احنا الصعايده

[بحار فى بحر الحب]

لماا لقيت موضوع النكت زاد عن حده اوى عن الصعااااايده




صعيدى وافتخر

الصعيدى هو الشهم الغيور

وانا صعيدى واقول انا مصرى صعيدى وافتخر

الصعايدة هاتلاقيهم ف وقت الشدة وهاتلاقيهم جنبك ف الشتا والحر

الصعايدة هاتلاقيهم فى اسوان وفى قنا وفى الاقصر

وهاتلاقى جدعنة الصعايدة ف سوهاج والمنيا واسيوط لغاية مصر

هاتلاقى منهم ايه يعنى الكرامة والشهامة اللى مش هاتلاقيها فى ذاك العصر

قامت الثورة وفيها ناس اهانت الصعايدة وقالو كلام كتير

وقالو بعض الجمل الغريبة ومن اهمها ان الصعايدة ليسو من اهل مصر

بس انا هارد واقول لو دورت على الاصل هاتلاقى االصعايدة هما اصول مصر



واللى قال كدا مايعرفش يعنى ايه صعيدى ويعنى ايه هما غيورين على بلدهم مصر

هما كانو ف التحرير وكانو اول ناس بس محدش قال صعيدى صعيدى بل قالو مصر مصر

اننى ارى فى بعض المواضيع نكت للصعايدة ويظنون انه حلو ولكنها مر

الا تعلم اخى ان اذا ذكر الكرم فقد ذكر الصعيدى الشهم المخلص الغيور

الصعيدى فى سوهاج وفى اسيوط وفى التحرير هتف باسم مصر



وقال ارحل ارحل قبل الصعايدا ما ياجو بخفة دم زى السكر

والصعايدة رجالة هاتلاقيهم بيحمو مصر


ولو رحت للقوات المسلحة وسألت وقولت أين رجالة الصعيد يا مشير

هايرد عليك ويقولك اغلب رجالة الجيش هما الصعايدة الاحرار



وهايقلك كمان انا رجل مصر الاول وصعيدى وطبعا افتخر

وانا هاقولك نبذة صغيرة عن علماء الصعيد اللى ف مصر


منهم العالم الجليل رحمه الله محمد سيد طنطاوى شيخ الازهر



ومن علماء الصعيد ايضا رفاعة الطهطاوى وكمان تعرفون انه من علماء التنوير



وكذالك من اعلام مصر والصعيد الشيخ عبدالباسط عبد الصمد رحمه الله ابن الصعيد وابن مصر




وكذالك الشيخ الجليل محمود صديق المنشاوى ابن الصعيد ومصر

وايضا من اعلام مصر الصعيدى الامام الجليل على جمعه مفتى الديار

ولو ذهبت الى بطن الصعيد اسيوط هاتلاقى علم من اعلام السنة فى مصر




عبد الرحمن بن الكمال أبي بكر وهو الشيخ الشهير جلال الدين السيوطى وهو علم من اعلام مصر





وكذلك من اعلام مصر والصعيد عبدالرحمن الابنودى الشاعر

وايضا من اعلام مصر والصعيد الاعلامى الكبير فهمى عمر




والسيد المستشار وزير العدل سابقا فاورق سيف النصر




والرئيس الصعيدى الراحل جمال عبدالناصــــــــــــــــــــــــــــــــر

وانا لا اريد ان انسى احدا لم اذكره من بين هؤلاء الاعلام الاخيار

لكننى اردت ان اعطى نبذة صغيرة عن اعلام صعيد مصر

واننى ارى اناس كثيرة تهاب من الصعايدة لان لديهم مسألة الثأر


اريد ان اقول ان الثأر شىء حزين والذى لديه ثأر فلم يذق طعم الحلو ولكنه يذق طعم المر

وسيظل الصعيد يعطى لمصر الكثير والكثير من الشخصيات التى رفعت اسم مصر

نبدأ بقصة بداية النكت علي الصعايدة

في دراسة اجتماعية نفسية أن أساس شهرة النكت علي الصعايدة بدأت منذ الخمسينات بعد ثورة يوليو لأن قائد الثورة جمال عبد الناصر صعيدي ومن باب الحسد والمعارضة والتنفيس عن الكبت اشتهرت النكت علي الصعايدة كنوع من المعارضة التي تحمل بين طياتها الجبن من مواجهة شخصية عبد الناصر فقد كان ذو هيبة وكان الوزراء وكل من يحضر اجتماعاته يجلس علي أطراف أصابعة .

تعالوا نشوف أخلاق الصعيد خفة ظلهم وحلاوة دمهم

الصعايده لسه فيهم خير كبيييييييير اوى مثل الطيبة والكرم والنخوه والذوق عارفه لما تروحى لبيت صعيدي تشعرى انك صاحبة البيت وهما الضيف من كتر ما بيحبو كل الناس حتى لو ميعرفهمش, ولو الصعيدي محلتوش حاجه هيستلف عشان يضايفك ويكرمك لأنه شخص معطاء وكريم جداً.
من أجل خفة ظلهم وحلاوة دمهم وأصلهم الطيب المعروف ولذلك من عاشرهم تجد أن الصعيدى يعرف اسمه واسم جدوده العشرة وحتى الخامسة عشر ولذلك يكون رجل صاحب أصل وفصل وتثق فى كلمته ولكن للأسف بعض الناس لا يعرف حتى اسم جده الثانى .



الصعايده مش بس جلابيات

لأن الإعلام الردىء الذى يريد ضرب قيم الرجولة والشهامة المتمثلة في الصعيدي والسينما التى شوهت صورتهم .
الصعايده مش بس اللى لابسين جلابيات ، لالالا الصعايده دكاتره ومهندسين وكل التخصصات.
الصعايدة يتميزون ببعض السمات التى اصبحت نادرة في هذا الزمان فنجد انهم يتميزون بالشهامة والطيبة والكرم فهذه ميزة عن غيرهم .
ويتعاملون بفطرتهم وعلى طبيعتهم بعيداً عن الخبث لأن البيئة لها تأثيرعلى السلوك كما يؤكد ذلك علماء النفس ولكن هم مثل غيرهم فيهم الصالح وفيهم الطالح .




تعالوا نشوف عظماء خرجوا من الصعيد
كثيراً من العظماء خرجوا من رحم الصعيد فى جميع المجالات ولهم دوراً با رزا فى التنمية على مرالزمان فهم عظماء بكل ما تحملة الكلمة من معانى على المستوى السياسى والادبى والعلمى والدينى والاجتماعى والفنى والرياضى .

على سبيل المثال :
رجال الدين الاسلامي
شيخ الأزهر فضيلة الشيخ / أحمد الطيب ،وشيخ الأزهر السابق الشيخ /محمد مصطفى المراغى وشيخ الأزهر السابق الشيخ /محمد سيد طنطاوى، والقارىء الشيخ / محمد صديق المنشاوى والشيخ /عبد الباسط عبد الصمد والامام الجليل / جلال الدين الاسيوطى وفضيلة الشيخ / سيد قطب والشيخ أحمد حسن الباقوري وغيرهم .

رجال الدين المسيحي
البابا شنودة الثالث وكثيراً من رجال الدين المسيحي .

الأدباء و العلماء و الشعراء و الفنانين
عباس العقاد وطه حسين والمنفلوطى ورفاعه الطهطاوى ومحمود زكى عبد القادر والشاعرعباس الاسوانى والشاعرعبدالرحمن الابنودى والاستاذة الدكتورة/حكمت أبو زيد اول وزيرة عربية والعالم الكبير/على مهران خبير البيئة اول عربى يحصل على جائزة الابداع البيئى .
والشاعر حافظ ابراهيم والشاعرمحمود حسن اسماعيل والفنان بليغ حمدى وجورج سيدهم والمخرج عاطف الطيب
والصحفى سعيد سنبل والفنان سميرغانم واحمد راتب ومحمد رياض والفنانة سميرة احمد والمنشد الدينى الشيخ ياسين التهامى وغيرهم .

رجال السياسة
الرئيس الراحل جمال عبد الناصر والزعيم سعد زغلول والمستشار/ فاروق سيف النصر، ووزيرالداخلية الحالي منصور العيسوي وغيرهم .
الرياضة
الكابتن / طاهرابو زيد و هادى خشبة والكابتن / أحمد حسن ومحمد عبد الوهاب وشيكابالا ..... وغيرهم .






تعالوا نشوف رأى الدين فى النكت

كل الشعوب والامم خلقها الله للتعارف والتعاون ولا فرق بين الشعوب الا بالتقوى ولذلك يجب علينا ان نتعامل مع كل فئات المجتمع بانهم متساوون بالحقوق الانسانية .

يقول الله تعالى :
( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَالِموُن ).
[ الحجرات : 11 ]

سبحان الله العظيم ... الذي يرى حالنا لايكاد يُصدق أن هذه آية في قرآننا نزلت علينا بكل ما تحمل من تحذير ونهي شديد عن هذه السلوكيات الذميمة ونحن نتلوها فلا نتأملها .

لايكاد يُصدق وهو يرى ما نحن فيه من مخالفة لهذا النهي الإلهي فالبعض يسخر من بعض ، وكل أهل بلد يرون أنهم الأفضل ومن هنا تنشأ السخرية والتعالي وكثيراً ما نسمع كلمات الهمز واللمز والنكت والتعليقات الجارحة ، فجماعة يسخرون من جماعة أخرى ويطلقون عليهم النكات والتعليقات التي يتهمونهم فيها بالغباء ، وآخرون يعتبرون أنفسهم أفضل غيرهم لأنهم أغنى منهم وغيرذلك من الأسباب التي تولد الكره والبغض والحقد التي تزيد الفرقه وتشق الصف وتورث البغضاء بيننا .

السنة النبوية
حديث إن الرجل ليتكلم بالكلمة لا يلقي لها بالا :
عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اَللَّهِ صلى الله عليه وسلم يَقُولُ:
( إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِأَبَعْدَ مَا بَيْنَ اَلْمَشْرِقِ وَالْمَغْرِبِ ).

هذا الحديث يدل على عظم خطر اللسان ويجب على الإنسان أن يكف لسانه، ويحذرمن المجازفة في الكلام ، فاللسان خطره عظيم، وكذلك نفعه كبير، فهو أداة للخير والشر،ولكن كثيرا ما يجني الناس على أنفسهم بألسنتهم .

ويقول العلماء :
التفكُّهُ بالكلام والتنكيتُ إذا كان بحقٍّ وصِدق؛ فلا بأسَ به ، ولا سيما مع عدم الإكثار مِن ذلك .
وقد كان النبيُّ - صلى الله عليه وسلم - يمزحُ ولا يقولُ إلا حقـًّا - صلى الله عليه وسلم .

أما ما كان بالكذبِ؛ فلا يجوزُ؛ لِقولِ النبيِّ - صلى الله عليه وسلم -:

" ويـْلٌ للذي يحدِّثُ فيَكذبُ؛ لِيُضْحِكَ به القومَ، ويـلٌ له، ثم ويـلٌ له " .
[أخرجه أبو داود والترمذي].




وفي النهاية عرفنا أن
صعيد مصر قوه لا يستهان بها فكريا وعلميا وعمليا والتاريخ يشهد على ذلك وفى جميع الأحوال سيظل
الصعيد منبع الخير والحمايه لمصر

وانا صعيدى وافتخر

وأسف لطول الموضوع

[ĶǎnDO̳̿uChǎ ツ]

و ربنـــــــا ان الصاعيده على راااااسي من فوووووووق

و الي يجيب سيرتهم بقى بـ حاجه مش كويسه .. يبقى هو محتاج علاج نفسي
كككككك

و الله يـ حسن

موضوع جميييييل اوي بجد

و الصعيدي فعلا يفتخر

عشان فيهم رجوله بجد

و فـ النهايه هترجع تقول >> انا مصري <<

صعيدي بقى مش صعيدي ,, ارضك واحده

و الي يهين اي شبر فـ مصر كأنه بيهني

ناس كتير بتتكلم من غير ما تفهم

و بتنزل مواضيع من غير ما تفكر

ايه فكره الموضوع دا او ايه هي وجهه نظره

لانه لو فكر ,, هيلاقي انه موضوع تاااااافهـ

و قبل ما يتكلم عن حد يشوف نفسه

بحييييك يـ حسن و بحي كل صعيدي

و عايزه اقولك اني بحترمكم جدا

ميغسي عـ الموضوع يـ كابير

^_^

[the moon]

فوق راسي
اجدع ناس
وانا اصلا ابويا صعيدي من اصل صعيدي
بس موضوع النكت دي حاجه ممكن يكون الناس اتعودت عليها
وديما بتلزق اي حاجه للصعيده
مع انهم زي ما انت قولت كده واكتر كمان
ربجد حقيقي علي رأسي
بقولك اهلي كلهم صعايده

[سَـلمَى]

أجدع وأكرم وأحسن وأحلى نآآآآس الصعآيدهـ
يآآآبوي كفايهـ بس خفهـ دمهم ووقفتهم في الشدهـ
ونشطهم وغيرتهم عل بلادهم وأهم حآجة إنهم مصريين
وال قال إنهم مش مصريين دهـ عندهـ نقص في العقل
لأن الصعآيدة أصل مصر كلهآ
والله إني بحبهم وبحب كلمهم الزيي السكر وكرمهم وطيبتهم
الله يخليكم يآ خوآآنآ
والله إنتم الأصالة كلهآ
ألف تحيهـ للصعآآآيدهـ
إنتو فوق فوق رأسنآ يآ كمآحهـ
وتشكر يآرحآل عل الموضوع ^^

[Mind language]

سبحان الله عمرك اطول من عمرى فعلا
الموضوع زاد عن حدوا حتى انا قريب دخلت رديت
على حد كاتب نكت عن الصعايده وقولتله احذر اغلبيتنا
هنا صعايده ههههه بجد موضوع تحفه تسلم ايدك هو دا
فعلا اصلنا بس للاسف احنا ناس بنتعامل بالفطرة علشان
كدا بيتريقوا ميعرفش انى الطيبه دى طبع فينا مش غباء
وسذاجه ذايدا لو هما بيحسبوا الطيبه هبل وغباء فالصعيدى
عمره مكان كدا لو عايز تعرفنا حقيقى اتعامل
معانا الاول مش تحكم علينا من فيلم او مسلسل
غبى كل اللى يهمه انه يضحك المشاهدين علية
وهنروح بعيد لية احنا هنا عدد لابأس به من الصعايده
عمركم شوفتونا عملنا موقف غباء او قولنا الالفاظ
المبالغه اللى بيتكلموا بيها فى المسلسلات
فعيب يعنى مش منظر انى كل وحده وواحد الصعايده
قالوا هو يعنى الصعيدى دا اسرائيلى ما هو اما بتعمله
بطاقه بيتكتبله فيها مصرى والله مش هولندى يعنى
دا من المفروض انك تمنع النكت دى لانه بيتريق على
جزء من بلدك وهو الصعيد وناسه فعيب يعنى والله انا
استحملت كتير من المواضيع اللى بتتكتب عن الصعايده
وفى كل مرة اقول معلش هياخدوا ضحكتهم ويسكتوا ارجع
ولاقى نكت تانى ابيخ عن اللى قبلها عيب عليكم احنا مش
اسرائيلين احنا مصريين برضوا وغصبا عن عين الكل
تسلم ايدك موضوع جميل وليا تعليق كمان على الاعضاء
الصعايده اللى هنا ياريت كل احد او وحده صعيدية متكتبش فى ملفها مصرى ويكتب صعيدى فى الاول وبعدين مصرى لانه دا الاصل .....

[رنين]

بحار هو انت مصرى ؟؟؟

بجد كنت بحسبك مش مصرى اصلا ^_^

طلعت مصرى وصعيدى كماااااااااااان

اجدع ناس
رجوله وشهامه بجد

بص انا والله لما حد يتريق على الصعايده او يقول عليهم نكت
ربنا يعلم انى بقول دول احسن ناس فى مصر وعقليتهم توزن بلد
انا كدا كدا مش بحب حد يتريق على اى انسان او يستهزء باى عقليه وخصوصا ولاد بلدى يعنى

وبعدين تعالى انت هات سيرة المجدعه ولا الرجوله ال على حق بنضرب المثل بالصعايده اكيد
واكيد كل ولاد مصر كدا

ربنا ما يجيب زعل ابدا والصعايده على راسنا من فووووووق

[الأميرة رودي]

والله ماحد يقدر يتكلم نص كلمه عن الصعايده
ناس فى منتهى الجدعنه ورجوله وشهامه متناهيه وكرم وأخلاق
كل حاجه حلوه والله ويبان جدعنه الصعيدي اوى لو قابلته فى مواصلات
تلاقيه راجل محترم وعمره مايفكر يعاكس بنت فى الشارع او يضايقها
زى مابيحصل من شباب كتير فى المدن
وبعدين ميييين قال ان الصعايده مش مصريين
دول هما الاصل
وموضوع النكت دى مجرد ابتداعات من الناس
لان معروف عن الصعايده فيه طبع العند والتسلط
وبالبلدي كده دماغهم ناشفه قولى بقى المعلومه دي صح ولا غلط
موضوعك جميل ومميز جدا بحار
تقبل مروروي

[Abdelbaset hetlar]

بجد موضوع تحفة وانا الي كنت فاكر نفسي الصعيدي الوحيدهنا وعالفكرة الموضوع دة زي موضوعي اشمعنا الصعايدة يافرفير بس الموضوع دة افضل بكتير ايوة احنا صعايدة ونفتخروالي مش عاجبة ينتحر

[بنت المختار]

والنعم والنعم والنعم
الصعايدة اهل الخير والبركة
بحب اطباعهم لإنها بتشبهنا وتقريبا ما بيختلفو كثير عنا احنا البدو
بشهامتهم ورجولتهم وكرمهم ومساعدتهم رائعين
بس بخصوص الثار...عن جد شي كثير مر..انا بعرف ايش يعني الثار..خصوصا انا بنمر فمرحلة الشتات بسبب الثأر في العيلة
بس عيب واحد مقابلة حسنات كثيرة
وزي ماحطيت بالنبذة ناس كثيرة عريقة وبارزة من اوصول صعايدة
والنعم بيهم كلهم من كبيرهم لصغيرهم
الله يعز مقامهم ويحميمهم كلهم
حلو انك تعتز بأصلكـ

[نبض النيل]

من أول الملك مينا موحد القطرين ( صعيدى ) لحد الزعيم عبد الناصر ...
وأحنا يا بوووى شيلين البلد دى شيل ....
بص ودور وشوف تلاجى الصعايدة فى كل شبر بيعمروا من اول اسكندرية لأسوان لجنوب سينا لمطروح
قول ع الصعيدى الشهم الجدع قول لأخر العمر
وما تسكت يوم وتقول من الجلبية مكسوف
دى تاج عز وشرف ع جبين الوادى من اول الجدود لحد ثورة الولد بــ 25بيناير ...
وكان فيه نشيد فلكلور كنا بنغنية وأحنا بالثانوى فى رحلات الجوالة بيقول ...
( أحنا الصعايدة واسعوا لنا السكة ...
اللى يعادينا نجطعه ميت حته ...
أحنا الصعايدة أكلين الضانى ...
البنت عفة والولد شرانى ...)
أخى قبطان الصعيد ...
تسلم يا ود عمى .
أخوك
هشام