ازاي ترفع ضغط المشرفين

[ايمان مصطفي]

جبتلكم 10 وصايه لــرفع ضغــط دم المشرفيــن من المنتــدى ولو محدش شافنى تانى متقلقوش

1)ادخل اي منتدى واكتب اي موضوع مالوش دخل بالمنتدى يعنى الموضوع في وادى والمنتدى في وادى

مثال اكتب موضوع رياضى في منتدى اسلامى

ويفضل لوتكتب عليه ((ارجو التثبيت)) يكون له طعم احسن واحلى

2)خدلك موضوع نازل جديد في اى منتدى..انسخه واكتبه بإسمك مره تانيه فى نفس المنتدى

يفضل تكتب عليه ((فكره جديده))

هنا المشرف هيدوخ ومش هيعرف فين المكرر علشان يحذفه

3)متشاركش في اى منتدى ومتردش على حد وبعدين اطلب من الاداره انها تحطك عضو فعال وكل يوم ارسل تظلم اذا محدش عبرك

صدقني لو مقالولكش غور من هنا اضمن لك يرقوك الى عضو يحمل وسام

4)اكتب موضوع في منتدى الشكاوى والاقتراحات واكتب عليه
((كارثة يا شباب)) طبعاً هيجيلك المشرف طاير

واكتب فى الموضوع (واحد صفر) وجنبها واحد بيضحك

5)شكك في اى موضوع يطرح في المنتدى (( فى كل موضوع اكتب شفته فى منتدى تانى ))

((خلى العالم تفهم انه مسروووق))

6)ادخل فى موضوع مثبت واكتب عليه للرفع

7)حاول ترد على المواضيع القديمه اللى لما تفتحها تطلع تراب

والجديده خليها تنزل (( ثق تماما انك هتقلب القسم على المشرف فوق تحت ))

8)شوف لك مشرف او مشرفه تلزق فيه كل يوم إرسل له رسائل خاصه
تقوله عايز رايك فى الموضوع الفلانى حاسس انه مش حلو احذفه الله يخليك
ولا الموضوع كذا ثبته الله يخليك :smile:

(( هنا المشرف باذن الله هيكره اليوم الي خلوه فيه مشرف ))

9)دقق فى املاءات المشرفين ورد عليهم لتصحيح الاملاء فقط واوعى تجيب سيرة الموضوع

والنصيحه الذهبية بقي لما يوصل مستوى تهورك الى الغلياان فما عليك سوى

10)عند تعيين اى مشرف جديد ابدا بالحكى عن الواسطه وانه ميستاهلش ولمح للاداره انه كلها وسايط :smile:

وبالشفا إن شاء الله وبخلى مسؤوليتى من دلوقتى عن اللى يحصل للى يسمع كلامى

بكره احلي مع الجداد