ايام العيد ده يا لهوووى ماتتنسيش هحكيلكم بالتفصيل

[AHMED SEVEN]

بصوا بقى العيد ده عموما مش عارف كده مختلف عن باقى الاعياد من 10سنين كده فاتوا يعنى تحس الناس اللى ماكانتش بتصوم صامت فى العشرة الاوائل واللى ماكنش بيصلى صلى برده واللى ماكنش بيخرج من بيته خرج

اقولكم بقى انا عملت ايه فى العيد وايه اخبار الخروف معايا والعنزة اللى جابها جدي التانى

اها متستغربوش احنا فى العيلة عندنا ماشيين زى نظام رمسيس الاول والتانى وكده ز يزمان عادات وتقاليد بقي هههه

المهم اول يومفى العيد مخرجتش فى البيت قضيته فى الشقة وكنت فى غاية السعادة عيد وجه وكنت مقضيها اكل امى عملت صنيتين جلاش باللحمة المفرومة فرمت منها صنية لوحدي واووووووو كانت روعة وجه اخر الليل نزلت قبلت واحد صحبى من المقاطيع اللى اعرفهم وخرجنا شوية فى المنيل عند لارين كده اكيد كل مصر بتعرفه خصوصا الشباب
المهم كان فيه بنتين هناك زي الفل الحقيقة شكلهم طالعين متخرجين من كلية الاداب هههه حاجة كده وروحنا على الساعة 1 باليل الجو كان سقعة اوى

تانى يوم العيد مخبيش عليكم قصيته فى البيت برده حكم انا بعز البيت اوي فضلت فى البيت وامى كانت عاملة اسمها ايه دى فتوووووش ( فتة يعنى ) انا مش غاوى فته اصلا كلها عيش مبلول على شوية رز على صلصة تحس انك بطة بتاكول لاكن كلتها غصب عنى بقى جوعان يا جدعان وطبعا اللحمة كلت منها وجت وقت المغربية يعنى على السعاة 5 كده وخرجت انا ونفس صحبى اللى من المقاطيع وروحنا عند مين لايرين حبيب قلبى احنا عاملين تعاقد معاه لمدة سنتين هههه ( للى ميعرفش لارين ده بتاع ايس كريم بس مشهور شويتين ) وقضناها ورجعنا على الساعة 1 برده تقريبا والدنيا كانت تلج برده

ثالث يوم كان يوم مش اوى يعنى كان عندنا فرح لناس قريبى المهم رحت وطلما انا مش العريس ابقى متكتف وماليش مزاجك ههههه فضلت الف شوية فى الفرح وبتاع واتصورنا كام صورة ورجعت البيت كانت الساعة 12 وفت على واحد صحبى من المقاطيع بس غير الاولانى واحد غيره وسهرنا لحد الصبح عنده

رابع يوم ده بقى خرجت مع الموزة اللى مش عارف اوصفهالكم ازاى يعنى ملكة جمال شبرا حبيبة قلبي هههه خرجنا ورحنا سينما ونزلنا وسط البلد وقعدنا نرغى ونضحك كتير وبس وروحتها وانا روحت وبعدين سهرت عند صحبى لحد 3 باليل وروحت

وده تحليل تفصيلى للاربع ايام بتوع العيد وكانوا يومين عنب الصراحة انا مكانش ليا مزاج فى العيدده اوي بس كويس اننا خرجنا شوية ولو يومين .. سلاموووووووووووووووووووووو ز

[ღ Gի๐sτ ღ]

هههههههه
يعني انت عمال تخرج مع المقاطيع والبنت في اخر يوم

عيد عليك يا سيفن ويارب الايام الاعياد الجاية تكون احسن واحسن ان شاء الله

[Lady Rozitta]

اقتباس تحس انك بطة بتاكول

ههههههههههه

دى الفته جميلة خااالص d:
كـــل سنـــة و انت طيـــب

[DO3AA]

زى العيد عندى بالظبط
خرجت تالت يوم روحت لصحبتى
و اخدتها و رجعنا بيتنا
بذلت مجهود يعنى :d
لا و اول يوم كنت عيانه و بدل ما اعيد ع الناس
كانوا هما اللى بييجوا يطمنوا عليا
عيد عسل :d
عيد سعيد عليك يارب
و دايما يارب الايام كلها تبقى حلوة
بس ياترى الآيس كريم كان فانيليا ولا شوكولاته

[ماتركس]

ايواي اعم النااس اللي مقضيها معا المزز دي كككككككككككك

هفضحك انا

كل سنه وانتا طيب ياريس وعيد سعيد عليك وعلي جميع اسرتك يا كبير

ومنتحرمش منك ياريسنا

[دمعه حائره]

اقتباس عيش مبلول على شوية رز على صلصة تحس انك بطة بتاكول لاكن كلتها غصب عنى بقى جوعان

ههههههههههههههه
الواد ابنى بيقول كده على الفته
مش معقوله يا احمد ضحكتنى موت
بس كنت افتكرنا بآيس كريم من لارين
توبيك جميل جدا يسلمو اخى
وكل سنه وانت طيب وينعاد عليك بالخير
ان شاء الله

[الأميرة رودي]

كله سنه وانت طيب احمد ويارب العيد الجاى تقضيه أحسن من العيد ده كمان

مع المقاطيع اصحابك اللى اخدتهم وخرجت ههههه

وبعدين مالهم بتوع آداب بتتريق عليهم ليه بقى ؟؟؟

يارب دااايما مبسوط

[♥..pure]

عيد فل عليكـ يا سفن
دايما يارب مبسوط بالعيد كدا ومع الناس اللي بتخرج معاهم ههههههههه
كل سنه وانت طيب يا معلم //

[Silver Flower]

هههههههههههههههههههههههههه
حلوا العيد معاك هع
انا كله ما شاء الله في البيت وتاني يوم قضيته في المشفى
انا ما بحسدك بس بقر :biggrin:
كل سنه وانتا طيب

[ساحرة الليل]

يابختك انا ياحصرة خرجت 3يوم بس والباكى مرزوعة فى البيت ملحوظة الفتة بيتحط عليها شوربة وخل موش صلصة