وداعا يا احلي اخوات ... اشوف وشكم بخير ان شاء الله

[Engineer Semsem]

بسم الله الرحمن الرحيم

احلي اعضاء واحب اخوات
منتدانا الغالى
منتدى بنات مصر
....
تحياتي للجميع
بجد هتوحشوني اوي اوي اوي
....
انا غصب عني بسبب ظروف خاصه
مضطر اني اسيب المنتدى
القرار مكنش سهل طبعا
بس الظروف تحكم بكده
....

بتمني انكم تفتكروني ديما بكل خير
ومحدش يكون زعلان مني في حاجه
....
وان شاء الله ربنا يوفقكم كلكم
والمنتدى يبقي احسن منتدى علي مستوي العالم
....
وده هيكون بيكم انتم
لو حبينا بعض اكتر وقربنا من بعض اكتر
الحب بيخلي كل حاجه جميله وحلوه
....
رسالتي لكل اخواتي هنا
حبوا بعض وثقوا في بعض
ماتجرحوش بعض ولا تظنوا السوء في بعض
حاولوا تقربوا من بعض اكتر
حسوا ببعض اكتر
راعوا مشاعر بعض اكتر
عشان بجد تحسوا انكوا اخوات بجد

....
طبعا بشكر الاداره
وبرجوا الغاء الاشراف لاني مش هقدر اقوم بمهمتي
واكيد في غيري كتير يستاهل مكاني
وهيقدر يفيد بيه
....
وشكر خاص جدا جدا جدا
لاخواتي اللي زي العسل اللي بجد مش هنساهم ابدا
وبحبهم جدا جدا جدا
وهما اكيد عارفين نفسهم كويس
مش هقول اسامي
عشان اللي مقدرش بجد يحس اني بعزه وبقدره كاخ
عمر ما زكر اسمه هيثبت او يقول
اللي القلب ماعرفش يقوله
....
وفي النهايه اقول
وداع بلا لقاء

والسلام عليكم ورحمه الله وبركاته

[ღḾăĺăҜ ღ]

اية يا اسلام الكلام دة زعلتنى جدااااااااااا جدااااااااا لية هتسيب المنتدى
بجد انت خليتنى اعيط لية لية هتسيبة طيب يعنى انت خلاص موش هتتدخلة تانى خالص لية بس

[عاشقة ذكر الله]

يمكن متكلمتش مع حضرتك قبل كدة بس زعلت ان حضرتك
هتسيب المنتدى وكلنا هيبقى لنا يوم زى دا
ربنا يوفقك فى حياتك ويرجعك تانى بالف سلامة

[тoкα..♥]

بجد زعلت ي بشمهندس
يمكن متعآملنآش مع بعض غير نـآدر
بس فعلآ حضرتك شخص تستحق آلآحترآم وآلتقدير من آلجميع
مش هقول غير يآرب يكون سبب غيآبك خير
وآكيد آلذكرى آلطيبه مش بتروح
وآن شآء آلله نشوفك موجود وسطنـآ تـآني حتى لو بعد فترة
ودي ,,

[حياتي ذكريات]

اقتباس وفي النهايه اقول وداع بلا لقاء

ليه ودآع بلآ لقآء .. مين عآلم ممكن نشوفك اون مرة تآنية
او حتى يبقى تدخل بين كل فترة وفترة

ولعل المآنع خير يآ اسلآم
وان شآء الله نشوفك مرة تآنية
ربنآ معآك ويوفقك فـ حيآتك الخآصة
واكيد خسرنآ شخصية محترمة معآنآ

[A . y . a]

بجد خبر وحش يا اسلام

انت من الناس القديمة معانا وفعلا حد محترم عمرنا ما شوفنا منك حاجة وحشة

وماتقولش كده ان شاء الله ترجعلنا تاني واكيد مكانك هيكون محفوظ بيننا

امال مين هيجيبلي الافلام الاجنبي اللي عايزاه

ترجعلنا بالسلاامة ان شاء الله ..

[الحان الورد]

ربنا يوفقك في حيآتك
وان شآء الله نشوفك موجود تاني معانا
حتى لو بعد مدة ،،
بالتوفيق ليك
....

[simsim96]

انا ممكن مكنش اتعاملك معاك قبل كدة بس اكيد هنخسر شخصية محترمة
ربنا يوفقك يارب ولعل يكون المانع خير
وان شاء الله نشوفك منور المنتدى من تاني
دمت بحفظ الرحمن

[احلى عيوون]

لعل المانع خير اخي
والله بالرغم اني لااعرفك وماتكلمت معك
بس زعلت والله
ان شاء الله نلقاك على خير

[Lost Pearl]

اسلام بلاش
راجع نفسك تاني
و لو في حاجة مضايقاك تقدر تحلها مع الادارة
او لو في حد مضايقك تقدر تشوف معاه ايه الموضوع

بس خليك
و ان شاء الله نشوفك منور دايما )