه
اما ساعت الدبح بقى ولما يطلعوها حتت كده متقطعه
طبعا استحاله تلاقي سما موجوده
تلاقيها في اوضتها وقافله على نفسها
واحتمال تلاقيها بتعيط )
ومعدتها مقلوبه ومقروفه من الريحه بقى وحاجه كده زي الفل
بجد مش بحب العيد ده عشان كده
كمان منظر الدم وريحته فكل الشوارع بتبقى حاجه متعبه اوي
يلا ربنا يعيني على اليومين دول
شكرا امجد
ومستنيه مواقف الاعضاء الحلوين دول
منوره يا سوووووووزي )
بجد موقف زي العسل

[ساحر الأحزان]

اقتباس المشاركة الأصلية كتبت بواسطة عاشقة الهدوء موضوع مميز منك ياأمجد كل سنه وانته طيب ومتهنى يارب وربنا يعودوا علينا جميعا بخير وسعاده وحكااااية الخروف لا أنا ممكن أحكيللك بئه على مغامراتى مع الفراااخ مع البط ههههههه امااال الخروف محصلتش خااالص معااايه ولما بتحصل بيجى جاااهز وباكل منوا علطول وتسلم كتير يا أمجد على صورك وتعليقاتك الجميله ربنا يحفظك ويعزك

اشكر لكى جميل مرورك القيم

وكنا نحب نسمع عن مغامراتك الجميلة معاة

مرورك اسعدنى

كل عام وانتى بخير

[جـــــراح المشــاعر]

اهلا بيك استازنا
والله الحمد لله بعدت عن الموضوع دة
كنت باروح اشتري
ولزم اصحي بدري عشان الدبح
لكن دلوقتي ها ها ها
ولا حد يقدر يصحيني اصلا اقتلة
والله ايام ليها ذكريات طيبة
قول لزمان ارجع يا زمان

[رنين]

ههههههههههههههههههههه والله يا همس زى العسل
بجد موتينى من الضحك
وتقولك الجاموسه تاخدنا لفووووووووووووووووق
راكبين مرجيحه يا بنتى
الله يرحم المرحومه ال اتعذبت دى ههههههههههههه
والف هنا على قلبكم بقى

بصراحه انا عمرى ما شوفت الدبح خالص
باكل اللحمه ع الجاهز كدا

وفعلا منظر الدم فى الشوراع بتكون حاجه متعبه زى ما سما قالت
بس سنة بقى منقدرش نتكلم

فكره جميله يا ا/امجد
ربنا يعود علينا الايام بخير يارب

ومتابعه معاكم طبعا