الحلقة التانية من نصايح للشباب و معانا Ghost.Rider

[Lost Pearl]

السلام عليكم و رحمة الله و بركاته كل سنة و انتو طيبين و تبقوا صايمين يوم عرفة اكيد ان شاء الله :biggrin: منورين الحلقة التانية من ((نصايح للشباب)) خلينا مع النصايح بقي :biggrin: نبدأ بالديني 1-خليك عارف أن ف يوم الجمعة ساعة إجابة , فحاول انك تغتنمها بالصلاة والدعاء وسؤال الحاجات . 2- كتر من الصدقات , لإن < العبد في ظل صدقته يوم القيامة > 3- خلي بالك من الرياء في الصدقات , و خليك عارف أن صدقة السر تطفئ غضب الرب , ف اخفي صدقتك حتى <لا تعلم شمالك ما تنفق يمينك> 4-بما اننا النهاردة يوم عرفة فماتضيعش صيامك بالسب واللعن والفحش من الأقوال والأفعال , و لو حد تعدى عليك و لا شتمك ساعتها قول <اللهم اني صائم> 5-حاول تدرب نفسك على صيام النوافل زي : صيام الاثنين والخميس , و الثالث والرابع والخامس عشر من كل شهر عربي , وصيام يوم عرفة زي النهاردة كدة :biggrin: , لإنه بيكفر ذنوب سنتين , وصيام عاشوراء , فإنه يكفر ذنوب سنة كاملة , وصيام ستة أيام من شوال . مش لازم يبقي كله مرة واحدة بس مرة ف مرة هنتعود و اكيد هنبقي مبسوطين ف طاعة ربنا 6-الزم الاستغفار , يجعل الله لك من كل هم فرجا ، ومن كل ضيق مخرجا ، ويرزقك من حيث لا تحتسب . 7-حاول قد ما تقدر تأمر بالمعروف و تنهي عن المنكر , و تنصح كل مسلم , لإن الدال على الخير كفاعله . مع النصايح العادية بقي :biggrin: 8-اعد مع نفسك و لنفسك كل يوم و لو حتي وقت قصير لأن بجد هيفرق معاك اوي. 9-جدد حياتك.. ونوع أساليب معيشتك دايما , و غير من الروتين اللي بتعيشه.. 10-خد قراراتك الإيجابية بنفسك و حاول دايما تخليها ايجابية . بس لسة ماخلصناش اوعوا تبقوا فاكرين هتهربوا بسرعة كدة :762: كنت انا وعدتكو المرة اللي فاتت انه هيبقي في مفاجأة ان شاء الله و هي اننا هنستضيف كل مرة عضو شاب حلو كدة :biggrin: يدي باقي الشباب نصايح المرة دي معانا Ghost.Rider مشرف تمام التمام ف قسمه الله ينور عليه و يفضب شغله عالي علي طول ان شاء الله :biggrin: و اما نشوف بقي قال للشباب ايه 1- متحاولش تجرب طعم السجارة وتقول اشوفها لأنها بتبدء بتجربة وتقول اجربها وتلاقي نفسك تحبها ومع مرور الوقت تبقى مدمن تدخين وتيجي تقول ياريتني مادخنت ,, فاختصر الطريق من بدايته ومتحاولش تعرف السجارة حلوة ولا وحشة من بدايتها احسن . 2- متاخدش قرارك وانت منفعل لأنك ممكن تخسر كتير .. و متوعدش حد وانت فرحان لانك مش بتحس بنفسك ولما تفوق من الفرحة تلاقي نفسك مش قد الوعد . 3- حدد هدف معين لنـفسك وتخيل نفسك بعد 20 سنة هاتكون ازاي وابدء في فيه من دلـوقتي وحط هدف معين قدامك و متحاولش تخليه هدف لامحدود لانك مش هتوصل لحاجة طالما مفيش شىء معين في دماغك . 4- لمالناس تهاجمك او تجرحك في عيب فيك متندمش وتزعل عليه .. شوف حله ايه وحل مشكلتك عشان ترد ع كل اللى اتكلم عليك بطريقة وحشة . 5- متحكيش لحد من صحابك عن حبيبتك ولا تتكلم عنها ومتحاولش تفتخر بنفسك بيها قدام صحابك او تجيبهم يشوفوها عشان يقولو رأيهم فيها لأنك بكدة بتعرضها كسلعة رخيصة للي يسوي وميسواش وماتحافظ عليها . 6- متخليش اي حاجة تمنعك من الصلاه مهما كانت الظروف الا في اضيق الحدود . 7- لما ربنا يكرمك وتوصل لمكانة تليق بيك متنساش اللى ساعدك من بداية حياتك ووقف جمبك حتي ولو بمجهود بسيط ومتتكبرش ع حد لأن مفيش كبير غير ربنا . 8- اهتم بنظافتك الشخصية ومظهرك . 9- متنكسفش من اي عمل بتعمل فيه فطالما عملك حلال و راضي بيه ومبسوط فيه فهو احسن من 100 وظيفة مهمة انت مش حاببها ومش مبدع فيها . صح يا محمد بجد نصايحك جميلة اوي بجد و بكدة تبقي خلصت حلقتنا من نصايح للشباب و ان شاء الله تبقي عجبتكو استنوني الحلقة الجاية و نصايح جديدة و ضيف جديد ان شاء الله

[ماتركس]

اولا تسلم ايدك علي النصايح وعلي مجهودك يا لاست

وبجد حلقه متميز ومنور ضفنا الكبير اوي محمد

وبجد نصايحك عشره علي عشره ياريس

ومنتحرمش منك يارب

[احضان الحبايب]

اقتباس 5-متحكيش لحد من صحابك عن حبيبتك ولا تتكلم عنها ومتحاولش تفتخر بنفسك بيها قدام صحابك او تجيبهم يشوفوها عشان يقولو رأيهم فيها لأنك بكدة بتعرضها كسلعة رخيصة للي يسوي وميسواش وماتحافظ عليها .

ماشاء الله يا محمـد
بجــد عقلــك رائع
و النصيحــه دى جمــيله جداا
تسلــم يا محمـد

و الله ينــور يا لوجـين على المجهــود

[ملكة الهدوء]

نصائح جميلله اوى

وححلقه جميله

يسلموا على الرطرح المميز

وبتاظار حلقه ونصائح جديده

[M@HMOUD]

حلقه جامدهـ والنصايح حلوهـ اووووووووووووى
تسلم الايادى يا لوجى ويا محمد
عيد سعيد

[برنسس ملك]

حلقة حلوة اوووى ومميزة كمان
ومحمد منور الدنيا
شكرا على النصايح ياكبير

[YOo YA]

لا بس نصصائح جامدة جدا
تسلمي وفي انتظار جديدك








بنوته

[ساحر الأحزان]

نصائح جميلة جدا ومهمة لضيف مميز

ان شاء الله نستفاد منها

اختيار ومجهود قيم

تحياتى علية

[بنت المختار]

فكرة البرنامج حلوهـ،،وخلتني آفوت هنا
لوست شغالة صحوالنصايح مية ومية

اما ضيفنا فنصائح هامة ايضا منه
خصوصا بهدف فالحياة وانو الواحد ما لازم ياخذ قرار وهو منفعل
واهم شي لما توصل لشي ما تنسى الناس الي ساندوك وساعدوك

قول حكيم منكم الاثنين
ان شاء الله ناخذ بية ونستفيد شباب وشابات
يسلمووووووووووووووو

[MoNa LeZa]

برنامج رووعه واتضافه جميله
والنصائح ماشاء الله بصراحه
حلوة اووووى
تسلمى يا سكره ع الاستضافه الجميله
بالتوفيق
~~
~